Vetëm +6 pikë është Vllaznia nga Erzeni i vendit të dytë dhe shkodranët nuk do të kenë “autostradën” e dy fazave të para. Në javën e 19-të luan me Korabin në transfertë, e duke qenë se Erzeni do të luajë në Lezhë ndaj Besëlidhjes, shpresat e shkodranëve janë për të mbajtur kreun me këtë diferencë, e pse jo edhe ta thellojnë. Në Play-out për këtë grup luajnë skuadrat që do t’i shkëputen edhe më shumë Vorës të vendit të fundit. Të katërta luajnë të shmangin vendin e parafundit.

Në Grupin B, Bylis e Besa luajnë në transfertë dhe me ndeshjet e tyre për javën e 18-të nuk pritet ndonjë ndryshim në renditje. Gjithsesi, Egnatia ka në dorë tri pikët për Besën, për të mos e rritur diferencën me Bylisin kryesues. Në Play-out interesant është çifti Apolonia-Tomori, pasi në javën e 16-të në Berat, mes tyre pati shumë problematika që u shoqëruan me ndëshkimin e beratasve në dënime e heqje pikësh. Nëse Elbasani fiton me Pogradecin, shtohen ethet e për vendin e parafundit tek ekipet e tjera.

AGRON KAJA

KATEGORIA E PARË – Java 19

GRUPI A
PLAY-OFF
Të shtunën, 2 mars 2019
Korabi-Vllaznia            14:00
Besëlidhja-Erzeni        14:00
Dinamo pushim
PLAY-OUT
Të shtunën, 2 mars 2019
Iliria-Veleçiku              14:00
Burreli-Shënkolli         14:00
Vora pushim

GRUPI B
PLAY-OFF
Të shtunën, 2 mars 2019
Lushnja-Bylis               14:00
Egnatia-Besa               14:00
Oriku pushim
PLAY-OUT
Të shtunën, 2 mars 2019
Elbasani-Pogradeci     14:00
Apolonia-Tomori         14:00
Turbina pushim

Të shtunën më 26 janar 2019, Kukësi do të luajë ndaj Laçit, një ndeshje e planifikuar të luhet në stadiumin e Kamzës. Kuksianët janë në ndjekje të Partizanit për kreun e renditjes, ndërsa Laçi me Besnik Prengën në pankinë do të tregojë se është në rrugën e synimeve për zonën e Europës në renditje.

Po këtë ditë luhet një tjetër ndeshje e fortë, e quajtur si “Derbi bregdetar”, ku në “Niko Dovana”, Teuta vendase pret Flamurtarin, dy skuadra që në 18 javët e luajtura kishin diferenca në lojë dhe në renditje. Për durrsakët kjo ndeshje i hap, ose i mbyll “portat” e kreut, ndërsa për Flamurtarin me probleme në këtë muaj përgatitor, ndoshta do të jetë testi real për ngjitjen në renditje.

Për ditën e dielë, 27 janar 2019, FSHF-ja ka menduar që të vendosë përballë katër skuadrat që renditen në zonën e mbijetesës pas 18 javëve të luajtura në Kategorinë Superiore. Luftëtari me shumë probleme edhe gjatë janarit dhe Kastrioti me largime dhe afrime në këtë muaj, mbetet sfida që do t’i japë më shumë dritë mbijetesës për të dyja skuadrat.

Tirana pret Kamzën në “Selman Stërmasi”, sfidë interesante jo vetëm se luhet brenda Prefekturës së Tiranës, por edhe për ndryshimet që të dyja kanë patur gjatë këtij muaji. Të gjitha këto ndeshje do të luhen pas atyre të turit të 1/8-ve të Kupës së Shqipërisë, ku edhe skuadrat do të kenë mundësinë e kolaudimit për rifillimin e kampionatit.

NDESHJET-JAVA E 19-të
E premte, 25 janar 2019
Skënderbeu-Partizani  18:00
E shtunë, 26 janar 2019
Kukësi-Laçi                    14:00
Teuta-Flamurtari         17:00
E dielë, 27 janar 2019
Luftëtari-Kastrioti       14:00
Tirana-Kamza              17:00