Java e 16-të

Çfarë tregoi dhe çfarë po shohim? Java e 16-të edhe me llogari ndryshe!

Sport Ekspres — Mon, 11 Feb 2019 15:42:55 +0000

E 16-ta në Kategorinë e Parë ndoshta mund të quhet edhe java e të papriturave, jo vetëm për rezultatet që u shënuan, por edhe për mënyrën se si disa skuadra arritën deri aty. Dhe kjo “valle” nuk përfshiu skuadra që kërkojnë vetëm kreun e renditjes, por edhe ato që kërkojnë mbijetesën në këtë kategori, çka nënkupton se në fazën e tretë do të kemi “valle” të tjera nga zona e krahina të vendit tonë, si kjo me “melodinë” e javës së 16-të.

Në Grupin A të gjitha rezultatet erdhën natyrshëm në logjikën e lojës, dhe këtu nuk ka asgjë për tu cekur, por në Grupin B duket se llogaritë dhe aleancat kanë nisur të zbulohen, si ajo e së shtunës në Kavajë. Ishte një përmbysje e “çmendur” e Besës ndaj Egnatias, kryesisht në pjesën e dytë, sepse në të parën kavajasit dukeshin si të mpirë në rrugën drejt golit. Por drejtuesit rrogozhinas kanë kritikuar tifozët për debatet në rrjetet sociale, ndërsa humbja pë ta mbetet në vazhdsimësinë e ngjitjes!

Në këtë grup, Tomori ka marrë një fitore në ekstremin e ndeshjes me Apoloninë, dhe këtu është e vështirë të thuash se pati ndonjë aleancë mes tyre, por llogaritë e beratasve dolën për hajër, pa përjashtuar arbitrimin e kontestuar “non stop” gjatë ndeshjes. Po kështu edhe tri pikët e Bylisit në Pogradec, ku liqenorët luajtën si të “dehur” nga aroma e naftës së ballshiotëve. Ndeshjet e tjera në këtë grup ishin për revansh, sepse pozicionet e skuadrave e bënin të domosdoshëm tri pikëshin për skuadrat vendase.

Java e 17-të nis të shtunën më 16 shkurt, dy ditë pasi skuadrat të kenë festuar Shën Valentinin, por jo në fushën e lojës!

AGRON KAJA

KATEGORIA E PARË – Java 16

GRUPI A / REZULTATET
Të shtuën 9 shkurt 2019
Veleçiku-Erzeni 3-1
Burreli-Korabi             1-0
Të dielën 10 shkurt 2019
Vllaznia-Shënkolli       3-0
Besëlidhja-Vora          1-0
Dinamo-Iliria               2-0

GRUPI B / REZULTATET
Të shtuën 9 shkurt 2019
Besa-Egnatia               3-2
Lushnja-Elbasani 3-1
Oriku-Turbina             3-2
Të dielën 10 shkurt 2019
Tomori-Apolonia         3-2
Pogradeci-Bylis 0-3

E para ndez “motorët”: 10 ekipe në fushë, sytë në Shkodër e Kavajë

Sport Ekspres — Sat, 09 Feb 2019 08:31:28 +0000

Zhvillohen sot ndeshjet e javës së 16-të të Kategorisë së Parë, ku në Grupin A do të luhen vetëm dy prej tyre, ndërsa në Grupin B luhen tre ndeshje të kësaj jave. Ndërsa dy skuadrat kryesuese, Vllaznia në Grupin A dhe Bylisi në Grupin B do t’i luajnë të dielën ndeshjet e tyre të javës së 16-të.

Në Grupin A, Erzeni shkon në përballjen me Veleçikun me atmosferën e fitores një javë më parë ndaj Vllaznisë, ndërkohë që koplikasit do të shfrytëzojnë fushën e tyre për të mos dalë pa pikë nga “Reshit Rusi”. Në këtë grup sot luhet edhe Burreli-Korabi, ndeshja që i ndan të dyja skuadrat në renditje: Korabin në pesë skuadrat e para dhe Burrelin në pesë skuadrat që do të luajnë për mbijetesë.

Ndërsa në grupin B, sot luhet kryendeshja Besa-Egnatia, ku si rrallë në vitet e fundit në këtë kategori,të dyja këto skuadra janë me të njëjtin synim, ngjitjen në Kategorinë Superiore. Dy skuadrat e vendeve të fundit në këtë grup luajnë në transfertë, ku Elbasani do të provojë për një rezultat pozitiv në Lushnje, e po kështu Egnatia në Orikum. Të gjitha ndeshjet e javës së 16-të të Kategorisë së Parë do të nisin në ora 14:00.

AGRON KAJA

KATEGORIA E PARË – Java 16

GRUPI A
Sot, datë 9 shkurt 2019
Veleçiku-Erzeni 14:00
Burreli-Korabi             14:00
GRUPI B
Sot, datë 9 shkurt 2019
Besa-Egnatia               14:00
Lushnja-Elbasani 14:00
Oriku-Turbina             14:00

Tomori-Apolonia, çifti i barazimeve në kampionatet e fundit

Sport Ekspres — Wed, 06 Feb 2019 13:08:55 +0000

Të dielën në Berat do të luhet ndeshja e javës së 16-të të Kategorisë së Parë, Tomori-Apolonia. Duke ju referuar katër ndeshjeve që këto skuadra kanë zhvilluar mes tyre në sezonin e kaluar 2017-2018, gjithçka është e barabartë. Në fazën e parë Tomori fitoi 3-2 në Fier, ndërsa në të dytën Apolonia triumfoi minimalisht në Berat 1-0, një ndeshje që pati edhe tension në lojë me 10 kartonë të verdhë dhe 2 kartonë të kuq. Ndërsa të dyja takimet mes Tomorit dhe Apolonisë në fazën e tretë kanë përfunduar në barazime 0-0 dhe 1-1. Ato u luajtën për pesëshen e parë në këtë grup.

Me bilancin 1 fitore, 2 barazime dhe 1 humbje nga sezoni i kaluar, në fazën e parë të këtij kampionati në ndeshjen e luajtur më 27 tetor 2018, Tomori barazoi 0-0 në Fier. Dhe duke i parë skuadrat nga këto shifra të sezonit të fundit, të dielën Tomori dhe Apolonia vijnë si të barabartë, por në synime të kundërta.

Sepse të dyja skuadrat do kërkojnë fitoren në këtë sfidë për të qenë pjesë në 5 skuadrat e para në renditjen e Grupit B pas fazës së dytë, për të mos rrezikuar mbijetesën në fazën e tretë ku pikët përgjysmohen.

Në 10 sezonet e fundit Tomori nuk është pozitiv ndaj Apolonisë, ku në 27 ndeshje ka fituar 9, ka barazuar 8 dhe ka humbur 10 ndeshje, bilanc i ngushtë që të dielën është vetëm për statistikë. Ndërkohë që në renditjen aktuale, pas 15 ndeshjeve në dy fazat e para Apolonia renditet në vendin e 7-të me 20 pikë dhe Tomori në vendin e 8-të me 19 pikë. Ndeshja Tomori-Apolonia do të luhet të dielën datë 10 shkurt 2019 në stadiumin “Tomori” në Berat, duke nisur nga ora 14:00.

AGRON KAJA

Iliria-Burreli e fundit, java e 16-të pret radhën në Kategorinë e Parë

Sport Ekspres — Tue, 05 Feb 2019 09:18:40 +0000

Java e 15-të e Kategorisë së Parë, që çeli pjesën e dytë të sezonit 2018-2019, ende nuk i ka mbyllur të gjitha sfidat, pasi nesër në Fushë Krujë do të luhet ndeshja e fundit e Grupit A, Iliria-Burreli. Dhe në pritje të përfundimit të saj, java e 16-të tashmë i ka filluar të përgatitet për të gjitha skuadrat e tjera, që më 9 shkurt do të ndeshen në takime interesante, por edhe delikate në të dy grupet, A dhe B.

Në Grupin A, Vllaznia pret Shënkollin, një sfidë e cila përball dy skuadra humbëse në javën e 15-të, ndërsa në Lezhë ndeshen dy skuadra fituese në javën e kaluar, Besëlidhja-Vora. Në Koplik, Veleçiku sfidon Erzenin që mposhti Vllazninë, ndërsa Dinamo pret Ilirinë dhe Burreli pret në fushën e tij Korabin, skuadra më në formë e këtij grupi.

Në Grupin B, interesante është sfida Besa-Egnatia, për afërsinë gjeografike dhe renditjen e tyre, ndërsa Bylis kryesues udhëton në Pogradec, aty ku liqenorët i kanë besuar shumë vetes. Tomori-Apolonia do të jetë sfida që do të përcaktojë njerën nga tre skuadrat që do jetë më afër pesë skuadrave, ndërsa Lushnja-Elbasani mund të ketë më shumë dritëhije në rezultat. Në Orikum do të luajë Turbina, ndoshta ndeshja e jetës për cërrikasit.

Të gjitha ndeshjet janë planifikuar të luhen më 9 shkurt ora 14:00, pa përjashtuar ndonjë lëvizje të fundit nga FSHF-ja.

AGRON KAJA

GRUPI A
Nesër 6 shkurt 2019, java 15
iria-Burreli 14:00

KATEGORIA E PARË- Java 16

Datë 9 shkurt 2019
Veleçiku-Erzeni 14:00
Vllaznia-Shënkolli       14:00
Besëlidhja-Vora          14:00
Dinamo-Iliria               14:00
Burreli-Korabi             14:00

GRUPI B
Datë 9 shkurt 2019
Besa-Egnatia               14:00
Oriku-Turbina             14:00
Tomori-Apolonia 14:00
Pogradeci-Bylis           14:00
Lushnja-Elbasani 14:00