Barcelona kryeson me 31 pikë, ndërsa Atletiko e Madridit dhe Sevilja e ndjekin me nga tre pikë më pak. Gjithçka mori fund në 45 minutat e para të takimit të sotëm. Një perlë e Mesit nga goditja e dënimit zhbllokoi rezultatin, ndërsa Dembele dhe Suarez vulosën fitimin e ndeshjes.

Në pjesën e dytë pati përsëri festë për Leo Mesin. Ylli dhe kapiteni i ekipit shënoi përsëri nga goditja e dënimit, duke u ngjitur në krye të renditjes së golashënuesve me 11 gola, aq sa ka dhe Stuani i Zhironës. Vendasit e Espanjolit nuk e përballuan dot furinë e Barçës dhe renditen në vendin e nëntë me 21 pikë.

Espanjol-Barcelona 0-4
(Mesi 17’, 65’, Dembele 26’, Suarez 45’)

Ky rezultat e ngjit Valencian në kuotën e 18 pikëve në vendin e 12-të, ndërsa kreu i kampionatit është darë në tre pjesë: Barcelona, Sevilja dhe Atletiko Madrid. Të tri ekipet janë në kuotën e 28 pikëve, por katalanasit luajnë në mbrëmje derbin përballë Espanjolit.

https://www.youtube.com/watch?v=oeBemnI5er8

Pjesa e parë nuk dhuroi gola, ndërsa Pablo Sarabia zhbllokoi sfidën në minutën e 55. Mesfushori përfitoi nga një goditje e Ben Jeder dhe devijoi topin, aq sa për ta drejtuar drejt rrjetës. Sevilja në avantazh, por vendasit nuk u dorëzuan.

Valencia nisi sulmet në kërkim të barazimit, që erdhi në minutën e dytë shtesë. Parejo krosoi një goditje dënimi nga krahu i djathtë i sulmit dhe Diakhabi kërceu më shumë se të gjithë, duke dërguar në festë të pranishmit në “Mestalla”.

Valencia-Sevilja 1-1
(Diakhabi 90+2’ / Sarabia 55’)