Kategoria e Dytë rikthehet pas dy muajsh, ja kalendari

Sport Ekspres — Wed, 13 Feb 2019 12:36:28 +0000

Pas dy muaj ndërpreje, edhe pesë ditë duhen për të rinisur gjysma e dytë në Kategorinë e Dytë. Java e fundit është luajtur më 16 dhjetor 2018 dhe pikërisht të dielën më 17 shkurt 2018 do të rinisë gjysma e dytë e sezonit për 26 skuadrat pjesëmarrëse.

Kështu, të dielën Tërbuni kryesues në Grupin A pret skuadrën e dytë të Kukësit, ndërsa Luzi 2008 i vendit luan në transfertë me Klosin. Gramshi dhe Ada janë pushim, ndërsa Partizani B pret një rivale në renditje, Vllazninë B. Një sfidë kryeqytetase rezervon ky start me çiftin Spartaku-Internacionali. Tirana B-Sopoti është sfida që çel ndeshjet e këtij grupi të shtunën, ku librazhdasit vijnë si një nga pretendentët për kreun.

Në Grupin B, Shkumbini kryesues luan në transfertë në Memaliaj. Devolli i vendit të dytë do të jetë sfidues ndaj Butrintit në Sarandë. Maliqi i vendit të 3-të në renditje pret Përmetin, ndërsa Abpetroli luan në fushën e tij me Skraparin. Naftëtari udhëton në Ersekë për t’u ndeshur me Gramozin, ndërsa Tepelena pret Këlcyrën, një nga skuadrat që pretendon kreun e këtij grupi. Termi-Delvina është ndeshja tjetër që do të luhet në këtë grup.

AGRON KAJA

KATEGORIA E DYTË – Java 14

GRUPI A
E shtunë, 16 shkurt 2019
Tirana B-Sopoti 14:00
E diel, 17 shkurt 2019
Partizan B-Vllaznia B 14:00
Tërbuni-Kukësi B 14:00
Klosi-Luzi 2008 14:00
Spartaku-Internacion.14:00
Gramshi dhe Ada pushim

GRUPI B
E diel, 17 shkurt 2019
Maliqi-Përmeti 14:00
Butrinti-Devolli 14:00
Tepelena-Këlcyra 14:00
Gramozi-Naftëtari 14:00
Memaliaj-Shkumbini 14:00
Termi-Delvina 14:00
Albpetrol-Skrapari 14:00

Nga jugu në veri, dy “derbi” mbyllin garën në gjysmën e parë të sezonit

Sport Ekspres — Thu, 20 Dec 2018 12:11:28 +0000

Kjo fundjavë, me ndeshjet e javës së 14-të do të mbyllë edhe gjysmën e parë të këtij sezoni në Kategorinë e Parë, për të lënë katër ndeshje të fazës së dytë në fillimin e vitit të ardhshëm. Grupi A do ti luajë të gjitha ndeshjet ditën e shtunë, ndërsa në Grupin B është veçuar për ditën e dielë “derbi” i Myzeqesë, Apolonia-Lushnja, dhe të gjitha ndeshjet e tjera do të luhen ditën e shtunë.

Në Grupin A veçohet “derbi” i Veriut, Veleçiku-Vllaznia, zyrtarisht për herë të parë në historinë mes tyre, dhe pikërisht në Kategorinë e Parë. Vllaznia kryeson grupin me 5 pikë diferencë nga Erzeni i vendit të dytë, ndërsa Veleçiku renditet në vendin e pestë, me synimin që të hyjë në pesë të parat në fundin e fazës së dytë. Besëlidhja-Erzeni mbetet sfida për të konsoliduar pozicionet në vendet e para të renditjes në këtë grup, e këtë mision ka edhe Dinamo që pret Shënkollin.

GRUPI A
Ndeshjet-Java e 14-të
E shtunë 22 dhjetor 2018
Veleçiku-Vllaznia 13:30
Besëlidhja-Erzeni 13:30
Dinamo-Shënkolli 13:30
Burreli-Vora 13:30
Korabi-Iliria 13:30

Në Grupin B, kryendeshja Apolonia-Lushnja është lënë për ditën e dielë, i quajtur si “derbi” i Myzeqesë. Fierakët renditen në vendin e 7-të me 16 pikë, të rrezikuar në zonën e mbijetesës në grup, ndërsa Lushnja me 20 pikë do të kërkojë marrjen e pikës në Fier. Bylis kryesues luan në transfertë me Elbasanin, e këtu mund të përfitojë Besa, e cila këtë javë pret Orikun në Kavajë. Tomori pret Egnatian, një sfidë për beratasit e pozicionuar në skuadrat e mbijetesës, ndërsa Pogradeci pret Turbinën e vendit të fundit në këtë grup.

GRUPI B
Ndeshjet-Java e 14-të
E shtunë 22 dhjetor 2018
Besa-Oriku 13:30
Tomori-Egnatia 13:30
Pogradeci-Turbina 13:30
Elbasani-Bylis 13:30
E dielë 23 dhjetor 2018
Lushnja-Apolonia 13:30

Nga jugu në veri, dy “derbi” janë të veçantat e javës së 14-të, ndeshjet e së cilës do të mbyllin gjysmën e sezonit në Kategorinë e Parë, e cila do të rinisë në datën 2 shkurt 2019.