VIDEO | Abumejang nderon “topçinjtë”, Arsenali rigjen fitoren

Sport Ekspres — Sun, 25 Nov 2018 15:24:40 +0000

Arsenali rikthehet te fitorja në kampionat pas tre barazimeve rresht. “Topçinjtë” triumfuan përballë Boremuthit në transfertë me rezultatin 1-2. Trepikësh i rëndësishëm për djemtë e Unai Emeri, të cilët ngjiten në vendin e pestë me 27 pikë.

Vendasit gjeten golin në minutën e 8, por Bruks ishte në pozicion jashtë lojë dhe goli u anulua. Sfida u zhbllokua në minutën e 30. Një top nga krahu i majtë i Arsenalit u devijua nga kolumbiani Lerma, i cili shënoi një autogol të çuditshëm në portën e tij.

Vendasit nuk u dorëzuan dhe arritën të gjenin golin e barazimit në minutat shtesë të pjesës së parë. Bruks dhuroi një top për King, me sulmuesin norvegjez që shënoi një gol të bukur me të majtën.

Pjesa e dytë ishte e luftuar, por golin e fitores e gjeti Arsenali. Kundërsulm i shpejtë i miqve në minutën e 67, ndërsa Kolashinaç pasoi bukur në zonë për Abumejang, me këtë të fundit që nuk e pati të vështirë të shtynte topin në rrjetë.

Takimi nuk prodhoi më gola, ndërsa Unai Emeri i gëzohet kësaj fitore, Diferenca me Sitin kryesues është 8 pikë, ndërsa zona Champions është vetëm një pikë larg. Humbja e tretë rresht për Boremuthin, por ekipi i Edi Houe vazhdon të renditet në mesin e tabelës, konkretisht në vendin e tetë.

Boremuth-Arsenal 1-2
(King 45+1’ / Lerma (aut) 30’, Abumejang 67’)

Murinjo ndalet nga “bunkeri” Palas, Siti e Liverpul vazhdojnë marshimin

Sport Ekspres — Sat, 24 Nov 2018 17:04:50 +0000

Mançester Junajtid është ndalur në “Old Trafford” nga londinezët e Kristal Palas. “Djajtë e kuq” dominuan gjatë të gjithë takimit, por situata në renditje është emergjente dhe pikët duhen më shumë se kurrë, ndërsa loja e mirë mund të presë.

Diferenca me kryesuesit e Mançester Sitit shkon në 14 pikë, por ëndrra e titullit kishte marrë fund që në muajin tetor. Objektivi i Junajtid tani është vetëm një: sigurimi i një bilete për në Champions.

Liverpuli i Jyrgen Klop nuk ka bërë hap fals në trasnfertën ndaj Uatfordit. Pjesa e parë ishte vakët për të dyja ekipet, por etapa e dytë foli vetëm për të kuqtë, që shënuan tri gola. Kartoni i kuq i Henderson është i vetmi lajm i keq për të kuqtë, që fundjavën e ardhshme do të ndeshen në derbin ndaj Evertonit.

Transferta në Londër ndaj Uest Hemit rezultoi mjaft e thjeshtë për Mançester Sitin. Djemtë e Pep Guardiolës zgjidhën gjithçka në pjesën e parë, teksa shënuan tri gola që shuan çdo shpresë të vendasve. Ndërsa në limite të takimit i riu Sane shënoi golin e dytë personal duke çuar shifrat përfundimtare në 0 – 4.

Everton mori tri pikët përballë Kardif, duke u mjaftuar vetëm me golin e Sigurdson në pjesën e dytë. Brajton dhe Leister u ndanë me nga një pikë, megjithëse vizitorët e drejtuar nga Klod Puel luajtën me 10 lojtarë për shumicën e takimit.

Brajton-Leister 1-1
(Mërri 15’ / Vardi (pen) 79’)

Everton-Kardif 1-0

(Sigurdson 59’)

Fulhem-Sauthempton 3-2

(Mitroviç 33’, 63’, Shyrle 43’ / Armstrong 18’, 53’)

Mançester Junajtid-Kristal Palas 0-0

Uotford-Liverpul 0-3
(Salah 67’, Aleksandër-Arnold 76, Firminjo 89’ )

Uest Hem-Mançester Siti 0-4
(David Silva 11’, Sterling 19’, Sane 34’, 90+3’)

Java e 13 e Premier Ligës

VIDEO | Abumejang nderon “topçinjtë”, Arsenali rigjen fitoren

Murinjo ndalet nga “bunkeri” Palas, Siti e Liverpul vazhdojnë marshimin