Përballen dy skuadra me 27 trofe në elitë, Dinamo-Vllaznia një klasike!

Sport Ekspres — Thu, 25 Apr 2019 16:09:07 +0000

Të dielën luhet sfida e fundit e javës së 25-të në Kategorinë e Parë, ku në Grupin A, Dinamo pret Vllazninë në Kompleksin “Internacional” në Pezë. Në këtë fazë të tretë, të dyja skuadrat vijnë me pozicione të ndryshme në renditje, pasi Vllaznia e ka siguruar vendin e 1-rë në Grupin A dhe pret vetëm zyrtarizimin për tu ngjitur në Kategorinë Superiore, ndërsa Dinamo në zonën Play-off të këtij grupi renditet në vendin e 3-të. Të dyja në këtë përballje vijnë me synime të mbyllura, por me një histori të madhe.

Në Kategorinë e Parë është takimi i 4-t mes tyre, ku Vllaznia ka bilancin pozitiv, pasi i ka fituar të tre takimet, me një golavarazh pozitiv 4:0. Në këtë kategori, Dinamo ka 7 sezone që luan që nga 2012-2013, ndërsa Vllaznia po luan sezonin e saj të tretë si inferiore (1957, 1962 dhe 2018-2019). Në këtë takim të katërt në Kategorinë e Parë mes Dinamos e Vllaznisë, nisur nga pozicionet e tyre në renditje, të dielën do të kemi një revansh në inferiore.

Në Kategorinë Superiore në historinë e tyre këto dy skuadra kanë fituar 27 tituj. Dinamo ka 64 pjesëmarrje me 18 trofe, ndërsa Vllaznia në 76 pjesëmarrje ka fituar 9 trofe. Dinamo ka fituar 13 herë Kupën e Shqipërisë dhe 2 herë Superkupën, ndërsa Vllaznia ka fituar 6 herë Kupën e 2 herë Superkupën. Me këtë “arsenal” trofesh e titujsh, do të takohen të dielën në Pezë.

AGRON KAJA

PËRBALLJET NË KATEGORINË E PARË/ GRUPI A

Në fazën e Parë/ 21 shtator 2018
Vllaznia-Dinamo 2-0

Në fazën e dytë/ 9 dhjetor 2018
Dinamo-Vllaznia 0-1

Në fazën e tretë/ 16 mars 2019
Vllaznia-Dinamo 1-0

Në fazën e tretë/ 28 prill 2019
Dinamo-Vllaznia ?

Rikthehet Superiorja: Plani i fundjavës, luhet në dy ditë

Sport Ekspres — Mon, 11 Mar 2019 08:24:00 +0000

Pas një jave pushim, Superiorja do të rikthehet në fundjavë. Do të luhet java e 25-të e kampionatit dhe risia është se nga tani zhvillohen vetëm katër përballje, situatë e krijuar pas përjashtimit të Kamzës nga kampionati. Duke qenë se në mesjavë ka Kupë, do të luhet Superiorja dy ditë në fundjavë.

Java e shkuar, që nuk u luajt për shkak të bojkotit të arbitrave, është spostuar për fundjavën pasuese, duke bërë që të ndryshojë gjithë kalendari i Kategorisë Superiore, me ndeshjet që do të spostohen gradualisht, nga java në javë, edhe pse FSHF nuk ka publikuar asnjë informacion dhe tashmë edhe faqja zyrtare e Federatës nuk funksionon më.

Gjithçka nis me përballjen Skënderbeu-Kukësi, që zhvillohet të shtunën në Korçë prej orës 17:00. Të dielën dy sfida luhen në orën 14:00. Në Laç vendasit presin Flamurtarin, kurse Kastrioti do të luajë me Tiranën. Ndeshja me shumë mundësi do të luhet në Durrës, për shkak se krutanët janë të dënuar.

Java e 25-të mbyllet me një takim mjaft interesant, por që fatkeqësisht do të luhet pa praninë e tifozëve. Partizani i vendit të parë zbret në fushë dhe synon të mundë Teutën, aktualisht e treta në klasifikim. Durrsakët duan Europën dhe do tentojnë të mos dalin pa pikë.

KATEGORIA SUPERIORE – JAVA 25

E shtunë, më 16 mars 2019
Ora 17:00 | Skënderbeu-Kukësi

E diel, më 17 mars 2019
Ora 14:00 | Laçi-Flamurtari
Ora 14:00 | Kastrioti-Tirana
Ora 17:00 | Partizani-Teuta

java 25

Përballen dy skuadra me 27 trofe në elitë, Dinamo-Vllaznia një klasike!

Rikthehet Superiorja: Plani i fundjavës, luhet në dy ditë