Dënimi i çon në Durrës, Kastrioti pret Laçin në “Niko Dovana”

Sport Ekspres — Mon, 18 Feb 2019 20:24:16 +0000

Kastrioti është dënuar me dy ndeshje në fushë asnjanëse dhe sfidën përballë Laçit, krutanët do e luajnë në stadiumin “Niko Dovana” në Durrës. Ekipi i drejtuar nga ka marrë shumë rezultate pozitive në javët e fundit dhe do të synojnë të ruajnë ecurinë.

Ditën e diel, Kastrioti do të luajë kundër Laçit, me kurbinasit që mposhtën kryesuesit e Partizanit dhe janë në një moment shumë të mirë. Një sfidë delikate kjo për të dyja skuadrat dhe fakti që ndeshja do të luhet në fushë asnjanëse, nuk sheh favorit asnjë nga ekipet.

Me Devollin në krye të pankinës, Kastrioti ka marrë katër fitore në pesë ndeshje, por përballë Laçit pritet ta kenë të vështirë, pasi kurbinasit kanë treguar se mund të mposhtin këdo këtë sezon.

VIDEO | Nuk ka gola në Firence, Napoli i Hysajt largohet me një pikë

Sport Ekspres — Sat, 09 Feb 2019 19:03:35 +0000

Fiorentina priti Napolin sot në ndeshjen kryesore të javës së 23-të në Serie A dhe mendohej se kjo do të ishte një sfidë spektakolare dhe me shumë gola. Edhe pse pritshmëritë ishin shumë të mëdha, skuadrat menduan të mos pësonin gol fillimisht, duke i dhënë më shumë prioritet prapavijës.

E si pasojë, takimi u mbyll i bardhë 0-0, me të dyja skuadrat që marrin nga një pikë dhe largohen me rrjeta të paprekura. Hysaj luajti 90 minuta në krahun e djathtë të mbrojtjes dhe bëri një ndeshje relativisht të mirë.

Napoli e kërkoi më tepër golin dhe mbajti më shumë se Fiorentina qarkullimin e topit, por ishte skuadra vjollcë që krijoi rastet më të pastra. Megjithatë, gola nuk pati dhe ekipet ndanë nga një pikë, që nuk i bën punë asnjërës skuadër.

Serie A, java 23

Fiorentina – Napoli 0-0