“Jemi stërvitur pa ndërprerje. Na pret një takim shumë i vështirë. Shpresoj që më ndihmën e stafit dhe djemve t’ia dalim në Azerbajxhan. Do të bëmë maksimumin për këtë”.

“Në minutat e para do t’i presim, pasi Karabak ka një super skuadër dhe ne duhet t’i sulmojmë me kundërsulm. Mendoj se kualifikimi është 50 me 50, edhe ne kemi skuadër shumë të mirë, përse mos t’ia dalim. Nuk ka rëndësi kush do shënojë golin vetëm të fitojmë”.

ASANI – “Futbollisti i Partizanit Jasir Asani nuk është në menaxhimin tim, por di që është parë nga një skuadër në hungareze që merr pjesë në Kupat e Europës. Erdhi një përgjigje shumë pozitive për kualitetin e lojtarit, por kishte një problem në thonjëza racist. Trajneri i tyre është serb dhe po kështu i gjithë stafi i tij dhe një pjesë e lojtarëve. Nuk e bënë përfundimtare që kjo ishte një problem, por logjika të çon që ata nuk e dëshirojnë diçka të tillë. Asani është në kontratë me Partizanin dhe ka një klauzolë largimi shifrën e secilës s’mund ta bëj të ditur”.

TIRANA DHE NGO – “S’mund të them se Tirana ka bërë lëvizje të mira për një arsye, sepse ka mbuluar kokën dhe është zbuluar nga poshtë. Me aq sa kam unë informacion Majkëll Ngo është pranë një transferimit te Lokomotiva e Zagrebit. Kontrata e tij 2-vjeçare me Tiranën ka përfunduar. Kam një informacion që midis menaxherëve të Dungës dhe presidentit Refik Halili ka pasur një bisedë dhe ka akord, por ka një problem pasi për lojtarin ka dhe një ofertë nga Kukësi”.

Megjithatë, ka edhe largime. Partizani u nda me trajnerin Skënder Gega, por të kuqtë mund të humbasin një prej lojtarëve më të rëndësishëm. Flasim për Jasir Asanin, i cili mund të bëjë hapin cilësor këtë verë.

24-vjeçari mbylli sezonin e dytë me të kuqtë, shënoi 8 gola dhuroi asiste dhe ia doli bashkë me shokët që të rikthente titullin kampion pas 26 vitesh në pjesën e kuqe të kryeqytetit.

Interesimi për të nuk mungon, ndërsa e ardhmja mund të jetë larg Europës. Sipas “sport5.co.il”, Ironi Kiriat Shmona është gati të sigurojë shërbimet e sulmuesit nga Shkupi, i cili ka një kontratë deri në vitin 2021 me “Demat”.

Izraelitët, ekipi në të cilin aktivizohet edhe Valon Ahmedi, sulmueis i kombëtares kuqezi, kanë shitur për shumën e 600 mijë eurove sulmuesin anësor nga Trinidad Tabako, Levi Garcia. Ata kanë zgjedhur Asanin si pasardhësin e tij dhe janë gati për të nisur negociatat me Partizanin.

Në lidhje me këto aludime ka reaguar menjëherë ditën e sotme lojtari i Partizanit, i cili ka ripostuar foton dhe ka sqaruar se Ngo është miku i tij dhe se rastësisht ndodheshin në të njëjtin lokal.

“Dua të sqaroj sa i përket keqkuptimit që ka ndodhur pas fotos që kam publikuar me mikun tim Ngo. Nëse në fushë jemi rivalë, jashtë saj jemi miq, si dhe me shumë futbollistë të skuadrave të tjera. Ngo ishte rastësisht në të njëjtin lokal ku unë dhe disa miq po kalonim kohën dhe në momentin që u takuam me Ngo vendosëm të bënim një foto dhe vetëm kaq. Une e respektoj Ngo dhe ajo që është shkruar në media nuk është aspak e vërtetë.”

Si gjithnjë, lista është e mbushur me polemika, teksa ka shumë reagime. Gjithsesi, një reagim i papritur ka ardhur nga Elton Kale. Braziliani i Flamurtarit ka postuar një story në Instagramin e tij ditën e sotme, ku shprehet i habitur që Jasir Asani nuk është në Kombëatare.

“Çfarë? Ti nuk je në Kombëtare? Okej, do të flas me Titen (trajneri i Brazilit). Me siguri ai do të të ftojë”, mbyllte postimin e tij Elton Kale.

“Kur erdha unë te Partizani, kam thënë se Partizani do të synojë vetëm vendin e parë. Besojmë se e merituam krejtësisht titullin”.

“Tani për tani jam lojtari i Partizanit. Për momentin kam disa oferta që do i diskutoj me presidentin, së shpejti do ti merrni vesh. Nuk janë oferta nga kampionate të Ballkanit”.

“Kam pasur kontakte nga kombëtarja e Maqedonisë, por si çdo shqiptar unë dëshiroj të luaj për Shqipërinë, prandaj jam ende në pritje të një ftese”.

“Te Partizani ka qenë shumë e vështirë të fitoja titullin krahasuar me Vardarin. Atje ekipi ishte i mbushur me lojtarë me eksperiencë që kishin luajtur më parë në kampionate të ndryshme nëpër Europë, ndërsa te Partizani ishim një grup me shumë lojtarë të rinj në moshë”.

Për t’i arritur këtij qëllimi, në klubin e Partizanit kanë vendosur që dy prej titullarëve dh elojtarëve më të mirë të luajnë me ekipin e dytë. Jasir Asani dhe Emanuel Mensah janë të pezulluar me kartonë dhe nuk mund të aktivizohen në derbi me ekipin e parë.

Dëshira e tyre do ishte të ishin nën urdhrat e trajnerit Skënder Gega dhe të jepnin kontributin e tyre për ekipin në finalen e titullit kampion, ose të paktën të përjetonin emocionet e derbit nga tribuna. Kjo nuk do të ndodhë dhe ata janë të “dënuar” të ndihmojnë Partizanin B të mposhtë bardheblutë.

Me anë të një mesazhi të shpërndarë në llogarinë e tij në “Instagram”, sulmuesi u kërkon falje tifozëve për kartonin e verdhë dhe i fton të jenë sa më të shumtë në numër në ndeshjen derbi, ku të kuqtë mund të shpallen zyrtarisht kampion të Shqipërisë.

KASTRIOTI – “Është një ndeshje e rëndësishme. Kemi dhe shtatë ndeshje për të dhënë maksimumin. Është një fushë e keqe, por jemi përgatitur dhe do të japim maksimumin. Nëse fitojmë nesër do të jemi edhe më lirshëm dhe gjërat do të vijojnë ashtu siç duhet.”

KUPA DHE KAMPIONATI – “Në fillim objektiv kishim edhe Kupën edhe kampionatin, por ndodhi çfarë ndodhi. Ne jemi lojtarë dhe ndonjëherë ndodh që nuk kemi ditën tonë dhe nuk japim maksimumin. Tani jemi të fokusuar vetëm për kampionatin.”

E ARDHMJA – “Tani për tani jam te Partizani.”

STATUSI KAMPION – “Akoma nuk ndihemi sepse kemi dhe shtatë ndeshje për t’u shpallur kampion. T’i marrim një nga një ndeshje dhe më pas do të flasim për kampion.”

GOLASHËNUESI MË I MIRË I PARTIZANIT – “Nëse jam golashënuesi më i mirë te Partizani jam prej stafit dhe lojtarëve që më japin përkrahjen secilën stërvitje dhe ndeshje.”

SEZONI I ASANIT – “Besoj se është sezoni më i mirë i imi. Kemi ekipin më të mirë në Superiore deri tani dhe e kemi treguar veten. Besoj se është momenti i duhur.”

GOLAT – “Nuk ka rëndësi se kush shënon te ne, pasi i gjithë ekipi ka shënuar, e rëndësishme është të fitojmë ndeshjen.”

“Kemi bërë një kampionat shumë të mirë. Merita është e të gjithëve jo vetëm e imja. Të gjithë kemi bërë maksimumin që të jemi në vend të parë”

“Jemi përmirësuar të gjithë jo vetëm unë. Në ndeshjet trajneri na jep detyra të vështira, por duke thënë maksimumin kemi arritur t’ia dalim të fitojmë shumë herë. Kthimin në mbrojtje e kam pasur shumë problem, por ardhja e trajnerit Gega  më ka ndihmuar shumë”

“Kemi edhe shtatë ndeshje. Duhet t’i marrim ngadalë ngadalë një nga një, pasi akoma nuk kemi mbaruar. Sipas meje duhet të japim maksimumin dhe këto katër ndeshje”, përfundoi Asani.

Jasir Asani, shënuesi më i mirë i “demave”, me 7 gola të realizuar, është përzgjedhur lojtari i muajit mars. Sot ai ka marrë edhe çmimin nga shoqata “Sporti na bashkon” dhe për këtë ndihet mjaft i lumtur. Në garë për lojtarin e muajit ishin Herald Marku i Kastriotit dhe Edon Hasani i Tiranës.

https://www.instagram.com/p/BwSRRWsjXhH/?utm_source=ig_share_sheet&igshid=167kqczenafyn

PROBLEMI – Trajneri Skënder Gega duhet të gjejë një zgjidhje për krahun e djathtë të mbrojtje. Labinot Ibrahimi është i pezulluar me kartonë dhe nuk mund të aktivizohet ndaj Kastriotit në Fushë-Krujë.

Sikurse dihet, Hektor Idrizaj e ka mbyllur sezonin që në derbi dhe alternativat për Gegën mungojnë. Flasim për një mbrojtës të djathtë tipik. Me shumë mundësi zgjidhja do të jetë “xholi” Esat Mala. Ky i fundit është përshtatur edhe me Teutën në atë pozicion.

Sulmuesi shqiptar nga Maqedonia e Veriut, në tribunë kishte tifozë specialë. Këtë ai e ka zbuluar përmes një postimi në Instagram. Asani i dhuron babait të tij fanellën e Partizanit, ndërkohë që përçon edhe këtë mesazh: “Bab, sot fanellën, nesër do çojmë bashkë titullin kampion!”.

“Asani nuk ka probleme me presidentin Gjici. Partizani nuk ka si synim si klub që futbollistët tanë të sulmojnë presidentin. Në emër të klubit them se Asani nuk ka gjë aspak personale me Gjicin”, u shpreh Tomori. Në të shkuarën është raportuar se edhe Kukësi e ka dashur atë.

Tomori kujton momentin e transferimit të tij: “Asani kishte një kosto shumë të larta nga Shkupi, 150 mijë euro. Ishte dhe një skuadër tjetër, ajo që e ka formuar. Kishte një klub tjetër. Me dijeni tonë, Partizani ishte skuadra e vetme që e kërkoi. Asani erdhi pasi iku Ekuban”.

Mes të tjerash, gjatë emisionit “Fair Play” në Ora News, Tomori foli edhe për Armando Vajushin, lojtar të cilin e afroi Teuta në merkaton e dimrit. Shkodrani u tentua edhe nga Kukësi, ndërkohë që u përfol edhe për Partizanin si opsion. “Vajushi është kërkuar nga Partizani para dy vitesh dhe ka thënë se unë nuk vij në Shqipëri”, theksoi Tomori, duke hedhur poshtë zërat.

FUTBOLLISTI I PREFERUAR – “Mua më pëlqen vetëm Dibala”.

ÇELËSI I SUKSESIT – “Jemi një familje e fortë. Presidenti dhe i gjithë klubi i jep lojtarëve besim për të dhënë më të mirën.

FIRMA ME PARTIZANIN – “Në atë periudhë kisha oferta nga Partizani dhe disa klube të tjera të Superligës. Bisedova me familjen dhe zgjodha Partizanin. Besoj se është klubi me më shumë tifozë në Shqipëri”

NDRYSHIMI – “Edhe vitin e kaluar Partizani kishte ekip shumë të mirë, por këtë sezon jemi të gjithë si një familje, jemi një grup shumë i bashkuar”.

KUKËSI –“Renditja e tregon qartë se jemi ekip më i mirë se Kukësi. Në përfundim të ndeshjes isha shumë mërzitur, pasi kisha shansin për të shënuar golin e dytë”.

EKSPERIENCA TE VARDARI –“Kam pasur shumë futbollistë të mëdhenj te Vardari, si Goran Popov që më kanë ndihmuar për në fushë dhe jashtë saj. Isha i vetmi shqiptar, por stafi e presidenca më kanë trajtuar shumë mirë. Kam shumë respekt për të gjithë ata”.

STAFI TEKNIK – “Mendoj se stafi e bën shumë mirë punën e vetë, sidomos në stërvitje. Ne treshes së sulmit, na kanë dhënë shumë liri”.

INTERESI NGA KOMBËTARJA MAQEDONASE – “Po më kanë kërkuar, por nuk kam pranuar. Si çdo shqiptar kam pasur qejf të luaj për Shqipërinë. Ka qenë ëndrra ime. Me ndihmën e zotit besoj se do jem dhe unë së shpejti pjesë e ekipit shqiptar”.

E ARDHMJA TURKE – “Si të gjithë futbollistët edhe unë ëndërroj që të luaj në një kampionat evropian. Më pëlqen që të luaj në Turqi. Do të ketë oferta për mua, nuk dua të zbuloj emra, por në ndeshjen ndaj Kukësit kanë qenë duke më parë”.

KOMUNIKATA E KUKËSIT – “Futboll Klub Kukësi dënon ashpër gjestet anti-sportive të manifestuara gjatë ndeshjes së djeshme në stadiumin “Loro Boriçi”. Tifozëria e Partizanit, ashtu sikurse kishte paralajmëruar në media dhe rrjetet sociale, u soll në mënyrë të pakulturuar e anti-sportive gjatë ndeshjes FK Kukësi – FK Partizani.

I gjithë publiku shqiptar, në këtë ndeshje e cila ishte një nga më të rëndësishmet e Superligës, pa me sy dhe dëgjoi me veshë ulërimat dhe sharjet në grup të tifozërisë së Partizanit në drejtim të presidentit të FK Kukësit, zotit Safet Gjici.

Klubi i FK Kukësit, duke qenë ekip pritës në këtë përballje për Javën e 26-të të Kategorisë Superiore, pagoi 5 milionë lekë (të vjetra) për zhvillimin e kësaj ndeshjeje në stadiumin “Loro Boriçi” dhe, sikurse i takon çdo skuadre e cila organizon ndeshjen, vendosi çmimet e biletave të njëjta për të dyja tifozëritë.

Tifozët e Partizanit u lëshuan në kore duke ofenduar presidentin e Kukësit si dhe duke hedhur monedha të modifikuara me foton e numrit një të klubit tonë, duke cenuar kështu dhe imazhin e zotit Gjici.

Lojtari i cili shënoi golin e barazimit për skuadrën e Partizanit u soll në mënyrë të pakulturuar, duke hequr bluzën dhe duke iu drejtuar në mënyrë fyese me gisht presidentit të klubit organizator.

Ndaj tifozëve, stafit dhe lojtarëve të Partizanit nuk pati asnjë fyerje nga ana e Klubit tonë apo tifozëve kuksianë, duke qenë konform rregullave dhe FAIR-PLAY –t.

Ndaj kërkojmë që ‘Komisioni i Disiplinës’ pranë FSHF-së të marrë masa për dënimin këtyre veprimeve të shëmtuara në stadiumet tona. I bëjmë thirrje dhe opinionit publik që të distancohet e të ndëshkojë rastet e lartpërmendura”.

Dëshira është e madhe për ta parë kampion ekipin e kuq  dhe shumëkush e ka imagjinuar Partizanin me një sulmues tipik në majë. Gjithsesi, trajneri Skënder Gega e ka parë të udhës të përshtatë Jurgen Bardhin si “pykë”. I riu nga Fushë-Kruja e ka mbuluar edhe më parë atë pozicion dhe po bën punë të mirë.

Dosti fillimisht i jep meritat trajnerit: “Gega ka bërë një punë shumë të mirë dhe është për t’u përgëzuar, pasi i ka kthyer dinjitetin Partizanit. Unë e njoh që kur ka ardhur te Partizani, madje mund të them se ka mbetur i njëjtë: një njeri që flet pak nëpër TV, shumë punëtor, me një karakter fitues dhe egoist (në kuptimin e mirë të fjalës). Diçka që merr përsipër ai e bën dhe këtë frymë ia ka transmetuar edhe ekipit. Për mua është një lider, si brenda dhe jashtë skuadrës”.

SULMI – Më pas, Dosti kalon te pozicionimi i Bardhit në majë të sulmi: “Trajneri po i merr më të mirën në atë pozicion, edhe pse unë do të kisha dashur një sulmues race tipik, një lojtar pykë, një numër ‘9’-sh siç i themi zakonisht”. Sulmi i Partizanit nuk ka pika referimi. Mala e Asani ndryshojnë shpesh krahët, kurse Bardhi në ndonjë ndeshje luan edhe si sulmues i dytë.

Shpejtësia e treshes së bekuar me inicialet “BAM”, por edhe cilësitë teknike, kthehet në një rrezik konstant për kundërshtarët në fushën e blertë. “E thashë edhe më parë, Gega ka bërë një punë shumë të mirë dhe ka marrë një vendim të drejtë duke luajtur me treshen Mala-Asani-Bardhi. Ky i fundit ka fituar një pjekuri për t’u admiruar dhe po jep më të mirën si sulmues i parë, edhe pse nuk është pozicioni i vet”, shprehet ish-sulmuesi për SportEkspres.com.

FITORET E NGUSHTA  – Dosti nuk ka komplekse dhe pranon që Partizani të vazhdojë të fitojë me rezultatin 1-0, pasi edhe kështu shkohet te titulli. Ish-sulmuesi ka një “recetë” edhe për këtë pjesë, teksa këshillon Asanin që të bashkëpunojë më shumë me shokët e skuadrës.

“Titulli fitohet edhe me 1-0. Partizani është një ekip i ndërtuar mirë, po i merret maksimumi. Ndeshja e fundit, sidomos në 45 minutat e dyta, më pëlqeu. Një takim mjaft i mirë, jo nga ata që të vrasin sytë. Dua të them diçka: Asani është pak individual. Ndoshta pak më shumë seç duhet. Duhet të luajë më shumë me ekipin dhe kështu do zgjidheshin me shpejt ndeshjet. Po të jetë më i shpejtë në dhënien e topit dhe  asiste, do ishte më mirë. Pastaj do vinin edhe golat”.

SIGURIA NGA PRAPAVIJA – Partizani është ekipi me mbrojtjen më të mirë, teksa të kuqtë janë ndëshkuar vetëm 9 herë në 21 takime. Për Dostin është një ndihmë e madhe për lojtarët, që kanë fituar sigurinë dhe sulmojnë pa kthyer kokën pas. Fjalë të mira për afrimin e janarit, Lum Rexhepin.

“Nuk mund të harroj portierin Alban Hoxha dhe mbrojtjen, pasi janë ata që e mbajnë rezultatin 0 mbrapa. Duke ndodhur kjo, i vijnë në ndihmë edhe sulmit, që është më i lirshëm për shkak të sigurisë që i ofrohet. Veçoj Lum Rexhepin, që u dëmtua me Kastriotin. Për mua është një ‘bingo’ në merkato. Është një lojtar që e njeh lojën, luan me topin, i qetë dhe jep siguri. Padyshim ishte ai që i duhej Partizanit.

STRATEGJIA E RE – Trajneri Gega nuk e ka përmendur titullin këtë sezon. Mendohet ndeshje pas ndeshjeje dhe Dosti e sheh si diçka pozitive këtë pjesë. Gjithashtu, ai veçon edhe faktin që në klubin e kuq sivjet nuk janë marrë me polemika. Vitet e shkuara ato kanë qenë të shumta dhe në njëfarë mënyrë edhe e kanë shpërqendruar ekipin.

“Duhet që te Partizani të jenë me këmbë në tokë, mos të dëgjohen shumë. Është krijuar një frymë kundër,  ka shumë nga ata që nuk ndihen mirë pse Partizani është i pari. Profesor Skënderi e ka mençurinë dhe eksperiencën për ta mbajtur ekipin me këmbë në tokë”.

Që në fillim, kur kam dhënë intervistat e para, e kam thënë se Partizani është për kampion. Një lëvizje e mirë e klubit ka qenë se nuk po bëhen me polemika, as me Federatën, as me arbitrat. Tani po merren me shtëpinë e vet dhe kjo është diçka pozitive. Bravo edhe presidentit, që ndryshe nga rivalët, nuk del me deklarata ngacmuese”.

LOJA DHE TELUSHI – Dosti thekson se Partizani i këtij viti është krejtësisht ndryshe nga ai i një viti më parë. “Loja ka ndryshuar 100%  nga vjet. Ke qejf t’i shohësh në fushë dhe përgatitja fizike është shumë e mirë, madje mund të them se Partizani në këtë aspekt është më lart se të tjerët.

Telushi? Ndeshje pas ndeshje po tregon se është lider. Është një lojtar që gjuan me të dyja këmbët, e njeh portën, godet nga çdo pozicion. Po vazhdoi kështu, duke u rritur, them se e meriton të marrë një ftesë edhe nga kombëtarja”, ka përfunduar ish-sulmuesi i të kuqve.

VLADIMIR PRENGA

Në një foto të hedhur në “Instagram”, 23-vjeçari shfaqet në stadiumin e Kamzës dhe në mbishkrim ka shkruar: “Shumë ftohtë -8”, sigurisht nuk e ka fjalën për temperaturën, por për diferencën e tanishme me Kukësin.

Futbollisti i të kuqve, ndoshta është penduar për këtë ngacmim, pasi pak minuta më vonë e ka fshirë foton e lartpërmendur.

Ai u jep zemër atyre përmes një postimi në Instagram dhe ajo çka ai thotë është shumë e qartë: “Individualisht jemi të fortë. Së bashku, me Zoti, jemi të pandalshëm. Kurrë mos u dorëzo”.

ASANI – Sulmuesi anësor i Partizanit është nga ata që nuk i pëlqen shumë të mbrojë. Në ndeshjen e fundit me Kamzën ishte vendimtar, pasi shënoi golin e vetëm të takimit dhe i dha fitoren skuadrës së tij.

Gjithsesi trajneri Gega nuk e ka lënë të vetëm Asanin. Labinot Ibrahimi nuk është nga ata që përparon shumë dhe misioni i tij është i qartë, duke ditur që Asani ndonjëherë “harron” të mbrojë. Sulmuesi në Instagram shkruan: “Labinot Ibrahimi, ma ruaj shpinën vella”.

Anësori i “demave të kuq”, e ka nisur mirë vitin e ri, teksa ka shënuar në miqësoren e luajtur ndaj Sivasporit, si dhe ka dhënë sinjale pozitive dhe në dy miqësoret e tjera ndaj Dinamos së Zagrebit e Antaliasporit. Gjithsesi, 23-vjeçari, së fundmi ka postuar një story në llogarinë e tij në Instagram, duke “kërcënuar” në një farë mënyrë rivalët e Partizanit.

“Nëse askush nuk flet për ne, realisht duhet të shqetësohemi. Nëse të gjithë janë duke folur, do të thotë se na kanë frikë, pasi jemi më të mirët. Shihemi shumë shpejt në kampionat”, ishin fjalët e shkuara nga Jasir Asani në Instagram.

Kryeqytetasit kanë mundur që të gjejnë rrugën e rrjetës në minutën e 47-të me anë të Jasir Asanit. Skuadra e kuqe po arrin të fitojë, por ka ende shumë minuta lojë për t’u luajtur.

Partizani i ka zhvendosur përgatitjet në Turqi prej pak ditësh, me synimin që skuadra të ketë kushte sa më të mira për t’u përgatitur për gjysmën e dytë të sezonit. Në dy fazat e para Partizani ka bërë mjaft mirë, duke u shpallur dhe kampion dimri.

Në një speciale për RTSH Sport ata flasin gjerë e gjatë dhe fillimisht tregojnë se si kuptohen mes tyre në fushën e blertë. Bardhi ia nis i pari: “Duke u parë në sy, unë për vete kështu i kuptoj”. Mala merr fjalën: “I kuptoj pa i parë fare”. Asani është në të njëjtën linjë. “Edhe unë njëjtë, pa i parë fare. E di se ku janë të dy”.

Duke qenë se luajnë në sulm e kanë provuar shijen e golit dhe në total numërojnë 10 rrjeta të tundura. “Pak gola mund të them se kemi shënuar”, thotë Bardhi, ndërkohë që edhe dy shokët e skuadrës ndajnë të njëjtin mendim. Të pyetur se si ndihen kur ekipi nuk shënon, fushë-krujasi i Partizanit pranon se e ndjen përgjegjësinë si sulmues.

“Unë për vete ndihem përgjegjës, pasi jam pika e parë e sulmit”, thotë i riu. Mala shton: “Normalisht që e ndjejmë përgjegjësinë. Pjesa kryesore është edhe e jona dhe duhet të kemi rendiment më të lartë”. Asani më tej shton: “Po nuk shënuam, do jetë më e vështirë për ekipin”.

Ndodh shpesh që sulmi ia hedh fajin mbrojtjes, por jo Bardhi. “Unë seriozisht ia hedh fajin vetes gjithmonë, jo lojtarëve të tjerë. Ata bëjnë në maksimum punën e tyre. Përgjegjësia bie te sulmuesi”. Për Malën përgjegjësia është e gjithë ekipit dhe nuk i vihet kujt gishti. Po kështu mendon edhe lojtari tjetër që plotëson treshen “BAM”.

Të tre e thonë njëzëri që Partizani futet gjithmonë për të fituar, ndërsa Asani është ai që thekson se kurrë nuk do të humbë. Por kush është më i shpejti prej tyre? “Se di, mua më thonë se jam më i shpejti. Unë jam i shpejtë në distanca, Mala në distanca të shkurtra. Asani është më i ngadalti”. Qeshin të tre dhe Mala shigjeton: “Pajtohem edhe unë me Bardhin, Asani është më i ngadalti”.

Lufta vijon për më të saktin. Bardhi mendon se dy shokët janë më mirë në këtë aspekt, ndërkohë që Mala aprovon dhe shton: “Them Asani. Nuk jep shumë, por jep pasa kualitativë”. Shqiptari i Maqedonisë mendon ndryshe: “Më i sakti mendoj se është… Alban Hoxha”. Bardhi do kish dashur të mos ishte aty kur flitet për lojtarin që pason më pak.

“Oj nënë e zezë. Bardhi? Jo, jo, Asani”, shton sulmuesi i formuar te të kuqtë. Mala e ka refrenin gati: “Pajtohem me Bardhin”. Ilaritet, ndërsa anësori i djathtë i zënë ngushtë përgjigjet: “Janë kundra meje, kuptohet. Unë mendoj se Bardhi nuk pason”.

Në fund flitet për titullin. Mala nuk dëshiron të flasë, Bardhi mendon se janë në rrugën e duhur për këtë dhe ka shumë besim se do ia arrijnë. Kurse për Asanin nuk ka dyshime. “E fiton Partizani, pasi jemi ekipi më i mirë në Superiore”.

Entuziazëm para festave në kampin e “demave” të cilët kanë gjetur kohën për të festuar pas stërvitjes për “Topin e Artë” të Superiores, trofe që e mori Lorenc Trashi.

Ka qenë Jasir Asani, i cili përmes një postimi në “Instagram” ka treguar se skuadra është në harmoni të plotë dhe po i shijon shumë vendi i parë dhe një gëzim më shumë është edhe trofe që fitoi lojtari anësor.

Luftëtari duhet t’i bëjë mirë llogaritë për ndeshjen e fundit të vitit, pasi përballë d të ketë një ekip, që është në humor dhe natyrshëm nuk do që ta mbyllë me gjysmë buzëqeshje vitin.

Gjithsesi tanimë duhet menduar vetëm për përballjen në fushë. Për trajnerin Skënder Gega i gatshëm për këtë takim do të jetë Labinot Ibrahimi. Mbrojtësi i djathtë e shleu pezullimin prej kartonëve të verdhë dhe do të marrë vendin e tij në krahun e djathtë të prapavijës.

Por Partizani do të ketë një mungesë “big” ndaj Kukësit. Jasir Asani, autor i katër golave me fanellën e kuqe, do të mungojë ndaj Kukësit. Sulmuesi anësor u ndëshkua me karton të verdhë në takimin ndaj Teutës dhe nuk mund të luajë.

Gjithsesi nuk mungojnë alternativat për Gegën, i cili me rikthimin e Ibrahimit mund të zhvendosë në krah të sulmit Malën. Çinari gjithashtu është një opsion. Për të mësuar rreshtimin e Partizanit kundër Kukësit duhet pritur të shihen seancat stërvitore të kësaj jave.

“Byrazer, Jasir Asani, mos u mërzit. Futbolli kështu e ka, mbaje kokën lart. Sot e kishe shumë të vështirë, se di pse”, shkruan Kotobelli në llogarinë e tij në “Instagram”. Mbrojtësi i majtë dhe sulmuesi kanë qenë shokë skuadre një vit më parë te Partizani dhe kanë një raport shumë të mirë mes tyre.

POSTIMI I ASANIT FAZËN E PARË – “Në jetë, e aq me tepër në futboll, gjërat ndonjëherë nuk ecin ashtu si ne duam. Në këtë jetë njohim shumë njerëz, që dashje pa dashje na mësojnë shumë dhe krejt papritur vjen një moment që ato që ke mësuar duhet t’i vesh në zbatim. E dija vështirësinë që kam përballë teje, që në stërvitje kur duhej të më mbaje ndonjëherë. Atëherë edhe me lije të ikja, por këtë herë ishte shumë ndryshe. Sot ishim ‘rivalë’ për 90 minuta, pasi në jetë jemi vëllezër gjithmonë. Suksese dhe kokën lart mbaje gjithmonë vëllai im”, shkruante lojtari i Partizanit pas fitores në fazën e parë.

REAGIMI – Nuk ka vonuar reagimi i Jasir Asanit, i cili ka komentuar poshtë postimit të Kotobellit: “Ftohtë në Tiranë, – 9”, duke iu referuar distancës së Flamurtarit nga Partizani.

“Jo, tani për tani nuk ndihem lider”, u shpreh Asani në konferencë për shtyp. I ngacmuar për të ardhmen dhe vëzhgimin që i ka bërë Bashakshehir, sikurse ka raportuar ditë më parë “SportEkspres.com”, Asani tha: “Nuk kam asgjë për Bashakshehirin. Tani për tani jam këtu. Është herët të flasim, t’i marrim një ndeshje një nga. Normalisht do ishte mirë që të fitoja një titull dhe pastaj të largohesha”.

Sigurisht që sulmuesi e pret një ftesë nga kombëtarja: “Të gjithë lojtarët e presin ftesën e kombëtares”, tha shkurtimisht Asani, ndërkohë që më parë kishte folur edhe për treshen që formon me Bardhin e Malën, por edhe për Luftëtarin dhe golat e shënuar.

LIDHJA ME MALËN DHE BARDHIN – “Stërvitemi shumë mirë gjithë ekipi, jemi si familje e madhe dhe bashkëpunojmë shumë në stërvitje. Stërvitemi në grup na bën edhe më të fortë”.

GOLAT E SHËNUAR – “Kur erdhi profesor Gega te Partizani na dha liri të gjithë lojtarëve. Normalisht këtu është shumë e vështirë të luash nga minuta e parë, pasi ka presion të madh. Me ndihmën e stafit dhe të gjithëve kam arritur të shënoj tre gola. Jam i lumtur edhe kur asistoj, edhe kur shënoj.

LUFTËTARI – “Normal, vitin e kaluar e dimë se kush ishte Luftëtari. Nesër na pret ndeshje e rëndësishme, pasi rikthehemi nga pushimi dhe besoj se nesër të gjithë lojtarin do japim maksimumin”.

Mes Jasir Asanit dhe Blerim Kotobellit ka shumë miqësi dhe sulmuesi anësor i Partizani i ka kushtuar një dedikim ish-shokut të skuadrës. “Në jetë, e aq me tepër në futboll, gjërat ndonjëherë nuk ecin ashtu si ne duam. Në këtë jetë njohim shumë njerëz, që dashje pa dashje na mësojnë shumë dhe krejt papritur vjen një moment që ato që ke mësuar duhet t’i vesh në zbatim”, shkruan Asani, i cili më tej shton.

“E dija vështirësinë që kam përballë teje, që në stërvitje kur duhej të më mbaje ndonjëherë. Atëherë edhe me lije të ikja, por këtë herë ishte shumë ndryshe. Sot ishim ‘rivalë’ për 90 minuta, pasi në jetë jemi vëllezër gjithmonë. Suksese dhe kokën lart mbaje gjithmonë vëllai im”, përfundon lojtari i Partizanit.