Japonia

VIDEO | Iniesta, Podolski dhe Vija “top”, dhurojnë spektakël në Japoni

Sport Ekspres — Sat, 30 Mar 2019 11:39:02 +0000

Japonia po investon në futboll dhe ky sport ka filluar të ndiqet shumë në vendin e largët aziatik. Stadiumet po mbushen plot, ndërsa disa lojtarë të njohur europiane po zgjedhin vendin e Samurajit për të mbyllur karrierën.

Emra si Andres Iniesta, David Vija, Lukas Podolski dhe Fernando Torres kanë bërë këtë zgjedhje. Tre të parët luanë në një ekip, pasi janë pjesë e Visel Kobes. Ekipi i tyre ka arritur një fitore të madhe gjatë ditës së sotme. Visel mposhti në transfertë Gamba Osakën me rezultatin 3-4. Kjo fitore e ngjit ekipin e Iniestës me shokë në vendin e katërt me 10 pikë, pas pesë javëve të para.

???1???????????????@Podolski10 scores the first of the day!#J??? ??? #DAZN?
?????https://t.co/rDz2veuND0 #vissel #visselkobe #G??vs?? pic.twitter.com/cxrceEWzvt

— ??????? (@vissel_kobe) March 30, 2019

Vendasit shënuan dy herë, ndërsa Podolski shkurtoi rezultatin në minutën e fundit të pjesës së parë. Gol shumë i bukur i gjermanit, i cili dhuroi asistin e barazimit për David Vijën në minutën e 54-t.

?????????
From the @Podolski10 assist to the @Guaje7Villa goal! ?#J??? ??? #DAZN?
?????https://t.co/rDz2veuND0 #vissel #visselkobe #G??vs?? pic.twitter.com/IvIjjAqGV7

— ??????? (@vissel_kobe) March 30, 2019

Gamba u rikthye në avantazh, ndërsa miqtë rikthyen rezultatin në dhjetë minutat e fundit. Junia Tanaka, i ardhur nga stoli, shënoi dy herë dhe dërgoi në festë tifozët e ekipit të tij, duke fituar një ndeshje tepër emocionuese.

??????????@JUNYA18TANAKA ties it up again! ?#J??? ??? #DAZN?
?????https://t.co/rDz2veuND0 #vissel #visselkobe #G??vs?? pic.twitter.com/rYkFxUED2i

— ??????? (@vissel_kobe) March 30, 2019

?????????????????@JUNYA18TANAKA scores the winning goal! ?#J??? ??? #DAZN?
?????https://t.co/rDz2veuND0 #vissel #visselkobe #G??vs?? pic.twitter.com/pBI9TamhWE

— ??????? (@vissel_kobe) March 30, 2019

Donadoni drejt rikthimit, italiani pranë stolit të kombëtares aziatike

Sport Ekspres — Mon, 24 Sep 2018 09:20:22 +0000

Pasi e mbylli eksperiencën me Bolonjën në fund të sezonit të kaluar, Roberto Donadoni është pranë rikthimit. Nuk flitet për një klub, por për kombëtaren e Japonisë siç citon “Gazzetta dello Sport”. 55-vjeçari ka nisur negociatat me drejtuesit e federatës së futbollit aziatik dhe palët janë pranë akordit.

Japonia zhvilloi një paraqitje të mirë në Botërorin e Rusisë, ku arriti të kalonte fazën e grupeve, ndërsa trajneri, Akira Nishino, i dha fund me kombëtaren pas Botërorit. Donadoni do të jetë trajneri i dytë italian i Japonisë, pas Alberto Zakeronit.

Kjo do të jetë eksperienca e parë jashtë Italisë për 55-vjeçarin, i cili ka drejtuar dhe kombëtaren italiane në Europianin e vitit 2008. Ish-mesfushori i famshëm i Milanit qëndroi për tre sezone tek ekipi i Bolonjës, duke arritur të mbajë ekipin në Serie A, ndërsa tashmë është pranë kalimit në krye të Japonisë.

Lojërat Aziatike | Skandal seksual, dëbohen katër basketbollistët japonezë

Sport Ekspres — Mon, 20 Aug 2018 15:48:28 +0000

Në Indonezi po zhvillohen Lojërat Aziatike dhe delegacionit japonez i ka ndodhur një episod i pakëndshëm. Katër lojtarë të skuadrës së basketbollit janë dërguar në shtëpi, sepse kanë kaluar një natë me prostituta. Basketbollistët Juga Nagajoshi, Takia Hashimoto, Takuma Sato dhe Keita Imamura janë larguar nga fshati olimpik të mërkurën në mbrëmje dhe të veshur me uniformat e ekipit, ata janë nisur drejt një zone famëkeqe të Xhakartës, ku kanë paguar disa prostituta, më të cilat kanë kaluar natën.

Jasuhiro Jamashita ka folur për episodin në fjalë. Ai kërkon falje dhe ndihet i turpëruar nga sjellja e katër sportistëve.

“Ndihem i turpëruar. Unë sinqerisht kërkoj falje dhe nga tani e tutje do të synojmë të japim informacione të hollësishme për sportistët tanë”, komenton kreu i delegacionit japonez. Nuk ka munguar as reagimi i presidentit të federatës japoneze të basketbollit.

“I paraqes keqardhjet e sinqerta Komitetit Olimpik dhe publikut japonez. Do të vendosim sanksionet e duhura për katër sportistët, pasi të kemi një pasqyrë të qartë të ngjarjes. Duhet të angazhohemi që këto ngjarje të mos ndodhin më”, flet Juko Mitsuja.

Ky është një rast i përsëritur për delegacionin japonez. Katër vite më parë një notar dëbohej, sepse doli një video, ku ai i vidhte aparatin fotografik një gazetari.