Lens Armstrong nuk e ka harruar Ulrih dhe është nisur drejt Gjermanisë për ti treguar mbështetjen e tij. Në një postim në “Insta”, amerikani nga Teksas ka postuar një foto me Ulrih dhe shkruan në koment: “Fantastike të kaloja ditën me këtë njeri. Siç shumë prej jush e dini, unë e adhuroj Jan Ulrih. Ai ka qenë një rival i veçantë për mua. Më ka frikësuar, motivuar dhe ka bërë që të jap më të mirën nga vetja.

Ta shihje mbi biçikletë, ishte klas i pastër. Koha ecën shpejt dhe miku im po kalon një moment të vështirë. Nuk mund ta humbisja mundësinë të vija në Gjermani dhe të kaloja disa ditë me të. Ju lutem mbajeni Janin në mendimet dhe lutjet tuaja. Ai ka nevojë për mbështetje nga ne të gjithë”, përfundon Lens Armstrong.

So great to spend the day with this man. As many of y’all know, I love Jan Ulrich. He was such a special rival to me. He scared me, he motivated me, and truly brought out the best in me. Pure class on the bike. Fast forward to today and my friend is going through a rough patch. I couldn’t pass up the opportunity to come to Germany to spend a few days with him. Please keep Jan in all of your thoughts and prayers. He needs our support right now.

A post shared by Lance Armstrong (@lancearmstrong) on Aug 18, 2018 at 10:02am PDT

Ai është arrestuar të premten në mëngjes për dhunën e ushtruar ndaj prostitutës. Mbas konsultimit me zyrën e prokurorit publik të Frankfurtit, policia e ka liruar me motivacionin: “nuk janë përmbushur kushtet për burgosje.”

Ka nisur një hetim kundrejt ish-çiklistit për vrasje në tentativë, sulm dhe lëndim trupor mbas dëshmisë së vajzës, ndërsa Ulrih nuk ka folur, por ka përdorur të drejtën e tij për të heshtur.

Mbasi kishte kaluar natën me prostitutën, 44-vjeçari e ka goditur dhe ka tentuar ta mbysë, siç ka dëshmuar vajza e re, e cila ka marrë kujdes mjekësor për dhunën e pësuar. “Gjatë arrestimit nga policia, Ulrih është gjendur nën efektet e alkolit dhe drogës”, tha prokurorja Nadja Nisent.

Ulrih kishte probleme dhe gjatë javës së kaluar, ku u arrestua në Spanjë, sepse tentoi të hynte me forcë në shtëpinë e mikut të tij, aktorit dhe regjisorit gjerman, Til Shveiger. Pas ndalimit, ai u shpreh se donte të fillonte një kurë që do t’i lejonte të shihte tri fëmijët e tij, kujdestarinë e të cilëve e ka nëna e tyre, e cila është ndarë me ish-çiklistin.

Sportisti i lindur në Rostok ka patur edhe më parë probleme me drejtësinë. Ato nisën në vitin 2002, kur ai u pezullua me 6 muaj, pasi kishte përdorur ekstazi. Katër vite më vonë, emri i tij u shfaq në rastin Puerto, një rrjet dopingu i organizuar nga mjeku spanjoll, Eufemiano Fuentes, dhe gjermani u përjashtua nga Turi i Francës, vetëm një ditë para nisjes së turit.

Në shkurt 2007, ai njoftoi tërheqjen nga çiklizmi dhe një vit më vonë ai u akuzua për doping nga Gjykata e Arbitrazhit Sportiv dhe çdo titull i fituar mbas vitit 2005 iu anuluan. Në vitin 2013, mbas shumë viteve mohim, ai pranoi se kishte marrë doping.