Premtimet që i kanë bërë nuk janë mbajtur dhe ambiciet e ekipit kanë rënë poshtë. 27-vjeçari ka treguar aftësi të jashtëzakonshme, duke e vendosur veten në treshen e më të mirëve të globit. Këtë sezon ai e ka mbajtur portën të pastër në 27 ndeshje nga 50 të tilla.

Mançester Junajtid pritet të jetë destinacioni i tij i ardhshëm. De Gea do të largohet te PSG dhe Oblak e zëvendëson. Slloveni dëshiron një aventurë të re në Premier Ligë dhe Junajtid është dëshira e tij. Ai është tifoz i tyre që në vogëli dhe kërkon të plotësojë ëndrrën e tij për të luajtur në “Old Trafford”.

Pesë janë kanditaturat për të zënë vendin e 28-vjeçarit, që në rast divorci me Mançesterin pritet me krahë hapur tek Parisi. Francezët po e ndjekin me kujdes situatën e mbrojtësit ekstrem të Junajtid. Jan Oblak i Atletikos, Tibo Kortua i Real Madridit, Xhasper Cilesen i Barcelonës, Xhanluixhi Donaruma i Milanit dhe Xhek Batlend i Stok Sitit janë portierët në listën e drejtorit, Ed Uduards.

Dy emrat më të vështirë për t’u sjellë janë Oblak dhe Kortua. Slloveni sapo ka zgjatur kontratën me Atletikon dhe klauzola e tij ka shkuar mbi 100 milionë euro. Belgu i Realit sapo ka mbyllur sezonin e tij të parë në Spanjë dhe duket gati e pamundur që ta mbyllë aventurën e tij në Bernabeu kaq shpejt.

Xhanluixhi Donaruma me luhatjet që ka pasur në muajt e fundit e ka ulur vlerën e kartonit të tij në 50 milionë euro. Një çmim lehtësisht i arritshëm nga “Djajtë e Kuq”. Dy emrat e tjerë janë lehtësisht të arritshëm. Cilesen e ka shprehur zyrtarisht dëshirën e largimit nga Barcelona dhe Junajtid do të ishte destinacioni perfekt. Gjithashtu edhe Xhek Batlend do e pranonte me krahë hapur një transferim në “Old Trafford” për të bërë kapërcimin e madh në karrierë.

Atletiko e mori për 16 milionë euro nga Benfika në vitin 2014. Vlera e tij në merkato tani arrin 85 milionë eurot. Që nga ardhja në Madrid, ai është një siguri e madhe për ekipin e Simeones. Slloveni ka zhvilluar 203 ndeshje me “Los Colchoneros” dhe e ka mbajtur plot 115 herë portën të paprekur. Askush në 5 ligat e mëdha nuk ka bërë si ai.

26-vjeçari po shkruan historinë me Atletikon, duke u futur mes legjendave të katërkëndëshit të kësaj skuadre. Është portieri i pestë me më shumë ndeshje në historinë e klubit dhe duhet të kalojë numrin e 303 ndeshjeve për të thyer rekordin e Abel Resino. Mosha ja garanton diçka të tillë, ndërsa tifozët janë të lumtur për këtë rinovim.

Kavçiç e mori drejtimin e Sllovenisë në dhjetor 2017 dhe në 7 ndeshje ka humbur 5 herë e fituar vetëm 1 miqësore. Për këtë arsye, presidenti i Federatës sllovene Radenko Mijatoviç ka vendosur ta largojë që tani trajnerin, edhe pse mbeten dy ndeshje në Nations League dhe do të jetë e vështirë të gjendet dikush që do t’i marrë përsipër.

Ndërkaq, në Slloveni flitet se trajneri nuk është larguar vetëm për rezultatet zhgënjyese, por mbi të gjitha për marrëdhëniet e këqija me portierin e Atletikos së Madridit Jan Oblak, i cili dëshironte të ishte kapiten.

Ky i fundit nuk shkoi fare në kombëtare për ndeshjet e këtij muaji, duke i marrë leje direkt presidentit, pa folur me trajnerin.

Vetë Kavçiç tha ditët e fundit: “Oblak nuk më flet dhe kjo është e trishtueshme. Është humbja ime personale. Ka thënë gënjeshtra nga Madridi, por nuk ka folur kurrë me mua. Edhe lejen për të mos ardhur në kombëtare e ka marrë nga presidenti. Megjithatë, ai i duhet Sllovenisë”.

Fjalë të rënda, që duket se kanë nxitur shkarkimin e tij, pasi pesha e Oblak në kombëtare është më e madhe se e trajnerit.

Gjatë këtyre 123 ndeshjeve, portieri ka pësuar 71 gola, më pak sesa numri i ndeshjeve ku e ka mbajtur rrjetën të paprekur. Oblak debutoi me Atletikon me datë 21 mars të vitit 2015. Gjatë atij sezoni, Oblak zhvilloi 11 ndeshje, duke pësuar gjashtë gola dhe mbajtur portën të paprekur në 7 ndeshje.

Një sezon më vonë, Oblak zhvilloi 38 ndeshje, ku pësoi 18 gola. Ai e mbajti portën të paprekur për 24 ndeshje nga 38.

Në sezonin 2016/2017, slloveni zhvilloi 30 ndeshje, ku pësoi 21 gola, ndërkohë që e mbajti portën të paprekur për 15 ndeshje.

Sezonin e fundit Oblak pësoi 22 gola në 37 ndeshje, ndërsa e mbajti portën të paprekur për 22 ndeshje. Në tre sezonet e fundit ai është shpallur portieri më i mirë i La Ligës. Sezoni i ri nuk ka nisur në mënyrën më të mirë të mundshme, sepse ka pësuar katër gola në katër ndeshjet e para, ndërsa tre ndeshjet e fundit e ka mbajtur portën të paprekur dhe momentalisht është në formë të shkëlqyer.

Drejtuesit e klubit spanjoll janë gati për t’i rinovuar kontratën portierit, i cili është një nga objektivët kryesore për klubet e mëdha europiane. Aktualja i skadon në vitin 2021 dhe 25-vjeçari ka një klauzolë shitje prej 100 milionë eurosh. Atletiko dëshiron ta blindojë dhe është gati për t’i ofruar atij rinovimin e kontratës, përpara Krishtlindjeve. Klauzola do të dyfishohet siç citon “AS”, dhe ekipi që kërkon shërbimet e sllovenit do duhet të paguajë 200 milionë euro. Portieri është dakort parimisht për të rinovuar, por çështja e klauzolës së re është akoma për t’u diskutuar.

Nga ana tjetër, Grizman ka folur mbas fitores duke “snobuar” tifozët e Atletikos. Në stadium u dëgjuan vërshëllima, por diçka e tillë nuk është një problem për sulmuesin francez.

“Gjëja më e rëndësishme janë pikët dhe jo loja e skuadrës. Ne jemi Atletiko e Madridit, nuk zhvillojmë një futboll të bukur, por ne besojmë që pikët janë ajo çfarë ka rëndësi. Ëndërroj të vazhdoj të fitoj. Topi i Artë vendoset nga persona të tjerë, por unë jam krenar për çka kam fituar dhe falënderoj shokët e kombëtares dhe të Atletikos. Jam kandidat për topin e artë, por gjithmonë kam vënë interesin e skuadrës përpara vetes time”, përfundon Grizman, i cili fitoi Kupën e Botës me Francën, dhe Europa Ligën dhe Superkupën e Europës me Atletikon.

Oblak nuk është menduar fare dhe u ka kthyer përgjigje negative “Bluve” të Londrës, të cilët e shihnin si zgjedhjen perfekte për zëvendësimin e Tibo Kurtua.  Gardiani i Atletikos dëshiron të vazhdojë me grupin aktual dhe një nga shkaqet e refuzimit të tij është pikërisht trajneri argjentinas.

Në fillim Grizman dhe tashmë Oblak. Lojtarët ndihen mirë në Madrid dhe janë të lidhur shumë me trajnerin e tyre. Portieri 25-vjeçar është gati të nisë sezonin e pestë me ngjyrat e Atletikos. Ai është rritur shumë nën drejtimin e “El Cholos” dhe sot është një nga më të mirët në botë në rolin e tij.