Jan Karamoh

VIDEO | Tifozi turk futet në fushë, “garë” me ish-sulmuesin e Interit!

Sport Ekspres — Sun, 28 Jul 2019 11:39:20 +0000

Në futboll ndodh shpesh që tifozët të hyjnë në fushë dhe të japin mesazhet e tyre në lidhje më një kauzë që përfaqësojnë. Por e rrallë është që dikush të hyjë në fushë për të arritur sulmuesin kundërshtar, i cili më parë u ka ikur mbrojtësve të skuadrës së tij.

Kjo ka ndodhur me një tifoz të Trabzonsporit në miqësoren që ekipi i tij po luante ndaj Parmës. “Viktima” e një shakaje të tillë është ish-sulmuesi i Interit, Karamoh.

Ky i fundit ka marrë një top të larguar nga një goditje këndi dhe ka vrapuar drejt zonës kundërshtare. Një tifoz ka zgjedhur të testojë shpejtësinë e tij me atë të Karamoh, duke krijuar edhe momente ilariteti te të pranishmit.

Kafalar p?r?l p?r?l. pic.twitter.com/5Xxh68zAQi

— De Souza¹? (@sezerbsglu) July 27, 2019

Interi nuk heq dorë, jo vetëm miliona për yllin italian

Sport Ekspres — Sun, 20 Jan 2019 12:26:49 +0000

Ivan Perishiç do të jetë një nga largimet e Interit në fund të sezonit. Kroati zhvilloi një Botëror fantastik, por nuk po kalon një formë të mirë me klubin zikaltër. Vazhdueshmëria është një nga problemet e 29-vjeçarit, i cili “fiket” ndonjëherë dhe nuk e shfaq gjithë potencialin e tij. Ai dëshiron Premier Ligën dhe Interi ka gati zëvendësuesin.

Ai është Federiko Kieza, ylli i Fiorentinës. Sulmuesi i krahut është 21 vjeç, i ri, i fortë, i talentuar dhe ka një të ardhme fantastike. Kieza është një nga emrat më të kërkuar në merkato, ndërsa klubi nga Firence kërkon 70 milionë euro për shërbimet e tij.

Federiko Kieza

Siç raportojnë mediat italiane, Marota është gati të ofrojë deri në 50-55 milionë euro për kartonin e italianit në fund të sezonit, por Fiorentina nuk lëkundet nga kërkesa e saj. Zgjidhja? Interi është gati të fusë në tratativë një mes Roberto Galjardinit dhe Jan Karamoh, për të mbushur diferencën me 70 milionë eurot që kërkon klubi vjollcë.

Mesfushori pëlqehet nga Fiorentina, ndërsa 20-vjeçari francez është huazuar tek ekipi i Bordo, aty ku po bën paraqitje të mira dhe do të ishte një opsion i mirë për ekipin e Piolit.

Inter e huazon, Karamoh rikthehet në Francë

Sport Ekspres — Thu, 30 Aug 2018 16:26:10 +0000

Merkato në dalje për Interin, që ka arritur akordin me ekipin e St. Etienit për huazimin e Jan Karamoh. 20-vjeçari rikthehet në kampionatin francez, mbasi është aktivizuar më parë me ekipin e Kaenit, përpara se të vinte në Milano. Ai zhvilloi 17 ndeshje me zikaltrit dhe arriti të shënonte një gol në fitoren me Bolonjën.

Francezi i lindur në Bregun e Fildishtë kishte oferta dhe nga Shalke e Spartaku i Moskës, por ai zgjodhi të rikthehej në një kampionat që e njeh mirë. Ardhjet e Politanos dhe Keita Balde zvogëluan mundësitë e Karamoh për të luajtur dhe diçka e tillë u pa në dy ndeshjet e para të kampionatit. Vetëm 8 minuta lojë përballë Sasuolos dhe pankinë në ndeshjen me Torinon.

Ai ka arritur akordin me St Etien dhe do të huazohet për një vit në ekipin francez. Nga ana tjetër, Inter është pranë mbajtjes në ekip të Kandrevës dhe Zhoao Marios, sepse akoma nuk ka patur oferta zyrtare në drejtim të tyre edhe pse gjithçka mund të ndodhë në momentet e fundit të merkatos.