Jamie Carragher

E thotë një legjendë e kuqe: Mesi meriton “Topin e Artë”

Sport Ekspres — Mon, 10 Jun 2019 18:51:58 +0000

Leo Mesi dhe Virxhil Van Dajk janë dy kandidatët kryesorë për të fituar çmimin më të madh individual, “Topin e Artë”. Të dy kanë bërë një sezon shumë të mirë dhe opinioni sportiv është ndarë në dy kampe.
Shumë personalitete kanë folur mbi këtë temë, ndoshta edhe duke mbrojtur interesat e veta. Por Xhejmi Karrager i vë vulën kësaj çështje. Legjenda e Liverpulit nuk mendon se Van Dajk nuk mund të dalë sipër Mesit dhe të fitojë atë çmim. Ai shprehet se Leo e meriton ”Topin e Artë”.

“E pashë që Van Dajk doli lart në kuotimin e basteve. Dua të jem i sinqertë që Mesi e meriton atë çmim. Shumë rrallë shohim ta marrë një mbrojtës. Kanavaro e mori atë pasi fitoi një troofe si Kupa e Botës. Ne kemi parë mbrojtës si Pike dhe Serxho Ramos që kanë performuar shumë më mirë se Van Dajk, por kanë vetëm medaljet”, u shpreh Karrager.

“Mustafi gaboi sërish? Aspak surprizë, ai është një rrëmujë e madhe!”

Sport Ekspres — Tue, 23 Apr 2019 11:07:32 +0000

Shkodran Mustafi u transferua në vitin 2016 nga Valencia tek Arsenali për shumën e 35 milionë sterlinave. Mbrojtësi i kombëtares gjermane nuk ka zhvilluar ndeshje të mira me “topçinjtë”, sidomos në këtë sezon.

Paraqitje nën nivel dhe gafa të shumta. Kështu ndodhi sërish. Arsenali u mposht në shtëpi nga Kristal Palas me rezultatin 2-3. Një hap fals në momentin e gabuar pasi gara për një vend në Champions po shkon drejt fundit, ndërsa Mustafi gaboi në dy gola të miqve.

Xhimi Karrager, ish-qendërmbrojtës i Liverpulit, e ka kritikuar sërish 27-vjeçarin. Këtë sezon e ka bërë shpesh, sepse edhe Shkodrani ka gabuar pafund.

“Unë nuk u surprizova fare nga gabimet e Mustafit. Ai ka qenë një rrëmujë e madhe që nga koha kur ka ardhur tek Arsenali. Kundër Palas e vërtetoi sërish diçka të tillë. Goli i dytë është totalisht prej fajit të tij”, komenton Xhimi Karrager për Monday Night Football.

Legjenda e Liverpulit tallet me Çelsin: Bornmuthi dukej si… Brazili!

Sport Ekspres — Tue, 12 Feb 2019 19:52:21 +0000

Humbja 6-0 kundër Mançester Junajtid ka futur Çelsin në krizë. E ardhmja e Mauricio Sarrit është në dyshim dhe ai mund të shkarkohet nëse ekipi nuk reagon. Dy transfertat e fundit kanë qenë katastrofave për “Blutë e Londrës, të cilët u mposhtën dhe nga Buremuthi me rezultatin 4-0.

Xhimi Karrager është një legjendë e Liverpulit, pasi zhvilloi gjithë karrierën e tij me atë klub, ndërsa tashmë punon në rolin e komentatorit për ndeshjet e kampionatit anglez. Ish-mbrojtësi ka analizuar formën e dobët të Çelsit, duke bërë një krahasim interesant.

“Paraqitjet e fundit të Çelsit në transfertë kanë qenë të dhimbshme dhe mungesa e intensitetit nga ana e lojtarëve është e pabesueshme. Ekipi pret dhe nuk bën presing lart për të rifituar topin. Por kjo është e pamundur, sepse në ekip ka shumë lojtarë mbi 30 vjeç. Lojtarët e Sarrit duhet të jenë agresivë, përndryshe ata e bëjnë Bornmuthin të duket si Brazili. Shpresoj që Sarri të vazhdojë të qëndrojë në postin e tij. Mos të harrojmë që Çelsi ka dhe një finale Kupe për të luajtur. Megjithatë, gjithçka do të varet nga rezultatet e ardhshme”, përfundon Karrager.

Karrager i nxjerr jashtë loje Arsenalin dhe Mançesterin

Sport Ekspres — Wed, 26 Sep 2018 07:32:04 +0000

Xhemi Karrager njihet për daljet e tij në media në mënyrë të shpeshtë. Ish-mbrojtësi i Liverpul u pezullua në mars të këtij viti, pas një video që bëri xhiron e botës, ku Karrager reagoi në mënyrë jo etike ndaj një vajze 14-vjeçare dhe të atit të saj.

Gjithsesi 40-vjeçari ka folur për mediat angleze së fundmi, ku ka dhënë mendimin e tij për sa i përket Premier Ligës këtë sezon dhe si ai e shikon vijueshmërinë. Sipas ish-legjendës së Liverpul, Arsenal dhe Mançester Junajtid do të mbeten jashtë top katërshes së parë në tabelën e renditjes. Karrager është shprehur se Liverpul, Çelsi dhe Siti janë një hap më lart se ekipet e tjera.

“Nga ajo çfarë kam parë këto javë të para do të thosha se Arsenal dhe Mançester Junajtid do të mbeten jashtë katërshes së parë. Ekipet e tjera duken më lart se këto dy skuadra. Liverpul, Çelsi dhe Siti janë një hap më lart, por dhe Totenhem do ta rimarrë veten”, ka deklaruar për “Mirror” Karrager.