Merkato në ishull mbyllet me datë 8 gusht dhe “djajtë e kuq” nuk kanë kohë në dispozicion për të gjetur pasardhësin e mesfushorit francez. Aq më tepër që Junajtid e vlerëson 160 milionë euro kartonin e Pogba.

Oferta e fundit e Realit nuk mjafton dhe është larg kërkesës së Junajtid. Trajneri Solskjaer e ka bërë të qartë që Pogba do të qëndrojë edhe sezonin e ardhshëm në ekip, pavarësisht se dëshira e madhe e lojtarit është transferimi te ”gjiganti” spanjoll.

Megjithatë, ai nuk do të ndryshojë destinacion. El Chiringuito raporton se Reali ka vendosur ta mbajë në ekip 28-vjeçarin. Dëmtimi i rëndë i Marko Asensios, i cili ka mbyllur sezonin ende pa e nisur, dhe largimi i Bejl drejt Kinës kanë ndryshuar planet e Zidan.

Trajneri francez ka vendosur që Hames do të luajë me Realin sezonin e ardhshëm, ndërsa Napoli dhe Atletiko Madrid duhet të piketojnë një tjetër futbollist për rolin e fantazistit.

Atletiko është një nga klubet që ka bërë më shumë merkato në Evropë. Përtej shumë largimeve, Simeone nuk pritet të ndiejë mungesën e askujt me gjithë ata yje që po zbarkojnë në klubin bardhekuq. Hames do të jetë një nga udhëheqësit e ekipit.  Kolumbiani pritet të lëvizë si një elektron i lirë nëpër mesfushën e “Los Colchoneros”.

“Marca” raporton lajmin e bujshëm se Hames ka marrë një vendim. Ai dëshiron të transferohet tek Atletiko Madrid, “armiqtë” e të njëjtit qytet. Real Madrid zotëron kartonin e tij dhe nuk pranon huazim.

“Colchoneros” nuk i kanë problem paratë, janë gati të paguajnë Realin dhe t’i plotësojnë çdo dëshirë 28-vjeçarit latin. Insistimet e Karlo Ançelotit dhe entuziazmi i tifozëve të Napolit nuk kanë dhënë efekt, pasi Hames nuk dëshiron të lëvizë nga kryeqyteti spanjoll.

#LaPortada ‘Bombazo a la vista’ @JamesdRodriguez #Fichajes pic.twitter.com/uvmZGvom26

— MARCA (@marca) July 13, 2019

Në një intervistë për “Corriere Dello Sport”, producenti i njohur shpjegon si qëndron situata me sulmuesin argjentinas, ndërsa zbulon dhe se ku kanë ngecur negociatat për transferimin e Hamez Rodrigez në Napoli.

“Muaro Ikardi është një lojtar shumë i mirë. Ne e vlerësojmë jashtëzakonisht shumë, kjo s’ka vend për diskutim, por ai kërkon të shkojë te Juventusi”.

“Hamez Rodrigez është lojtari më i njohur mediatikisht pas Nejmarit dhe Ronaldos. Ai kërkon të vijë në ekipin tonë, por Reali kërkon shumë për kartonin e tij. Ne s’mund t’i kalojmë limitet tona. Presim që të na ofrohet një çmim i arsyeshëm “.

Entuziazmi te tifozët e zjarrtë napolitanë është rritur de të gjithë po presin fantazistin latin. Ashtu mendon edhe Diego Maradona Jr, djali i legjendës argjentinase. Ai zbulon për “Marca” faktin që tenton gjithmonë të bindë Hamesin të transferohet te Napoli, por me një kusht: numrin dhjetë të Diegos duhet ta harrojë.

“Komentoj gjithmonë në fotot e Hamesit dhe i kërkoj që të transferohet te Napoli. I bëj shumë presion dhe së fundmi i ka dhënë like një komentit tim. Do të ishte një ëndërr nëse vjen te Napoli. Një lojtar me kualitetin e tij do t’i shtonte vlerat skuadrës. Qyteti është gati ta presë krahëhapur dhe jam i bindur se Hames do të tregonte gjithë potencialin që zotëron te Napoli.

Nuk e di konkretisht, por tratativa është në fazë të avancuar dhe ka mbetur për t’u përcaktuar vetëm formula e transferimit. Numri 10? Ai numër nuk preket. Është trashëgimi e familjes tonë dhe lidhet gjithmonë me babanë tim. U fol për t’ia dhënë edhe Higuain e Insinjes më parë, por duhet të jetë si në NBA: kur tërhiqet një bluzë, bëhet për përgjithmonë”, përfundon Diego Maradona Jr.

Gazetari i Sky, Karlo Alvino, raporton se tratativa do të zgjasë edhe ca dhe bën thirrje për durim. Megjithatë, ai është i sigurt që i preferuari i Karlo Ançelotit do të transferohet në Serie A.

Vetë Reali nuk dëshiron t’ia dhurojë 28-vjeçarin Atletikos dhe preferon ta shesë te nënkampionët e Italisë. Për shërbimet e tij, Florentino Perez kërkon 40 milionë euro. Por, jo vetëm Hames Rodrigez.

Alvino zbulon edhe një tjetër operacion të Napolit. De Laurentis ka arritur akordin me Eljif Elmas, 19-vjeçarin nga Shkupi që është pjesë e Fenerbahçes.

Mesfushori ofensiv, i cili bën mirë të gjitha rolet e mesfushës, cilësohet si Fabian Ruiz i ri dhe Napoli ka arritur marrëveshjen përfundimtare me të dhe klubin turk.

15 milionë euro ka paguar De Laurentis në arkat e Fenerbahçes dhe Elmas është gati për të nisur aventurën e re. Për të interesoheshin edhe Interi e Fiorentina, por Napoli u tregua më i shpejtë dhe “rrëmbeu” lojtarin e talentuar.

Napoli-James. Si fa. Ma resto sulla mia linea. Non credo proprio che ci sia una conclusione a breve. È una trattativa lunga e complessa. Il Napoli alla fine porterà il colombiano in maglia azzurra. Ma i tempi, al contrario di quanto sento e leggo, saranno lunghi. Keep calm!

— Carlo Alvino (@Carloalvino) July 9, 2019

+++Mercato Napoli. Vicinissima la chiusura di Elif Elmas. Attenzione: questo ragazzo è un fenomeno, un nuovo Fabian Ruiz… #ForzaNapoliSempre

— Carlo Alvino (@Carloalvino) July 9, 2019

Lojtari 28-vjeçar (i mbush të premten) preferon të qëndrojë në Spanjë. Nëse do të ishte në dorën e tij, ai do të transferohej tek Atletiko, por Reali mendon ndryshe. As raporton se “Los Blancos” po presin ofertën e Napolit.

Florentino Perez nuk dëshiron t’i përforcojë më shumë “armiqtë” e qytetit dhe preferon shitjen e lojtarit në Serie A. Për ta bërë fakt të kryer diçka të tillë nevojiten 40 milionë euro. Presidentit De Laurentis i dihet të nxitojë, përndryshe Hames do të vihej nën urdhrat e Cholo Simeones.

Është arritur dakordësia mes të gjitha palëve dhe në ditët e ardhshme do të kemi lançimin e blerjes më të re të klubit italian. Edhe Atletiko ka shfaqur interes për 27-vjeçarin. Gjithsesi, blerja rekord e Zhoao Feliks për 126 milionë euro nga Benfika e nxjerr automatikisht nga gara klubin bardhekuq.

Për momentin po diskutohet formula e transferimit dhe shifra e blerjes së lojatrit. Ardhja e Hames pritet të jetë në formën e huazimit me blerjen përfundimtare në fund të sezonit të ardhshëm. Kolumbiani nga ana e tij ka arritur dakordësinë për të zbarkuar në Napoli. Bashkimi më një trajner të dashur për të si Ançeloti, është gjëja më e mirë për fantazistin.

“Los Blancos” kërkojnë 42 milionë euro për kartonin e Hames, ndërsa Napoli synon ta marrë në huazim me të detyrim blerje. Megjithatë, sipas raportimeve të spanjolles “AS”, akordi është shumë afër dhe çështje ditësh.

Diferencat mes palëve janë të vogla dhe lehtësisht të kapërcyeshme. Tifozët dhe Ançeloti po e presin me padurim, ndërsa Hames Rodrigez është gati për nisjen e aventurës së re dhe ribashkimit me trajnerin e preferuar.

Aty do të gjente David Opsinën dhe Karlo Ançelotin. Me të parin luan në kombëtare dhe ka qenë i martuar me motrën e tij, ndërsa me të dytin ka një lidhje dhe miqësi tepër të veçantë.

Rreth kësaj situate ka folur edhe babai i fantazistit. Vilson Rodrigez e sheh me sy të mirë opsionin Napoli dhe e shtyn të birin drejt kalimit në jugun e Italisë në prononcimin e dhënë për “calcionapoli24.it”.

“Besoj se Hamesi e ka të nevojshme këtë moment një ndërrim ekipi. Te Napoli, për të cilin mendoj se është një klub i rëndësishëm, ka Ospinën dhe Ançelotin. Napoli është opsioni më i mirë për të. Mes tij dhe Ançelotit ka patur një respekt të dyfishtë që në fillim.

Hames është mirënjohës ndaj Karlos për ato që ka bërë për të, pasi ai di si t’i marrë maksimumin. Mes tyre ka lindur një miqësi e pastër. Mos të harrojmë se trajneri ka qenë gjithmonë i kënaqur me të dhe sezoni më i mirë i Hamesit mbetet ai i zhvilluar te Reali me Ançelotin në stol.”

“Colchoneros” arritën akordin me Realin për kalimin e Markos Jorente nën urdhrat e Diego Simeones, por mesfushori 24-vjeçar mund të mos jetë i vetmi, i cili bën këtë lëvizje dhe “tradhti”.

Sipas “Cadena Ser”, Atletiko është futur në garë për shërbimet e Hames Rodrigez. Kolumbiani është në bisedime të avancuara me Napolin dhe është pranë ribashkimit me Karlo Ançelotin, por Atletiko nuk dorëzohet.

Fantazistit i pëlqen shumë të jetojë në Madrid dhe Simeone po synon ta shfrytëzojë këtë fakt. Ky i fundit po mendon shitjen e Vitolos dhe Korreas për të nisur më pas sulmin ndaj Hamesit.

Tratativa do të jetë e gjatë dhe e komplikuar. Atletiko synon të bllokojë kalimin e lojtarit latin te Napoli për momentin për të tentuar më pas akordin me të dhe me “armiqtë” e Realit.

Spanjollët zotërojnë kartonin e lojtarit latin, ndërsa Napoli e ka paraqitur ofertën e vet. 10 milionë euro për huazim 2-vjeçar dhe 27 milionë të tjera për blerjen e plotë.

Hamesin e pret një kontratë 5-vjeçare me një rrogë prej 6.5 milionë eurosh në sezon. “Nuk e di se ku do të luaj sezonin e ardhshëm. Për momentin mendoj vetëm për të bërë mirë në Kupën e Amerikës me Kolumbinë. Vendimi i së ardhmes nuk është në dorën time, por në dorën e Realit”, është shprehur 28-vjeçari, duke ia lënë topin në derë klubit madrilen.

“Për momentin synoj të zhvilloj një kompeticion pozitiv me kombëtaren. Nuk e di akoma të ardhmen time. E vërtetë, mendoj për të, por do të mendoj më shumë në ditët e ardhshme”, thekson fantazisti latin.

Napoli po negocion me Real Madrid, i cili kërkon pesë milionë euro për huazimin njëvjeçar dhe 30 të tjera për blerjen e plotë. De Laurentis po tenton t’i ulë disi këto shifra, edhe pse akordi mes palëve është shumë afër.

Ançeloti e njeh atë që në kohën kur ishin të dy pjesë e Realit. Hames pritet të vijë në Napoli në formën e huazimit me të drejtë blerje pas një sezoni. Në rast të një marrëveshje përfundimtare, Rodriges do të firmosë kontratë 5-vjeçare me një pagë prej 5,8 milionë eurosh në sezon. Arsenal dhe Junajtid janë gjithashtu tepër të interesuar për shërbimet e tij.

Në “Bernabeu”, mesfushori nuk pëlqehet, teksa marrëdhënia e tij me Zidan nuk është ajo më e mira. Kështu, Hames duhet të kërkojë një ekip të ri dhe alternativa kryesore me sa duket është Napoli.

Sipas asaj që raportojnë mediat në Itali e Spanjë, një kalim te Napoli do të kishte dhe aprovimin e vetë lojtarit, pasi atje do të gjente ish-trajnerin e tij Karlo Ançelotin, me të cilin Hames, ishte titullar i padiskutueshëm në Madrid.

De Laurentis është i gatshëm të paguajë rrogën prej 6.5 milionë eurosh të kolumbianit, por nuk pranon të ofrojë më shumë se 30-35 milionë euro për kartonin e tij. Nga ana tjetër, Perez kërkon 50 milionë euro. Ky është i vetmi ngërç, por që sipas gjasave do të zgjidhet, pasi dy klubet kanë marrëdhënie mjaft të mira.

Këtë e bën të ditur drejtori i përgjithshëm i Bajernit, Rumenige. Ai shprehet se ka rënë dakort me Hames për të mos e blerë kartonin e tij. Kolumbianit i është bërë e qartë se nuk e ka të sigurtë vendin e titullarit dhe zgjedhja e tij ka qenë largimi te Reali. Ajo që do pasojë pritet të jetë shitja e tij në një klub tjetër, ku mund të luajë më shumë.

“Para fundit të sezonit ai erdhi dhe biseduam. I thashë se nuk e ka të sigurtë aktivizimin në çdo ndeshje dhe zgjedhja e tij ishte kthimi në Madrid. Nuk mund të paguajmë 42 milionë euro për një lojtar që nuk e ka të sigurt formacionin. Rodriges kërkoi vazhdimësi, por ne nuk ja sigurojmë dot dhe më vjen keq për këtë”, u shpreh Rumenige.

Një emër i ri ka dalë në skenë, më saktë është rikthyer si pistë. Flasim për Hames Rodrigez, i cili kërkohet me insistim edhe nga Napoli i Ançelotit. Bajerni nuk e bleu kartonin e kolumbianit dhe ky i fundit do të rikthehet në Madrid.

Për të lëvizur përsëri, pasi Zidan nuk e ka fare në konsideratë. Sipas raportimeve të gjermanes Bild, fantazisti latin është kontaktuar nga Kristiano Ronaldo. Të dy kanë luajtur bashkë te Reali dhe portugezi dëshiron ta ketë përsëri në ekip.

Një ide e tillë e tundon Hamesin, i cili do pranonte pa asnjë mëdyshje opsionin Juventus. Tani topi kalon në anën e drejtuesve të “Zonjës”, të cilët mund të binden nga insistimi i Kristiano Ronaldos, personit që “sponsorizon” ardhjen e Rodrigez në Torino.

27-vjeçari nuk është në planet e Zidan dhe pritet që shitja e tij të gjenerojë të ardhura shtesë për blerjet e Real Madrid. Sipas së përditshmes spanjolle “AS”, destinacioni i radhës për kolumbianin do të jetë Napoli, ku e pret ish-trajneri i tij Karlo Ançeloti.

Hamez ka një raport mjaft të mirë me Ançelotin, me të cilin ka punuar te Real Madrid dhe Bajern Mynih. Raporti i mirë që ekziston mes palëve mund të rezultojë vendimtar për këtë transfertë. Vetë presidenti Aurelio De Laurentis paralajmëroi fansat për një blerje të madhe mesa duket Hamez Rodrigez do të jetë blerja numër një e Napolit gjatë kësaj merkato vere.

Në Madrid mesfushori nuk pritet me krahët hapur dhe largimi i tij është diçka thuajse e sigurt. Destinacioni i mundshëm i Hames pritet të ishte Torino, ku do të bashkohej me Juventusin, por së fundmi në garë është futur PSG.

Francezët kërkojnë të përforcojnë mesfushën dhe kolumbiani duket objektivi perfekt. Gjithashtu, çmimi i tij nuk është shumë i lartë dhe nuk do të ndikonte në “Fair-playn financiar”, me PSG-në që duhet të bëjë shumë kujdes për këtë çështje.

Sidoqoftë, marrëdhëniet e Hames me trajnerin Zidan dihen që nuk janë të mira, kështu që gjasat për largimin e tij janë shumë të mëdha. Madje, në Itali e bëjnë diçka të sigurt transferimin e tij në Serie A.
Fillimisht ishte folur për Juventusin, por duket se Napoli është futur vrullshëm në garë. Të kaltrit kanë edhe një avantazh të madh dhe ai është sigurisht Karlo Ançeloti. Trajneri italian ishte ai që e afroi në Madrid në vitin 2014 dhe Hames ka marrëdhënie të shkëlqyera me të.
Shtypi në Itali e bën të sigurt një transferim të tillë, me bisedimet që duket se kanë nisur. Napoli dhe De Laurentis kërkojnë të ndërtojnë një ekip sa më rivalizues për Juven sezonin e ardhshëm dhe blerja e Hames do të ishte një goditje e bujshme.

Siç raportohet nga mediat gjermane, por edhe spanjolle, Bajerni ka vendosur që mos ta aktivizojë të drejtën e blerjes për kolumbianin, me këtë të fundit që do të kthehet në Madrid pas dy sezoneve në Mynih.

27-vjeçari do të gjejë në Madrid përsëri trajnerin që e largoi, Zinedin Zidan dhe për këtë arsye largimi i tij është i sigurt, me Realin që do ta nxjerrë menjëherë në shitje. Destinacioni i radhës për mesfushorin është një enigmë e plotë, pasi ende nuk ka pasur ekipe të interesuara për të.

Në Madrid mesfushorin nuk është se e presin me krahë hapur. Në fakt ato shpresonin që kampionët e Gjermanisë të paguanin shifrën e vendosur në marrëveshje, por kjo nuk pritet të ndodhë. Atje është kthyer një nga arsyet që Hames u largua nga “Santiago Bernabeu”, pikërisht Zinedin Zidane. Francezi nuk e pëlqen stilin e tij dhe pritet që Reali ta nxjerrë direkt në shitje.

Juventusi është klubi që është gati për të përfituar nga kjo situatë. Në Torino po vuajnë për të gjetur një lojtar të profilit të tij, pa shpenzuar shumë. Zyrtarët e “zonjës” patën shprehur interes edhe vitin e kaluar për Rodrigez e duket se tani i erdhi fati në derë. Anjeli do t’i jepte pa iu dridhur dora ato 42 milionë euro për të pasur kolumbianin sezonin e ardhshëm në skuadër.

Mesfushori nuk dëshiron të qëndrojë në “Allianz Arena” dhe zërat që e rikthejnë atë në Madrid sa vijnë e shtohen. Së fundmi, ka qenë gjigantja spanjolle “Marca”, e cila ka raportuar se Hames nuk do të vijojë karrierën e tij me Bajernin dhe do të rikthehet te Reali.
Dëshira primare e 27-vjeçarit thuhet të jetë kjo, më pas një qëndrim në “Santiago Bernabeu” nuk është i sigurt, pasi dihet që marrëdhëniet e kolumbianit me trajnerin Zidan nuk kanë qenë fort të mira. Gjithsesi, kjo mbetet për t’u parë, pasi fillimisht Hames duhet të kthehet në Madrid.

Siç raporton “Marca”, lojtari ofensiv nuk dëshiron të qëndrojë më në Gjermani dhe kërkon të nisë një aventurë të re. Ai nuk po preferohet shumë nga trajneri Kovaç dhe gjatë këtij sezoni ka luajtur vetëm 576 minuta në 11 ndeshje, aty ku ka shënuar tre gola në dhjetë goditje në portë.

Ditët e fundit ai ka marrë një telefonatë surprizë nga Kristiano Ronaldo, i cili e ka ftuar t’i bashkohet atij te Juventusi. Të dy lojtarët kanë luajtur bashkë te Reali dhe kanë një miqësi të fortë midis tyre.

Babai i 27-vjeçarit, Uillson ka folur për “Bild” për të ardhmen e djalit të tij. “Hamesin e shoh shumë të heshtur te Bajerni i Mynihut dhe nuk më duket i lumtur. Juventusi do të ishte një opsion shumë i mirë për të. Ai dhe Kristiano Ronaldo janë shumë miq me njëri-tjetrin dhe ashtu si e shoh unë sot futbollin italian, kalimi te bardhezinjtë do të ishte një vendim shumë i mirë.”

Nga ana tjetër Juventusi po bën maksimumin për të siguruar shërbimet e Matijs De Ligt. Kapiteni 19-vjeçar i Ajaksit kërkohet dhe nga Barcelona e Mançester Siti. Siç raportojnë mediat italiane, bardhezinjtë kanë raporte të mira me Mino Rajolën, agjentin e lojtarit, ndërsa presidenti Anjeli është takuar me Edvin Van Der Sar, drejtorin sportiv të “harkëtarëve” për të diskutuar për transferimin e mbrojtësit të talentuar në Serie A.

Milani i vendit të katërt është vetëm tre pikë larg, ndërsa ekipi i Berishës dhe Gjimshitit po bën një kampionat shumë të mirë. Pjesa e parë me Romën ishte e dobët dhe miqtë shënuan tre herë. Kastanje shënoi për Atalantën në fundin e pjesës së parë, ndërsa Toloi dhe i zakonshmi Zapata dërguan tifozët në ekstazë me golat e tyre.

Pikë me vlera për Atalantën dhe goli i 15 në kampionat për sulmuesin kolumbian, i cili ndodhet në një formë të mrekullueshme. Zapata ka ndarë lumturinë e tij me tifozët në rrjetet sociale, ndërsa në bisedë janë përfshirë dhe Hames Rodrigez dhe Papu Gomez.

Ylli i Bajernit ka komentuar në postimin e patriotit të tij duke vlerësuar Zapatën me “emoji”, ndërsa ka komentuar dhe Papu Gomez. Komenti i kapitenit ka bërë të ëndërrojnë për një moment tifozët e Atalantës.

“Hames, nëse dëshiron të provosh futbollin italian, Atalanta është shtëpia jote. Të dhuroj dhe numrin 10, nëse e dëshiron”, komenton Papu Gomez. Një ftesë origjinale dhe e sinqertë e kapitenit, ndërsa tashmë pritet “përgjigja” e fantazistit kolumbian.

 

View this post on Instagram

 

Orgoglioso di questa grande reazione che ci ha permesso di pareggiare una partita che sembrava già compromessa!!! Siamo un grande Gruppo, grande Dea, grande Tifo!?????? Orgulloso de esta gran reacción.. Empatamos este partido que al inicio parecía ya perdido… Vamos por mas! ???? #duvanzapata #Dz91 #GoAtalantaGo @atalantabc @seriea DIOS ANTE TODO!!

A post shared by ??Duván Esteban Zapata (@duvanzapata91) on Jan 27, 2019 at 12:45pm PST

Edhe në këtë merkato janari, emrat që synohen nga ekipet janë angleze janë shumë të njohur, duke filluar me Higuan dhe deri te “problematiku” Malkom. Argjentinasi duket se do të jetë lojtar i Çelsit, për Malkom ka interesim nga Totenhami, Arsenali kërkon Hames Rodrigez ndërsa Odoi i Çelsi mund të largohet drejt Bajernit të Mynihut. Ja kush janë 10 transferimet që mund të kryhen në 10 ditët e fundit të merkatos.

Pas këtij dëmtimi mund të thuhet me siguri se Hames e ka mbyllur me futbollin në vitin 2018. Kolumbiani pritet të rikthehet nën urdhrat e Niko Kovaç në muajin janar, kur do të fillojë dhe faza e dytë e sezonit në kampionatin gjerman.

Bad news ?@jamesdrodriguez has suffered a partial LCL tear in his left knee and will be out of action for several weeks ?

Get well soon! #MiaSanMia pic.twitter.com/psCkd2Wxd2

— FC Bayern Munich (@FCBayernEN) November 14, 2018

Hames është mesfushori i tretë i Bajernit që i bashkohet infermierisë, pas Tiago Alkantarës dhe Korentin Tolisos. Fatmirësisht për trajnerin Niko Kovaç, spanjolli do të rikthehet pas pushimit të kombëtarëve, ndërsa për francezi Toliso duhet treguar durim, pasi atij do i duhen dhe të paktën 4 muaj që të shkelë sërish në fushat e blerta.

Gjithsesi, ditën e sotme prestigjiozja gjermane, “Sport Bild” ka raportuar se ka një interesim serioz nga Juventus për 27-vjeçarin. Bardhezinjtë janë të gatshëm të futen në bisedime për transferimin e kolumbianit që në merkaton e janarit, por ende nuk ka diçka konkrete edhe pse thuhet që drejtuesit e Juventus kanë folur me mesfushorin.

Hames ka si agjent Horge Mendez, i cili është njëkohësisht dhe agjent i Ronaldos, por edhe një mik shumë i afërt i portugezit. Ky fakt i sjell mjaft avantazhe “zonjës së vjetër”, pasi marrëdhënia e mirë që ka Kristiano Ronaldo me Hames mund të bëjë që 27-vjeçari të bindet për t’u transferuar në Torino. Një transferim në janar duket gati i pamundur tek Bajerni, por një ofertë e majme, mund të bëjë që bavarezët të ndryshojnë mendje.

Sjellja e tifozëve vendas e acaroi shumë lojtarin  e Bajernit, por ai gjeti një mënyrë origjinale për t’iu përgjigjur dhe për të mos u ndërshkuar nga gjyqtari për provokim, duke u treguar atyre pesë gishta, një simbol që simbolizon fitore 5-0 të Portos ndaj Benfikës  tetë vite më parë, në një ndeshje ku ai u fut si zëvendësues.

Ahaha @jamesdrodriguez t’es le meilleur j’taime trop ??
Penta Xau ou 5-0 ? ?? #SLBFCB pic.twitter.com/IgoHuJtE7r

— BDS Diogo (@DPeixoto7) September 19, 2018

Përmbledhja e ndeshjes së lartpërmendur…

Situata e kolumbianit, ka bërë që në mediet gjermane të përflitet për një ndryshim në vendimet e drejtuesve të klubit në lidhje me të ardhmen e kolumbianit. Sipas “Bild” dhe “Kicker”, përfaqësusesit e lojtarit dhe ato të klubit gjerman mund të bien dakord për një marrëveshje, ku 26-vjeçari të rikthehet sërish në Madrid.

Bajerni mund të aktivizojë verën e ardhshme blerjen e kartonit të lojtarit, falë një klauzole, që është caktuar në vlerën e 42 milionë eurove. Më pas sipas gazetarëve gjerman, kampionët e Gjermanisë mund të shesin menjëherë kartonin lojtarit, duke regjistruar dhe një fitim.