Nuk ka vonuar as reagimi i klubit me një komunikatë zyrtare, ku është njoftuar se Totit ishte dhënë mundësia të pasonte Monçin në rolin e drejtorit teknik, por kjo ofertë u refuzua nga 42-vjeçari.

“Klubi është tej mase i zhgënjyer për faktin se Françesko Toti ka vendosur të largohet nga klubi, duke refuzuar ofertën e të qenit drejtor teknik i Romës. Ne ia ofruam atij këtë rol pas ikjes së Monçit, gjatë të gjithë kësaj kohe ishim në pritje të përgjigjes së tij”.

“Ne besonim se ky rol i ofronte Françeskos një ndër pozicionet më të larta në klub dhe natyrisht kërkonte dedikim dhe përkushtim, diçka që pritet prej secilit drejtues të klubit tonë”.

“Ishim të gatshëm të tregonim durim me Françeskon në tranzicionin e tij nga një lojtar i madh te një drejtues e menaxher i madh. Ne besonim se ai mund të rritej në këtë rol dhe do ta mbështesnim në çdo hap derisa të përshtatej”.

“Megjithëse e kuptojmë se sa e vështirë është për të që të marrë vendimin e largimit nga Roma pas 30 vitesh, ne besojmë se mendimet e tij për vendimmarrjet e ndryshme në klubin tonë janë shumë larg realitetit”.

“Përsa i përket deklaratës për një rikthim të tij nëse klub vijnë drejtues të tjerë, ne duhet t’iu sigurojmë se grupi investitor që ka në pronësi klubin nuk në plan të vendosë në shitje Romën, tani ose në të ardhmen e afërt”.

Atmosfera në ekip nuk është aspak e mirë, kreu i verdhekuqve ka përfunduar në shënjestrën e tifozëve, por Palota zbulon versionin e tij për ngjarjet e ndodhura së fundmi. Fakti që nuk iu afrua rinovim Daniele De Rosit i trishtoi të gjithë dhe italo-amerikani ka një përgjigje për këtë çështje delikate.

ÇËSHTJA DE ROSI –  “Është thënë që detyra jonë është t’i trajtojmë njerëzit me respektin që meritojnë. A ka shkuar gjithçka në drejtimin e duhur me De Rosin? Jo. Vizioni ynë ishte se për të ishte sezoni i fundit. Më lejoni t’ju jap një shembull se sa vendim të vështirë morëm. Le të themi që kemi Danielen dhe një lojtar tjetër. Ne kemi 24 lojtarë dhe dy mesfushorë mbrojtës. Çfarë ndodh nëse ai tjetri thyen këmbën në ndeshjen e tretë të sezonit? Çfarë ndodh me ekipin?

Daniele tha se do të donte të luante 10-15 ndeshje në sezon. Çfarë ndodh me ekipin pa pasur mundësinë të blejë një lojtar para hapjes së merkatos? Nuk mund të aktivizosh një 17-vjeçar në një nga rolet më delikate në Serinë A. Nëse luajmë në Champions ose Europa League, janë tre ndeshje në javë. Fizikisht Daniele është i limituar, e ka pranuar edhe vetë. Do të doja ta kisha De Rosin në ekip, por arsyetimi është i thjeshtë, na duhen dy lojtarë për çdo rol. Nuk mund të përshtatim një mesfushor ofensiv në rolin e De Rosit. Ai është një pozicion shumë specifik.

Kjo është logjika jonë, është thjesht një prekje e realitetit. Vendimi është për skuadrën.  Nuk është një çështje individi, pavarësisht se sa i madh është De Rosi. Është një lojtar i madh dhe një njeri spektakolar. Ai ishte besnik ndaj Romës dhe Roma ndaj tij. Njerëzit nuk mund ta vënë në dyshim besnikërinë tonë, sepse e kemi thënë: ‘Daniele, ne do të donim të ishit pjesë e Romës për gjithë pjesën tjetër të jetës suaj’.

Kjo është shumë e drejtë. Nuk i kemi thënë kurrë “mirë u pafshim, të urojmë jetë të lumtur”. Ne duam që Daniele të jetë pjesë e klubit përgjithmonë dhe shpresojmë të ndodhë kjo gjë. Do flas me të privatisht. Kemi shkëmbyer mesazhe dje në mëngjes dhe e ftova të takohej me mua në fund të pushimeve. Nëse mendoni se ka pakënaqësi mes nesh dhe se nuk do të flasim, e keni gabim. E njëjta gjë vlen edhe për Totin. E kam ftuar atë dhe familjen e tij të vijnë dhe shpresoj të ndodhë”, thekson presidenti i Romës.

Roma po kërkon prej kohësh një trajner të njohur. Verdhekuqtë kanë negociuar gjatë kësaj periudhe me trajnerë të ndryshëm. Xhan Piero Gasperini i Atalantës mbetet një kandidat potencial, por Xhejms Palota dëshiron të përfitojë nga situata.

Presidenti i Romës e pëlqen shumë Alegrin dhe ka shprehur interesimin e tij për të. Sipas mediave italiane, klubi kryeqytetas po tenton të kuptojë dëshirën e trajnerit. Nëse Alegri do të ishte i interesuar, Palota do të kishte gati një ofertë tunduese për të.

Presidenti është lodhur me mungesën e suksesit me PSG-në, madje humbja e fundit në finale kundër Renë e ka tërbuar fare.

Ky lajm i ka ndarë në dysh tifozët e Romës: ka nga ata që mezi presin që klubi t’i kalojë miliarderëve nga Katari dhe emra të mëdhenj të zbarkojnë në “Olimpico”, ndërsa të tjerë janë kundër kësaj ideje dhe pranojnë të mbajnë president Xhejms Palotën.

Ky i fundit ka reaguar kundër këtyre zërave. Italo-amerikani ka mohuar mundësinë e shitjes së Romës në prononcimin e dhënë për mediat italiane. “Nuk është aspak e vërtetë, është e gjitha një lajm fals”, shprehet shkurt dhe pastër presidenti i verdhekuqve.

“Të gjithë e dinë se çfarë ka shkuar keq këtë sezon dhe kjo ishte arsyeja që u detyruam të bëjmë ndryshime. Por koha e justifikimeve ka mbaruar. Paraqitja ndaj Spalit ishte e papranueshme, ndërsa kjo e sotmja akoma më keq. Lojtarët duhet të çohen dhe të tregojnë se kanë tope. Nuk ka më alibi për askënd”, përfundoi Palota.

Pallotta: "Everyone knows what’s gone wrong this season & that’s why we had to make changes. But the time for excuses is over. The performance against Spal wasn’t acceptable & today was even worse. These players have to stand up & show they have balls. No more alibis for anyone." pic.twitter.com/JrcD4wpfea

— AS Roma English (@ASRomaEN) March 31, 2019

Kujtojmë, sezoni aktual i Romës është thuajse krejtësisht i dështuar, pasi nga Champions u eleminuan nga Porto në fazën e 1/8-ave, në ndryshim nga një sezon më parë, ku prekën gjysmëfinalet. Përveç kësaj, ajo që e bën sezonin katastrofik, është diferenca prej katër pikësh me zonën Champions, që duket një mision gati-gati i pamundur për Romën aktuale.

Monçit iu deshën vetëm pak ditë për të gjendur, një vend punë, pasi u rikthye te Sevija, klubi ku mori famë botërore. Në një prononcim për mediet spanjolle, Monçi tha: “Presidenti donte të shkonte djathtas, ndërsa unë majtas”.

Kjo deklaratë e spanjollit mori menjëherë reagimin e Palotës, i cili në një komunikatë zyrtare tha: “U surprizova kur lexova se çfarë kishte thënë Monçi. I dhashë Monçit çelësat e ekipit. I thashë se doja trajnerin më të mirë, lojtarët më të mirë dhe stadin mjekësor më të mirë. Nëse shikon rezultatet tona, mund ta kuptosh se strategjia e tij nuk funksionoi. Rrezikojmë për herë të parë që nga viti 2013 të mbetemi jashtë vendeve që na çojnë në Champions”.

“Në nëntor kur rezultatet filluan të përkeqësoheshin dhe lojtarët s’po i përgjigjeshin trajnerit, i kërkova Monçit të dija planin B. Ai më tha që Plani B është që të vazhdojmë Planin A. Ai ishte personi përgjegjës për të gjithë aspektin futbollistik në klubin tonë dhe nuk kishte një plan rezervë”, tha Palota.

Mbështetësit e skuadrës verdhekuqe nuk ia falën këtë gjë mbrojtësit. Tani sa herë ai shkel topin në “Olimpico” ka vërshëllima, madje në disa raste nuk mungojnë as parrulat me ofendime. Për të qetësuar raportin me palëve ka ndërhyrë presidenti i Romës Xhejm Palota. Në një intervistë për emisionin “SiriusFM FC”, biznesmeni amerikan ka thurur elozhe për futbollistin e skuadrës së tij.`

“Unë nuk kam asnjë dyshim. Ai është profesionisti perfekt. Çdo ditë është i pari që vjen në stërvitje dhe i fundit që largohet. Është thjeshtë një futbollist shumë shumë i fort, që nuk e ka mendjen tek instagrami, ose të dalë e të dehet. Ai di vetëm të luajë fort dhe të stërvitet fort”.

“Kur shikoj atë e di shumë mirë se ai do japë gjithçka ka në fushë. S’kam dëgjuar kurrë një ankesë prej tij. Është një ndër ata lojtarë që duan të luajnë edhe kur janë të dëmtuar. Ndonjëherë do të bëjë gabime si të gjithë ne. Shpresoj që fansat ta kuptojnë se ne duhet të kenë 22 lojtarë si ai në skuadër”, tha Palota.