Plot dy vjet zgjati lidhja e tyre tepër e veçantë, që vazhdoi edhe pas kalimit të lojtarit te klubi i ri. Vogëlushja vuante nga sëmundja e keqe, të cilën, për fat të keq, nuk e mposhti dot. Sofia u largua nga jeta në janar, duke lënë një trishtim dhe dhimbje të madhe tek të gjithë, sidomos te miku i saj i ngushtë.

Xhejms, i cili po luan Botërorin U21 me Anglinë, mori një vendim për të mbushur boshllëkun që i kishte lënë bukuroshja e vogël: do të luante gjatë gjithë botërorit me imazhin e saj në këpucët e futbollit, për t’ia treguar gjithë botës dashurinë e madhe që ndjente për të.

“Pushofsh në paqe Sofi, të dua shumë”, lexohet në këpucët e mesfushorit, aty ku nuk mungon edhe portreti i bukur i vogëlushes, e cila bën tifozllëk nga qielli për të me shpresën që Xhejms të shënojë gola dhe të fitojë kompeticionin.

Operacioni për blerjen e tij nga Leister Siti pritet të kushtojë rreth 70 milionë euro. Junajtid ka treguar se ka financa tepër të shëndosha dhe mund ta përballojë pa asnjë problem një transferim të tillë.

Medison është vetëm 22-vjeç dhe garanton edhe shumë vite një futboll të nivelit të lartë. Ai do të zëvendësojë Ander Herrera, i cili flitet të ketë arritur një marrëveshje me PSG.

Medison do të formonjë një dyshe shumë të fortë me Pogba, ndërkohë që mbetet e panjohur pjesa tjetër e mesfushës. Gjithsesi, këto dy yje dhe një lojtar mesatar do të ishin të mjaftueshëm për të sunduar.

Xhejms Medison është një nga prioritetet më të mëdha në “Old Trafford”. Mesfushori i Leister Sitit ka treguar një nivel tepër të lartë. 22-vjeçari nuk e ka përjashtuar një largim nga “King Power Stadium”. Përveç Junajtit në garë për të janë edhe Siti, Liverpul dhe Totenhem. Megjithatë, sipas “Goal.com”, Djajtë e Kuq janë favoritë për ta bërë të tyrin yllin anglez. Shifra që Leister kërkon për të është rreth 70 milionë euro.

Pikërisht një shpenzim i tillë erdhi merkaton e verës nga Leister, të cilët transferuan Xhejms Medison nga Noruiç Siti, për shifrën e 20 milionë sterlinave. Një transferim, që nuk u prit dhe aq mirë në ambientin e tifozëve të Leister, të cilët besoj në këto 6 javë të para të Premier Ligë, duhet të kenë ndryshuar mendim 360 gradë.

Anglezi, i cili mban mbi shpinë edhe një numër të rëndë, siç është numri 10, duket se po i mbyll gojën çdo kritike mbi shifrën e shpenzuar për të, duke mahnitur në këto 6 javë të para të Premier Ligë. 6 ndeshje, 3 gola për djaloshin 21-vjeçar, i fundit ndaj Hadërsfilld, një perlë e vërtetë, siç dhe i takon një numri 10. Duket sikur një yll i ri po lind në Angli dhe të gjithë kanë filluar të flasin për të. Besimi i dhënë nga Leister po i jep frytet që në fillim.

Xhejms Medison, 21-vjeçar tashmë, e ka nisur karrierën për ekipin e qytetit të tij të lindjes, pikërisht Koventrin, ku dhe është aktivizuar për 3 sezone. U ble nga Noruiç në vitin 2016, ku spikati vetëm në sezonin e fundit, teksa u ble nga Leister këtë verë. Specialiteti i tij janë goditjet e dënimit, ku dhe ka shënuar disa gola me të vërtetë për “kornizë”. Disa prej perlave të djaloshit të talentuar i kemi paraqitur dhe më poshtë.

Mesfushori gjithashtu thuhet se ka shanse që mund të grumbullohet që në muajin tetor me kombëtaren e parë të “3 luanëve”. Ndërkohë Medison ka zhvilluar vetëm 4 ndeshje me kombëtaren u-21.

Oh my. What a free kick by Maddison pic.twitter.com/s2gV22Ldqa

— Billy M (@Wideoverload) September 22, 2018

? | James Maddison’s free kick is Norwich’s fourth goal.pic.twitter.com/TLyGsBcL0L

(Via @CobhRamblersFC)

— Read Norwich (@ReadNorwich) July 5, 2017

???| We’ll never tire of this clip. James Maddison placing a free-kick perfectly for @AberdeenFC! ?? #TBT pic.twitter.com/8Q9XXVyq1k

— SPFL (@spfl) February 22, 2018