Shmona fitoi 2-1 këtë sfidë, falë një performance të shkëlqyer nga sulmuesi nigerian. Xhejms asistoi në golin e parë të skuadrës së tij dhe vetëm 7 minuta më vonë, shënoi vetë, duke dribluar dy kundështarë dhe duke mposhtur portierin e Netanias me një gjuajtje me të djathtën në hyrje të zonës.

Në minutën e 75’, Netania do të fitonte një penallti pas një prekje të topit me dorë në zonë dhe Beqiraj mori përsipër për ta ekzekutuar këtë 11-metërsh, duke u treguar i saktë dhe duke vendosur rezultatin final në 2-1.

Ekipi izraelit do te derdhë në arkat e Gabala shumën e 100 mijë eurove. Xhejms pritet të zbarkojë në Izrael ditën e nesërme për të kryer testet mjekësore dhe një ditë më pas për t’u bashkuar me ekipin e ri në stërvitje.

Sulmuesi nigerian është jo pak i njohur për publikun shqiptar.  Më parë ka veshur fanellën e Skënderbeut,  Laçi ku shpërtheu, Tomorit dhe Bylisit. Sezonin e fundit ai u transferua nga Skënderbeu te Gabala, ku në 25 ndeshje arriti të shënojë 10 gola dhe ishte një nga lojtarët kryesor të ekipit.

Ironi Kiriat Shmona është destinacioni i nigerianit, i cili verën e shkuar u shit nga Skënderbeu te Gabala për shifrën e 350 mijë eurove. Sulmuesi ka rënë dakord për kontratën me izraelitët, që e presin t’i bashkohet skuadrës.

Korçarët një vit më parë kanë mbajtur edhe përqindje të kartonit të Xhejms, çka do të thotë se edhe ata do të përfitojnë miliona lekë nëse sulmuesi shitet. “Po, kemi mbajtur 20% të vlerës së kartoni të Xhejmsit, që do të thotë se në çdo rast shitjeje të këtij lojtari nga klubi azer, do të përfitojë edhe Skënderbeu”, deklaronte Gerhard Takaj për Sport Ekspres verën e shkuar.

Gjithsesi korçarët nuk mund të përfitojnë nga kjo lëvizje e bërë së fundmi, pasi Xhejms shkon te Ironi Kriat Shmona në formë huazimi. Izraelitët e kanë paguar shumën e 100 mijë eurove për ta marrë borxh.

Xhejms bëri një sezon shumë të mirë një vit më parë me Gabala, teksa arriti të shënonte 10 gola. Sulmuesi u përzgjodh në formacionin më të mirë të vitit në Azerbajxhan dhe për të ka pasur shumë oferta, mes tyre edhe nga Karabaku që nuk gjeti dot akordin me klubin e Xhejms.

Sulmuesi nigerian ishte një ndër autorët e golave në fitoren 2 – 1 të Gabalës ndaj Zirës. Goli i sotëm ishte i dhjeti në kampionat për nigerianin, një shifër kjo e  barabartë me atë që 26-vjeçari shënoi vitin e kaluar me Skënderbeun në Kategorinë Superiore..

Xhejms ka qenë një titullar i padiskutueshëm te Gabala, duke luajtur 22 ndeshje si pjesë e formacionit titullar dhe vetëm një herë si zëvendësues.

Goli dhe loja e mirë bën që 26-vjeçari të vlerësohet me një vend në formacionin e javës. Përgjatë këtij sezoni Xhejms ka qenë një ndër lojtarët më të aktivizuar tek ekipi i tij, ku 23 ndeshje ka arritur të shënojë 9 gola në kampionat.

https://www.facebook.com/1514155852227941/videos/vb.1514155852227941/2340955062893912/?type=2&theater

Zhvendosemi në Bjellorusi ku një tjetër “ish” i Superiores po kalon një formë të shkëlqyer. Elis Bakaj shënoi golin e vetëm për skuadrën e Shaktar Soligorks në ndeshjen kundër Slutskit. Teksa janë luajtur 3 javë kampionat, skuadra e shqiptarit kryeson renditjen e tabelës me pikë të barabarta me Dinamo Brest.

Sulmuesi në verë kaloi në Azerbajxhan te Gabala dhe për të gjërat po shkojnë shumë mirë. Ai ka shënuar në fundjavë në ndeshjen e fituar kundër Keshla (Inter Baku, emri i vjetër) dhe për të ishte goli i nëntë në kampionat.

https://www.facebook.com/1514155852227941/videos/vb.1514155852227941/2340955062893912/?type=2&theater

Një aksion fantastik, me Xhejms që kombinon disa herë me shokët e skuadrës gjersa shënon. Veç golit, Xhejms ka qenë protagonist edhe me një roveshatë spektakolare që shkoi ngjitur me shtyllën pingule.

https://www.facebook.com/pfl.az/photos/a.283643521661558/3014463561912860/?type=3&theater

Normalisht ai është edhe në formacionin më të mirë të javës së 18-të. Veç tij është përfshirë edhe një tjetër futbollist që ka spikatur në Superiore. Nigeriani Xhejms Adeniji, ish-lojtar i Bylisit, Tomorit, Laçit dhe Skënderbeut, është përfshirë në 11-n më të mirë të kësaj jave.

Sulmuesi luajti për 90 minuta në ndeshjen e fundit që Gabala barazoi në shtëpi me Keshla. Në atë përballje nuk mori asnjë minutë mesfushori Sabien Lilaj, i cili e ndoqi të gjithë takimin nga stoli.

Xhejms ka shënuar golin e tretë të takimit, duke vulosur në këtë mënyrë dhe fitoren e skuadrës së tij. Ai ishte protagonist edhe në golin e parë të skuadrës së tij, teksa ktheu një top në zonë që u kthye në gol. Gjithashtu mori pjesë edhe në aksionin e golit të dytë.

Golin e tij ai e shënoi në të 81’, teksa pas një pasimi të marrë në zonë nuk gaboi. Xhejms iu bashkua Gabala këtë verë dhe për kartonin e tij azerët paguan rreth 250 mijë euro në klubin e Skënderbeut.