12 gola shënoi Sanço sezonin e fundit dhe dhuroi asiste pafund për shokët e tij. Paraqitjet pozitive i siguruan ftesën e kombëtares së Anglisë, aty ku debutoi tetorin e kaluar dhe numëron gjashtë ndeshje të zhvilluara deri tani.

Dortmund nuk dëshiron ta shesë “yllin” e saj dhe të njëjtin mendim ka edhe lojtari i ri. Bild raporton se Sanço ka refuzuar ofertën e Junajtid. Lojtari ofensiv dëshiron të vazhdojë aventurën në kampionatin gjerman dhe nuk dëshiron të largohet pa fituar trofe me Dortmundin e tij.

Real Madrid dhe Juventusi janë dy klubet e interesuara për Pogba, i cili njëherë “flirton” me spanjollët dhe të njëjtën gjë e bën edhe me bardhezinjtë, aty ku kaloi katër vite të bukura.

Merkato e Junajtid ka mbetur peng i 26-vjeçarit. Nëse largohet, drejtuesit e klubit anglez e kanë gati zëvendësuesin, sipas raportimeve të The Sun. Ai është Xhejdon Sanço, anglezi i Borusia Dortmund.

19-vjeçari nuk luan në të njëjtin rol me Pogba. Sanço aktivizohet në të dy krahët e sulmit dhe është i preferuari i trajnerit Solskjaer. Çmimi i kartonit të tij është  100 milionë euro dhe do të jetë e vështirë për të bindur Dortmundin që ta lërë të lirë.

Megjithatë, “djajtë e kuq” janë gati ta provojnë, gjithmonë nëse shesin Pol Pogba te Real Madrid apo Juventusi.

Për të llogaritur vlerën e secilit lojtar është përdorur një algoritëm i komplikuar ku janë marrë parasysh golat, asistet, minutat dhe kampionati ku këto talente aktivizohen.

Menjëherë sapo të shikosh renditjen çka bie në sy është fakti që vendi i parë që mbahet nga anglezi Xhejdon Sanço është shumë larg konkurrencës. 19-vjeçari i Dortmundit vlerësohet me një shumë rekord prej 150 milionë eurosh, ndërsa i dyti në listë është mesfushori francez i Arsenalit, Mateo Genduzi, i cili ka një vlerë prej 70 milionë eurosh.

Nuk mund të mungonte Nikolo Zaniolo i Romës në vend të tretë dhe talenti  i Bajer Levekuzen Kai Haverc, ndërsa vend ka dhe për Xhanluichi Donarumën, i cili është ende 20 vjeç. Sigurisht, është e lehtë për t’u harruar se portieri i Milanit ruan kuadratin e “djallit” që prej moshës 16-vjeçare.

                            EMRI                                KLUBI                VLERA NË MILIONA EURO

Sfida nisi mirë për ekipin vendas. Gëce kaloi Borusian në avantazh pas një çerek ore. Gjermani shfrytëzoi një asist fantastik të Xhejdon Sanço dhe shënoi me kokë.

Asisti i 14-të për anglezin e talentuar, ndërsa askush nuk ka bërë më mirë se ai në këtë aspekt në kampionatet elitare. Gjatë festës së golit ndodhi edhe ndryshimi i krejt rrjedhës së ndeshjes.

Sanço u godit në fytyrë nga një çakmak nga tifozët miq të Shalkes. Kjo gjë solli irritimin e tifozërisë vendase dhe nervozizmin e lojtarëve të Dortmundit. Shalke përmbysi rezultatin në pjesën e parë, ndërsa vendasit e humbën qetësinë totalisht në të dytën.

Dy kartonë të kuq lanë Dortmundin me 9 lojtarë dhe ndeshja mori fund. U mbyll 2-4 për Shalken, që siguroi një trepikësh të artë për mbijetesën, fitoi derbin dhe ndihet krenare për faktin që fundosi armiqtë e Dortmundit në garën për titull kampion.

Paraqitjet e tij kanë tërhequr vëmendjen e ekipeve më të mëdha evropiane, por në veçanti të Realit, që ka kërkuar të hyjë në bisedime me drejtuesit e Dortmundit. Gjithsesi, siç raportohet së fundmi nga prestigjizoja “Bild”, gjermanët janë treguar të drejtpërdrejtë me madrilenët.
Për të hequr dorë nga shërbimet e një lotjari si Sanço, klubi nga “Signal Iduna Park”, kërkon të paktën 180 milionë euro. Një kërkesë monsturoze, por që kur bëhet fjalë për Realin asnjëherë nuk i dihet. Topi tani ka kaluar në krahun e “Los Blancos”…

As francezët nuk kanë ndërmend të heqin dorë nga shërbimet e fenomenit 20-vjeçar, kështu që… kalojmë të objektivat e radhës. Në skenë qarkullojnë emra si Salah, Dibala, Mane apo Zhoao Feliks. Të gjithë janë lojtarë të mëdhenj, por trajneri francez ka një dëshirë.

Ai quhet Xhejdon Sanço, 19-vjeçari i Dortmundit. Anglezi ofensiv ka “shpërthyer” sivjet, duke shënuar 12 gola në 39 ndeshje në të gjithë kompeticionet. Të shumta edhe asistet e dhuruara për shokët e tij të skuadrës.

Zidan e pëlqen shumë si lojtar dhe është gati t’ia kërkojë Perezit transferimin e tij në Madrid. Problem mbeten kërkesat e larta të verdhezinjve gjermanë. Dortmundi nuk heq dorë lehtë nga ylli i saj dhe kërkon të paktën 160 milionë euro për kartonin e tij.

Tetë golat e shënuar, si dhe asistent e dhëna, e bëjnë anglezin një nga më të kërkuarit në merkato. Në Angli emri i tij së fundmi është lidhur me Mançester Junajtid. Gjiganti anglez kërkon të përforcohet dhe sipas “Dailu Mirror” është gati të paguajë një shifër të çmendur për Sançon.

Plot 117 milionë euro thuhet se do të ofrohen për Dortmundin, që duhet të vendosë se çfarë do të bëjë me të riun. Nëse vazhdon me këto ritme, çmimi i tij do të rritet edhe më shumë, ndaj gjermanët do tentojnë të marrin vendimin e duhur. Mançesteri nga ana tjetër ka edhe planin B: Hudson-Odoi, futbollisti i Çelsit që ka goxha ngjashmëri me Sançon dhe kushton disa herë më pak.

Për të ardhmen e lojtarit ka folur së fundmi drejtori sportiv i Dortmundit, Mikael Zork, i cili bëri të qartë se Sanço do të vazhdojë të mbetet pjesë e Borusias të paktën deri vitin tjetër: “Sanço do të jetë pjesë e Dortmundit edhe sezonin tjetër. Ne presim shumë nga ai në të ardhmen. S’na ka shkuar në mendje t’i vendosim një çmim e tij, por mund të them se edhe nëse na kontaktojnë klubet më të mëdha në botë”, tha Zork.

Sanço u ble nga Dortmundi në verën e 2017-ës për 8 milionë euro nga Mançester Siti. Kontrata e 18-vjeçarit me klubin gjerman mbaron në vitin 2022.

18-vjeçari po zhvillon një sezon fantastik. Gola dhe asiste pafund, ndërsa te klubi i “qytetarëve” janë penduar që e kanë lënë të lirë. Për të shtuar “dhimbjen” e tyre ka menduar dhe Federata angleze e futbollit.

Drejtuesit e FA kanë nisur hetimin për kampionët në fuqi të Angli, siç raporton gjermania “Der Spiegel”. Dyshohet se ata i kanë paguar Emeka Obasit, agjentit të Sanços, 200 mijë stërlina kur lojtari ishte vetëm 14 vjeç. Rregullorja e përcakton qartë që lojtarët nën moshën 16-vjeçare nuk mund të kenë agjent.

Sanço la Uotfordin në moshën 14-vjeçare për të kaluar te Mançester Siti. Lojtari ofensiv nuk debutoi kurrë më ekipin e parë dhe vendosi të pranonte ofertën e verdhezinjve gjermanë, ekip në të cilin po zbavitet dhe po zhvillon një sezon shumë të mirë.

Pikërisht lidhur me kohën kur Dortmund e bleu nga Siti, në mediat gjermane ishte diskutuar se për talentin anglez, një interes të madh ka pasur dhe Bajerni i Mynihut, por ky lajm nuk u konfirmua asnjëherë zyrtarisht. Gjithsesi, ditët e fundit duket se drejtori i Bajern, Hasan Saliamixhiç, ka folur në lidhje me këtë çështje.

“E vërteta është që Bajerni u mundua të firmoste me Sançon dhe kishte bërë një ofertë për të, por për fat të keq lojtari e refuzoi”, tha për “Sportbild” drejtori i bavarezëve.

Tashmë, Sanço duket se përveç golave dhe asisteve të dhëna për ekipin, ka bërë dhe tifozët “të dashurohen” akoma më shumë me të, për faktin se ka refuzuar rivalin e tyre kryesor për titull. Talenti 18-vjeçar është grumbulluar dhe me kombëtaren e Anglisë, për të dytën herë radhazi, pas paraqitjeve fantastike me verdhezinjtë.

18-vjeçari u largua nga Mançester Siti në drejtim të Dortmundit sezonin e kaluar për 8 milionë sterlina. Gjithsesi, mediat angleze kanë zbuluar një prapaskenë interesante, teksa për Sançon duket se Bajerni i Mynihut ka qenë interesuar më para se rivalët e tyre në Gjermani, madje bavarezët thuhet se kishin marrë dhe dritën jeshile nga ish-trajneri i tyre, Pep Guardiola, i cili në atë kohë ishte në krye të Sitit.

Por bavarezët duket se në momentet e fundit ndërruan mendje, pasi u përqendruan në lojtarë të tjerë. Diçka që sipas formës që Sanço po tregon, i ka kushtuar Bajernit, pasi sot do të kishte një lojtar me shumë vlera dhe me të ardhme përpara në gjirin e saj.

[Best_Wordpress_Gallery id=”161″ gal_title=”Talentet Champions””]