Zahavi: Shqipëria e meritoi, pas një muaji ndryshojmë

Sport Ekspres — Fri, 07 Sep 2018 21:13:25 +0000

Sulmuesi i Izraelit Eran Zahavi nuk arriti që të shnote rastin më të mirë që ju krijua miqve. Në prononcimin për “Supersport” sulmuesi i cili luan në Kinë e pranoi se Shqipëria mori një fitore të merituar.

“Ne humbëm këtë ndeshje, por u paraqitëm mirë. Nuk arritëm të shënonim, Shqipëria fitoi dhe pas një muaji do të tentojmë që të marrim maksimumin në shtëpi”.

“Ne nuk shënuam dhe nuk arritëm të shfrytëzonim ato raste që kishim. Shqipëria u mbroj mirë dhe ishte rrezikshme në kundërsulme. Shqipëria ka lojtarë me cilësi, por ne edhe pse humbëm sot do tentojmë që të përmirësohemi dhe të bëjmë mirë në ndeshjen e kthimit. Shqipëria e meritoi këtë fitore”.

“Eksperienca në Kinë? Ka dy vite e gjysmë atje, më pëlqen jeta dhe kampionati po përmirësohet shumë. Ndihem shumë mirë”.

Izraeli zgjedh trajnerin e ri, gati për Shqipërinë

Sport Ekspres — Fri, 27 Jul 2018 16:22:48 +0000

Izraeli ka zgjedhur trajnerin e ri të kombëtares. Kundërshtarët e Shqipërisë në Ligën e Kombeve kanë zgjedhur Marsel Keler, si timonierin e ri të skuadrës.

57-vjeçari zviceran ka drejtuar Austrinë për 6 vite me radhë, ndërsa më parë ka qënë trajner i ekipeve si Bokum, Këln, Gras’shopers.

Një emër që flitej si kandidat për stolin izraelit ishte dhe Roni Levi, izraeliti që drejton Anorthosis. Ekipi i tij u përball me Laçin në Europa League para disa ditësh, me kurbinasit që avancuan më tej duke eliminuar djemtë e Lëvit. Gjithsesi federata izraelite ka vendosur, duke zgjedhur zviceranin Këler.