Izazola

VIDEO | Sulmi i Kamzës nuk ndalet, afrimi Izazola shkëlqen në miqësore

Sport Ekspres — Sat, 19 Jan 2019 15:36:46 +0000

Erzeni dhe Kamza janë përplasur sot në një sfidë miqësore, e cila është mbyllur me rezultatin spektakolar 3-5 në favor të djemve të Ernest Gjokës. Sulmuesi i afruar në janar, meksikani Izazola shënoi dy gola, duke treguar dhe një lojë të mirë.

Edhe Martinena gjeti rrjetën, ndërsa Rezi dhe Peçi plotësuan listën e golashënuesve për Kamzën. Objektivi i Gjokës dhe skuadrës periferike të kryeqytetit është të jenë në formë sa më optimale për të përballuar gjysmën e dytë të sezonit, ky synojnë me doemos qëndrimin në Superiore.

Miqësore
E shtunë, 19 janar 2019

Erzeni – Kamza 3-5
Shënues: Izazola x2, Martinena, Rezi, Peçi

Shënkolli fiton miqësoren me Spartakun, një sfidë që bindi trajnerin Kruja, i cili vlerësoi ndryshimin në skuadër. Sot në mesditë, Shënkolli luajti një miqësore me Spartakun e Kategorisë së Dytë, skuadër të cilën e mposhti me rezultatin 2-1, një ndeshje që sipas trajnerit Alket Kruja, tregoi ndryshim pozitiv te skuadra e tij.

“Në pjesën e parë u aktivizuan lojtarët titullarë dhe loja që zhvilloi skuadra kishte ndryshim pozitiv nga miqësoret e kaluara. Në pjesën e dytë skuadra ndryshoi, pasi aktivizova të gjithë lojtarët rezervë”,- tha trajneri i Shënkolli.

Miqësore
E shtunë, 19 janar 2019, ora 12:00

Shënkolli – Spartak 2-0
Shënues: Përgjini, R. Danaj

Izazola i impresionuar nga Kamza: Klub serioz, kam gjetur një trajner të aftë

Sport Ekspres — Tue, 15 Jan 2019 18:38:50 +0000

David Izazola është meksikani i parë që prek futbollin shqiptar dytë (i pari ka qenë ish-lojtari i Flamurtarit Horge Oropezo). Mbas një eksperience të dështuar në Hungari, sulmuesi është rikthyer në Europë për të dhënë kontributin e tij te Kamza. Në një intervistë për “RTSH Sport”, 27-vjeçari shpjegoi se përse erdhi në Shqipëri.

“Drejtori i klubit Fabio Kordela më njohu me projektin e skuadrës dhe mund të them se është një mundësi e mirë për karrierën time. Mund të them se është një ekip serioz dhe kam gjetur një trajner të aftë”

“Çdo shtet ka stilin e vetë të të luajturit. Këtu në Shqipëri kam vënë re se është një kampionat shumë fizik. Çdo lojtar duhet të punojë shumë këtu”, përfundoi meksikani.

FOTO | Kamza zyrtarizon sot sulmuesin meksikan

Sport Ekspres — Wed, 09 Jan 2019 16:22:23 +0000

David Izazola duket se do të jetë zgjidhja e trajnerit Gjoka për repartin e sulmit. 27-vjeçari ishte prej kohësh një transferim i skuadrës periferike të kryeqytetit, por sot është bërë zyrtarizimi i tij.

Drejtori sportiv i Kamzës, Andi Matraxhiu ishte së bashku me sulmuesin meksikan në prezantimin e këtij të fundit. 27-vjeçari ka luajtur më parë në Hungari, me skuadrën e Honvedit.

Por aventura e tij në Budapest nuk shkoi siç duhet dhe meksikani zgjodhi skuadrën e Kamzës për të vazhduar karrierën. Mendohet se Izazola do të luajë së bashku me Plakun në majë të sulmit.