Izair Emini

Emini e mbyll me Shkëndijën, gati të vishet “i kuq”

Sport Ekspres — Sat, 15 Jun 2019 08:02:15 +0000

Izair Emini është lojtar i lirë, pasi kontrata me Shkëndijën e Tetovës i ka përfunduar. Dy sezone t ëmira për sulmuesin, që pati mundësinë të shpallej kampion. Sezonin e fundit Emini arriti të shënonte 11 gola, ndërkohë që tanimë pritet të një aventurë të re.

“Të dashur miq, desha të ju informoj të gjithëve që më keni ndjekur e më keni përcjellë gjithmonë, që prej sot nuk do jem më pjesë e klubit SHKENDIJA pasi që nuk ramë dakord. Njëkohësisht dua t’i falënderoj të gjithë pa përjashtim ata që janë në atë klub. Normal edhe tifozët tonë, sidomos BALLISTËT, dhe u them se gjithmonë do të jenë pjesë e zemrës time. Me respekt, i juaji Izair Emini!”, shkruan Emini në llogarinë e tij në “Facebook”.

OFERTAT – Në Maqedoni janë disa ekipet që e duan Eminin, por gjasat janë që të transferohet në Kosovë. SportEkspres.com mëson se sulmuesi ka marrë një ofertë të mirë nga Gjilani. Trajneri Gentian Mezani e ka parë në aksion Eminin, pasi në të shkuarën ka lujatur te Kukësi në Superiore.

Vlonjati do një sulmues te Gjilani i tij dhe për sulmuesin propozimi i bërë është tundues. Mbetet për t’u parë nëse Emini do të lërë Maqedoninë dhe të provojë të luajë edhe në Kosovë. Futbollisti 33-vjeçar ndjen se është në formë dhe normalisht kërkon të vijojë të jetë protagonist dhe Gjilani po tenton të ndërtojë një skuadër konkurruese.

“Viktima” e preferuar dhe sezoni i Shkëndijës, rrëfehet Emini

Sport Ekspres — Wed, 06 Mar 2019 18:49:12 +0000

Ish-sulmuesi i Kukësit, Izair Emini po bën një sezon të shkëlqyer me Shkëndijën e Tetovës dhe është golashënues i skuadrës kuqezi. Bomberi ka folur sot për faqen zyrtare të klubit, ku më shumë është ndaluar te sezoni që Shkëndija ka bërë deri më tani, si dhe ka treguar se cila skuadër është “viktima” e tij e preferuar dhe që i shënon gjithmonë.

SEZONI I SHKËNDIJËS – “Ne jemi të gatshëm për ndeshjet e radhës dhe duhet t’i marrim të gjitha ndeshjet një e nga një. Duhet seriozitet maksimal dhe të thellojmë diferencën me vendin e dytë. Jemi kampionët në fuqi dhe në çdo ndeshje, kemi ambicien për të fituar dhe të mbrojmë titullin kampion.

VIKTIMA E PREFERUAR – “Është e vërtetë se i kam bërë 5 gola Bellasicës dhe ndaj tyre realizoj rregullisht. Ne sulmuesëve na ndodh që brenda një sezoni të kemi një kundërshtar që na përshtatet dhe t’u bëjmë rregullisht gola, siç që është rasti im me Bellasicën në këtë edicion. Por më shumë se statistika personale, për mua rëndësi ka fakti që ato gola kanë ndihmuar skuadrën të marrë 9 pikë nga këto 3 sfida”,- u shpreh ish-sulmuesi i Kukësit.

Tarashaj gjen golin, shiu i “mohon” fitoren Shkëndijës

Sport Ekspres — Thu, 24 Jan 2019 13:14:55 +0000

Grasshopers ka zhvilluar dy ndeshje miqësore sot. Njëri takim u zhvillua ndaj gjermanëve të Chemnitzer dhe në këtë sfidë u aktivizuan ata që kanë pasur më pak minuta, apo që vijnë nga dëmtimet. Në fushë ishte edhe sulmuesi shqiptar Shani Tarashaj, i cili po rifiton formën sportive dhe më këtë miqësore gjeti edhe rrugën e rrjetës.

Në takimin tjetër Grasshopers ndeshej me Shkëndijën e Tetovës, takim që u ndërpre në fundin e pjesës së parë për shkak të reshjeve të shiut. Emini realizoi një gol mjaft të bukur për kuqezinjtë, ndërsa në fillim zviceranët ngatërruan shënjestër duke shënuar në portën e ture. Arlind Ajeti, Nedim Bajrami, Gjelbrim Taipi dhe Bujar Lika ishin në formacion për Grasshopers dhe dolën të mposhtur për aq sa luajtën.

“Reshjet e dendura të shiut ndërpresin testin me Grasshopperin në minutën e 37-të kur avanconim 2:0. Zhbllokuam rezultatin me një autogol të zviceranëve pas vetëm 21 sekondave lojë, ndërsa Emini në të 19-ën çoi shifrat në 2:0. Kushtet e këqija atmosferike përfundimisht sollën ndërprerjen e ndeshjes dhe e njëjta nuk do të vazhdojë”, njofton klubi nga Tetova.