“Rilindja” e Striniç: Thashë se mori fund, çfarë emocioni rikthimi në Milanelo!

Sport Ekspres — Thu, 22 Nov 2018 16:46:26 +0000

Ivan Striniç zhvilloi një sezon shumë të mirë me Sampdorian, ndërsa në verë i erdhi ftesa e Milanit. Mbrojtësi i majtë përjetoi një Botëror të paharrueshëm me Kroacinë e tij, duke iu ofruar për fare pak fitimit të Kupë së Botës. Gjithçka po shkonte vaj për 31-vjeçarin për të ardhur te 18 gushti. Një datë që shokoi lojtarin dhe e futi në një tunel të errët…

Një problem në zemër dhe stop me futbollin, për momentin, por Striniç kujtoi se kishte marrë më të vërtetë fund. Një periudhë e vështirë dhe plot vuajtje, por pas dimrit lind pranvera…

Striniç është rikuperuar dhe është rikthyer të punojë me ekipin. Pritja e Milanit e ka emocionuar, ndërsa nuk kërkon të nxitohet, pavarësisht se dëshiron të luajë përpara… Krishtlindjes.

“Kur më diagnostikuan me ipertofri kardiake (zmadhimi i muskujve të zemrës nga lodhja fizike), u tremba për jetën time dhe mendja më shkoi te familja. Nuk e dija se çfarë sëmundje ishte. Kam kaluar një periudhë të tmerrshme. Falë zotit, këto muaj larg futbollit kaluan shpejt, tani jam këtu dhe jam i lumtur që do të nis aventurën e re. Pritja e Gatuzos dhe e gjithë skuadrës ishte emocionuese. U ktheva në Milanelo dhe të gjithë më pritën me duartrokitje. Nuk më kishte ndodhur më parë të qëndroja kaq gjatë pushim. Objektivi? Dua të jem gati për ndeshjen e 22 dhjetorit kundër Fiorentinës. Dua të luaj përpara Krishtlindjes, por është e vështirë t’i programosh gjërat. Këto ditët e para po punoj pak, po bëj biçikletë dhe vrap, sepse do t’ia nis nga zero“, përfundon kroati i Milanit.

Problemet në zemër nuk e ndalin, Ivan Striniç gati të rikthehet

Sport Ekspres — Thu, 15 Nov 2018 16:46:20 +0000

Milani, merkaton e verës që lamë pas, u përforcua me dy lojtarë, të marrë nga skuadra e Napolit. Pepe Reina dhe Ivan Striniç, ishin dy lojtarët e ardhur te kuqezinjtë, të cilët u quajtën si blerje cilësore, pasi eksperienca e Reinës dhe paraqitjet e mira që dha në Botëror Striniç jepnin shpresë për kuqezinjtë.

Gjithsesi, në ambientin kuqezi u tronditën jo pak, kur u bë me dije që mbrojtësi kroat kishte probleme kardiake dhe nuk mund të luante. Ka kaluar më shumë se 3 muaj që nga ajo kohë dhe duket se çdo gjë ka ndryshuar dhe Striniç është gati për t’u rikthyer në fushën e blertë.

“Ajo që ndodhi tre muaj më parë ishte si një rrufe në qiell të hapur për mua. Doktorët më bënë me dije që nuk duhet të luaj për të paktën tre muaj dhe më pas do të shihnim situatën. Tani që çdo gjë ka kaluar, kuptuam që ka qenë një simptomë e ardhur nga aktiviteti fizik dhe jo ndonjë sëmundje”.

“Gjithmonë kam menduar se do të shkonte mirë, por gjithsesi, je në stres dhe ke dyshimet e tua se mund të ketë diçka të keqe në këtë mes. Jetova me këtë gjë për disa muaj dhe më duhet ta pranoj që isha i padurueshëm dhe nervoz, por më në fund çdo gjë po mbaron. Të hënë do të nis stërvitjen dhe jam shumë i lumtur”.

“Objektivi është të kthehem sa më shpejt të jetë e mundur, por jam disi i frikësuar se nuk do të jem në maksimumin e gjendjes time fizike, për disa muaj. Nuk kam menduar kurrë për tërheqjen, sidomos pas Botërorit, i cili më dha një jetë të re”, përfundoi mbrojtësi.