Paulo Dibala nuk do të përfshihet në këtë operacion. Argjentinasi nuk e sheh me sy të mirë transferimin në Old Traffod, ndërsa edhe vetë Junajtid kërkon një juventin tjetër.

Daily Mail raporton se “Djajtë e kuq” kërkojnë Dagllas Kostën dhe “Zonja e vjetër” është dakord që braziliani të largohet drejt Premier Ligës. Edhe Interi nuk qëndron duarkryq.

Oferta e fundit për sulmuesin belg shkon në 75 milionë sterlina, 70 në dorë dhe 5 në formë bonusesh. Zikaltrit janë gati të përfshijnë edhe Ivan Perishiç në këtë tratativë, por Junajtid preferon më shumë Dagllas Kostën e Juves.

Për të zëvendësuar këto dy lojtarë Marota ka shkruar një listë me emra. Mateo Darmian është emri i parë dhe më i mundshëm. Junajtid e ka si ”barrë” dhe është gati ta lërë të lirë për vetëm 4 milionë euro. Kristiano Biragi është lojtari tjetër. Fiorentina nuk e lë të lirë për më pak se 18 milionë euro.

Markos Alonso dhe Emerson Palmieri mund të themi se janë një ëndërr për Interin. Çelsi nuk bën dot merkato dhe nuk i lë të lirë për asnjë çmim. Aleksandër Kolarov prej kohësh është i lidhur me klubin zikaltër dhe shihet si një mundësi reale. Filip Kostiç është emri i fundit. Ai është një plan rezervë në rast dështimi të emrave të mësipërm.

Kroati ka zbritur në fushë vetëm në pjesën e dytë në miqësoren e djeshme kundër Junajtid. Konte e ka aktivizuar në sulm, duke treguar haptazi se eksperimenti me Perishiç mbrojtës krahu modern në skemën 3-5-2 nuk funksionon.

“Po punojmë, por përgjigjet nuk janë pozitive. Nuk besoj se është i përshtatshëm për të bërë rolin që i kërkoj. Perishiç mund të luajë vetëm si sulmues këto momente”, thekson Antonio Konte.

Hajdutët kanë arritur t’i vjedhin dy ora Rolex (njëra me vlerë 50 mijë euro dhe tjetra 20 mijë euro) dhe një orë Hublot (me vlerë 12 mijë euro), me një vlerë totale prej 82 mijë eurosh! 30-vjeçari është shprehur në polici se i mbante në një sirtar dhe për herë të fundit i pa para se të nisej për Kroaci.

Perishiç ka zbuluar se shtëpia ka patur edhe para, por ato nuk janë prekur! Gjëja që i ka befasuar të gjithë, përfshirë edhe policinë, është fakti që apartamenti i kroatit nuk ka patur shenja të hyrjes me forcë, një detaj që ka çuditur jo pak hetuesit.

Gjithsesi, kjo tregon se hajdutët kanë qenë profesionistë dhe kanë arritur të bëjnë goditjen me një faturë të kripur për futbollistin zikaltër.

Zëvendësuesi është piketuar, luan në kampionatin spanjoll dhe quhet Pablo Sarabia. Lojtari mbush 27 vjeç pas katër ditësh, luan në rolin e mesfushorit të avancuar dhe bën mirë krahët e sulmit.

Kontrata me Sevijen i përfundon në fund të sezonit të ardhshëm dhe ai nuk ka ndërmend të rinovojë. Sarabia ka shënuar 20 gola gjatë këtij sezoni dhe ka një klauzolë prej 18 milionë eurosh.

Kjo shumë nuk është aspak problem për klubin italian, që është gati t’i ofrojë një kontratë 4-vjeçare me një rrogë prej 3 milionë eurosh në sezon, dyfishin e asaj që përfiton në Andaluzi.

Ai sugjeron që Interi duhet të largojë nga ekipi dyshen Ikardi-Perishiç, madje nuk duhet të ketë asnjë dyshim për diçka të tillë. Më pas një replikë me Uanda Narën, gruan dhe agjenten e Mauro Ikardit, si dhe një koment për golin e Raxha Naingolan kundër Juventusit.

“Interi duhet të bëjë vetëm diçka në qershor: duhet t’i nisë për shtëpi Ikardin dhe Perishiç. Është një problem i thjeshtë. Rrëmujën e bëri i pari Perishiç dhe më pas  ti (i drejtohet Uanda Narës, e cila i përgjigjet se po flet miku i Spaletit). Miqtë e mi ndodhen në Bari. Nuk kam miq në botën e futbollit. Goli i Naingolan? Çfarë gafe e Shezinit…”, përfundon Antonio Kasano.

Gjithsesi, aktorë të tjerë kanë hyrë në skenë. Arsenali, Totenhemi dhe së fundmi Uest Hemi janë në garë për të siguruar shërbimet e kroatit. Dëshira e tij është të luajë në Premier Ligë dhe Champions. Kushte këto që mund t’ja plotësojë Totenhemi dhe Arsenali.

Nga ana tjetër, Inter dëshiron që Perisiç të përqëndrohet për të ndihmuar në objektivin Champions dhe në fund të sezonit janë gati të presin oferta për të. Kroati ka që nga viti 2015 që është veshur zikaltër, duke qenë një nga pikat e referimit për ekipin. E paharrueshme është edhe ndihma e tij për kombëtaren në rrugëtimin e mrekullueshëm në Botërorin rus të vitit 2018.

Gjithsesi, asgjë nuk u konkretizua, me kroatin që vijoi të qëndronte në “San Siro”. Edhe pse duhet ende kohë nga sezoni i ri, duket se zërat për një kalim të Perishiç në Premier Ligë, nuk kanë ndër mend të ndalen.

Së fundmi, mediat italiane, konkretisht ato pranë klubit zikaltër, kanë raportuar se në derbin ndaj Milanit, drejtues të Totenhemit kanë vëzhguar me imtësi Perishiçin. Klubi londinez pritet që të jetë një ndër emrat kryesorë për blerjen e 30-vjeçarit, i cili është gjithnjë e më larg Italisë tashmë.

Vesino shënoi golin e “ish”-it, ndërsa Mateo Politano kaloi zikaltrit përpara në fundin e pjesës së parë. Gol shumë i bukur ai i 25-vjeçarit, i cili vendosi të festonte ndryshe. Anësori ofensiv u nis drejt sektorit ku ishin vendosur ultrasit e Interit dhe festoi me dorën poshtë veshit.

Një festim i tillë përdoret nga Mauro Ikardi, i cili po kalon momentet më të vështira të karrierës së tij. Gjesti i Politanos ishte në nderim të ish-kapitenit, por menjëherë ka reaguar Ivan Perishiç.

Kroati nuk e ka pritur mirë festimin e italianit dhe përdor duart kundrejt tij, duke ia “prishur” atë mënyrë festimi. Menjëherë reagon dhe Politano, duke ia kthyer mbrapsht “goditjen” Perishiçit. Ky i fundit rikthehet i acaruar, por ndërhyrja e lojtarëve të tjerë shmang përkeqësimin e situatës.

Megjithatë, lojtarët sqarohen me njëri-tjetrin për momentin dhe loja vazhdon. Interi gjeti dhe golin e tretë në pjesën e dytë. Ishte Perishiç, ai i cili shënoi, por Fiorentina reagoi dhe barazoi shifrat nëpërmjet një perle të Muriel dhe golit të shumë diskutuar nga pika e penalltisë nga ana e Veretut.

Politano’s celebration looking like a mock of Icardi’s celebration? Perisic trying to diffuse it is an example of another club that is in a bit of disarray that is going on behind the scenes #SerieA #Icardi #Inter pic.twitter.com/OF1h0QxPau

— Soccer Report (@ReportFootball2) February 24, 2019

Nuk ishte loja e mirë ose rezultati i arritur ajo që mori vëmendjen më të madhe, por një goditje dënimi i Ivan Perishiç. Sulmuesi kroat dhe Kandreva diskutuan për rreth 20 sekonda me njëri-tjetrin për mënyrën e ekzekutimit të kësaj goditje dënimi, por në fund u bënë gazi i rrjeteve sociale. Ndoshta, goditja e dënimit më e shëmtuar në historinë e futbollit.

20 seconds of discussions for this shit ? pic.twitter.com/xBZo6FZEQ4

— InterYaSkriniar (@InterYaMedia) February 14, 2019

Pavarësisht kualitetit të lartë, lojtari nuk ka dhënë atë që pritet në Serie A. Më Kroacinë e tij “fluturon”, ndërsa me Interin duket si një lojtar normal. Mbi situatën e krijuar ka folur dhe Zllatko Daliç. Trajneri, i cili dërgoi Kroacinë në finalen e Kupës së Botës, ka folur për “Sky Sport.

Daliç nuk e ka të qartë se çfarë ka ndodhur gjatë merkatos së janarit, ndërsa thur elozhe për Perishiç. 30-vjeçari mbetet një lojtar fantastik dhe do të ketë gjithmonë besimin dhe mbështetjen e trajnerit të kombëtares kroate, i cili e mbyll prononcimin e tij dhe me një koment për Marselo Brozoviç.

“Nuk mund të flas për çfarë ka ndodhur gjatë merkatos, por Ivan ka mbështetjen time të plotë. Ai është një futbollist fantastik, por nuk është asnjëherë e lehtë të jesh në formë të mirë pas një Botërori të madh. Ai ka luajtur shumë mirë me ne, ka bërë një punë të madhe gjatë gjithë Botërorit, ndërsa nuk e di se çfarë do të ndodhë në të ardhmen. Brozoviç? Marselo ka dhënë 100% në Rusi. Shtatë ndeshje fantastike, që treguan se kush është roli i tij më i mirë, sepse i lejon të luajë me topin dhe t’i japë ritëm aksioneve”, përfundon Zllatko Daliç.

Anësori ofensiv ka reaguar me anë të një postimi në rrjetet sociale duke falënderuar dhe “thumbuar” kritikët. Ai ndihet i lumtur që është futur në klubin 30+ dhe ka vetëm falenderime për të gjithë.

“Thonë që kur mbush 30 vjeç ke hyrë në moshën e artë. Po futem në këtë fazë të jetës time pa e vrarë mendjen për asgjë. Ju falënderoj të gjithëve për urimet e ditëlindjes. Faleminderit për vlerësimin, por dhe për kritikat. Të dyja janë benzina ime”, shkruan Ivan Perishiç.

 

View this post on Instagram

 

They say hitting your thirties is like entering the golden age…Walking into this stage of my life with 0 f*cks given.? ?? On a more serious note, I sincerely thank you for all the positive B-Day wishes.?? Thank you for the praise but also thank you for the criticism. Both of them are my fuels. ?? ?? #JustWaitAndSee #Club30

A post shared by Ivan Periši? (@ivanperisic444) on Feb 3, 2019 at 2:43am PST

Nëse Arsenali po insiston ta ofrojë në ekip, Interi është gati të sigurojë shërbimet e Mesut Ozil. Sipas raportimeve të “Daily Star”, zikaltrit kërkojnë të marrin në huazim fantazistin gjerman. Paga e 30-vjeçarit mbetet problem, pasi ai përfiton 350 mijë sterlina në javë, por Interi ka një propozim dhe i ka kërkuar “topçinjve” të paguajë gjysmën e rrogës së lojtarit.

Perishiç mund të mos jetë largimi i vetëm i Interit, pasi Olimpiku i Marsejës po kërkon shërbimet e Dalbert. “La Provence” raporton interesimin e ekipit francez, por Interi dëshiron vetëm shitjen e tij dhe nuk pranon opsionin e huazimit të 25-vjeçarit.

Mbrojtësi i majtë nuk po gjen hapësira në formacionin e Spaletit, u përjashtua nga lista e Champions Ligës në fillim të sezonit dhe është aktivizuar në vetëm 7 ndeshje midis kampionatit dhe kupës së Italisë (ka shënuar dhe një gol kundër Beneventos).

Arsenali është klubi që po tundon kroatin. Gazeta italiane “Libero”, ka zbuluar detajet e kontratës që “topçinjtë” i kanë ofruar kroatit. Paga që 30-vjeçari do të përfitojë nëse kalon te pala angleze do të jetë 6 milionë euro në sezon (neto), shumë kjo sa dyfishi i asaj që përfiton aktualisht tek Interi.

Sipas së njëjtit shkrim një tjetër atraksion i kësaj lëvizja është dhe fakti, që Perishiç dëshiron që ta zhvendosë përfundimisht në Londër familjen e tij. Një zgjedhje kjo që e kanë bërë shumë futbollistë, pasi kryeqyteti i Anglisë cilësohet si një ndër metropolet më tërheqëse në planet.

Lidhur me situatën e mesfushorit, ka folur së fundmi Bepe Marota. Drejtori i zikaltërve, ka pranuar se Perishiç ka dëshirë të largohet dhe do të shqyrtohen ofertat. Gjithashtu, italiani shtoi se kërkojnë ta bëjnë të lumtur lojtarin, por edhe ekipin për sa i përket financave.

“Na duhet të jetojmë me këtë situatë, që shumë klube e kanë në këtë periudhë, ku lojtarë të ndryshëm shprehin dëshirën për t’u transferuar diku tjetër. Ne e dëgjuam lojtarin dhe ai ka një dëshirë.

Duam ta bëjmë të lumtur, por edhe të shohim më të mirën për ne. Deri tani nuk ka mbërritur ndonjë ofertë, kështu që do të presim. Kur një lojtar është i sinqertë dhe na tregon për gjendjen e tij psikologjike dhe se çfarë kërkon, ne gjithmonë do ta dëgjojmë. Pas kësaj, duhen parë dhe financat e klubit”.

Kroati ka qenë tërësisht jashtë forme në këtë pjesë të parë të sezonit dhe shitja e tij është më shumë se një opsion. Sipas mediave italiane, mesfushori i avancuar mund të largohet nga Milano, ku një ofertë 35-40 milionë euro nuk do të refuzohej.
Shitja e Perishiç do të sigurojë buxhet të mjaftueshëm për objektivin e ri të dyshes Marota-Auzilio. Janik Ferreira Karrasko, është emri më i fundit që ka dalë në skenë. Belgu përflitet prej kohësh se mund të transferohet te Milani, por duket se do të përplasin brirët me kushërinjtë zikaltër.

Në verën e 2017-ës, Zhoze Murinjo bëri çmos për ta sjellë kroatin te Mançester Junajtid, por drejtuesit e Interit kërkuan 60 milionë euro për kartonin e sulmuesit anësor, çka bëri që “djajtë e kuq” të stepen nga ky transferim.

Sot, një vit e gjysmë më vonë, interesi i Junajtid për lojtarin vazhdon edhe pse Murinjo është larguar. Sipas “Corriere Della Serra”, largimi i 29-vjeçarit  nga Interi mund të realizohet nëse në tryezën e presidenti Stiven Zhang vjen një ofertë prej të paktën 40 milionë eurosh.

Për 29-vjeçarin ka pasur interes të madh, sidomos në merkaton e kaluar të verës, ku Mançester Junajtid e kërkoi me ngulm, por Interi nuk e kishte në plan largimin e Perishiç. Sidoqoftë, kur ka kaluar gjysma e parë e sezonit, gjërat kanë ndryshuar dhe zikaltrit mund ta rimendojnë shitjen e kroatit, ku Junajtid është shfaqur përsëri.

Sipas asaj që thuhet nëpër mediat angleze, drejtuesit e “Red Devils”, kanë gati 31 milionë sterlina për Perishiç dhe Interi mund të tundohet jo pak, pasi ato para mund të përdoren për një transferim të mundshëm të Luka Modriç në “San Siro”. Momentalisht, janë vetëm spekulime, por gjithçka mbetet për t’u vërtetuar në ditët në vijim.