Zëvendësuesi është piketuar, luan në kampionatin spanjoll dhe quhet Pablo Sarabia. Lojtari mbush 27 vjeç pas katër ditësh, luan në rolin e mesfushorit të avancuar dhe bën mirë krahët e sulmit.

Kontrata me Sevijen i përfundon në fund të sezonit të ardhshëm dhe ai nuk ka ndërmend të rinovojë. Sarabia ka shënuar 20 gola gjatë këtij sezoni dhe ka një klauzolë prej 18 milionë eurosh.

Kjo shumë nuk është aspak problem për klubin italian, që është gati t’i ofrojë një kontratë 4-vjeçare me një rrogë prej 3 milionë eurosh në sezon, dyfishin e asaj që përfiton në Andaluzi.

Klubi i interesuar për lojtarin e përfaqësueses kroate është Arsenali. Interi  pranon ta shesë lojtarin, nëse vjen oferta e duhur. Për momentin negociatat kanë ngecur te fakti që “topçinjtë”, kërkojnë ta marrin lojtarin në formë huazimi me të drejtë blerje.

Personi që po ndërmjetëson bisedimet midis dy klubeve është agjenti shqiptar Fali Ramadani. Tetovari është prej vitesh përfaqësues i Perishiç dhe ka qenë pikërisht ai që ka “orkestruar” kalimin e kroatit nga Volfsburgi tek Interi, katër vite më parë.

Në verën e 2017-ës, Zhoze Murinjo bëri çmos për ta sjellë kroatin te Mançester Junajtid, por drejtuesit e Interit kërkuan 60 milionë euro për kartonin e sulmuesit anësor, çka bëri që “djajtë e kuq” të stepen nga ky transferim.

Sot, një vit e gjysmë më vonë, interesi i Junajtid për lojtarin vazhdon edhe pse Murinjo është larguar. Sipas “Corriere Della Serra”, largimi i 29-vjeçarit  nga Interi mund të realizohet nëse në tryezën e presidenti Stiven Zhang vjen një ofertë prej të paktën 40 milionë eurosh.

Siç raporton “Doble Amarilla”, Interi është i interesuar për Nahitan Nandez. 22-vjeçari uruguaian është një nga zbulimet e Boka Zhuniors dhe zikaltrit kanë gati ofertën për të. Interi e monitoron prej kohësh mesfushorin e talentuar dhe ka gati 21 milionë euro për klubin nga Buenos Aires.

Nandez zhvilloi një ndeshje të madhe në finalen e dytë të humbur kundër River Plejt dhe Interi u bind përfundimisht për kualitetin e lojtarit.

Nga ana tjetër nuk përjashtohet dhe merkato në dalje. Ivan Perishiç është pranë largimit, një gjë të tillë e ka shprehur publikisht dhe Anglia shihet si destinacioni i ardhshëm i kroatit. Por, “FcInterNews.it” citon se në garë për anësorin e krahut është futur dhe Atletiko e Madridit.

Spanjollët kanë nisur negociatat me Fali Ramadanin, menaxherin e Perishiç, dhe do të bëjnë të pamundurën për të bindur lojtarin për të mos marrë avionin për ishull, por për Madrid.

Sipas “interneës.it”, Perishiç është një ndër lojtarët e preferuar të Niko Kovaç dhe drejtuesit e Bajernit kanë filluar bisedimet me agjentin e lojtarit, shqiptarin nga Tetova, Fali Ramadani, i cili ruan prej vitesh një raport shumë të mirë më kampionët e Gjermanisë.

Nuk do të jetë aspak e lehtë që Perishiç të “shpërngulet” për në Bavari. Sipas lajmit të mësipërm për të blerë kartonin e lojtarit do të duhen të paktën 50 milionë euro, një shumë kjo e padëgjuar më parë për shpenzimet e Bajernit në merkato.

29-vjeçari ka treguar për “Four Four Two” një detaj interesant sa i përket tratativave me ekipin e Murinjos. Ishte pothuajse me valixhe gati, por ndërhyrja dhe besimi i trajnerit i ndryshuan mendjen.

“Është e vërtetë, kisha një ofertë nga Junajtid dhe isha gati për ta lënë Interin. Në fund vendosa të qëndroja, siç e kam thënë, për shkak të këmbënguljes së Spaletit. Ai besonte se do të luaja një rol vendimtar për ekipin. Në futboll janë thelbësore këto detaje të vogla në situata të tilla. Gjithmonë e kam thënë që ëndrra ime është të luaj në Premier.”

“Gjithçka është e mundur në futboll, por të shohim se çfarë do të ndodhë në të ardhmen. Tani jam i përqendruar tek Interi. Shpresoj që tifozët interist ta kuptojnë pikëpamjen time”, përfundon nënkampioni i botës me Kroacinë.

Gjithsesi, mundësia e këtij transferimi është reale, madje kjo lëvizje mund të realizohet që në merkato dimërore. Ka qenë vetë kroati, i cili ka sinjalizuar se do i pëlqente një transferim në Angli, madje 29-vjeçari shkon deri aty sa thekson se për të do ishte një ëndërr që të luante në Premier Ligë.

“Për momentin nuk e mendoj merkaton, pasi jam plotësisht i fokusuar te Interi. Në të ardhmen nuk dihet se çdo të ndodhë. Unë e kam thënë dhe më parë se është një ëndërr për mua që të luaj në kampionatin anglez”.

Siç citon “Sunday Mirror”, Interi është futur në garë për të siguruar shërbimet e… Pol Pogba. Konkurrenca për francezin është e madhe, pasi Juventus dhe Barcelona vazhdojnë punën për të arritur marrëveshjen me mesfushorin.

Kampioni i Botës e ka ndarë mendjen dhe do të largohet në verë nga Mançester Junajtid, ndërsa operacioni i blerjes së tij, mes kartonit dhe kontratës së re, mund të kapë shifrën e 200 milionë eurove.

Zgjidhja? Duhen shitur ndonjë titullar. Ivan Perishiç dhe Milan Shkriniar mund të jenë të sakrifikuarit, lojtarë që pëlqehen shumë nga Zhoze Murinjo, trajneri i klubit anglez.

Duke parë dhe interesin e Juventusit për Pogba, portugezi e ka të qartë se më kë nga këto dy ekipe do të preferonte të negocionte për shitjen e tij…

Anësori ofensiv është një nga të preferuarit e trajnerit Spaleti, por rendimenti i tij këtë sezon është i dobët. Perishiç ka shënuar dy gola dhe dhuruar dy asiste në kampionat, ndërsa në Champions nuk është zhbllokuar akoma.

Statistikat e kroatit janë negative krahasuar me sezonin e kaluar: 2-4 golat e shënuar, 2-5 asistet e dhënë, 8-12 gjuajtjet në portë, 31-37 gjuajtjet totale, 19-27 rastet e krijuara dhe 8-11 driblimet e kryera. Çdo statistikë në favor të sezonit të kaluar, gjithmonë deri në këtë fazë të sezonit, pasi lojtari mund të shpërthejë më vonë.

Këtë gjë e dëshiron dhe Spaleti e tifozët e Interit. Zgjidhja? Ndryshim roli. Trajneri i Interit po mendon ta ofrojë kroatin më afër portës, siç citojnë mediat italiane. Skema 4-3-3 dhe Perishiç si sulmues krahu, por afër Ikardit, qendërsulmuesit dhe kapitenit të zikaltërve.

Interi është në formë fantastike dhe të gjithë po bëjnë mirë. Mungon vetëm kroati në apel dhe Spaleti ka gati zgjidhjen për të rikthyer Perishiçin e vjetshëm dhe atë të vërtetin.

Analizat e kryera gjatë ditës së sotme kanë konfirmuar problemet në kaviljen e majtë, që do e mbajnë 30-vjeçarin për një farë kohe jashtë fushave të blerta. Mungesa e tij kundër Barcelonës në Champions është e sigurtë, ndërsa klubi i Interit tregon se “gjendja e lojtarit do të vlerësohet përsëri në ditët e ardhshme”. Mendohet se Naingolan do të qëndrojë larg fushave për më shumë se një muaj.

Kontrolle kryen dhe Marselo Brozoviç me Ivan Perishiç. Të dy kroatët pësuan lëndime gjatë ndeshjes me Milanin dhe mbeten në dyshim për ndeshjen e së mërkurës kundër Barcelonës.