Kroati u operua dhe deri në dhjetor qëndroi pranë familjes. Në ditët e para të janarit ai u rikthye në Shqipëri dhe nisi përgatitjet me Laçin. Do të duhet edhe pak kohë deri kur të jetë gati 100% për trajnerin Besnik Prenga.

Në mesin e muajit mars bëhen gjashtë muaj që Galiç është jashtë fushave të blerta. Me shumë mundësi muajin e ardhshëm anësori edhe do të mund të luajë në kampionat me kurbinasit. Kroati ka bërë edhe një postim në rrjetet sociale, ku shkruan: “Rikthehem së shpejti”.

Deri më tani ai ka punuar intensivisht në Kroaci, ndërkohë që tashmë për të do të kujdeset fizioterapisti i kurbinase, Dario Zërniç. Probleme ka pasur edhe mesfushori Bojan Najdenov, i cili po punon i diferencuar dhe ndeshjen e parë të kampionatit me Kukësin nuk do të jetë në dispozicion të trajnerit Prenga.

SULMI – Gjatë fazës përgatitore është parë të luajë në sulm i riu Redon Xhixha, por sikurse dihet kurbinasit po kërkojnë për një sulmues që të garantojë gola. Deri më tani sugjerimet kanë qenë të shumta për drejtuesit e bardhezinjve.

Emrat e lakuar në media janë disa, por në klubin kurbinase gjithçka mbahet sekret. Trajneri Prenga e ka thënë se kërkon lojtarë cilësorë në ekip, por nga ana tjetër dëshiron që edhe të rinjve t’u japë minutat e veta. Rritja dhe shitja e lojtarëve jashtë vendit është një tjetër objektiv te Laçi, që gjatë verës transferoi Uzunin te Lokomotiva e Zagrebit për 350 mijë euro.

Sulmuesi anësor mund të zëvendësonte Uzunin e shitur te Lokomotiva e Zagrebit, por ishte i pafat. Në ndeshjen debutuese në Kupë kundër Naftëtarit, ai u dëmtua në gju dhe iu desh të bënte një ndërhyrje në ligament. Gjithçka ndodhi në mes të muajit shtator.

Mjekët kanë garantuar se për katër muaj Galiç do të jetë gati për Laçin. Sulmuesi anësor, duke bërë llogaritë, në shkurt do të jetë në gjendje të japë kontributin e tij për bardhezinjtë. Së fundmi ai ka postuar edhe një video, ku tregon se tashmë ka nisur vrapimet dhe rikuperimi i tij po shkon në rrugën e duhur.

Galiç ka ndjerë një shqetësim dhe ka lënë fushën e blertë. Në vend të tij u fut një tjetër lojtar që ka luajtur në Kroaci. Bëhet fjalë për mesfushorin anësor Ardit Deliu, i cili ka qenë pjesë e Hajdut Split II.

Futbollisti 21-vjeçar ka luajtur me Shqipërinë U17 dhe U19., ndërkohë që këtë verë zgjodhi të rikthehej në Shqipëri. Fillimisht iu bashkua Teutës, që e prezantoi, por në fund ka kaluar te Laçi. Në të shkuarën Deliu ka qenë pjesë e Besës.

Drejtuesit e klubit kurbinas punuan intensivisht deri në mesnatë dhe mbyllën marrëveshjet për afrimet e sulmuesit Xhevahir Sukaj dhe mesfushorit ofensiv, Ivan Galiç. Dy blerjet u zyrtarizuan nga bardhezinjë.

“Fundi i merkatos zyrtare në Shqipëri, por Laçi duket sikir është në fillimin e saj më të zjarrtë. Aktivë deri në orën 00:00, zyrtarizohen dy goditje të magjishme për sulmin tonë, që premtojnë festival golash”, shkruante klubi.

Sukaj u afrua si lojtar i lirë pas largimit nga Vllaznia dhe garanton eksperiencë dhe gola. Galiç në anën tjetër rikthehet në Kategorinë Superiore, ku më parë ka luajtur për Flamurtarin. Sezonin e fundit 23-vjeçari kroat u aktivizua në vendlindje me Cibalian.