Megjithatë, nuk përfundojnë këtu ofertat për yllin e kombëtares sonë. Leganes dhe Real Vajadolid gjithashtu do të bëjnë maksimumin për të sjellë Ivanin në gjirin e tyre. Kalojmë në Angli, ku Uest Brom ka treguar interes konkret, duke takuar agjentin e lojtarit.

Anglezët janë përballur me largime në mbrojtje dhe Balliu do të ishte një vlerë e shtuar, duke parë që mbulon të dy krahët. Për momentin ofertat nga La Liga janë më tunduese, me Uest Brom që aktivizohet në Championship.

Sipas “La Voix du Nord”, ky interes i papritur i ekipit nga veriu i Francës vjen për shkak ta një problematike të nisur së fundmi midis klubit dhe një prej  mbrojtësve të djathtë, i cili ka ndërprerë çdo kontakt me ekipin. Balliu është një lojtar që e njeh mirë kampionatin francez, ku aktivizohet prej katër sezonesh.

Lens synon rikthimin në Ligue 1 dhe te Balliu kanë njeriun e duhur, pasi futbollisti i kombëtares shqiptare ishte një ndër lojtarët me më shumë minuta gjatë sezonit të kaluar, ku Metzi mbylli kampionatin në vendin e parë.

Kontrata e 27-vjeçarit me klubin francez mbaron në fund të këtij sezoni, çka e bën mbrojtësin e krahut një afrim interesant për shumë klube.

Nëse ky transferim realizohet me sukses, Dinamo do të jetë klubi i katërt i Balliut, i cili krahas Metzit ka luajtur në të shkuarën me Arokën në Portugali dhe Barcelonën B në Spanjë.

Gjithsesi Ingolshtadi është ende i rrezikuar, pasi numëron 29 pikë, dy më shumë Madgeburgu që ka një ndeshje më pak. Sfida e javës së ardhshme është mjaft e vështirë, pasi përballen me Hamburgun që renditet i dyti dhe kërkon rikthimin e menjëhershëm në Bundesligë.

Sot, veç Mërgim Mavrajt, ka festuar edhe Ivan Balliu. Mbrojtësi i krahut të djathtë e nisi nga fillimi përballjen që Metz fitoi 1-2 në transfertë me Red Star të vendit të fundit. Skuadra e mbrojtësit shqiptar ka siguruar rikthimin në Ligue 1, pasi numëron 11 pikë më shumë se Trojes i renditur në vendin e tretë. Metz do kërkojë të mbetet i pari në tre javët e mbetura në kampionat.

UZUNI DHE SEFERI – Lokomotiva e Zagrebit, edhe pse shënoi e para ndaj Istrës së vendit të parafundit, nuk ia doli të merrte pikët e plota. Ekipi i Myrto Uzunit u ndal në një barazim 1-1 dhe beratasi e Lirim Kastrati nuk mundën ta ndihmojnë skuadrën e tyre të fitonte. Kështu Lokomotiva ka humbur terren në luftën për në Europë, me Hajdukun që ka mundësinë të shkëputet nëse fiton këtë fundjavë.

Vinterfurthi është mposhtur 4-1 nga Lozana dhe Taulant Seferi nuk ka mundur të bëjë asgjë për të shmangur këtë disfatë. Sulmuesi shqiptar nga Maqedonia e Veriut ka shënuar vetëm dy gola këtë vit (8 gola në total këtë sezon në kampionat). Gjërat u vështirësuan pas minutës së 52-të, kur Vinterfurthi meti me një lojtar më pak dhe vendasit arritën të shënojnë tre gola dhe të fitonin.

Goli i barazimit u realizua në mes të qendrës së mbrojtjes, ndërkohë që Ingolshtadi pësoi edhe një gol tjetër që mund të ishte evidentuar. Një humbje që djeg shumë, pasi u pësua në shtëpi me një rival direkt, që tashmë shkëputet me shtatë pikë dhe mbijetesa në Bundesliga 2 bëhet një mision i pamundur për Ingolshtadin.

Ndryshe nga Mavraj, Ivan Balliu me Metzin e tij marshon drejt Ligue 1. Skuadra franceze ka mundur me rezultatin 2-1 Lorient dhe mbrojtësi i djathtë luajti gjatë gjithë takimit. Feston edhe Enis Gavazaj. Sulmuesi anësor është aktivizuar në minutën e 61-të në fitoren 1-0 që Dinamo Mins mori kundër Slavia Mozyr.

Herdi Prenga ka provuar shijen e humbjes në Letoni. Riga u thye në shtëpi nga Valmiera. Takimi përfundoi 0-1, ndërkohë që në fushë me skuadrën fituese ishte edhe braziliani Leo Lelis. Ky i fundit ka luajtur në Superiore me Kamzën një sezon më parë.

Trepikësh i rëndësishëm për Veljen, që fitoi në shtëpi përballë Sonderyskjes me rezultatin 2-0. Ylber Ramadani dhe Arbnor Mucolli e nisën ndeshjen si titullarë, ndërsa mesfushori 19-vjeçar u zëvendësua në minutën e 69-të.

Fitore arriti dhe Karabaku i Ansi Agollit, i cili nuk ishte pjesë e formacionit të ekipit. Kampionët e Azerbajxhanit mposhtën ekipin e Symkait me rezultatin 0-2, duke barazuar me pikë kryesuesit e Nefçi Bakusë, të cilët kanë një ndeshje më shumë për të zhvilluar.

Në minutën e 101-të një kombinacion i bukur midis Balliut dhe sulmuesit Habib Dialo, çoi Metzin në avantazh me mbrojtësin shqiptar që shtyu topin drejt rrjetës.

Tani Metz kalon në fazën e 1/16 të kupës së Francës, ndërsa në kampionat skuadra nga verilindja e Francës vazhdon të kryesojë kampionatin dhe rikthimi në Ligue 1 duket se nuk do të vonojë më shumë se një sezon.

Metzi arriti një barazim në transfertën e vështirë përballë Grenobles. Ndeshja u mbyll me rezultatin 1-1, ndërsa Ivan Balliu u aktivizua në pjesën e dytë. Mbrojtësi i kombëtares zëvendësoi francezin Rivierez në fillimin e pjesës së dytë. Kjo pikë e mban Metzin në vendin e parë me 35 pikë, një më shumë se Bresti i vendit të dytë.

Vetëm 12 minuta lojë për Sokol Cikalleshin në transfertën kundër Antaliasporit. Sulmuesi i Gozetepes nuk ndihmoi dot ekipin e tij të shmangte humbjen me rezultatin 1-0 kundër ekipit të vendit të katërt. Ai u hodh në fushë nga trajneri Bektash në minutën e 78 në vend të Ozturk, por sfida nuk pati më gola dhe vendasit fituan me golin e Ozkan.

90 minuta dhe për Kastriot Dermakun. Ai dhe Kozenca arritën një fitore të madhe me rezultatin 2-1 në ndeshjen që zhvilluan në shtëpi përballë Padovës. Ekipi i qendërmbrojtësit të kombëtares ktheu rezultatin, ndërsa heroi i Kozencës ishte mesfushori Garritano me golin e shënuar në minutën e katërt shtesë. Miqtë luajtën me një lojtar më pak që nga minuta e 57, ndërsa dy golat e parë të ndeshjes ishin shënuar nga pika e penalltisë. Kjo fitore e ngjit Kozencën në vendin e 14 me po kaq pikë dhe për momentin ndodhet jashtë zonës së rënies nga kategoria.

FSHF e ka ftuar atë 13 ditë përpara, por te Metz kanë qenë të vendosur të zbatojnë rregulloren. Kështu Panuçi ka ftuar një tjetër lojtar për krahun e djathtë të mbrojtjes, pasi Elseid Hysaj është i pezulluar me kartonë.

Kështu Egli Kaja do të jetë në dispozicion të trajnerit italian për ndeshjet me Skocinë dhe Uellsin. Vetë lojtari e ka njoftuar diçka të tillë dhe për këtë ndihet shumë i lumtur.

Grateful for another call up to the Albanian National team. Big games ahead! ?????? #kuqezi pic.twitter.com/9kqEzR6o4I

— Egli Kaja (@E_Kaja10) November 12, 2018

Më parë kishte ndodhur në “Qemal Stafa” në një ndeshje miqësore Gramozi-Real Madrid. Një ngjarje e tillë është përsëritur sonte dhe ka ndodhur në Francë. Metz-Niort, dy minuta nga nisja e pjesës së dytë, është ndërprerë për shkak të problemeve me rrymën elektrike.

Në fushë ishte edhe Ivan Balliu, mbrojtësi i kombëtares, i cili është pjesë e Metz. Skuadra e shqiptarit po fiton 1-0 dhe pret që të zgjidhet problemi dhe loja të rinisë normalisht.

FSHF ka njoftuar përmes një deklarate, teksa sqarohen edhe arsyet se pse mbrojtësi i Metz nuk mund të vihen në urdhrat e trajneri Panuçi në ndeshjen e së dielës. Kështu, për krahun e djathtë të mbrojtjes, vetëm Hysaj është në dispozicion të teknikut italian.

“Mbrojtësi i skuadrës franceze të Metz, Ivan Balliu i cili është thërritur paraditen e sotme për të qenë pjesë e ekipit kombëtar për shkak të dëmtimit dhe largimit të Frederik Veselit, nuk mund të jetë në dispozicion të skuadrës dhe trajnerit për këtë ndeshje.

Trajneri i klubit te Metz ka kërkuar që mbrojtësi Balliu të mos largohet duke qenë se i duhet ta ketë në stërvitje për të përgatitur takimin e radhës në kampionat. Sipas argumentimit të dhënë, trajnerit të Metz i janë larguar 8 lojtarë në ekipet kombëtare dhe kështu ka vendosur që Balliun ta ketë me grupin e mbetur.

Zëvendësimi i paparashikuar për shkak të dëmtimeve të lojtarëve në miqësoren me Jordaninë, si dhe ftesa karshi klubit dërguar së fundmi (dhe jo si çdo ftesë 14 ditë përpara grumbullimit) ka bërë që trajneri të mos i japë leje. Balliu nuk do të zëvendësohet me askënd tjetër, teksa ekipit pritet t’i bashkohet sot në mbrëmje vetëm Sabien Lilaj”, shkruhet në njoftimin e Federatës Shqiptare të Futbollit.

Ivan Balliu u aktivizua në pjesën e dytë, duke zëvendësuar francezin Rivierez, por pa arritur të ndihmojë ekipin që të shmangë humbjen. Ferhat shënoi golin e fitores për miqtë në minutën e 62-të, ndërsa Metz vazhdon të kryesojë në kuotën e 21 pikëve.

Pasi luajti 90 minuta në ndeshjen e kupës kundër Luki-Energjia, Enis Gavazaj është aktivizuar në fillimin e pjesës së dytë në humbjen e Jeniseit përballë Ufas.

23-vjeçari zëvendësoi Semakin, por vendasit e Ufës shënuan dy gola në pjesën e dytë, duke rikthyer rezultatin dhe marrë një fitore shumë të rëndësishme. Ekipi i Gavazajt qëndron në vendin e fundit në Premier Ligën e Rusisë në kuotën e pesë pikëve, pas nëntë javëve të para.

Sipas gazetës “Sport” në Spanjë, për shërbimet e Balliu është futur në garë edhe Legia e Varshavës. Në fakt nuk është një emër i ri, pasi emri i mbrojtësit është lakuar te polakët që në fillim të merkatos së verës.

Balliu nuk është se ka shumë kohë dhe i duhet të vendosë sa më shpejt për ekipin e ri, në mënyrë që të nisë përgatitjet dhe të jetë sa më shpejt gati për lojë. Mbrojtësi pas tre sezonesh pritet që të largohet nga Franca.

Nga Spanja vjen një lajm për të ardhmen e 26-vjeçarit, i cili i është propozuar Malagës. Klubi spanjoll garon në Segunda Division (ka luajtur edhe më parë kur ishte pjesë e Barcelonës B) dhe duhet parë nëse do bindet për të bërë një ofertë për Balliun.

Momentalisht e ardhmja e Balliut është në ajër, pasi te Metz zor të qëndrojë. Kjo situatë e penalizon atë për të qenë nën urdhrat e trajneri Kristian Panuçi në ndeshjet e shtatorit kundër Izraelit dhe Skocisë.

Gëztepe në Turqi ka qenë një opsion, por deri më tani nuk ka pasur asgjë konkrete. Largimi nga Metz është i sigurt dhe kjo shihet edhe nga fakti që nuk është grumbulluar për ndeshjen e sotme që skuadra e tij luan në transfertë kundër Bretz.

Mediet në Francë raportojnë se stafi teknik nuk e ka marrë për këtë ndeshje pikërisht prej faktit që është në merkato dhe nga momenti në moment pritet që të mësohet skuadra e re e Balliut. Futbollisiti i lindur në Katalonjë në të shkuarën ka qenë pjesë e ekipit të dytë të Barcelonës.