“U bëj komplimente djemve, sepse ditën të vuajnë dhe dhanë një provë pjekurie, duke administruar mirë momentet e vështira dhe mungesat e rëndësishme, duke luajtur me qetësi, duke qenë të bashkuar dhe duke marrë 3 pik shumë të rëndësishme. Po rritemi, e dija që veç nivelit fizik që po e arrijmë pak nga pak. Lojtarët po fitojnë vetëbesim, pikët po na ndihmojnë shumë dhe jemi në rrugën e duhur drejt formës së duhur.

“Adorjan? Është një lojtar tek i cili besojmë shumë, vinte nga dy ndeshje mjaft të mira. Nuk ka qenë mirë fizikisht ditët e fundit për një goditje të fortë në ije që i jepte shumë dhimbje. Edhe sot u detyrova ta ndërroj sepse ishte i lodhur dhe sakrifikoi shumë. Nuk ishte e lehtë sot, ndaj një rivali që sulmoi gjatë gjithë ndeshjes, ndaj i bëj komplimente Adorjanit dhe gjithë lojtarëve sot, sepse luajtën mjaft mirë.

“A është Partizani i premtuar? Nuk kam premtuar asgjë, kam ardhur që të bëj një punë me një skuadër që ishte e mirë edhe më parë. Skuadra nuk është ende e plotë, por po shoh shpirtin luftarak dhe sakrificën e duhur. Ka ndeshje si sot apo ndaj Luftëtarit, por ka edhe ndeshje kur rezultati në fillim nuk shkon si e pret dhe duhet të vuash, por gjithsesi jam i kënaqur me atë që kam parë deri tani.

A mund të bëjë më shumë Partizani, duke parë lojën aspak ofensive pas golit të shpejtë? Po, duhet të bëjë gjithnjë më shumë. Pasi shënuam, duhej të administronim zona të fushës dhe skuadra ndryshoi modul shpesh, sidomos në pjesën e parë. Administruam topin dhe pritëm që të krijoheshin hapësirat për të goditur, por ishte një betejë e ashpër, nuk ishte e lehtë ndaj një Vllaznie të vendosur mirë në fushë dhe të mobilizuar nga ndërrimi i trajnerit. Duhej të shënonim golin e qetësisë, por duhet të punojmë gjithnjë e më shumë për të arritur rendimentin maksimal me këtë skuadër.

“Basrak, a është alternativë serioze për sulmin tani? Jam i kënaqur që është shtuar konkurrenca, sa më shumë zgjedhje, aq më mirë. Basrak është kthyer këtë javë, luajti mirë dhe duhet të bëjë edhe më shumë se kaq. E gjeta këtu, por e njoh mirë, ka pasur vështirësi ambientimi në Shqipëri, por e ka kuptuar çfarë dua prej tij, shënoi gol të rëndësishëm dhe është një alternativë e mirë për Çanin dhe Sukajn”.

Do të mungojë Sukaj: “Xhevahiri është lojtar i rëndësishëm, ka qenë gjithnjë i tillë. Është një situatë e keqe, pasi humbasim një lojtar që ndihmon shumë para porte dhe në aspekte të tjera të lojës, por për fat disa lojtarë po kthehen në formën optimale dhe kemi alternativa. Kemi armët tona do t’i shfrytëzojmë në maksimum. Alban Hoxha do të jetë i gatshëm”.

Formacioni po ndryshon çdo javë: “Diskutimi i formacionit është gjithnjë relativ. Ka pezullime dëmtime, duhen sa më shumë lojtarë në situatë të njëjtë fizike e psikologjike. Nuk e di sa skuadra mund të luajnë gjithë ndeshjet pa bërë ndryshime në formacion. E rëndësishme është që kush zbret në fushë, ta kuptojë rëndësinë e kësaj fanelle, të ketë mësuar konceptet taktike të lojës që aplikojmë dhe më pas zgjedhjet i bëj në bazë të formës së lojtarit”.

Goli i Sukajt në fund i dha fitoren e parë Partizanit dhe shpëtoi edhe trajnerin italian, i cili pas ndeshjes në Supersport e pranoi se priste gjithçka.

“Ultimatum? Duke qenë një skuadër e madhe të gjithë mund të kenë dyshimet e veta. Në një projekt të ri asgjë nuk është e lehtë. Kam eksperiencën e duhur për ta menaxhuar një situatë të këtillë. Unë do të bëjë maksimumin. Situatat i kisha të qarta para fillimit të ndeshjes dhe e kuptoja momentin ku ndodhej ekipi”.

“Penalltia që humbi Teuta? Shiko, nuk e di ç’të mendoja, sepse në fushë pashë gabime me të vërtet banale nga ana jonë. E shihja që lojtarët dëshironin të luanin futboll, të luanin me top e të fitonin, por ishin të bllokuar dhe rastet e Teutës krijoheshin për fajin tonë, për dhuratat tona. Mendoj se e dominuam ndeshjen, por ai gol në fund të pjesës së parë ishte me shumë rëndësi, sepse e mbajti të hapur ndeshjen dhe na dha entuziazëm, duke dominuar në pjesën e dytë.

“Qetësi e rigjetur? Po, na duhej patjetër ta tregonim veten sot. Kemi bërë ndryshime edhe në përgatitje fizike, për të rikuperuar disa lojtarë, duke nisur nga Adorjan. Sot luajtën mirë, të gjithë, jemi të kënaqur që më në fund kemi fituar.

“Skuadra shumë e gjatë në fushë, duke lënë shumë hapësira? Në fakt, po, është e vërtetë. E thashë edhe më parë që bëmë shumë gabime, edhe mbrojtësit nuk vendoseshin mirë, ndërsa kërkohej shpesh topi i gjatë. I përmirësuam me kalimin e kohës disa probleme dhe morëm rezultat.

Loja jo e mirë? Partizani është një skuadër që duhet të luajë gjithmonë mirë, por ka momente kur gjërat nuk shkojnë mirë dhe bëhen gabime banale, ndaj rivali përfiton dhe vë në vështirësi skuadrën.

Forma e Partizanit? Nuk është e lehtë të jap përqindje të formës, skuadra nuk ecën në mënyrë të njëtrajtshme, disa lojtarë janë më mirë, disa më pas, është detyrua ime të gjej mënyrën për ta çuar skuadrën në 100%. Kemi lojtarë që ende nuk janë përshtatur, në një futboll mjaft të vështirë dhe të ashpër. Uroj që të kapim maksimumin sa më shpejt, edhe pse synimi i fazës përgatitore është kapja e formës maksimale për të garantuar gjithë sezonin, jo sprintin fillestar.

“Bardhi? Është lojtar shumë cilësor, që të thyen ndeshjen në mes kur futet. Uroj që të luajë gjithnjë kështu, por është e vështirë që ta ketë këtë rendiment gjithmonë, nëse luan titullar. Bardhi është një lojtar shumë i talentuar, por ndoshta nuk e ka kuptuar ende ç’do të thotë që të jesh futbollist profesionist i nivelit të lartë. Për këtë arsye kam që në verë që bëj luftë me të, për ta bindur për cilësitë dhe atë që mund të bëjë. Isha me fat që e pata në dispozicion dhe e hodha në fushë në pjesën e dytë, sepse gjatë javës nuk ka qenë me ne për shkak të ndeshjes me kombëtaren U-21 dhe ishte pak i lodhur.

“Maksimumi i Partizanit? Më vjen keq që e kemi nisur ngadalë, ndoshta duhej të kishim ndonjë pikë më shumë, por edhe kampionati është mjaft i vështirë, skuadrat mbyllen pas dhe presin kundërsulmin. Jemi ende në punë e sipër për të gjetur formacionin dhe vendosjen e duhur.

“A ka pasur ultimatum para ndeshjes? Në projekte të rinj nuk është asnjëherë e lehtë dhe suksesi nuk është i menjëhershëm. Është normale që të ekzistojnë dyshime kur mungon suksesi, aq më shumë që Partizani është një ambient i nxehtë dhe kërkon gjithnjë fitore. Megjithatë, unë jam mësuar me presionin dhe di ta përballoj, ndaj e prisja që të kishte presion për fitore sa më shpejt”.

“Është një moment delikat dhe lojtarët janë të vetëdijshëm për situatën, por ne do arrijmë që të përballemi, me mënyrat tona, me ‘armët’ tona për të rikthyer skuadrën aty ku të gjithë e dëshirojmë. Kemi pasur diskutime një marrëdhënie dhe diskutime mjaft korrekte, edhe mbi disa manovra, ndryshime sa i takon aspektit teknik e taktik. Skuadra është e vetëdijshme se ka fuqi për t’iu rikthyer rezultateve pozitive. Të gjithë lojtarë kanë besim te forcat e tyre, dhe ajo që është e rëndësishme, për t’u rikthyer dhe gjetur golat që në takimin ndaj Teutës”.

Nëse nuk fitohet ndaj Teutës – “Nuk parashikoj dot se çfarë ndodh po nuk morëm rezultat ndaj Teutës. Kemi bërë disa ndeshje të mira, por na ka munguar goli. Kjo është gjëja që na preokupon. Jam këtu për të punuar dhe lojtarët për të marrë këshillat e mira. Duhet të përmirësojmë ato gjëra që nuk kemi bërë mirë në ndeshjet e fundit dhe ta pasqyrojmë në ndeshjet e radhës me Teutën. Përgjegjësia ime është t’i vendos lojtarët në kushtet më të mira të mundshme për të dhënë maksimumin e vet. Krijojmë raste, por nuk arrijmë t’i konkretizojmë, kjo është pikë ku duhet të përmirësohemi”.

Çani – “Diskutimi i Çanit është bërë i lodhshëm, nuk do flas më në të ardhmen. Djaloshi është një investim madhor i klubit. Ka pasur disa probleme riaftësimi, ndoshta kam pasur edhe unë gabimet e mia në aktivizimin e tij, por ai ka dashur të jetë pranë skuadrës, për ta ndihmuar. Skuadra ka pasur shumë nevojë për të dhe kemi vendosur së bashku me të që të luajë sa të ketë mundësi, 30-40 minuta. Më pas vendosëm që Çani të ndalej, sepse nuk ishte në maksimumin e vet dhe nuk duhej të nxitoheshim më kot. Më mirë të presim që të jetë 100%, që të jetë vendimtar. Derisa të mos jetë gati, nuk e aktivizoj dot, sepse pritshmëritë ndaj tij janë tepër të mëdha dhe nuk është e drejtë që të mbingarkohet me presion dhe kritika”.

Sukaj – “Xhevo është një lojtari veçantë, me shumë personalitet, një lojtar që mund të të ndihmojë dhe dëshiron ta ndihmojë skuadrën të shënojë. Ai po punon shumë në aspektin fizik, për të arritur formën optimale dhe për të ndihmuar për daljen nga ky moment i vështirë, ndaj e kam gjithmonë në konsideratë. Ka pasur momente kur nuk është stërvitur ashtu si dua unë, por të gjithë duhet të mendojnë për të mirën e skuadrës, për të nderuar fanellën”.

Teuta, ekip agresiv – “Është e vërtetë, Teuta është skuadër shumë agresive, ndaj do të duhet t’i përgjigjemi me të njëjtën monedhë, përndryshe teknika e taktika vlejnë pak. Do të përdorim armët tona për t’i bërë ballë Teutës, me forcën e grupit që kemi, grup që e di që duhet të jetë më “i keq”, më agresiv dhe me më shumë dëshirë se kundërshtari. Do të luajmë ndaj Teutës njësoj sikur të kemi përballë skuadrën më të fortë në botë, duke u mbrojtur me kujdes dhe duke goditur kur të na jepet rasti. Tani të presim verdiktin e fushës”.

Soue – “Është një lojtar që e kam pasur më parë në skuadër, në Itali. Tani po ecën mirë, kur e kisha unë kishte disa probleme, nuk mund të stërvitej në fushë me bar artificial. Duke qenë se Partizani stërvitet vetëm në bar sintetik, Soue do të kishte probleme. Nga merkatoja nuk do të ndryshoja gjë, do të ndryshoja vetëm rezultatet, po ta kisha në dorë. Asani? Po punojmë me të në aspektin fizik, sepse nuk ishte gati dhe i duhet një program stërvitor i veçantë, për t arritur formën maksimale. Është një lojtar shumë interesant dhe për momentin po luan me Partizanin B, për të kapur formën e vet më të mirë”.

Trajneri i Partizanit, Mark Juliano, ka folur për gazetarët e pranishëm në Kamzë pas ndeshjes me Naftëtarin. Italiani është shfaqur më i qetë dhe e pranon se ka marrë përgjigjet e duhura nga lojtarët e afruar në merkaton e verës. Italiani ka përgëzuar lojtarët e tij dhe është mjaft optimist se ekipi do të gjejë shumë shpejt fitoren e parë.

“Ishte shumë e rëndësishme kjo ndeshje, pasi luajtën lojtarët që nuk kishin minuta dhe nuk kanë qenë në gjendje. Ata më dhanë përgjigjen e duhur sot (dje). Nuk mund të futem në emra konkretë, pasi më kanë pëlqyer të gjithë: Xhixhiua, Bardhi, Selvaxhio, Malota që u rikthye nga dëmtimi. Janë djem që kanë nevojë për më shumë minuta për t’u rritur. Jam i kënaqur, pasi shfaqën karakter, por më vjen më mirë që e kanë kuptuar që për të luajtur duhet të demonstrojnë karakter, të kenë grintë dhe të japin maksimumin në fushë”, – shprehet Juliano për ndeshjen. Më tej, vëmendja kalon nga kampionati, aty ku edhe Partizani ka bërë startin më të keq mbase edhe që nga themelimi i klubit. 3 ndeshje, 1 pikë dhe asnjë gol i shënuar. Numri një i stolit është i vetëdijshëm se situata është mjaft delikate dhe “demat” duhet të reagojnë. “Sigurisht që më të rëndësishme janë fitoret në kampionat. Ne duhet të arrijmë fitoren e parë dhe po punojmë për të. Të fitojmë dhe djemtë do ta kenë më të lehtë për të ecur përpara dhe për të besuar në punën që po bëjmë. Ne duam të arrijmë fitoren e parë në kampionat”.

Më tej, numri një i stolit flet edhe për klimën që eksiton në ekip dhe faktin se si mund të kalohet kjo situatë e vështirë. “Djemtë flasin me mua dhe mes tyre për situatën që po kalojmë. Jemi të bindur se do të dalim nga kjo situatë dhe kemi nevojë që të rikthejmë edhe besimin te tifozët. Fitorja në Kupë ishte një përgjigje mjaft e mirë për të na çuar drejt fitores së parë edhe në kampionat. Kemi 40 ditë që përgatitemi për të dhe besoj se do të ia arrijmë shumë shpejt. Disa nga lojtarët po kalojnë shqetësimet, të tjerët po kapin formën më të mirë, prandaj them se jemi në rritje”, – përfundon Juliano.

Së pari, forma e Çanit: “Duhet marrë puna e bërë në tërësi, kur analizohet paraqitja e një lojtari. Them se Çani ka bërë një punë të mirë, duke ditur që nuk është ende në 100%. Po ta analizojmë me kujdes ndeshjen me Kukësin, shohim që ai tërhiqte pas vetes tre mbrojtës dhe i krijonte hapësira shokëve të skuadrës”.

Skënderbeu, një rival i vështirë, në një moment jo perfekt, por Juliano nuk firmos për barazim: “Nuk ndihem nervoz, presioni është normal. Partizani është i detyruar që t’i fitojë të gjitha ndeshjet. Nuk firmos për asnjë rezultat, dua ta shijoj ndeshjen. Dua të shoh skuadrën time. Do përpiqemi të bëjmë një ndeshje të madhe dhe do isha i kënaqur nëse do fitonim”.

Këto vitet e fundit Partizani ka dominuar ndaj Skënderbeut në rezultate: “Çdo ndeshje është një histori më vete, edhe pse Partizani ka bërë mirë në të shkuarën ndaj Skënderbeut. Është një ekip që është në një moment të mirë, ka një sulmues si Soue dhe jemi të sigurt që do të bëjnë më të mirën ndaj nesh. Do bëjmë gjithçka për ta ndërprerë vazhdimësinë pozitive të Skënderbeu, ndërkohë që në krahun tjetër do bëjmë gjithçka për të ruajtur vazhdimësinë pozitive ndaj tyre. Soue ka thënë se është më i fortë se Ekuban? Ali Soue e njoh mirë pasi kam punuar atje me të. Edhe këtu ai po bën mirë. Jam i kënaqur që është në formë dhe është një lojtar i rëndësishëm për Skënderbeun. Nuk dua ta krahasoj me Ekuban, janë lojtarë të ndryshëm”.

“Ishte një ndeshje e bukur, luajtëm shumë mirë, dominuam gjithë ndeshjen dhe rastet që pati kundërshtari erdhën nga gabimet tona. Jam shumë i kënaqur, skuadra po rritet. Tani është kthyer edhe Çani, që nuk kishte luajtur as 45 minuta të plota deri tani.

“Na duhet pak fat. Nuk po arrijmë të zhbllokohemi, erdh për fat të keq, herë për meritë të kundërshtarit, herë për meritë të portierit kundërshtar. Skuadra dha gjithçka, lojtarët janë të trishtuar, sepse e donin patjetër këtë fitore, e donin për tifozët dhe presidentin. Megjithatë, u thashë që nëse luajnë me zemër si sot, atëherë do të jemi deri në fund në garë për titull.

“Duhej të krijonim, por duhej të punonim shumë edhe në fazën mbrojtëse, sepse nga krahët Kukësi po sulmonte shumë. Progni e Trashi bënë një punë të shkëlqyer, duke ndihmuar edhe fazën mbrojtëse. Rastet mund të krijohen jo vetëm me krose, por edhe me lojë të shpejtë e pasime, ndërkohë që sot na ndali edhe portieri kundërshtar.

“Bardhi është lojtar i yni, natyrisht që për atë u fut. Ndeshja ishte si shah, kishte shumë studim ndaj kundërshtarit. Vetë e thatë që në aspektin territorial dominuam, ndaj duhet të përmirësohemi në fazën sulmuese, sepse në kupë shënuam 6 gola dhe mund të shënonim edhe 20 të tjerë, por ndeshje si kjo e sotmja kanë nevojë për më shumë.

“Sot jam shumë i kënaqur nga skuadra. Po punojmë shumë që të jemi në formë optimale për gjithë sezonin, jo vetëm në shtator. Më vjen keq vetëm që nuk doli goli, për pjesën tjetër jam i kënaqur dhe më vjen keq për djemtë, që dolën të mërzitur”.

Nuk mund të mos mbetet çështje dite situata me shiritin e kapitenit, që është dorëzuar nga Alban Hoxha: “Së pari, jam i kënaqur që Hoxha rikthehet në skuadër. Së dyti, kapiten do të jetë Batha, që do të thotë se do të luajë nesër”.

Edhe sulmi është një rebus, pasi nuk dihet ende gjendja fizike e Çanit: “Nuk e kam vendosur ende cili do ta nisë nga minuta e parë, Çani apo Sukaj”.

Do të mungojë për dëmtim Fejzullahi: “më vjen keq, është një lojtar i rëndësishëm për ne. Megjithatë, kam alternativa cilësore në dispozicion”.

Një batutë për merkaton dhe emrin e Jasir Asanit, i diskutuar shumë ditët e fundit: “E njoh si lojtar, kemi studiuar shumë lojtarë, por nuk mund të flas për ata që nuk i kemi në skuadër”.

Edi Spahiu

Partizani triumfon në Kuçovë me një fitore tenistike 6-2. Përballë kuçovareve, që sapo janë kthyer në Kategorinë e Parë, skuadra e kuqe tregoi superioritetin e saj,ku pas humbjes me Laçin jep sinjale pozitive për të ardhmen. Të kuqtë e filluan me theks sulmues ndeshjen, ku në minutën e dhjetë Kalari godet traversën, por pas dy minutave miqtë befasohen, pasi Allkanjari pason te Nallbati që përballë Xhikës shënon, duke entuziazmuar të pranishmit e shumtë. U duk se kjo ndeshje për Partizanin do ishte vazhdimi i asaj me Laçin, por skuadra e kuqe ka reaguar fuqishëm. Pas 7 minutave Partizani barazon, ku Bardhi vepron bukur ne zonë dhe pason për Xhixhiua i cili shënon. Të kuqtë çlirohen plotësisht dhe krijojnë raste të shumta. Xhixhiua shfaqet shumë i rrezikshëm në krahun e djathtë dhe është problematik për mbrojtjen e Naftëtarit. Rastet e Partizanit janë të shumta, por portieri Lorenc Koçi mohon gola të sigurt. Naftëtari mundohet të godasë me kundërsulm dhe në minutën e 39-të Allkanjari shmang pothuaj të gjithë mbrojtjen e Partizanit, por shokët e skuadrës nuk e ndjekin aksionin. Një minutë para fundit të pjesës së parë Malota shënon golin e dytë, pas një goditjeje këndi dhe aty mbaron rezistenca vendase.
DEBUTON ÇANI – Pjesa e dytë është më e hapur dhe Partizani tregohet plotësisht si një ekip elite.R itmi është i lartë për të kuqtë, ndërsa vendasit e kanë tepër të vështirë për të përballuar presionin, edhe për faktin se fizikisht nuk janë ende në formën e duhur. Tekniku Julano hedh në fushë përforcimin më të shtrenjtë, Edgar Çanin, i cili debuton me gol. La Kamera shërben bukur nga goditja e këndit për Çanin, i cili pas një gjuajtjeje fluturimthi brenda zonës shënon golin e tretë të takimit. Futja e Çanit i jep më shumë gjallëri sulmit, ku do të ketë dhe gola të tjerë. Pas 3 minutash shënon Herrera, pas një pasimi të Çanit. Edhe minutat e fundit janë të shpejta, ku Partizani duket i pangopur. Xhixhiua shënon golin e dytë personal dhe të pestin për ekipin. Kuçovarët shkurtojnë distancën pas një goditjeje të bukur të Xhafer Kajos nga një distancë e largët. Një minutë para përfundimit Idriz Batha nga pika e bardhë (penallti e fituar nga Çani) kompleton fitoren e të kuqve,të cilët e shikojnë veten që në ndeshjen e parë të kualifikuar për në raundin tjetër. Ndërkaq, kuçovarët dhanë rezultate pozitive pavarësisht humbjes, ku në disa momente ata u përballën si të barabartë me Partizanin.

Juliano: Ndeshje e ngjashme me Laçin, por këtë radhë shënuam
Mark Juliano më në fund ka gjetur golat që priste dhe nuk e fsheh kënaqësinë, edhe pse natyrisht Naftëtari nuk është ndonjë test serioz në këtë moment. Trajneri italian e krahasoi ndeshjen kundër Naftëtarit me atë kundër Laçit, duke veçuar pikërisht sulmin: “Sot jam i kënaqur me skuadrën. Mund të them se ishte pothuajse e njëjta ndeshje si me Laçin, por sot nuk i shpërdoruam rastet, pavarësisht se luajtëm përballë një ekipi inferior. Ishte një ndeshje që na shërbeu për anën morale. Mund të them që kundërshtari sot na vuri në vështirësi. Naftëtari ishte një skuadër simpatike, e cila luante një futboll të mirë. Që pas këtij momenti ne mendojmë për ndeshjen me Kukësin, ku do të kërkojmë fitoren”. I pyetur edhe për rikthimin e dy titullarëve Krasniqi dhe Batha si dhe mungesën e Hoxhës, që ishte në pankinë, tekniku u tregua diplomat duke thënë: “Mora sinjale pozitive si nga lojtaret në fushën e lojës, ashtu edhe nga ata në stol”.

“Është e qartë që na duhet ndonjë alternativë më shumë në sulm, sepse mungonte Çani, por nuk është e ndershme të përmendim ata që nuk janë. Të gjithë ata që luajtën dhanë gjithçka, edhe pse kishim mungesa të rëndësishme. Duhet t’i japim meritë kundërshtarit, e fituan ata ndeshjen. Krijuam lojë e raste, nëse shënonim, do të flisnim për ndeshje tjetër.

“Kampionati? E njoh, e kam studiuar, nuk është se e kam pranuar verbërisht këtë detyrë. Tani duhet të punojmë shumë, të përmirësohemi. Unë dua një skuadër sulmuese, nuk është në stilin e Partizanit që të mendojë vetëm për mbrojtjen. Edhe sot u munduam shumë, por nuk shënuam dot.

“Batha? E kam në konsideratë, nuk është se nuk e llogarit për formacionin. Megjithatë, sot kishim përballë një kundërshtar ku më duhej një mesfushë më teknike dhe bërë këtë zgjedhje”.

Shqetësimet: “Kemi disa lojtarë me probleme fizike, por mendoj se grupi që kam aktualisht në dispozicion për ndeshjen me Laçin do të bëjë më të mirën.”

Laçi dhe sezoni i fundit: “E di që disa futbollistë nuk e kanë harruar akoma atë zhgënjimin me Laçin në sezonin e kaluar, që solli humbjen e titullit, por mendoj që e rëndësishme është që ne të japim më të mirën në fushë. Ky është një kampionat i ri, një skuadër e re ku janë afruar mjaft elementë të tjerë. Ashtu si në sezonet e tjera dhe në këtë sezon Partizani do të hyjë si një skuadër e madhe në kampionat. Do të bëjmë gjithçka për të fituar çdo ndeshje. Synimi është të shkojmë te titulli, sepse pritja ka qenë tepër e gjatë.”

Formacioni: “Nuk jap asnjë indicie, do të shihni gjithçka kur të zbresin skuadrat në fushë. Kemi një organikë të fryrë dhe do të ketë hapësira për të gjithë, gjatë sezonit”.

Çani nuk luan: “Vjen nga një operacion dhe po vazhdon fazën e riaftësimit. Programi i tij stërvitor është specifik, por do të luajë në kupë”.

INTERI I SPALETIT – Morati ka folur edhe për Interin aktual: “Besoj se është herët për të folur për titull, edhe pse tani trajneri, klubi dhe lojtarët janë. Në futboll duhet edhe fat, por mund të shpresojmë. Spaleti? Nuk habitem. Milano është një pjacë e vështirë, por ai ka gjithçka për t’ia dalë mbanë. Skuadra më duket e mirë, merkatoja ka rregulluar shumë gjëra, edhe pse nuk dihet a jemi të kompletuar në mbrojtje”.

FAIR PLAY FINANCIAR – “Unë e doja që në kohën kur drejtonte Mishel Platini UEFA-n. Nuk është e lehtë dhe gjithnjë ekziston ndonjë shteg për të thyer rregullat: ndoshta duhen disa më të forta. Ndoshta në Kinë nuk lejohen shpenzime të tilla, është edhe Fair Play financiar, ndaj Interi ka lëvizur mirë”.

JUVENTUSI – “E nisi keq edhe vjet, por ka karakter, trajner të zotin dhe një sulm të shkëlqyer. Kanë humbur Bonuçin, por ndonjë rinovim nevojitej. Mendoj se është ende një skuadër e fortë”.

Momenti i skuadrës “Po punojmë prej 6 ditësh, skuadra është e ngarkuar fizikisht, por kam marrë përgjigje shumë pozitive. E dimë që duhet të punojmë ende në shumë gjëra, por jam i kënaqur mbi të gjitha për faktin se askush nuk pësoi ndonjë dëmtim dhe kjo ishte e rëndësishme. I bëj komplimente Vastezes, skuadër e mirë”.

-Ambiciet e Partizanit këtë sezon? “Synojmë më të mirën, duam suksesin që i mungon klubit prej shumë vitesh. Kemi lojtarë të mirë, kemi bërë një merkato të shkëlqyer dhe tani kërkojmë që skuadra të arrijë formën optimale”.

De Biazi, një shembull? “Unë jam në klub, ndaj kam një punë më të përditshme. Duhet kujtuar De Biazi, që ka hapur rrugën drejt Shqipërisë, një vend që më ka befasuar dhe ka befasuar edhe lojtarët e huaj. Është një realitet shumë i bukur, shpresojmë dhe duhet të japim kontributin tonë për rritjen e këtij klubi, që është më i rëndësishmi në Shqipëri”.

Kthimi në Itali? “Ëndrra ime është Partizani, sepse jam shumë i kënaqur, gëzoj besimin e klubit. Kam bashkëpunëtorë që kanë dëshirë të mësojnë nga futbolli evropian. Surpriza më e madhe ka qenë që klubi është i rëndësishëm dhe i organizuar, ka besuar te unë dhe stafi im, ndaj tani duhet t’ia shpërblejmë”.

JULIANO – Përgjithësisht futbollistët gjejnë huqe te çdo trajner, por deri tani nuk e shajnë dot teknikun italian, pasi ai është një njeri që të ngjall respekt, pa harruar edhe karrierën e tij të gjatë si futbollist. “Nuk ka asgjë të ngjashme me ‘diktatorin’ Sormani, e as me të ‘fiksuarin’ Agostineli. Ky është punëtor dhe serioz, por bën shaka dhe luan me lojtarët në momente gazmore dhe krijon një atmosferë të mirë në skuadër. Ka harmoni për momente”, – shprehet një nga titullarët e Partizanit, sigurisht në konfidencë. “Një huq e ka në fakt – vazhdon – na mbyti me stërvitje. Na mori shpirtin, hamë darkë shkojmë në dhoma dhe vetëm flemë, nuk kemi fuqi për asgjë”.

Duket se që tani në kampin e kuq e kanë mirëpritur trajnerin Juliano ndryshe nga të gjithë të tjerët. “Ky është pritur më mirë edhe se Agostineli edhe se Sormani, pasi fakti që ka qenë futbollist të detyron të krijosh respekt të menjëhershëm”.
Kampionati po afrohet dhe Partizani ka objektiva të qarta, fitimin e të dy trofeve, kampionatit dhe kupës. Juliano ka detyrën e vështirë për t’ia dalë mbanë, pasi edhe buxheti i Partizanit është rritur ndjeshëm. Mbase, e ka menduar si një aventurë të thjeshtë, por shumë shpejt do të kuptojë që është futur në një garë ujqërish ku gabimi më i vogël kushton shumë. Megjithatë, shpatullat i ka të ngrohta, pasi ka mbrapa një personazh si Moxhi, eksperienca e tij e madhe në Itali do të ndikojë për mirë edhe këtu, a po, shpresojmë që t’i ketë shpjeguar dikush edhe lojën poshtë e sipër tavolinash, ku aleancat janë të domosdoshme për të fituar trofe…

Juliano e mori me të qeshur sot, i mësuar me pyetjen e përjetshme, por më pas ndërhyri Luçiano Moxhi, tjetër protagonist absolut i asaj epoke, kur drejtonte Juven.

Në një libër botuar 3 vite më parë Moxhi rrëfente se penalltia mund të jepej, duke e riparë vite më pas.

Sot Moxhi sulmon Interin, aty ku në fakt firmosi dhe do kishte shkuar, por u grind me Moratin sepse Moriero rinovoi tek Interi, ndërsa Moxhi e kishte shitur te Midëllsbrou në Angli.

“Le të themi që penalltia ishte, OK? Por në atë kohë Interi kishte një çështje të hapur. Një vit më parë kishte falsifikuar dokumentacionin, për të bërë italian me origjinë Alvaro Rekobën. Mashtrim gjigant, rregullorja e zbriste në Serinë B, por u dënua vetëm një drejtues. Me rregullore, ajo Juve-Inter e famshme nuk duhej luajtur fare, sepse Interi nuk do merrte pjesë fare atë sezon në Serinë A. Gjyqtari vendosi që penalltia ndaj Ronaldos nuk ishte, vendim i pranueshëm, edhe nëse i gabuar, por një gjyqtar më i madh vendosi që Interi të mos dënohej për Rekobën”.

“Jam Mark Juliano, nuk ka pse të krahasohem me trajnerët e tjerë italianë te Partizani. Njerëzit janë të veçantë, na bashkon vetëm kombësia. Më ka kontaktuar Moxhi, me të cilin njihem prej shumë vitesh, jam i lumtur që vij te Partizani.

” Marr drejtimin e një klubi të madh, që duhet ta kthejmë në majë, të bëhet sërish më i rëndësishmi në vend. Presidenti është i lodhur nga mungesa e trofeve, ndaj më ka kërkuar fitore dhe trofe.

“Karriera? Jam i ri si trajner, e vërtetë, por kam punuar me të gjitha moshat, kam drejtuar me sukses Latinën, për një fazë e ngjita nga fundi i tabelës në mesin e saj, afër zonës play-off.

“Kam parë shumë ndeshje nga sezoni i fundit. Futbolli shqiptar nuk është fizik, si mendohet, sepse ka shumë lojtarë cilësorë. Synimi im është të punoj taktikisht, ashtu si Panuçi dhe trajnerët e tjerë italianë.

“Ajo që kam vënë re, është se shpesh skuadra nuk ecën në një drejtim, ka konfuzion në fushë dhe mungesë harmonie në lëvizje. Kjo është ajo që duhet të rregulloj, jam i bindur që do t’ia dalim, nuk ka rëndësi nëse lojtarët janë të huaj apo shqiptarë. Skuadra është thuajse e plotë, na duhet sulmues, por deri më 10 gusht do jemi kompletuar. Shkojmë në Itali për fazë përgatitore, stafi shqiptar do ketë shumë rëndësi”.

Mark Juliano, ish-mbrojtësi i njohur i Juventusit, është tashmë zyrtarisht i kuq.

Me njoftim zyrtar në faqen e vet, Partizani ka lajmëruar prezantimin e trajnerit të ri të mërkurën.

JULIANO – Futbollist i rritur te Salernitana, Juliano e pati kulmin e vet te Juventusi në periudhën 1996-2005, duke luajtur 187 ndeshje e duke shënuar 7 gola. Jo gjithnjë titullar, por një mbrojtës i besueshëm sa herë nevojitej kontributi i tij. Ka fituar thuajse gjithçka në karrierë: 4 kampionate në Serinë A, 3 Superkupa Italie, një Superkupë Europe dhe një Kupë Interkontinentale. Nëse e mbani mend, ju që keni parë futboll në vitet ’90, Juliano është protagonisti i madh i penalltisë mbi Ronaldon në një Juventus-Inter në vitin 1998. Ishte apo nuk ishte penallti? Arbitri nuk e dha, Juventusi doli kampion. Më pas Majorka në Spanjë, pak ndeshje të tjera në Itali dhe fund karriere në 2012, në moshën 39-vjeçare.

KARRIERA SI TRAJNER – Në vitin 2012, sapo e mbylli me futbollin e luajtur, Juliano nisi punë tek ekipet e moshave të Pavias. Dy vjet aty, më pas një vit te të rinjtë e Latinas. Më 5 janar 2015 Latina e emëroi trajner të parë, pas pushimit nga puna të Roberto Bredës. Qëndroi thuajse një vit te Latina, ku në fakt bëri punë të mirë, por në nëntor 2015 e pushuan nga puna. Më shumë se një vit pushim, duke bërë rolin e opinionistit nëpër televizione, derisa më 26 maj Komo e thirri për t’i dhënë drejtimin e skuadrës që po rindërtohej. Gjithçka ters: pa debutuar dhe pa bërë planet e së ardhmes, Juliano mbeti pa punë, sepse Komo falimentoi.

LIDHJA ME MOXHIN – Në Itali thonë se Mark Juliano është një mik i ngushtë i Moxhit. Karriera e mbrojtësit është lidhur ngushtë me Moxhin që nga koha e Juventusit dhe miqësia e tyre nuk është zbehur më që në vitet ’90. Edhe marrja e drejtimit të Komos në maj, sipas medieve italiane, kishte në prapaskenë Luçiano Moxhin. Te Komo do të shkonin drejtues të afërt me Moxhin dhe u spekulua shumë se Komo kishte marrë si konsulent pikërisht ish-drejtorin e famshëm të Juventusit. Komo falimentoi, gruaja e Majkëll Esienit nuk pagoi më asnjë euro pas majit, ndaj Moxhi erdhi te Partizani dhe tani vjen edhe Juliano.

BASTI I RREZIKSHËM – Futbollist me emër, për pasojë trajner i mirë? Teori që në futboll shpesh nuk ka funksionuar, rastet janë aq të shumta, sa duhet një libër me shumë faqe për t’i përmbledhur. Mjafton të kujtojmë Dosenën, i cili në Shqipëri erdhi si emër i madh, por iku nga kombëtarja pa nisur mirë punë. Shqipëria është ambient i vështirë, nuk kemi nivel të lartë profesionalizmi, në çdo fushë. Partizani është ende pa shtëpi, hall më vete, që sikletos çdo trajner, presioni është maksimal për trofe, asgjë tjetër, vetëm trofe. Lojë? Nëse vjen, mirë, por tifozët janë lodhur nga pritja e gjatë dhe nuk është se u intereson fort që titulli që iu hoq Skënderbeut pritet t’i kalojë Partizanit. Ai është titull tavoline, tifozët duan një titull fushe, nga ata që festohen jo një ditë, por për ditë të tëra! Juliano është “i uritur”, kërkon ta përdorë Partizanin si trampolinë, jo thjesht si një mënyrë për të kapur ndonjë euro qyl. Ky është lajm i mirë për Partizanin, por nga ana tjetër, eksperienca është thelbësore dhe Juliano nuk e ka. Ka edhe aspekte të tjera që duhen marrë parasysh: A do t’i japin një skuadër për titull? A do të ketë mbështetje të plotë nga klubi, pa “bërryla”? A do ta nisë mbarë dhe a do të ketë më shumë fat se te Komo? Të shohim, basti është i rrezikshëm, por nëse fitohet…

KARRIERA SI TRAJNER – Në vitin 2012, sapo e mbylli me futbollin e luajtur, Juliano nisi punë tek ekipet e moshave të Pavias. Dy vjet aty, më pas një vit te të rinjtë e Latinas. Më 5 janar 2015 Latina e emëroi trajner të parë, pas pushimit nga puna të Roberto Bredës. Qëndroi thuajse një vit te Latina, ku në fakt bëri punë të mirë, por në nëntor 2015 e pushuan nga puna. Më shumë se një vit pushim, duke bërë rolin e opinionistit nëpër televizione, derisa më 26 maj Komo e thirri për t’i dhënë drejtimin e skuadrës që po rindërtohej. Gjithçka ters: pa debutuar dhe pa bërë planet e së ardhmes, Juliano mbeti pa punë, sepse Komo falimentoi.

LIDHJA ME MOXHIN – Në Itali thonë se Mark Juliano është një mik i ngushtë i Moxhit. Karriera e mbrojtësit është lidhur ngushtë me Moxhin që nga koha e Juventusit dhe miqësia e tyre nuk është zbehur më që në vitet ’90. Edhe marrja e drejtimit të Komos në maj, sipas medieve italiane, kishte në prapaskenë Luçiano Moxhin. Te Komo do të shkonin drejtues të afërt me Moxhin dhe u spekulua shumë se Komo kishte marrë si konsulent pikërisht ish-drejtorin e famshëm të Juventusit. Komo falimentoi, gruaja e Majkëll Esienit nuk pagoi më asnjë euro pas majit, ndaj Moxhi erdhi te Partizani dhe tani vjen edhe Juliano. A do të ketë më shumë fat se te Komo? Të shohim…