Kumbulla është një ndër talentet më të vlerësuar nga stafi i Veronës dhe pritet që të vazhdojë të jetë pjesë e skuadrës gjatë sezonit të ardhshëm, ku Verona ka për objektiv të sigurojë mbijetesën në Serie A.

Sipas “Gazzeta Dello Sport”, Perin ka pranuar të huazohet për një vit te Benfika. Kampionët e Portugalisë kanë arritur marrëveshjen me Juventusi dhe ditën e nesërme pritet që portieri të prezantohet në Lisbonë.

Në marrëveshjen e rënë dakord mes palëve, Benfika ka të drejtën e blerjes përfundimtare të kartonit për 15 milionë euro, por që kjo të ndodhë, Perin duhet të tregojë sa vlen gjatë sezonit të ardhshëm në kampionatin portugez.

Sulmuesi i Napolit ka gjetur rrjetën në minutën e 49-të. Krosim shumë i bukur i Bernardeskit nga goditja e këndit dhe koordinim perfekt i Insinjes. Portieri mik në vend, topi në rrjetë dhe tifozët e pranishëm në festë. Kryevepër e Insinjes, ndërsa Itali do tentojë deri në fund fitimin e ndeshjes.

I’m just recording this hit from Insigne off my tv because this is next level pic.twitter.com/BtZqNuGnNi

— Wayne Girard (@WayneinRome) June 11, 2019

Ekipi axurr mposhti 2-1 Australinë në një ndeshje plot emocione. Samanta Kerr kaloi kombëtaren përtej oqeanit në avantazh në mesin e pjesës së parë. Goditja nga pika e penalltisë u prit nga Laura Xhuliani, por topi përfundoi sërish në këmbët e Sarr, e cila nuk fali më.

45-minutat e para u mbyllën me avantazhin australian, ndërsa Italia përmbysi gjithçka në të dytën. Barazimi nuk vonoi dhe u arrit shumë shpejt. Bonansea shfrytëzoi një gabim të mbrojtjes australiane, vërshoi drejt portës dhe goditi saktë duke barazuar shifrat.

Vajzat italiane rritën presionin për të gjetur golin e avantazhit dhe ia dolën në sekondat e fundit. Heroina ishte Barbara Bonansea. Sulmuesja e Juventusit shfrytëzoi një krosim të Çernoias në minutën e pestë shtesë dhe me kokë dërgoi shoqet e saj në ekstazë.

Nisje shumë e mirë për vajzat e drejtuara nga Milena Bertolini. Italia do të zhvilloje ndeshjen e radhës kundër Xhamajkës me datë 14 qershor, ndërsa katër ditë më pas luhet supersfida kundër Brazilit.

Kjo fitore e ngjit kombëtaren axurre në kuotën e 9 pikëve pas tre ndeshjes, ndërsa të martën do të presë Bosnje Hercegovinën, në një duel të zjarrtë që duhet fituar me çdo mënyrë.

“Gjëja më e rëndësishme është fakti që po përmirësohemi ndeshje pas ndeshje. U treguam të aftë që nga minuta e parë dhe e drejtuam ndeshjen aty ku donim ne. Duhet të sulmonim më shumë në pjesën e dytë, por e menaxhuam më shumë se ç’duhet situatën. Duhet të përmirësohemi në këtë aspekt. Nuk pësojmë gol prej gjashtë ndeshjes dhe kjo po ndodh edhe falë presingut të bërë lart”, thekson Roberto Mançini.

Vetë lojtari ofensiv e ka kaluar me një batutë pyetjen rreth së ardhmes së tij. Kieza gjendet i grumbulluar me kombëtaren italiane dhe në konferencën për shtyp është përgjigjur në këtë mënyrë rreth së ardhmes së tij.

“Më gëzon interesimi klubeve të tjera, por tani jam në kombëtare. Jam në dispozicion të trajnerit Mançini dhe mendoj vetëm për Italinë. Kam vendosur telefonin në opsionin aeroplan”, thekson me buzëqeshje Federiko Kieza.

Finalen e Champions Ligës e ndoqi nga TV dhe provoi një ndjesi të çuditshme. Trishtimin e tifozëve për kalimin e Kontes tek Interi e kupton, por asgjë nuk ndryshon sukseset e tij si bardhezi.

Më pas Alegri, i cili u largua pas 5 titujve kampionë të fituar dhe trajneri i ri. Zgjedhjen e bëjnë drejtuesit. Lojtari ofensiv ka besim tek ata, por një koment pozitiv për Mauricio Sarrin, kandidatin kryesor për stolin e Juves, nuk mungon.

Në fund kombëtarja dhe Moize Ken. Mançini ka krijuar një grup fantastik, ndërsa nuk mungojnë këshillat për shokun e talentuar të skuadrës.

CHAMPIONS – “Vuajta pak duke parë finalen në TV. Ky ishte një sezon i çuditshëm. Ëndërroj të fitoj Champions Ligën dhe Europianin me Italinë në të ardhmen. Konte? Kam patur fatin ta kem trajner. Antonio ka shkruar historinë si futbollist dhe trajner i Juventusit. I kuptoj tifozët, por arritjet e Kontes do të mbeten gjithmonë.

ALEGRI – “Meriton shumë pasi fitoi shumë dhe nuk e pati aspak të thjeshtë. Ai ka idetë e tij, të cilat e udhëhoqën Juven në gjithë këto suksese. Trajneri i ri? Nuk mund të shprehem. Kemi drejtues të aftë në klub. Kushdo që do të vijë do të jetë në nivelin e duhur dhe do të sjellë diçka më shumë për ne futbollistët. Si futbollist mund të them që Sarri është një profil i vlefshëm, por nuk e di nëse do të jetë ai trajneri ynë.

KOMBËTARJA – “Është krijuar një grup fantastik me plot djem të rinj të talentuar. Ken? Duhet të rritet pa shumë presion dhe përgjegjësi. Duhet të gabojë përsëri që të gjejë ekuilibrin dhe mënyrën e duhur të punës. Do të ishte një gabim i madh t’i vendosim etiketa që tani.

Roberto Mançini ka dalë në konferencë për shtyp, duke prekur disa tema. Nga kundërshtarët e radhës të Mario Baloteli. Sulmuesi ka bërë mirë me Marsejën, por nuk mjafton.

Më pas një koment për kalimin e Kontes tek Interi, dy fjalë për finalen angleze të Champions Ligës dhe të rinjtë e futbollit italian.

KUNDËRSHTARËT – “Do të jenë dy përballje të komplikuara. Greqia është e fortë teknikisht. Na pret një betejë në Athinë. E tillë do të jetë edhe ndeshja me Bosnjën. Duhet të vazhdojmë me fitore, për të siguruar sa më shpejt kualifikimin dhe për t’u rritur në renditjen botërore.”

SULMI – “Beloti ka zhvilluar një fazë të dytë më pozitive sesa e para dhe e meriton të jetë këtu. E meritojnë edhe djem që nuk i kam grumbulluar, por dera ime është gjithmonë e hapur për ta. Kam biseduar me Balotelin. Mario e di mendimin tim dhe i kam shpjeguar se pse nuk e ftova. Është një vendim teknik dhe ai e di se çfarë duhet të bëjë. Nuk duhet të ndëshkohet me të kuqe, por ndeshjen e fundit e beri diçka të tillë dhe u pezullua katër ndeshje.

Ka kualitetin për të shënuar edhe kur nuk është në formë. Besoj se mund të japë shumë më shumë. Nëse do të jepte gjithmonë 100%, do të shënonte nga 3-4 gola për ndeshje. Ka 12 muaj kohë për të rregulluar gjërat dhe për t’u rikthyer në kombëtare.”

KONTE – “Profesionalizmi mund të dërgojë gjithkund. Ai nuk zgjodhi Interin pa e menduar mirë vendimin që po merrte. Mendoj se është zgjedhja e duhur për të dy palët. Nuk më pëlqen klima që është krijuar. Nuk ka lidhje fakti që Konte ka qenë futbollist dhe trajner i Juventusit. Tifozët duhet të shkojnë në stadium dhe të argëtohen.”

FINALJA – “Liverpuli dhe Totenhemi janë dy skuadra që luajnë gjithmonë në maksimumin e tyre, me marshin e fundit. Ata janë mësuar ta bëjnë diçka të tillë. Punojnë shumë me taktikën, por gjëja e parë që ju kalon në mendje është që të sulmojnë kundërshtarin. Nëse një skuadër angleze po fiton 2-0, ajo vazhdon të sulmojë për të shënuar sërish. Kjo është e bukura e Premier Ligës dhe diçka e tillë i dha mundësinë katër ekipeve të shkojnë në finale.”

TË RINJTË – “Vitin e fundit kemi fituar disa lojtarë, të cilët janë rritur shumë. Barela, Ken dhe Zaniolo. Është një moment i mirë për të rinjtë italianë.”

Atalanta, Inter dhe Milan luajnë shanset e fundit për të kapur trenin Champions, ndërsa në garë është dhe Roma, por vetëm në rast të një skenari të çmendur. Atalanta dhe Inter kanë gjithçka në dorën e tyre, pasi ndryshe nga Milani, ata renditen respiktivisht në vendin e tretë dhe të katërt me një pikë më shumë se kuqezinjtë.

Bergamaskët e Gasperinit presin në shtëpi Sasuolon, në një ndeshje që pritet të kthehet në një festë të vërtetë, pasi në rast fitoreje, Atalanta do të arrinte një kualifikim historik për në Champions.

Kundërshtarët e Sasuolos vijnë pa objektiva në këtë takim, prandaj dhe një hap fals i Atalantës duket gati i pamundur. Ndryshe duket situata tek Interi, me zikaltrit që presin Empolin në shtëpi, me këta të fundit që janë ekipi më në formë së fundmi.

Tre fitore në tre ndeshjet e fundit, i kanë dhënë Empolit vendin e 17-të, me një pikë më shumë se Xhenoa, që udhëton drejt Firences në javën e fundit. Interi nuk ka rrugë tjetër përveçse fitores, gjithmonë në rast se Milani bën detyren ndaj Spalit në transfertë.

Në rast se Atalanta dhe Inter triumfojnë, për Milanin merr fund gjithçka. Por çfarë ndodh nëse do të kemi barazim pikësh? Më poshtë ju kemi listuar 12 skenarët e mundshëm që mund të ndodhin në javën e fundit…

JAVA 38

ATALANTA – Sasuolo
INTER – Empoli
Spal – MILAN
ROMA – Parma

Skenari 1: Atalanta dhe Interi fitojnë dhe sigurojnë një vend në Champions, duke bërë të pavlefshëm çdo rezultat që Milani merr ndaj Spal.

Skenari 2: Atalanta dhe Milani fitojnë, ndërsa Interi nuk triumfon ndaj Empolit. Kështu, Milani dhe Atalanta sigurojnë një vend në Champions.

Skenari 3: Milani dhe Interi fitojnë, ndërsa Atalanta ngec ndaj Sasuolos. Në rast se diçka e tillë ndodh, ekipet nga Milano shkojnë në grupet e Champions League.

Skenari 4: Milani fiton ndaj Spal, Atalanta barazon, nërsa Interi humbet. Milani dhe Atalanta në Champions, me Interin që mbetet në Europa Ligë.

Skenari 5: Milani fiton në Spal, Interi barazon dhe Atalanta humb. Interi dhe Milani në grupet e Champions, me Atalantën që duhet të kënaqet me Europa Ligë.

Skenari 6: Milani triumfon ndaj Spal, Atalanta dhe Interi barazojnë. Atalanta ka bilanc më pozitiv në ndeshjet direkte ndaj Interit, kështu bergamaskët dhe Milani sigurojnë Championsin.

Skenari 7: Atalanta fiton ose barazon, Interi humb, ndërsa Milani barazon. Atalanta e treta, ndërsa Interi përfiton nga ndeshjet direkte përballë Milanit, duke siguruar vendin e katërt.

Skenari 8: Interi fiton ose barazon, Atalanta humbet, ndërsa Milani barazon. Interi në vendin e tretë, ndërsa Milani i katërti, kjo për arsyen se është më mirë se Atalanta në përballjet direkte mes tyre.

Skenari 9: Interi dhe Atalanta humbasin, ndërsa Milani barazon. Të tre ekipet përfundojnë kampionatin me 66 pikë, por ai që del i zhgënjyer është Milani, me Interin që merr vendin e tretë, Atalanta të katërtin dhe Milani i pesti.

Skenari 10: Vetëm Roma fiton dhe tri ekipet e tjera humbasin. Roma, Inter dhe Atalanta me nga 66 pikë. Atalanta e treta, Roma e katërta, ndërsa Interi zbret i pesti.

Skenari 11: Nëse Interi dhe Atalanta humbasin, Roma fiton dhe Milani barazon, kjo i çon të katër ekipet me nga 66 pikë. Kështu, përfitojnë ekipet e Milanos, të cilat kalojnë në Champions, ndërsa Atalanta e Roma renditen në vendet pesë dhe gjashtë.

Skenari 12: Milani dhe Roma fitojnë, ndërsa Interi e Atalanta humbasin. Milani e mbyll në vendin e tretë, ndërsa Atalanta merr vendin e katërt, si pasojë e ndeshjeve direkte ndaj Romës e Interit.

Skenari 13: Interi, Milan dhe Atalanta humbasin, ndërsa Roma nuk fiton. Kështu, renditja mbetet e njëjtë dhe Interi dhe Atalanta sigurojnë Championsin.

Ndeshja nisi në mënyrën më të mirë të mundshme për të besurit e Mançinit, që e gjetën golin pas vetëm 7 minutave lojë me anë të mesfushorit të Kaljarit, Nikolo Barela, i cili shkundi rrjetën me një predhë të vërtetë, edhe pse e ndihmoi një devijim i mbrojtjes finlandeze.

Vazhdimi ishte tablo e njëjtë, me Italinë nën kontroll, por pa u sforcuar për të shënuar sërish, ndaj Finlanda pati kohë të sqaronte idetë dhe të organizohej. Në fraksionin e dytë, Italia vijoi të luante më mirë dhe në minutën e 74-t ishte momenti i Moize Ken, i cili shënoi golin e tij të parë me kombëtaren në debutimin e tij si titullar.

Me fitoren e sotme, Italia merr kreun e grupit J, me pikë të barabarta me Bosnje-Hercegovinën, që mposhti pa probleme Armeninë 2-1.

Rade Kruniç në pjesën e parë dhe Deni Milosheviç 10 minuta para fundit siguruan suksesin boshnjak, ndërsa në fund Armenia shkurtoi me 11-metërsh, por nuk kishte më kohë.

FORMACIONI – “Patëm disa dyshimë për sa i përket formacionit, por që tani janë zgjidhur. Jemi të bindur se ata që do të zbresin në fushë do të bëjnë mirë. Proçesi për të gjetur një formacion të përshtatshëm është pak e ndërlikuar, por objektivi ynë i vërtetë nis nesër, që do të thotë, na duhet të bëjmë futboll të mirë dhe të shënojmë sa më shumë gola.”

MOISE KIN – “Do të shohim se kush do të luajë nesër. Nga Kin pres më të mirën. Nuk ka eksperiencën e Insinjës, por do të na sjellë fizik më shumë dhe entuziazëm. Shpresoj që të sjellë edhe gëzim në ekip.”

ELEMINATORET – “Kualifikueset ishin dhe janë objektivi primar për ne. E respektuam “Ligën e Kombeve” deri në fund, por duket filluar që nga nesërm për ne është thelbësore jo vetëm të fitojmë, por edhe të përmirësojmë renditjen në FIFA.”

KUNDËRSHTARI – “Finlanda është një ekip i vështirë për t’u përballur dhe ka bërë mirë në dy-tre vitet e fundit. Temu Puki është një ndër lojtarët më të mirë të tyre, i cili ka shënuar shumë gola në Championship me ekipin e Noruiç Sitit.”

Bëhet fjalë pikërisht për Federiko Kiezën, i cili ka lënë stërvitjen dhe grumbullimin përgjysmë ditën e sotme për shkak të një dëmtimi. Gjithashtu, Alesandro Florenci është në dyshim për ndeshjen e parë ndaj Finlandës, si pasojë e një shqetësimi që ka në pulpë.

Italia do të nisë kualifikueset me përballjen ndaj Finlandës, ndërsa më pas do të presë Lihteshtejnin për ndeshjen e dytë. Në grup me axurrët, bëjnë pjesë edhe kombëtaret e Greqisë, Armenisë dhe Bosnjës.

Kohët e fundi, pas humbjes ndaj Atletiko Madrid, nga mediat italiane është përfolur shumë se Alegri do të largohet në fund të këtij sezoni dhe kandidati kryesor për të marrë postin e tij është francezi, Zinedin Zidan.
Lidhur me këto lajmë, së fundmi thuhet se ish-trajneri i Realit ka pasur një takim me drejtuesit e “zonjës së vjetër”, ku dhe ka diskutuar mbi detajet e kontratës. Sipas asaj që raporton “La Stampa”, Zidan ka qenë në Torino ditët e fundit dhe një kalim i tij te Juventus në verë, duket diçka e kryer.

.@SamiKhedira operato in mattinata, intervento perfettamente riuscito.
?? https://t.co/yyheCYGSXY pic.twitter.com/qQeteUNMAj

— JuventusFC (@juventusfc) February 20, 2019

Në një njoftim të bërë pak orësh, është bërë e ditur se 31-vjeçari i është nënshtruar me sukses ndërhyrje terapeutike për  të rregulluar problemin në sistemin kardiovaskular.

Trajneri Alegri do të duhet të tregohet i duruar, pasi Kedirës do t’i duhet të paktën një muaj që të jetë në dispozicion të tillë. Gjithsesi në klub nuk janë të shqetësuar aspak për këtë gjë, pari rëndësi ka që futbollisti ka shmangur rreziqe akoma më serioze që do të mund t’i cenon karrierën dhe jetën.

Megjithatë, e shtuna do të ishte një ditë krejt e veçantë për futbollistët e Kaljarit. Për  habinë e të gjithëve në portën dalëse të kompleksit stërvitor u parkuan me dhjetëra makina, të cilat bllokuan brenda lojtarët.

Bëhej fjalë për një grup fermerësh të cilët zgjodhën një mënyrë interesante për të protestuar dhe për të tërhequr vëmendje për rritjen e çmimit të qumështit.

Fermerët protestues kërcënuan se nuk do ta linin skuadrën të shkonte në aeroport. Pas orësh negociata fermerët ranë dakord që të lironin futbollistët nëse disa prej tyre do të derdhnin disa kazanë me qumësht në shenjë përkrahje të kauzës së tyre. Futbollistët vendas Barrela dhe ishin ata që iu bashkuan protestës dhe më pas skuadra u nis me shpejtësi drejt aeroportit.

https://twitter.com/maurocossu90/status/1094236450953007105

Të gjithë e mbajmë golin e Armando Sadikut në “Euro 2016” ndaj Rumanisë. Gjithçka nisi nga një harkim perfekt i Memushajt. Kanë kaluar dy vite e gjysmë nga ai moment, por vlonjate vazhdon të tregojë se është i aftë të bëjë diferencën.

Mesfushori 32-vjeçar është aktivizuar në 20 ndeshje gjatë këtij sezoni me Veronën, ku akoma nuk e ka gjetur rrugën e rrjetës, por nëse flasim për asistet, Memushaj nuk ka njeri mbi veten.

Futbollisti vlonjate ndan vendin e parë të renditjes së asistive me sulmuesin nigerain të Specias David Okereke. Të dy lojtarët kanë regjistruar 7 asiste deri më tani. Mesfushori tjetër shqiptar i Serie B, Emanuele Ndoj renditet 10-ti në listën e pëgjithshme me 4 asiste.

Format bombastike të Eleonorës kanë tërhequr vëmendjen e shumë futbollistëve dhe ngacmimet në “Instagram” nga yjet e Serie A janë bërë të shpeshta për të.

Forma e treguar prej napolitanit ka bërë që në Itali të ngrihen shumë diskutime për faktin se Kualjarela e meriton rikthimin në kombëtare. Italia do të nisë kualifikueset e EURO 2020 në muajin mars dhe lista me lojtarët që do të grumbullohen po përgatitet.

Pikërisht në lidhje me këtë temë, ditën e sotme, mediat më të mëdha sportive në Itali kanë raportuar se sulmuesi i Sampdorias, do të rikthehet në kombëtare, ku ka që në vitin 2012 që nuk luan asnjë minutë me fanellën e axurrëve. Është një shans, të cilin Kualjarela, padyshim e meritonte.

Ekipi i fundit që ka bërë publike planet e rinovimit të stadiumit është Bolonja. Stadiumi “Dall’Ara” është një ndër impiantet më të veçanta në Itali, për faktin se shumë pak ka ndryshuar që prej inaugurimit në vitin 1929.

Në projektin e prezantuar rishtazi është planifikuar që i gjithë stadiumi të mbulohet, ndërsa do të ruhet hyrja historike përballë tribunës kryesore, që është një nga pjesët më të veçantë dhe elegante të stadiumit.

Për të ndihmuar skuadrën në pesë muajt e ardhshëm, presidenti Palota dhe drejtori sportiv Monçi po përgatiten për sjellë në kryeqytetin italian dy përforcime për trajneri Euzebio Di Franncesko.

Lojtari më i përfolur është mesfushori Julian Vaigl, i cili te Dortmund nuk po gjen më minuta dhe kalimi në Itali do të ishte një lëvizje e mirëpritur nga lojtari, opsione të tjera për mesfushën janë Samaseku i Salcburgut dhe Pulgar i Bolonjës.

Përforcime do të ketë edhe në sulm, ku Roma po negocion me Çelsin për të marrë në huazim deri në fund të sezonit, sulmuesin belg Miçi Batshuaji, i cili vjen pas eksperience zhgënjyese te Valencia.

Edhe në sezonin 2004-2005, zikaltrit e Mançinit koleksionuan plot 18 barazime, por në fund arritën që të siguronin vendin e tretë në klasifikim. Një statistikë interesante, por duket se fqinjët tanë janë në një periudhë rindërtimi, sidomos pas “goditjes” që morën duke mos u kualifikuar në Kupën e Botës. Pas ndeshjes, Mançini theksoi se skuadra bëri një ndeshje më të mirë me Poloninë, duke mos nguruar që të përmendë dhe emra të veçantë.

“Zhvilluam një ndeshje të mirë, por na mungoi goli. Bëmë një pjesë të parë të kënaqshme, por nuk arritëm të shënonim dhe ndeshje të tilla vendosen nga episodet. Duhet të bënim diçka më shumë, pasi mundësitë për të shënuar i kishim. Nuk duhet harruar se po punonim ndaj Kampionëve të Europë. Ka raste që dominon dhe në fund humbet, por e rëndësishme është se skuadra bëri një ndeshje të madhe, duke bërë një hap para në krahasim me ndeshjen që zhvilluam me Poloninë. Verrati? Është një lojtar fantastik dhe mjaft teknik. Ka shumë siguri me topin në këmbë dhe është shumë e vështirë që dikush t’i marrë topin”.

Një sfidë, që në pjesën e parë thuajse kishte vetëm një ekip në fushë. Italia shihej mjaft këmbëngulëse dhe pati shumë raste, ku Rui Patrisio shfaqi vlerat e tij dhe mbajti portën të paprekur. Kështu ekipet u drejtuan në dhomat e zhveshjes me rezultatin e bardhë pa gola.

Në fraksionin e dytë, kombëtarja axurre u pa disi më e lodhur dhe Portugalia e shtoi nivelin e saj të lojës. Donaruma shpëtoi 13 minuta përpara fundit të kaltrit, pas goditjes së Uilliam Karvajos, duke reaguar në mënyrë fantastike. “Axurrët” provuan deri në fund të gjenin golin, por nuk ia arritën me luzitanët, të cilët festojnë arritjen e vendit të parë.

Ndërkohë, në Ligën B, Turqia mori një goditje të rëndë brenda në shtëpi, teksa pësoi një disfatë ndaj Suedisë, duke zbritur në Ligën C. Ndeshja u vendos nga një gol i Grandkuist nga pika e bardhë. Suedezët tashmë do të provojnë të marrin kreun e grupit dhe të ngjiten në Ligën A, në “finalen” që luajnë ndaj Rusisë.

Rumania arriti një triumf të thjeshtë 3-0, ndaj Litunisë, e cila është kombëtarja e vetme në Ligën C që nuk ka marrë asnjë pikë. Tashmë rumunët afrohen me Serbinë dhe do të shpresojnë deri në ndeshjen e fundit për arritjen e vendit të parë.

Vijash-Boash për momentin nuk është aktiv, që nga viti 2017, kur u largua nga Shangai SIPG. Tashmë 41-vjeçari duket se do të rikthehet përsëri dhe së fundmi ka folur për mediat, teksa ka zbuluar që ka pasur interes për të nga ekipet e Serisë A.

“Italia normalisht që më intereson. Nga pikëpamja taktite është një kampionat shumë i vështirë. Kam pasur kontrakte me Interin, Romën dhe klube të tjera gjatë viteve. Nuk arrita marrëveshje me asnjë nga klubet, ndoshta dhe projektet që u paraqitën nuk ishin të duhurat, kjo sipas pikëpamjes time”, përfundoi portugezi.

SITUATA NË GRUP – “Vëmendja jonë është e gjitha te Italia, nuk po mendojmë për ndeshjen tjetër ndaj Polonisë. Çdo gjë që kemi bërë është fokusuar në sfidën ndaj Italisë. Në këto dy muaj kanë ndryshuar shumë stilin e tyre të lojës dhe janë një skuadër tjetër nga ajo që ishte në Lisbonë”.

PËRGATITJA E NDESHJES – “Po mendojmë për atë që duhet të bëjmë, gjithsesi kemi shumë respekt për të gjithë, sidomos për Italinë, që është një nga kombëtaren më me shumë histori. Është një sfidë e nivelit të lartë, por i kemi të gjitha mundësitë të bëjmë mirë dhe të fitojmë”.

SFIDA – “Nuk kemi ardhur këtu për të luajtur në kundërsulm. Ata e mbajnë shumë topin dhe janë shumë të organizuar dhe ne do të përpiqemi që të sulmojmë më shumë. Gjithashtu duam ta mbajmë topin shumë dhe të mundohemi të ç’organizojmë kundërshtarin. Duam të eleminojmë hapësirat dhe t’i krijojmë probleme Italisë”.

OBJEKTIVI – “Ne luajmë një futboll shumë të ngjashëm. Italia ka kualitet dhe është një ekip i fortë, por ne futemi në fushë gjithmonë për të fituar, kundër çdo ekipi dhe këtë gjë do të bëjmë dhe nesër. E dimë se çfarë duhet të bëjmë”.

KRISTIANO RONALDO – “Nuk ka ekip që mund të thotë që Kristiano Ronaldo nuk duhet. Ai është lojtari më i mirë në Botë. Ajo që ka rëndësi është që ta tregojë përsëri këtë gjë dhe të fitojë “Topin e Artë”. Do të shohim në rast se do të rikthehet në mars. Për momentin ne do të fokusohemi në të tashmen dhe duam të fitojmë”.