Një gol në secilën pjesë mjaftoi që italianet të siguronin biletën për më tej. Kombëtarja kineze nuk mundi të çante mbrojtjen e kundërshtareve dhe në ato pak mundësi që “axurret” aziatiket pësuan gol.

Itali 2 – 0 Kinë
Shënues: Xhiasini 15’, Gali 49’

Bufon është fotografuar ndërkohë që ecën mbi normat e shpejtësisë, me 155 km/orë. Shkelja vazhdon me mungesën e rripit të sigurimit. Më pas nëse vështron me kujdes, dallon praninë e një pakete duhani në xhepin e derës së mjetit. Të gjitha këto janë pikasur nga komentuesit e shumtë në rrjetet sociale, që kanë kritikuar legjendën italiane.

?? L’unica regola del viaggio è non tornare come sei partito. Torna diverso.
?? Travel only has one rule don’t come back the same as you left. Come back different. pic.twitter.com/TnEsPgNty1

— Gianluigi Buffon (@gianluigibuffon) June 20, 2019

Megjithatë, sot ndaj Polonisë nuk rezultoi aq e lehtë sa mendohej dhe fitorja polake 1-0 ka bërë lëmsh planet e Italisë.

Një gol nga Bielik në minutën e 40-të mjaftoi që kështjella italiane të shembej, sepse këtë radhë nuk pati përmbysje si ndaj Spanjës.

90 minuta dominim, raste e goditje pa fund drejt portës polake, por asnjë gol, edhe për faktin se sulmuesit italianë nuk ishin në ditë të mbarë.

Polonia kualifikohet para kohe, ndërsa Italia do të përballet pas disa ditësh me Belgjikën dhe aty i ndalohet humbja.

Bëhet fjalë për sozinë e Andrea Pirlos. Alesandro Palazolo është personi, që ka abuzuar nëpërmjet pamjes së tij, që ishte shumë e ngjashme me atë të ish-yllit italian. 48-vjeçari në biznese paraqitej si Andrea Pirlo dhe kërkonte ulje çmimi.

Kishte kryer vizita mjekësore falas dhe më e bujshmja, ishte paraqitur në një mbrëmje gala si vëllai i Pirlos. Më pas ai e shtoi dozën e mashtrimit, duke marrë rroba apo pajisje teknologjike pa para, me kërkesën për t’i shtuar në llogarinë e Andrea Pirlos së vërtetë.

Kjo gjë ka ndodhur dhe ish-mesfushorit i ka shkuar një listë e gjatë borxhesh nga dyqane të ndryshme në qytetet e Italisë. Pas këtij konstatimi, ish-juventini ka bërë një denoncim në polici. Pas verifikimeve dhe marrjes në pyetje të shitësve të dyqaneve, është bërë i mundur arrestimi i Alesandro Palazolo, ish-argjendar nga provica e Valencas.

Ky vendim mendohet se vjen edhe për të ruajtur formën fizike të dy yjeve. Kampionati Evropian për grupmoshën U-21 fillon pas pak ditësh dhe kjo dyshe pritet ta udhëheqë drejt triumfit kombëtaren axurre.

“Mendoj se nuk jam më në kombëtare sepse kam faj edhe unë. Te Liverpuli, për shembull, nuk luaja mirë dhe ishte normale të mos grumbullohesha.

“Pastaj, ka pasur edhe gjëra të tjera. Nuk e di a kishte të bënte karakteri im paksa i ashpër, apo sepse është më komode të mos grumbullohen, apo për racizëm. Nuk e di, por e them me siguri që nuk është vetëm faji im nëse nuk jam në kombëtare“.

Pikërisht tema e racizmit, shumë delikate, mund të rindizet nga deklaratat e SuperMarios, i cili nuk është dakord që për koret raciste thjesht të braktisë ndeshjet: “Nuk e kuptoj pse nuk revoltohemi njësoj kundër gjithë padrejtësive. Mund të largohesh nga fusha, por nuk stërvitem gjithë javën që pastaj të dal nga fusha vetëm për faj të një idioti. Më mirë të gjendet ai idiot dhe ta largosh nga stadiumi”.

Pas një mungesë të gjatë janë rikthyer ntë kombëtare Andrea Beloti dhe Antonio Mirante, ndërsa ka ardhur një ftesë e parë për portierin e Atalantës Pierluixhi Golini, ky i fundit përfitoi nga një dëmtim i Donarumës.

Jashtë liste ka mbetur Mario Baloteli. Mançinin ka preferuar ti besojë emrave si Imobile, Kualjarela, Pavoleti dhe Ken.

Portierë: Alesio Kranjno (Kaljari), Pierluixhi Golini (Atalanta), Salvatore Sirigu (Torino), Antonio Mirante (Roma)

Mbrojtës: Françesko Açerbi (Lacio), Kristiano Biragi (Fiorentina), Leonardo Bonuçi (Juventus), Giorgio Kielini (Juventus), Matia De Shiljo (Juventus), Emerson Palmieri (Çelsi), Alesandro Florenci (Roma), Armando Izo (Torino), Gianluca Mançini (Atalanta), Alesio Romanjoli (Milan), Leonardo Spinazola (Juventus)

Mesfushorë: Nikolo Barela (Kaljari), Federiko Bernardeski (Juventus), Brajan Kristante (Roma), Zhorzhinjo (Çelsi), Lorenco Pelegrini (Roma), Stefano Sensi (Sasuolo), Marko Verati (Paris Saint-Germain), Nikolo Zaniolo (Roma)

Sulmues: Andrea Beloti (Torino), Federiko Kieza (Fiorentina), Stefan El Sharaui (Roma), Vinçenco Grifo (Frajburg), Çiro Imobile (Lacio), Lorenco Insinje (Napoli), Moise Ken (Juventus), Leonardo Pavoleti (Kaljari), Mateo Politano (Inter), Fabio Kualiarela (Sampdoria)

Byron Moreno “Si era roja la de Zambrotta” avance de la entrevista que estará disponible el día domingo.
Byron Moreno 17 anni dopo: «Su Zambrotta era fallo da rosso»
anteprima dell'intervista che sarà disponibile domenica@zazzatweet @MaxCordaro @Gazzetta_it @PaoloCond pic.twitter.com/naHyrLD1uo

— Fútbol Sin Cassette (@f_sin_cassette) May 3, 2019

“I kërkova Totit dhe Trapatonit të flisnim pas ndeshjes, por më refuzuan. Nuk e dëmtova Italinë. Ndoshta nuk pashë ndërhyrjen për karton të kuq ndaj Zambrotës, por nuk e dëmtova Italinë. Nuk kishte penallti ndaj Totit, vendimi ishte i pastër. Trapatoni është një frikacak”, është shprehur ai në programin ekuadorian “Futbol Sin Casete”.

REAGIMI – Tekniku italian, Xhovani Trapatoni, pas deklaratës së Morenos nuk ka ngurruar të reagojë dhe përmes adresës së tij në Twitter ka shkruar: Të quhesh frikacak nga Moreno, edhe kjo më duhej! Ç’të them? Unë po e quaj shumë trim atëherë (ose të çmendur) që kthehet dhe mbron veten për atë lloj arbitrimi. I dashur Bajron, burgu dhe vitet që kalojnë duket se nuk të kanë mësuar të jesh sadopak i përulur”.

Italia kishte një kombëtare shumë të fortë dhe ishte një ndër pretendentët për fitimin e trofeut të madh. Në stol ishte Xhovani Trapatoni. Pasi kaluan grupin mes mijëra vështirësish, një specialitet i Italisë vuajtjet në fazën e grupeve, shorti i vuri përballë vendasve koreane, të cilët udhëhiqeshin nga Ahn Jung-Huan në fushë dhe mjeshtri Gus Hidink në pankinë.

Italia duhet të kualifikohej pa vështirësi, por ajo pasdite qershori do të kthehej në makthin më të madh futbollistik të vendit fqinj. Një ekuadorian me emrin Bairon Moreno vendosi të bëhet protagonist dhe njeriu më i urryer në Itali.

Tifozët axurrë nuk e harrojnë kurrë emrin dhe fytyrën e tij. Të shumta ishin vendimet e dyshimta, të gjitha në favor të ekipit vendas. Djemtë e Trapatonit kishin fajet e tyre, nuk arritën të mbanin avantazhin e shpejtë të siguruar nga Vieri (humbi një rast të pabesueshëm me portë bosh në minutat e fundit) dhe nuk arritën të mbyllnin ndeshjen.

Megjithatë, të turpshme ishin episodet ku u ndëshkua Toti me të kuqe, goli i anuluar padrejtësisht i Tomazit dhe disa raste të tjera. Zambrota pësoi një ndërhyrje të ashpër, e cila e detyroi një nga mbrojtësit e krahut më të mirë të historisë së futbollit italian që të linte fushën i dëmtuar, por asgjë për arbitrin. Në një prononcim për programin ekuadorian “Futbol Sin Casete”, Moreno është ndalur te rasti i fundit.

Byron Moreno “Si era roja la de Zambrotta” avance de la entrevista que estará disponible el día domingo.
Byron Moreno 17 anni dopo: «Su Zambrotta era fallo da rosso»
anteprima dell’intervista che sarà disponibile domenica@zazzatweet @MaxCordaro @Gazzetta_it @PaoloCond pic.twitter.com/naHyrLD1uo

— Fútbol Sin Cassette (@f_sin_cassette) May 3, 2019

Ai e pranon pas 17 vitesh se duhej të kishte nxjerrë kartonin e kuq për lojtarin korean në rastin e Zambrotës. “Po, ishte karton i kuq”, ka folur shkurt ish-arbitri, i njohur për gjykimin e kësaj sfidë. Një e vërtetë e hidhur që nuk ndryshon asgjë, por kurrë nuk është vonë për të pranuar fajin dhe për t’u treguar i sinqertë me të gjithë, por sidomos me veten.

Ishte 18 qershori i vitit 2002. Koreja e Jugut eliminonte Italinë e madhe dhe kualifikohej për herë të parë në histori në çerekfinale, në një ndeshje që për fat të keq mbahet mend si ndeshja e Bajron Morenos…

Trajneri që riktheu titullin te Siti pas shumë vitesh, sot në krye të stolit të kombëtares italiane, ka dhënë një koment pikant për Jyrgen Klop. Trajneri gjerman është ndër më të mirët në botë, futbolli i tij është plot pasion dhe emocione, por trofetë nuk mungojnë.

Klop ka dërguar tre herë Liverpulin në finale, duke i humbur të treja, ndërsa ky është sezoni i katërt në krye të legjendës angleze. “Ne i ekzagjerojmë shumë gjërat në Itali. Klop rrezikon të mbyllë vitin e katërt pa trofe, por ky sezon ka qenë fantastik për Liverpulin. Megjithatë, në Itali është ndryshe dhe nuk duron kush kaq gjatë. Këtu do e vrisnin, por të kalonte 4 sezone pa fituar trofe”, përfundon Roberto Mançini.

Trajneri ka bërë përgjithësisht mirë me axurrët, duke i ngritur nga ajo humnerë që ishin, ku nuk arritën të kualifikoheshin në Botërorin e Rusisë. Tani ai do të mundohet t’i çojë në Europian dhe pse jo për të synuar trofeun.

Gjatë intervistës trajneri u shpreh se duhet të ndryshojnë filozofinë e ekipit. Duhet ti japin një mentalitet fitues. Thotë se ka të rinj cilësorë dhe i duket një kombëtare e mirë kjo aktualja. Më pas preku pak edhe çështjën Adani-Alegri. Deklaroi se opinionet duhet të dëgjohen gjithmonë, megjithatë nuk duket si diçka aq shumë serioze.

“Në kombëtare mundohemi të ndajmë sa më shumë mendime. Dua që t’i japim këtyre djemve një mentalitet fitues. Rezultatet e të rinjve janë shumë të mira. Gjithashtu mendoj se kemi një ekip të parë cilësor.”

“Adani-Alegri? Mendoj se opinionet duhet të respektohen. Nuk mendoj se ka ndodhur diçka shumë serioze. Është folur vetëm për futbollin. Në fund ekipi më i mirë fiton”, tha mes të tjerash Mançini.

Kritikat ndaj tij nuk kanë munguar kurrë, por disa prej tyre e kanë lënduar jashtë mase yllin e Marsejës, i cili ka reaguar në Instagram, duke shfryrë ndaj atyre që e kritikojnë tej mase, edhe kur nuk bën asgjë të keqe.

“E keni menduar ndonjëherë se ndoshta, ndoshta kurrë, por do të nevojiten edhe unë një ditë dhe do jem gati, si gjithnjë, edhe pse keni vite që më fyeni, ofendoni, nënvlerësoni?  E keni menduar që ndoshta jam lodhur dhe do refuzoj të shkoj në kombëtare? Nuk jam robot, as epidemi dhe as idiot… Shpesh dëgjoj gjëra që më tërbojnë dhe nuk ndihem për të shmangur tensione të kota, por po shoh që gjithçka po akumulohet dhe po lodhem”.

Më respektoni sa e respektoj dhe e dua unë Italinë dhe do jemi në rrugë të mbarë. Nuk pretendoj të më doni, përkëdhelni apo të më konsideroni fenomen, por vetëm pak respekt me mjafton, sepse nuk po bëj asgjë për të mos e merituar. Kaq mjafton që të jap më të mirën time”.

Mesfushori i talentuar i Romës u aktivizua në minutën e 85-të në vend të Marko Verratit dhe ndihet shumë i lumtur. Në një prononcim për “Rai”, 19-vjeçari nuk i kursen elozhet për Eusebio Di Françeskon, personin që i besoi një post titullari te Roma, ndërsa vlerëson shumë dhe trajnerin aktual të verdhekuqve, Klaudio Ranierin.

Zaniolo tregon dhe këshillat e shumta që merr nga Françesko Toti. Legjenda e Romës insiston që mesfushori të qëndrojë me këmbë në tokë dhe të vazhdojë të punojë fort për të mbajtur këtë nivel loje.

FALENDERIMET – “Debutimi me kombëtaren ishte një emocion i madh, një tjetër ëndërr e realizuar këtë vit, por e di mirë se duhet të qëndroj me këmbë në tokë. I jam shumë borxhli Di Françeskos, sepse bashkë me Mançinin ishin të vetmit që besuan tek unë. Eusebio më ka mësuar se si të sillem dhe jashtë fushave. Ai di se di të sillet me njerëzit. Më erdhi shumë keq që u largua. Kjo është diçka personale dhe unë e cilësoj atë si shumë të aftë. Tani është Ranieri dhe më duhet të jap maksimumin. Trajneri ka eksperiencë, ka fituar në karrierë dhe di si të sillet te një ambient si Roma”.

TOTI – “Françesko më jep këshilla se si të stërvitem, si të luaj dhe si të sillem. Dallohet qartë që është një kampion edhe jashtë fushave. Ma përsërit shpesh që duhet të qëndroj me këmbë në tokë. Më thotë që mjafton pak për të arritur diçka, por që është shumë e vështirë të qëndrosh në një nivel të caktuar.”

Kundër Finlandës “axurrët” festuan me golat e të rinjve Nikolo Barela e Moize Ken.

Në fund të takimit trajneri Roberto Mançini tha: “Nuk ishte e lehtë, sepse Finlanda luajti e mbyllur pas, duke luajtur me 5 mbrojtës. Në fillim ishim paksa të mpirë, në pjesën e dytë shumë më mirë”.

Ndeshja nisi në mënyrën më të mirë të mundshme për të besurit e Mançinit, që e gjetën golin pas vetëm 7 minutave lojë me anë të mesfushorit të Kaljarit, Nikolo Barela, i cili shkundi rrjetën me një predhë të vërtetë, edhe pse e ndihmoi një devijim i mbrojtjes finlandeze.

Vazhdimi ishte tablo e njëjtë, me Italinë nën kontroll, por pa u sforcuar për të shënuar sërish, ndaj Finlanda pati kohë të sqaronte idetë dhe të organizohej. Në fraksionin e dytë, Italia vijoi të luante më mirë dhe në minutën e 74-t ishte momenti i Moize Ken, i cili shënoi golin e tij të parë me kombëtaren në debutimin e tij si titullar.

Me fitoren e sotme, Italia merr kreun e grupit J, me pikë të barabarta me Bosnje-Hercegovinën, që mposhti pa probleme Armeninë 2-1.

Rade Kruniç në pjesën e parë dhe Deni Milosheviç 10 minuta para fundit siguruan suksesin boshnjak, ndërsa në fund Armenia shkurtoi me 11-metërsh, por nuk kishte më kohë.

“Mendoj që Kin është një yll në rritje. Ai është një lojtar me kualitete të shkëlqyera, një lojtar që gjithmonë kërkon të përmirësohet. Do të bëhet një lojtar shumë i rëndësishëm për klubin e tij dhe për kombëtaren e Italisë. Një gjë nuk duhet të harrojë: Është ende 19-vjeç dhe nuk duhet të marrë përsipër përgjegjësi që nuk i takojnë.

“Do të bëjë gabime, por kjo është rrugë më e mirë që mund të ndjekë. Unë si synim kam që të afroj sa më shumë të rinj në kombëtare, në mënyrë që pasardhësi im të ketë një punë të thjeshtë. Kin është një prej tyre dhe kam besim që do të luajë për shumë vite me Italinë”, përfundoi Mançini.

Sipas burimeve të medieve italiane, Mançini do ta vendosë skuadrën e tij me një formacion 4 – 3 – 3, ku nuk mungojnë surprizat. Në portë është i përhershmi Donaruma, ndërsa në qendër të mbrojtjes dyshja e Juventusit, Kielini – Bonuçi. Ndryshimet fillojnë në krahët e mbrojtjes, ku i është besuar në të djathë lojtarit të Valencias Kristiano Piçini, ndërsa në të majtë luan Kristiano Biragi i Fiorentinës.

Treshja e mesfushës përbëhet nga tra lojtarë shtatshkurtër, por atë që u mungon në gjatësi e plotësojnë me kreativitet. Barrela, Zhorzhinjo dhe Verrati janë një “trinom” që do ta kishte zili çdo kombëtare.

Surpriza më e madhe e sulmit është Muase Kean. Sulmuesi 19-vjeçari i Juventusit do ta fillojë nga minuta e parë përkrah Çiro Imobiles dhe Federiko Bernardeskit.

Megjithatë, nuk ndodhi kështu. Në një intervistë të bërë së fundmi, mbrojtësi i Lacios shpjegoi habinë që i solli vendimi i trajnerit të kombëtares axurre, me të cilën Açerbi ka vetëm tre aktivizme.

“Kur pashë që Mançini nuk më kishte thërritur në kombëtare pyesje veten përse, mos vallë duhet të bëja më shumë, por nuk është fare kështu. Të gjithë duam që të shkojmë në kombëtare. Ajë që është më e rëndësishme është që të bëjmë mirë dhe te kualifikohemi në Europian”.

“Jeta më ka mësuar të shoh përpara, të jap gjithçka dhe të përmbahem në situata të. Jeta më ka mësuar të shoh përpara, të jap gjithçka dhe të përmbahem në situata të këqija. Nëse ke disfata duhet të ecësh përpara”.

Lojtari, i cili tani është i grumbulluar me përfaqësuesen e Italisë, foli në lidhje me situatën të Juventusi dhe objektivat që ka me kombëtaren axurre.

FESTIMI I RONALDOS – “Nuk mendoj se duhet të ketë një dënim. S’është diçka që meriton shumë vëmendje, një pezullim për atë gjë do ishte çmenduri. Ishte thjesht një festim. Ronaldo është i qetë ashtu si pjesa tjetër e skuadrës”.

“Shkruam një pjesë të historisë së Juventusit. U ndjeva shumë i vlerësuar që trajneri vendosi të luaja unë në atë ndeshje. U mundova të jepja gjithçka në fushë”.

HUMBJA ME XHENOAN –“Një humbje nuk është asnjëherë e mirë, por vinim pas një ndeshje që na kishte lodhur shumë si në aspketin fizik, por edhe atë mendor”

ITALIA DHE POZICIONI – “Mendoj se jam i aftë të luaj si mesfushor qendre, gjithsesi vendos trajneri, çështja e pozicioni tështë diçka dytësorë. Më pëlqen fakti që jam i aftë ta ndihmoj kombëtaren në disa pozicione. Shpresoj që të bëhem një lider i ekipit, kjo është ëndrra dhe objektivi im”, tha Bernardeski.

Trajneri i kombëtares ka prekur disa tema gjatë prononcimit të tij. Ai flet për lojën sulmuese, fatin e madh që kishte kur mori detyrën e trajnerit të kombëtares dhe ndalet te individë të veçantë.

LISTA – “Thirra disa lojtarë më shumë, pasi nuk i dija kushtet e të gjithë djemve. Ndonjë është këtu për shkak se duam ta vlerësojmë më mirë, është momenti i vetëm për t’i parë. Lojtarët janë po ata, kemi lënë ndonjë në shtëpi, me keqardhje, por do kthehen në ndeshjet e ardhshme.

NDESHJET – Mbi të gjithë mendojmë për Finlandën, pasi është ndeshja e parë dhe më e vështira. Shpresoj që të tregoj gatishmërinë, të mbrojë kur ka nevojë e mbi të gjitha të bëjë një lojë të mirë. Kam besim, shikoj te djemtë shumë entuziazëm dhe dëshirë për të ardhur në kombëtare. Duhet të përpiqemi të argëtohemi dhe kjo do të na shpjerë edhe drejt rezultateve pozitive.”

FINLANDA – “Do të jetë e vështirë, por duam të fitojmë. Dua të shoh nga ekipi të njëjtë dëshirë që keki shprehur në ndeshjet e fundit. Duhet të prodhojmë një lojë të bukur dhe të tregohemi të kujdesshëm në mbrojtje.”

LOJA SULMUESE – “Koncepti i lojës është ai që ne u përpoqëm të bënim disa muaj më parë. Gjërat shkuan mirë dhe unë shpresoj që të shkojë gjithmonë e më mirë në vazhdim. Djemtë janë të kënaqur dhe shpresojmë që ekipi të ketë sukses në realizimin e sasisë së lojës së krijuar. Ata po zbaviten dhe duhet të kërkojmë të bëjmë gjëra të ndryshme, që i argëtojnë njerëzit.”

BALOTELI-KIN – “Mario nuk besoj se është në kushtet optimale. Është përmirësuar fizikisht, ka një mesatare të mirë të golave dhe prej tij presim shumë. Është 29 vjeç dhE është në kulmin e pjekjes së tij. Le të shpresojmë që Moize (Kin) të ecë në këtë rrugë dhe të bëjë mirë. Në moshën e tij, Mario luante në Serie A dhe shënonte gola. Ai ka zhvilluar një karrierë të mirë, por mund të bënte edhe më mirë.

BELOTI – “E bukura e ekipit kombëtar është se të gjithë mund të shprehin mendimin e tyre. Pastaj unë bëj zgjedhjet e mia. Beloti ishte me ne në fillim, por është i ri dhe po përmirësohet”.

TË RINJTË – “E kam thënë që kwmi lojtarë me kualitet, por duhet të luajnë gjithmonë për t’u përmirësuar. Kieza, Zaniolo dhe Bernardeski janë në rrugën e duhur. Zaniolo është rritur shumë dhe Di Françesko ka merita të mëdha. Ai i ka dhënë besim dhe lojtari ia ka shpërblyer. Zaniolo mund të debutojë me kombëtaren.”

ZHORZHINJO-VERRATI – “Zhorzhinjo po paraqitet mirë. Ndoshta Çelsi po kalon një moment të vështirë, por ai ka shumë kualitet dhe vështirë të bëjë gabime. E njëjta gjë edhe për Verratin. Kemi fatin që mund t’i bëjmë të luajnë bashkë. Mund të përmirësohen akoma, ndodh edhe pasi i ke kaluar 30 vitet, por po bëjnë një punë të madhe. Kam qenë me fat, pasi gjeta në ekip mesfushorë me kualitet, të cilët më kanë ndihmuar të ndërtoj skuadrën.”

SERIE A – “Kampionati ynë nuk është kurrë i lehtë. Fakti që Juventusi dominoi edhe kët vit nuk ka lidhje. Ata kanë një skuadër të fortë, të cilës i shtuan futbollistë të jashtëzakonshëm. Pas tyre ka shumë rivalitet. Napoli është i qetë në vend të dytë, por ka prej kohësh një skuadër të madhe. Unë shoh edhe Atalantën e Torinon në garë për Championsin, përveç Interit, Milanit, Lacios dhe Romës.

Në mbrojtje risia është qendërmbrojtësi i Torinos Armando Izo, ndërsa mesfushë ka mbetur jashtë liste Lorence Pelegrini i Romës, në vend të tij i është besuar Stefano Sensit të Sasuolos.

Portierë
Alesio Kranjo (Kaljari), Xhanluixhi Donaruma (Milan), Matia Perin (Juventus)
Mbrojtës
Kristiano Biragi (Fiorentina), Leonardo Bonuçi (Juventus), Xhorxho Kielini (Juventus), Alesandro Florenci (Roma), Armando Izo (Torino), Xhanluka Mançini (Atalanta), Kristiano Piçini (Valencia), Alesio Romanjoli (Milan), Leonardo Spizanola (Juventus)
Mesfushorë
Nikolo Barela (Kaljari), Brajan Kristante (Roma), Zhorzhinjo (Çelsi), Stefano Sensi (Sasuolo), Marko Verrati (PSG), Nikolo Zaniolo (Roma)
Sulmues
Federiko Bernardeski (Juventus), Federiko Kieza (Fiorentina), Stefan El Sharaui (Roma), Vinçenco Grifo (Frajburg), Çiro Imobile (Lacio), Muase Kean (Juventus), Kevin Lasanja (Udineze), Leonardo Pavoleti (Kaljari), Mateo Politano (Inter), Fabio Kualjarela (Sampdoria )

Goli i fundit erdhi ditën e djeshme në ndeshjen ndaj Nicës, ekip ku luajti për dy vite e gjysmë. Ndarja midis të dyja palëve nuk isht ajo idealja dhe sulmuesi nuk kishte e si të mos festonte pas goli që zhbllokoi sfidën.

Në përfundim të takimit Baloteli u shpreh për mediet franceze se prioriteti tij tani është rikthimi në kombëtaren italiane: “Gjëja më e rëndësishme për mua në këtë moment është sigurimi i një ftesë në kombëtare. Në dy vitet e fundit kam pasur shumë koklavitje, herë jam ftuar e herë jo. Tani jam i përqendruar te Marseja dhe shpresojë që ftesa nga kombëtarja të vijë”.

“Super Mario” është rikthyer të shënojë dhe trajneri e monitoron atë në çdo moment. Juventusi do të hasë vështirësi për të kthyer rezultatin 0-2 kundër Atletikos, por trajneri ka një këshillë për djemtë e Alegrit.

Ai analizon dhe ekipin e Simeones, që ka marrë identitetin e argjentinasit, ndërsa komenton dhe ecurinë e Milanit të Gatuzos. Në fund Donaruma dhe Ikardi. I pari ka rigjetur qetësinë dhe formën fantastike, ndërsa i dyti po vuan. Roberto Mançini ishte trajneri që e zgjodhi kapiten tek Interi dhe pranon se nuk ka patur kurrë probleme me Mauron.

ZANIOLO – “Kombëtarja ka nevoje dhe për pak kohë për t’u kthyer për të fituar dhe ëndërruar, por jemi në rrugën e duhur. Ka një brez lojtarësh të rinj, të cilët duhet të luajnë dhe të krijojnë eksperiencë. Zaniolo? Di Françesko e njeh mirë, e sheh çdo ditë nga afër dhe e di se ku mund të luajë. Ai është një lojtar i aftë dhe po i shkon gjithçka vaj për momentin. Unë e shoh si një “mezzala”. E kam ndjekur në Europianin U19. Nuk e dija që ishte një lojtar i Interit, pasi ai po përgatitej të kalonte te Roma.”

BALOTELI – “Marion e ndjek gjithmonë, por dhe gjithë të tjerët. Ai e ka nisur mirë aventurën me Marsejën, ku ka shënuar 3 gola në katër ndeshje. Objektivi ynë është të formojmë një skuadër të gatshme për të bërë mirë në Euro 2020. Italia duhet të marrë pjesë gjithmonë për të fituar.”

JUVENTUSI-RONALDO – “Bardhezinjtë nuk duhet të zbresin në fushe me mendimin që duhet të shënojnë tre gola. Ata duhet të përqendrohen në shënimin e golit të parë dhe pastaj të shohim se çfarë do të ndodhë… Alegri ka një ekip ekspert, sezonin e kaluar i shënuan tre gola Realit në Spanjë dhe mund t’ia dalin dhe kundër Atletikos. CR7? Në Champions nuk po arrin të bëjë atë që ka bërë në të kaluarën, ndërsa në kampionat po arrin të shënojë gola. Në Itali është më vështirë, sepse në Spanjë ai luante me ekipin më të mirë në botë. Gjithsesi, ai po bën një sezon pozitiv.”

SIMEONE – “Diego ka qenë gjithmonë një futbollist me karakter të fortë. Ai i ka dhënë Atletikos identitetin e tij dhe është shumë e vështirë të luash kundër tyre. Në ndeshjet shtëpiake ata bëhen të bezdisshëm në situata të caktuara. Janë një ekip me karakter, ashtu siç ishte dhe vetë Diego si lojtar. Gjesti i tij te goli i Himenez? Janë gjëra që ndodhin dhe do të ndodhin dhe në të ardhmen. Ai bëri një gjest të keq dhe e di mirë këtë gjë.”

MILANI – “Kuqezinjtë janë një ekip me lojtarë shumë të mirë, sidomos dy blerjet e janarit. Gatuzo po ndërton një skuadër të mirë, por ka nevojë për kohë. Ai e njeh mirë futbollin. Nuk e di nëse ka dashur të bëhet trajner kur luante, por e njeh shumë mirë futbollin.”

DONARUMA – “Xhixho është një djalë i ri dhe po fiton përvojë, pavarësisht shumë ndeshjeve që ka zhvilluar në Serie A. Në kombëtare është paraqitur gjithmonë mirë, por ne nuk vuajmë në aspektin e portierëve. Përveç tij kemi dhe Sirigunë, Perinin dhe Meret.”

IKARDI – “Unë nuk kam patur kurrë probleme me të. AI ishte një futbollist kyç për mua dhe mund të ishte i rëndësishëm për historinë e Interit. Mua më duhej të zgjidhja një kapiten dhe zgjodha Mauron.”

Sulmuesi i klubit dorian gjeti golin në 11-të ndeshje rresht dhe barazoi rekordin e vendosur nga Gabriel Batistuta në sezonin 1994/1995. Roberto Mançini ka vendosur ta rikthejë sulmuesin në kombëtare, duke vlerësuar në maksimum paraqitjet, golat dhe formën e mrekullueshme.

Masimo Ferrero është i lumtur për një gjë të tillë, pavarësisht se tenton t’i japë merita dhe vetes. Presidenti karizmatik i Sampdorias i rikthehet episodit të ndodhur përpara 3 viteve, kur bleu sulmuesin nga Torino dhe batutat nuk mungojnë kurrë në deklaratat e tij.

“Marrëveshja me Torinon ishte e komplikuar dhe pak persona besonin te Kualjarela. Mbaj mend që ishte dita e fundit e merkatos. Po udhëtoja me tren për në Romë, tratativa me Kairon (presidenti i Torinos) përparoi dhe m’u desh të braktisja trenin. Në fund të fundit kjo ishte një dhuratë e imja për Fabion, duke parë që në moshën 36-vjeçare është kthyer në kombëtare. Ju e keni mbushur lojtarin me komplimente, por e vërteta është që Ferrero ka më shumë merita se ai. Ka ndodhur e njëjta gjë si në kinema: kush fiton çmimin ‘Oscar’, merr duartrokitjet, ndërsa producenti që shpenzon paratë, asgjë… Kualjarela është më shumë se një lojtar në fund të karrierës, ai sapo ka nisur të luajë futboll…”, përfundon Masimo Ferrero.

Pikërisht këto paraqitje kanë bërë që trajneri i Italisë, Roberto Mançini ta rikthejë në kombëtare bomberin 36-vjeçar. Kualjarela nuk luante me kombëtaren që nga viti 2010 dhe për “Axurrët”, ka shënuar 7 gola në 25 sfida. Kualjarela është padiskutim lojtari më i mirë te Sampdoria dhe ka udhëhequr skuadrën blu të Sampit me shiritin e kapitenit në krah.

Format bombastike të Eleonorës kanë tërhequr vëmendjen e shumë futbollistëve dhe ngacmimet në “Instagram” nga yjet e Serie A janë bërë të shpeshta për të.

Klubi italian i ka besuar 16-vjeçarit dhe i ka nënshkruar kontratë. Gjini do të aktivizohet me skuadrat zinxhirë të Bolonjës dhe me të ardhmen e tij që premton shumë, mund ta shohim dhe me ekipin e parë. Gjini është një lojtar i rëndësishëm te kombëtarja U-17 e Shqipërisë dhe shumë cilësor.

Shtohet këtu numri i futbollistëve shqiptarë që luajnë në Itali, me Gjinin që është një nga lojtarët më të rinj shqiptarë që aktivizohet në shtetin fqinj.

Trajneri i famshëm ka folur për “Rai Radio 1”, duke vlerësuar punën e Mançinit, ndërsa ndalet dhe te çështje e racizmit. Finalja e Superkupës midis Juventusit dhe Milanit do të zhvillohet në Doha të Arabisë Saudite dhe kjo gjë është diçka e mirë sipas Kapelos, pasi ndihmon në reklamimin e futbollit italian.

Në fund titulli i famshëm i vitit 2006. Kapelo ishte në stolin e Juventusit dhe djemtë e tij triumfuan në fushë, por “Calciopoli” shpërtheu, bardhezinjtë u ndëshkuan dhe titulli i kaloi… Interit. 72-vjeçari e quan diçka të padrejtë, ndërsa e shpjegon mendimin e tij për këtë çështje.

ITALIA – “Mançini ka bërë një punë të mirë, ka grumbulluar talente të rinj, të cilët kanë personalitet dhe shpejtësi për të rikthyer kombëtaren aty ku i takon. Duhet pak më shumë guxim dhe tani duket se ka ardhur, duke u dhënë shansin të rinjve të shprehim cilësitë e tyre.”

SUPERKUPA – “Le ta shpërndajmë futbollin italian nëpër botë dhe të përpiqemi ta promovojmë atë. Kampionati jonë ka qenë numri një dhe më i rëndësishmi në botë. Kemi humbur trenin dhe duhet të përpiqemi të rikuperojmë në një farë mënyre.”

RACIZMI – “Lojtarët duhet të ulen në fushë, por pa marrë penalizime. Kjo gjë do të ndihmojë publikun e pastër dhe ata që ulërijnë ‘buuu’ mund t’i jepnin fund dhe do të ndiheshin të turpëruar me atë që bëjnë. Italia është i vetmi vend ku ultrasit komandojnë dhe lojtarët shkojnë për t’i përshëndetur poshtë tribunës së tyre. 85-90% të tifozëve janë të rëndësishëm dhe jo këta zotërinjtë me pankarta, slogane dhe shumë kompetenca të fituara nga klubet e tyre.”

TITULLI 2006 – “Është qesharake që ai titull iu dha Interit, që u rendit në vendin e tretë dhe u hetua gjithashtu. Guido Rosi (ish-presidenti i federatës italiane) vendosi shumë me ngut, sepse na nevojitej një ekip për të luajtur në Champions. Ishte e padrejtë, rregullat nuk u respektuan dhe drejtësia sportive nuk mund të hetonte plotësisht.”

Trajneri vlerëson Ronaldon e Juventusit dhe Barelën e Kaljarit, ndalet te Zaniolo, talenti i Romës dhe komenton çështjen e racizmit, flet për Vialin, me të cilin fitoi titullin me Sampdorian dhe arriti në finalen e Kupës së Kampioneve, ndërsa e mbyll me kritikat e Salvinit për finalen e Superkupës që do të zhvillohet në Arabinë Saudite.

SERIE A – “Ky është kampionati i Kristiano Ronaldos, i cili ka përmirësuar Juventusin, edhe pse nuk ka qenë e thjeshtë.  Më pas Barela, i cili më kujton shumë Tardelin. Zaniolo? Tani po luan në rolin e organizatorit, por e shoh mirë në të gjithë fushën, sepse ka një potencë atletike si Pogba.”

MILANI I SAKIT – “Saki ka ndryshuar futbollin, një ngjarje e jashtëzakonshme që ndodh çdo 20-30 vite. Ne po ndjekim atë linjë, edhe pse pa fenomene në ekip. Duam një ekip që prodhon gjithmonë lojë dhe sulmon me vazhdimësi, me shpresën që pas 20 vitesh të flasin si diçka inovative.”

KULIBALI – “Nuk besoj se do të ndodhin përsëri thirrje raciste kundrejt tij në ndeshjen Milan-Napoli, pasi precedenti na ka mësuar diçka. Është absurde të ndodhin këto gjëra në vitin 2019 dhe nuk duhet të na shkojnë as në mendje.”

BALOTELI – “Nëse kthehet në kombëtare dhe pëson thirrje raciste, lojtarët mund të ndalojnë lojën.  Mos të harrojmë faktin që këto gjëra i bëjnë 50 veta nga 60 mijë të pranishëm. Pakica ka qëllim të demoralizojë dhe përhapin nervozizëm, por pjesa tjetër janë tifozë inteligjentë dhe mund t’i mbulojnë fishkëllimat me koret e tyre.”

VIALI – “I kam qëndruar gjithmonë afër dhe nuk kemi reshtur kurrë së foluri. Por, nuk kemi folur kurrë për sëmundjen e tij. Unë nuk kam patur kurajën dhe ai nuk e ka hapur si temë. Kam respektuar heshtjen e tij. Ka një gjë të cilën nuk ia kam thënë kurrë: Xhanluka ka qenë gjithmonë një shembull për mua, për përkushtimin dhe seriozitetin me të cilin i bënte gjërat.”

SUPERKUPA – “Salvini ka thënë që luajtja e ndeshjes në Arabi, aty ku femrat diskriminohen, është një shpifësi? Nuk ndodh vetëm atje. Mos të harrojmë se situata e femrave në vendin tonë nuk ishte shumë më e mirë përpara 70 vitesh. Kjo finale mund të ndihmojë në krijimin e kushteve më të mira për femrat në stadium. Sporti ndihmon në hapjen e portave dhe transformimeve, siç ka ndodhur në Kinë me Olimpiadën. Në Arabi, ashtu si në gjithë lindjen e mesme, futbolli është shumë i dashur dhe i ndjekur.”

ITALIA – “Ne italianët jemi fëlliqur për shumë probleme, por gjithmonë kemi treguar zemër të madhe dhe i kemi ndihmuar të gjithë. Babai im shkoi për të punuar në Gjermani, aty ku gjeti përkrahje. Njerëzit duhen ndihmuar gjithmonë. Duhet ndjekur gjithmonë zemra dhe brenda nesh jemi njerëz të mirë.”

Një ndër mbrojtësit e krahut më të mirë të Italisë ka folur mbi mundësinë e kalimit si ndihmës i Roberto Mançinit në stolin e kombëtares, duke u vetëofruar për një post të tillë.

41-vjeçari punoi së fundmi si zëvendës trajner i ekipit kinez të Jiangsu Suning, ndërsa një ftesë për të qenë numri dy i stolit të kombëtares nuk do të refuzohej, aq më tepër puna me një trajner si Mançini.

“Për momentin kam patur vetëm një kontakt me FIGC (federata italiane e futbollit) nëpërmjet këshillit federal. Unë si zëvendës i Mançinit në kombëtare? Nuk i thuhet kurrë jo Italisë, nëse të vjen ndonjë propozim. Të punosh me një person të madh si Roberto Mançini, vetëm mund të mësosh nga ai”, komenton Xhanluka Zambrota për “Sky Sport”.

Ai e ka mbyllur përfundimisht me të kaltrit, ndërsa vlerëson brezin e rinj të portierëve italianë. Bufon ndihet i lumtur te PSG, ndërsa nuk e përjashton një përfshirje në politikë në të ardhmen. Legjenda e portës jep mendimin e tij për racizmin e shpërthyer në Itali dhe tregon veprimin që duhet bërë.

Në fund Juventusi, dashuria e tij e madhe. Bufon nuk e ka problem një përballje me bardhezinjtë në Champions, por vetëm me një kusht. Të mos ndodhë në finale, sepse ai do të donte të festonte si i çmendur nëse arrin të fitojë kupën me veshë të mëdhenj…

ITALIA – “Me Gravinën president, Mançinin trajner, Kielinin kapiten dhe Donarumën në portë, Italia është në duar të sigurta. Mançini e di se cila është rruga më e mirë për t’u ndjekur, ndërsa presidentin nuk e njoh. Jam shumë i lumtur që Kielini ka trashëguar shiritin tim të kapitenit si te Juventusi dhe Italia, sepse ai është një njeri dhe futbollist që e meriton këtë lloj përgjegjësie. Donaruma është një simbol i qëndrueshmërisë dhe mirësisë së projektit, që planifikon të përgatisë më të rinjtë për të ardhmen. Mendoj se dhe Perin, nëse fillon të luajë, Meret, Kranjo dhe Sirigu japin garanci të plota.”

E ARDHMJA – “Kam folur me Mançinin, nuk kanë nevojë për mua. Tani jam i përqendruar tek ekipi dhe fakti që ndodhem pjesë e PSG më bën krenar. Në karrierën time nuk jam kënaqur kurrë me faktin që jam njëri prej të shumtëve. Nuk ka dualizëm midis meje dhe Areolës. Unë në politikë? Kurrë mos thuaj kurrë. Duhet të jesh altruist dhe unë jam, por nuk do i shes kurrë idealet e mia për para.”

RACIZMI – “Janë gjeste të pahijshme. Kemi nevojë për zero tolerancë, sepse fare e urrejtjes po rritet kudo.”

JUVENTUS – “Nuk e dua Juven në finale, sepse dua të kem lirinë që të gëzohem si i çmendur në rast të një fitoreje. Një përballje më parë do të ishte e bukur, sikur të ishte një bashkim. Nuk mendoj se do e ndjejnë mungesën time te Juventusi, sepse është një klub që programon gjithçka kaq mirë, saqë është e vështirë të gabojnë në zgjedhje. Bardhezinjtë janë ndër pretendentët kryesorë për fitimin e Champions Ligës, por jo gjithmonë fitojnë më të fortët.”

Puna e trajnerit po jep frytet e saj dhe kombëtarja e kaltër po e merr veten nga ndeshja në ndeshje. Mançini ka folur në seminaret e federatës të organizuar në Koverçiano, ku zbulon dhe objektivin e madh të Italisë së tij.

“Unë nuk punoj për të përgatitur një Itali konkurruese në Botërorin e Katarit. Ne duhet të jemi gati për Europianin dhe  të shkojmë atje për ta fituar. Kemi shumë punë për të bërë, por rruga që kemi marrë është ajo e drejta. Ndërkohë, kemi risjellë entuziazmin, ka harmoni dhe ekziston shpirti i duhur për të bërë mirë”, thekson trajneri i kombëtares italiane.

Shorti i eliminatoreve të Euro 2020 i vendosi të kaltrit në grupin J, bashkë me Bosnjen, Finlandën, Greqinë, Armeninë dhe Litenshtejnin.

Lidhur me ndeshjen e luajtur mbrëmë foli trajneri i kombëtares italiane, Roberto Mançini. Numri një i panikës axurre pranoi se sistemi VAR është i domosdoshëm në futboll dhe se duhej të përdorej në momentin e ndërhyrjes së D’Ambrozios. Gjithashtu Mançini foli dhe për situatën që po kalon Baloteli tek Nisë, ku marrëdhëniet e tij me trajnerin francez Vieira nuk kanë qenë të mira.

SISTEMI VAR – “Isha kundër VAR, por mund të them tani që është diçka që i ndihmon gjyqtarët dhe duhet të përdoret pothuajse gjithmonë. Pashë momentin e penalltisë së Zaniolos. Arbitri mund të ketë pasur vështirësi për ta parë atë dhe teknologjia mund të ishte përdorur me qetësi, gjithashtu për të shmangur çdo polemikë”.

BALOTELI – “Më vjen keq të shoh Balotellin të humbasë talentin e tij në mënyrën që po e bën, por mendoj që mund të ai mund të japë akoma. Shpresa është gjithmonë gjëja e fundit që vdes. Koha kalon shpejt, kështu që ai duhet të marrë mundësitë që ka”, përfundoi tekniku i kombëtares italiane.

Debutim pozitiv për Sensin, Grifon dhe Kin. Trajneri i Italisë nuk i kursen fjalët e mira për ta, por dhe për të gjithë lojtarët e tjerë. Kombëtarja po rikthehet, ndërsa Mançini tregon dhe objektivat për eliminatoret e Europianit. Gjithçka është në rrugën e duhur, por kjo Itali duhet të shënojë më shumë dhe të ketë një raport më të mirë me golin.

ITALIA – “Do të më vinte keq për lojtarët dhe tifozët, nëse ndeshja do të mbyllej pa gola. Duhet të shënonim më parë. Mendova se mbaroi dhe kjo ndeshje 0-0, por ky është futbolli. Rëndësi ka që zhvilluam një ndeshje të mirë. Nuk prisja të luanim shumë mirë për gjatë gjithë 90 minutëshit: ishte hera e parë që disa lojtarë luanin së bashku. Jemi në përputhje me pritshmëritë, ndoshta dhe pak më mirë. Po luajmë mirë dhe kjo është e rëndësishme. Në eliminatoret e Europianit duhet të përpiqemi t’i fitojmë të gjitha ndeshjet.”

DEBUTUESIT – “Sensi, Grifo dhe Kin bënë mirë, por dhe Açerbi me De Shiljon. Më pëlqyen të gjithë, madje dhe Galjardini bëri gjëra pozitive. Më vjen keq që nuk do i shoh djemtë për disa muaj. Shpresoj që të bëjnë mirë në klubet e tyre.”

MENTALITETI – “Ndeshjet ndërkombëtare nuk janë kurrë të thjeshta. Sigurisht që është ndryshe të luash kundër Portugalisë dhe SHBA, por, e përsëris, çdo ndeshje është komplekse. Pavarësisht shumë ndërrimeve, kam vënë re të njëjtin qëndrim, nga minuta e parë deri në minutën e fundit. Jam i kënaqur me këtë mentalitet, thjeshtë duhet të shënojmë më shumë.”

Politano u fut në pjesën e dytë dhe vendosi ndeshjen, duke i dhuruar një buzëqeshje trajnerit Roberto Mancini.

Gjithsesi, sërish raste pa fund të humbura nga Italia, që hodhi në fushë edhe tre debutues (Sensi, Grifo e Kean).
Dominim në lojë e raste, gol i artë në fund, sepse fitorja e arritur në Belgjikë është një tjetër hap përpara në renditjen FIFA për një Itali që ishte fundosur keq në vitet e fundit.

Të martën është miqësorja kundër SHBA dhe Roberto Mançini ka vendosur të bëjë disa ndryshime. Trajneri i kombëtares ka vendosur në bashkëpunim me stafin teknik dhe vetë lojtarët, të dërgojë në shtëpi 6 lojtarë. Kielinin, Florencin, Verratin, Insinjen dhe Imobilen.

I fundit është larguar dhe Lorenco Pelegrini, i cili është dëmtuar dhe është detyruar të largohet nga grumbullimi i kombëtares. Mançini dëshiron të provojë lojtarë të rinj kundër kombëtares amerikane dhe t’iu japë besimin e duhur atyre.

Leonardo Bonuçi ka folur për “Eleven Sports”, duke iu rikthyer dhe njëherë mungesës së Italisë në Botërorin e Rusisë. Një periudhë e errët dhe e dhimbshme, gjatë së cilës mbrojtësi i Juventusit shikoi vetëm dy ndeshje.

31-vjeçari ndalet dhe te miqësorja e së martës kundër SHBA, duke shpjeguar se pse një fitore në këtë takim është aq shumë e rëndësishme për tifozët e kaltër.

RINISJA – “Do të ishte e bukur të ishim në Botëror me shumë lojtarë të rinj gati për të sjellë entuziazëm me vete në valixhet e tyre. Tani është e kotë të merremi me të kaluarën, e rëndësishme është të rinisemi, siç kemi bërë në fushën e blertë me Mançinin. E njëjta gjë duhet të ndodhë dhe jashtë fushe, shpresojmë që presidenti Gravina të bëjë një hap të madh në këtë aspekt.”

BOTËRORI – “E kam përjetuar keq mungesën në Rusi, është një njollë që nuk do të fshihet kurrë nga karriera e një futbollisti. Të mos marrësh pjesë në Botëror për Italinë është me të vërtetë diçka katastrofike. Në muajt qershor dhe korrik mezi pashë dy ndeshje. E di se çfarë të transmeton kupa e botës, ku ke luajtur dy herë, e di se çfarë të transmeton një kompeticion, ku ke luajtur 4-5 herë.”

SHBA – “Do të jetë një atmosferë e bukur, është gjithmonë e veçantë të luash jashtë dhe të gjesh shumë bashkatdhetarë, të cilët mezi presin për të na parë. Shpresoj të ndihmoj kombëtaren të fitojë dhe t’ia dedikojmë atyre, të cilët jetojnë jashtë shtetit dhe nuk presin gjë tjetër përveç këtyre momenteve për të rishikuar magjinë e bluzës së kaltër.”

KUNDËRSHTARI – “Portugalia mbetet një ekip i madh, këtë gjë e treguan dhe në finalen e Europianit, kur Ronaldo u dëmtua. Janë një ndër skuadrat më të mira për mënyrën e lojës dhe kanë lojtarë të jashtëzakonshëm në fazën ofensive. Mendoj se do të jetë bukur dhe pa Ronaldon, edhe pse unë doja të ishtë në fushë”.

GJENDJA AKTUALE – “Mendoj se po ecim mirë, duke menduar që dështuam për të shkuar në Botëror. Çdo gjë ka kohën e saj, nuk bëhet me shkop magjik. Po përmirësohemi nga ndeshja në ndeshje”.

PRESIONI – “Janë 50 milionë njerëz që duan që në të fitojmë, kështu që normalisht ka presion, por e kam përjetuar këtë gjë dhe më parë. “San Siro” gjithmonë është përgjigjur mirë në ndeshjet e kombëtares”.

DËMTIMET – “Dy lojtarë nga U-21 do të vijnë pas dëmtimeve. Moise Kin dhe Xhanluka Mancini. Gjithashtu dhe Açerbi, i cili është në skuadër pas problemeve të Romanjolit”.

SITUATA NË GRUP – “Vëmendja jonë është e gjitha te Italia, nuk po mendojmë për ndeshjen tjetër ndaj Polonisë. Çdo gjë që kemi bërë është fokusuar në sfidën ndaj Italisë. Në këto dy muaj kanë ndryshuar shumë stilin e tyre të lojës dhe janë një skuadër tjetër nga ajo që ishte në Lisbonë”.

PËRGATITJA E NDESHJES – “Po mendojmë për atë që duhet të bëjmë, gjithsesi kemi shumë respekt për të gjithë, sidomos për Italinë, që është një nga kombëtaren më me shumë histori. Është një sfidë e nivelit të lartë, por i kemi të gjitha mundësitë të bëjmë mirë dhe të fitojmë”.

SFIDA – “Nuk kemi ardhur këtu për të luajtur në kundërsulm. Ata e mbajnë shumë topin dhe janë shumë të organizuar dhe ne do të përpiqemi që të sulmojmë më shumë. Gjithashtu duam ta mbajmë topin shumë dhe të mundohemi të ç’organizojmë kundërshtarin. Duam të eleminojmë hapësirat dhe t’i krijojmë probleme Italisë”.

OBJEKTIVI – “Ne luajmë një futboll shumë të ngjashëm. Italia ka kualitet dhe është një ekip i fortë, por ne futemi në fushë gjithmonë për të fituar, kundër çdo ekipi dhe këtë gjë do të bëjmë dhe nesër. E dimë se çfarë duhet të bëjmë”.

KRISTIANO RONALDO – “Nuk ka ekip që mund të thotë që Kristiano Ronaldo nuk duhet. Ai është lojtari më i mirë në Botë. Ajo që ka rëndësi është që ta tregojë përsëri këtë gjë dhe të fitojë “Topin e Artë”. Do të shohim në rast se do të rikthehet në mars. Për momentin ne do të fokusohemi në të tashmen dhe duam të fitojmë”.

“Në fillim të turneut objektivi ynë ishte kualifikimi në fazën finale të Ligës së Kombeve. Humbëm në Portugali, kishim hedhur në fushë një ekip të ri. Një humbje që qëndron, por tani kemi shansin t’i mposhtim në ‘San Siro’. Duhet të mendojmë vetëm për fitoren dhe pastaj të shohim se çfarë do të ndodhë në ndeshjen Portugali-Poloni. Duam të bëjmë një ndeshje shumë të mirë dhe të luajmë siç kemi bërë në dy ndeshjet e fundit. Dua të shoh një ekip që sulmon, mbi të gjitha për të kënaqur publikun e ‘San Siros’, një stadium që mbushet gjithmonë plot për kombëtaren dhe kjo është një gjë shumë e rëndësishme”, insiston Roberto Mançini.

Trajneri i Italisë ka luajtur si futbollist dy ndeshje në “San Siro” me fanellën e kaltër. Të parën në dhjetorin e vitit 1987 dhe të dytën në nëntorin e vitit 1993. Mançini i mban mend mirë të dyja dhe nis e kujton episode nga ato dy takime.

“Shkuam në Europianin e vitit 1988, ishim një skuadër shumë e fortë dhe bëmë një ndeshje të madhe, duke fituar 3-1 në Milano.” 53-vjeçari kujton dhe fitoren kundër Portugalisë me rezultatin 1-0. Ishte nëntori i vitit 1993 dhe Italia triumfonte përballë luzitanëve me golin e Dino Baxhos.

“Fituam me golin e Dino Baxhos, ishte 17 nëntor, e njëjta datë si të shtunën. Shpresojmë të jetë një shenjë e mirë për Ligën e Kombeve dhe të ardhmen tonë“, kujton dhe shpreson Roberto Mançini.