Italia U21

De Rosi me “drejtim” të ri, oferta e fundit e tundon!

Sport Ekspres — Sun, 23 Jun 2019 12:36:36 +0000

Ish-kapiteni i Romës, Daniele De Rosi, mund të fillojë një punë të re si trajneri i Italisë U21. Kjo e fundit është në prag të eliminimit në fazën e grupeve të Kampionatit Europian U21. Ky eliminim duket fundi i udhëtimit për Xhixhi Di Baxhion, i cili nuk ia ka arritur të marrë maksimumin nga një grup shumë i talentuar lojtarësh, të cilët luajnë thuajse të gjithë titullarë në Serinë A.

Corriere dello Sport raporton se De Rosit do t’i ofrohet roli i trajneri U21 nga Federata Italiane. Kontrata e tij me Romën përfundon më 30 qershor dhe ai do të jetë një lojtar i lirë, ndërsa ka deklaruar se do të vijojë të luajë futboll. Ofertat për De Rosin nuk mungojnë, nga Boka Zhuniors dhe kampionati amerikan, MLS.

Megjithatë, De Rosi mund të qëndrojë në Itali me një rol të ri si trajner i kombëtares U21 të Italisë. Mesfushori kryeqytetas duket se do të ndjekë gjurmët e babait të tij, Alberto, i cili për shumë vite ka qenë trajneri i ekipit të të rinjve te Roma.

”Çmendet“ Mançini, dy talentet përfundojnë në tribunë!

Sport Ekspres — Tue, 11 Jun 2019 13:08:18 +0000

Roberto Mançini ka publikuar listën e 23 lojtarëve, që do të jenë në dispozicion për ndeshjen e sotme ndaj Bonje Hercegovinës. Mungesa më e çuditshme është ajo e Moise Ken. Talenti i Juventusit është një nga më të mirët e momentit, por sonte nuk do të ketë mundësinë të zbresë në fushën e blertë të “shtëpisë” së vet.
Një vendim disi i çuditshëm ky nga ana e trajnerit Mançini. Edhe Zaniolo do e shohë këtë takim nga tribuna. Të dy talentet do të humbasin mundësinë për t’u përballur ndaj Pjaniç apo Xheko me shokë.

Ky vendim mendohet se vjen edhe për të ruajtur formën fizike të dy yjeve. Kampionati Evropian për grupmoshën U-21 fillon pas pak ditësh dhe kjo dyshe pritet ta udhëheqë drejt triumfit kombëtaren axurre.

Zaniolo me fanellen e Romes

Shënoi me U21 e Italisë, talenti i Juventusit thyen një tjetër rekord

Sport Ekspres — Tue, 16 Oct 2018 12:42:06 +0000

Përfaqësuesja U21 e Italisë fitoi dje miqësoren përballë Tunizisë me rezultatin 2-0. Parixhini kaloi djemtë e Di Biaxhos në avantazh në minutën e 33-të, ndërsa gjashtë minuta më vonë, Moize Kin dyfishoi rezultatin nëpërmjet një penalltie.

Një gol historik për sulmuesin e talentuar të Juventusit. 18-vjeçari bëhet i pari futbollist i lindur në shekullin e ri, i cili shënon me përfaqësuesen U21 të Italisë.

Një tjetër rekord i thyer nga Kin, i cili në vitin 2016 u bë i pari lojtar i shekullit të ri që debutoi në Serie A dhe në Champions, në moshën 16-vjeçare, ndërsa në maj të vitit 2017, Kin shënoi përballë Bolonjës, duke u bërë lojtari i parë i këtij shekulli, që shënon gol në një nga pesë kampionatet më të forta të Europës.

Synimi i radhës i sulmuesit bardhezi është aktivizimi me Juventus. Ai është në kërkim të minutave me ekipin e Alegrit, por konkurrenca është shumë e madhe.