Talenti shqiptar i Kievos shkëlqen, vërshojnë ofertat

Sport Ekspres — Wed, 03 Jan 2018 20:12:41 +0000

Shqipëria ka talente pa fund të shpërndarë nëpër Europë dhe po bëhet një punë e mirë nga ekipet e moshave në kombëtare për t’i evidentuar.

Një prej emrave që po shkëlqen në Itali është edhe Andrea Isufaj, sulmues 18-vjeçar i Kievos.

Sezonin e shkuar djaloshi shqiptar shënoi 12 gola në 24 ndeshje me të rinjtë e klubit Veronës, duke spikatur dhe duke tërhequr vëmendjen e shumë klubeve.

Mondoprimavera.com raporton se Kievo ka marrë disa oferta nga klube më të pasur në Serinë A, por edhe disa klube të huaja janë interesuar, sidomos nga Spanja.

Gjithsesi, Kievo nuk e lëshon dhe ka firmosur deri në vitin 2020 me Isufajn.

Andrea Isufaj, talenti i Kievos i shënon edhe Mançester Sitit

Sport Ekspres — Sat, 05 Aug 2017 12:06:06 +0000

Është vetëm 17 vjeç, por që tani te Kievo vendosin bast se do të bëhet sulmues niveli.

Andrea Isufaj ka bindur të gjithë, pas një sezoni huazim nga Areco, ndaj Kievo këtë verë e ka blerë, duke firmosur kontratë 5-vjeçare dhe duke e kaluar në ekipin e parë, edhe pse natyrisht do të luajë edhe me të rinjtë.

Aktualisht me të rinjtë në një turne miqësor në Gjermani, Isufaj ka shkëlqyer sot, duke shënuar golin e dytë në fitoren 2-1 kundër Mançester Sitit.

Një talent që duhet afruar sa më shpejt edhe nga Shqipëria U-21, për të mos lejuar që Italia të na e rrëmbejë.