“Futbolli kështu e ka, një trajner të beson më pak, dikush tjetër më shumë. Gjëja më e rëndësishme ka qenë që s’kam humbur vetëbesimin dhe shpresën. Nuk jam një njeri i dobët. Gjithmonë flas me dy shokët e mi Emir Sahitin dhe Lumbardh Dellovën, ata janë nga Kosova. U them gjithmonë që të mos dorëzohen deri në fund. Sahiti është nga Prishtina, po ashtu si dhe unë, ndërsa Devolla nga Prizreni. Në ekip kemi dhe Tahirajn, ai është nga Shqipëria, por i rritur në Itali”.

“Tani arrij të kuptoj kroatishten, por e kam më të lehtë të komunikoj me të tjerët në gjuhën angleze. Hysen Memolla dhe Hamza Berri më ndihmuan të mësoja kroatisht”.

Edi Reja –  “Reja dhe Febrari (përgatitësi atletik) janë njerëz fantastik. Mister Reja na prezantoi një metodë tjetër. U ndjemë shumë të qetë me të. Tani gjithçka po shkon mirë. Humbën ndaj Islandës, por luajtëm mirë, ndërsa fitorja 2 – 0 kundër Moldavisë na gëzoi të gjithëve. Bulku është gjithashtu pjesë e stafit të kombëtares, ai ka luajtur te Hajduku gjithashtu”.

Stili i i ri flokëve?

“Ishte shumë vapë, kështu që vendosa t’i shkurtoja disi flokët.

Me këtë model i ngjan pak Eminemit apo jo?

Jo aspak (qesh). Nuk është se jam fans i Eminemit. Flokët thjesht i shkurtova nga vapa. Përsa i përket këngëtarëve dëgjoj më së shumti këngë të Rita Orës dhe Dua Lipës, dy këngëtare shqiptare”.

Rita Ora do vijë këtu në Kroaci për një koncert tani afër, a do shkosh?

Me të vërtetë? Po patjetër (qesh). Bëj shaka nuk jam nga ata që i pëlqejnë koncertet. Jam këtu për të pnuar fort dhe mirë. Jeta e shkurtër dhe për ta shijuar siç duhet duhet të sakrifikosh për të ardhmen.

Tani jeni një ndër liderët e mbrojtjes së Hajdukut.  A mos ju kanë bërë padrejtësi më parë?

Nuk e mendoj fare këtë gjë. Në fillim nuk isha as në stolin e rezervave, tani jam në formacion. Thjesht dua të vazhdoj kështu e të luaj mirë. Ndoshta pyetja juaj është e drejtë, por s’ia vlen të kthejmë kokën pas.

Kundërshtari më i rrezikshëm në kampionatin kroat?

Do thosha Radonjiç (sulmuesi i Lokomotivës së Zagrebit), ai është një lojtari i fuqishëm, i rrezikshëm në lojën në ajër, pak a shumë si kolegu im Futacs. Kam marrë vesh që do largohet drejt Rusisë. Përveç atij s’di të them ndonjë emër tjetër. Lojtarët e shkurtër mund t’i bllokok pa problem, pasi jam një lojtar shumë i shpejtë. S’kam frikë askënd

Keni marrë 9 kartonë të verdhë. A mo jeni pak më shumë agresivë se ç’duhet?

“Shpesh herë jam ndëshkuar me të padrejtë. Sezonin tjetër do të kemi sistemin VAR dhe kjo do të më hyjë shumë në punë. Më parë çdokush që vinte në duel me mua simulonte dhe arbitri jepte faull”.

Mbrojtësi ka qenë duke e ndjekur këtë takim dhe nuk ngurroi të publikojë foton e sfidës me rezultatin 5-0, duke vendosur dhe disa emoji ku shpreh lumturinë e tij. Ismajli ose është tifozi më i flaktë i Gjermanisë, ose e ka lumturuar humbja e thellë e Serbisë, por sido që të jetë, ai nuk ngurooi të shprehë lumturinë e tij në rrjetet sociale.

Bëhet fjalë për mbrojtësin Ardian Ismajli, i cili u pa teksa kryente vrapime rreth fushës gjatë seancës së orës 17:00. Futbollisti që aktivizohet në Kroaci me Hajduk Split ka pësuar një dëmtim muskulor në kofshën e djathtë.

Komuniteti shqiptar në Frankfurt nuk e ka lënë pa shfrytëzuar ardhjen e kombëtares në qytetin e tyre.  Seanca e sotme stërvitore u ndoq nga një numër i vogël mbështetësish të ekipit tonë kombëtar.

Në ndeshjen e Lokomotivës pati një risi në grumbullim. Mesfushori shqiptar Indrit Tuci debutoi në të parin grumbullim me ekipin e parë. Talenti 18-vjeçar u fut në fushë në minutën e 77-të. Lojtari i ekipeve të moshave të Shqipërisë u bë pjesë e akademisë së Lokomotivës gjatë muajit janar. Ecuria e mirë në kampionatin e moshave ka sjellë që i riu shqiptar të marrë vëmendjen e ekipit të parë.

https://www.instagram.com/p/Bx7_zLfAEm4/?utm_source=ig_web_copy_link

Ditë pozitive dhe për ish-sulmuesin e Shpresave kuqezi, Taulant Seferi. Me skuadrën e Uinterthur në Zvicër, Seferi ka asistuar golin e dytë për ekipin e tij, që triumfoi 2-0 në shtëpi përballë Uil. Seferi luajti 87 minuta në këtë takim. Në Hungari, Hasani ka shënuar për ekipin e DVKT-së, që triumfoi në shtëpi me rezultatin 2-1. Sulmuesit shqiptar i mjaftuan vetëm 5 minuta që të gjente rrjetën.

Mbrojtësi i kombëtares, Ardian Ismajli, luajti 90 minuta për ekipin e Hajduk Splitin. Vetëm një karton i verdhë për mbrojtësin. Balaj dhe Roshi janë aktivizuar në Rusi me ekipin e Akhmat Groznit. Sulmuesi shkodran luajti vetëm 10 minutat e fundit të takimit, ndërsa Roshi që e nisi takimin si titullar, u zëvendësua në minutën e 62’.

Ish-trajneri i Napolit dhe Lacios ka disa lidhje në Serie A dhe studioi këta futbollistë, në mënyrë që t’i transferojë në elitën e futbollit italian. Veseli aktualisht luan në Serie A, por Ismajli dhe Uzuni janë lojtarët që ka ndjekur më me shumë interes.

Sipas asaj që raportohet, Reja është impresionuar nga Uzuni dhe Ismajli, që mendohet se do t’iu bashkohen shqiptarëve të tjerë në kampionatin italian të futbollit. Mbetet për t’u parë sesi do të veprohet në merkaton e verës për dy futbollistët kuqezi.

Juriç në minutën e 88’ dhe Tudor në 90+4’ i dhanë fitoren Dinamo Zagrebit. Vetë Ismajli bëri një ndeshje pozitive dhe mbrojtësi i kombëtares kuqezi duket në një formë shumë të mirë.

Ndërsa skuadra e Kristi Qoses nuk ka shkuar dot më shumë se një barazim 0-0 në transfertën kundër Nitras. Të dyja skuadrat e mbyllën takimin me nga 10 futbollistë dhe askush nuk arriti të bëjë diferencën. Qose preku shumë topa në mesfushë dhe ishte një lojtar i rëndësishëm për Ruzemberokun.

https://www.youtube.com/watch?v=bfmheig-BJE

Goli ka ardhur në momentin e duhur, pasi në zonën “VIP” të stadiumit të Hajdukut kanë qenë të pranishëm disa skautë. Mediet kroate aludojnë se vëzhguesit ishin nga “gjiganti” i futbollit ukrainas Shaktar Doneck.

Një detaj tjetër që mbështet këtë lajm është dhe fakti që dy ekipet zhvilluan një miqësore gjatë fazës përgatitore në Turqi, ku Hajduku mundi kampionët e Ukrainës me rezultatin e thellë 4-1.

Qendërmbrojtësi Ardian Ismajli zhbllokoi takimin, duke gjetur kështu golin e parë në kampionatin kroat, ndërsa sulmuesi anësor Françesko Tahiraj iu besua për herë të parë një vend në formacionin titullar.

“I mbytëm ata që nga minuta e parë deri në minutën e fundit. Ishte një fitore e merituar. Duhet të vazhdojmë kështu dhe do ta kapim Europën  (Hajduk ndodhet pesë pikë larg Lokomotivës së vendit të katërt). Kishim rreth 17 mijë tifozë që po na mbështetin, mendoj se ua shpërblyem me këtë fitore”, përfundoi Ismajli.

https://www.youtube.com/watch?v=bfmheig-BJE

“Nuk e prisja që trajneri të më vendoste në formacionin titullar.  Tifozët ishin lojtari jonë i 12-të. Ata më duartrokitën të gjithë kur u zëvendësova. Tani do të festojmë pak. Shpresoj që të vazhdojmë kështu. Ishte ndeshja ime e parë si titullar dhe them se nuk bëra keq”, tha Tahiraj.

Ismajli u aktivizua si rezervë në miqësoren e zhvilluar ditën e sotme në Antalia ndaj Dinamos së Bukureshtit, skuadër ku ndodhet lojtari tjetër i kombëtares sonë, Naser Aliji. Ky i fundit u aktivizua në këtë takim gjatë pjesës së dytë.

Ismajli spikati duke asistuar në golin e dytë të kroatëve, ndërsa në përfundim të takimit, 22-vjeçari pati një mesazh interesant për disa persona

“Dikush ishte i gëzuar kur unë u operova dhe ata menduan se nuk do të rikthehesha, por jam përsëri më i fortë se më parë me ndihmën e zotit, vazhojmë përpara”, shkroi Ismajli në “Instagram”.

https://www.instagram.com/p/BslaUnont5E/?utm_source=ig_web_copy_link

Skuadra e Ismajlit e pa veten dy herë në avantazh, por në të dyja rastet gjeti forcat për të vënë ekuilibrin. Hajduku shkon në kuotën e 17 pikëve dhe mbetet në vendin e 6 në klasifikim.

Në Itali luajti edhe Ledian Memushajt, i cili po ashtu nuk ka arritur që të fitojë me Peskarën e tij. Vlonjati barazoi 1-1 me Askoli, por “delfinët” kishin mundësinë që në fillimin e ndeshjes që të kalonin në avantazh, por Mankuso gaboi nga pika e bardhë e penalltisë. Edhe pse në fraksionin e dytë Peskara e gjeti golin në të 50-ën, 15 minuta më vonë ishin miqtë që vunë ekuilibrin. Pas këtij barazimi Peskara mbete në vendin e dytë, duke bërë një hap fals që mund t’i kushtojë.

Si Dermaku ashtu dhe Ismajli zbritën në fushë ditën e djeshme dhe tashmë janë përfundimisht lojtarë të Shqipërisë. Nëse ndonjëri prej tyre mund të pendohet në të ardhmen, nuk do të ketë më asnjë mundësi që të ndryshojë përfaqësuese. Ismajli u fut që në pjesën e parë duke zënë vendin e Kaçes, për të plotësuar vendin e lënë bosh nga dalja e Mavrajt. Në fraksionin e dytë ishte radha e Dermakut që të vishte për të parën herë fanellën kuqezi, me 26-vjeçarin që hyri në fushë në minutën e 52-të, pasi Gjimshiti la fushën e lojës i dëmtuar.

Debutim në ndeshjen e gabuar, pasi në një takim ku e gjithë skuadra bën një paraqitje skandaloze, vështirë të veçosh ndonjërin prej tyre, pasi teorikisht i justifikon fakti se është vetëm ndeshja e parë. Panuçi më herët ka “vulosur” dhe zgjedhjen e Enea Mihajt, i cili u aktivizua vetëm pak sekonda në takimin e parë me skocezët.

“U çudita që Ardian Ismajli u largua nga ne, ai i ka premtuar Fadil Vokrrit që do të luante për Kosovën. Nuk është e lehtë të ftosh dikë që të luajë me Kombëtaren kur me skuadrën nuk ka luajtur asnjë minutë. Kur e ftova, ai tha që nuk do të luajë me Kombëtaren A dhe do të qëndroj tek U-21 dhe unë e respektova vendimin e tij. Jam i zhgënjyer pasi nuk mendoj se është një zgjedhje e mirë për të”.

“Preferoj vetëm lojtarë të cilët duan me çdo kusht të luajnë për Kosovën, lojtarë të cilët janë gati të japin çdo gjë për këtë vend. Demhasajn nuk e ftova, sepse i mungojnë minutat me klubin. Ai është një lojtar shumë i mirë, një futbollist për të ardhmen. Kam folur me Meritan Shabanin, Elvis Rexhbecajn, Bastien Tomën dhe ata kanë kërkuar kohë. I respektoj ata dhe vendimin e tyre dhe shpresoj që të vijnë, nëse do ta bëjnë, do të kemi një të ardhme fantastike. Kemi folur edhe me Florent Hadergjonajn e Hudersfildit. Ai e do Kosovën, por ka respekt të madh për Zvicrën, ndaj do që t’i përfaqësojë. Ne e respektojmë, por ka ende pak shpresë, pasi nuk ka luajtur ende me ata”.

Dje u lajmëruar se lojtari ka marrë pasaportë shqiptare dhe do të jetë pjesë e skuadrës së Panuçit që në ndeshjet e muajit nëntor. Kjo ka sjellë jo pak reagime në Kosovë, por ka qenë babi i Ismajlit që ka dhënë një deklaratë për “GazetaOlle.com”.

Ku ka zë nuk është pa gjë thuhet dhe siç duket ka mëdyshje se për cilën përfaqësuese do të luajë lojtari i  Hajduku i Splitit, diçka që dhe i ati e pranon se ende nuk e kanë vendosur se cilën fanellë do të përfaqësojnë, por përgënjeshtron lajmin se djali i tij ka marrë pasaportë shqiptar: “Nuk jemi pajisur me pasaportë shqiptare, por jemi të pavendosur se kë do ta përfaqësojmë”.

Tani nga Kosova vjen një lajm i bujshëm, por që natyrisht duhet ende të verifikohet: Ardian Ismajli mund të braktisë Kosovën për të luajtur për Shqipërinë. Kështu raporton “Gazeta Olle”, që shkruan se kapiteni i i Kosovës U-21 ka biseduar me Kristian Panuçin dhe po mendon të zgjedhë Shqipërinë në vazhdim, për shkak se Kosova A nuk e ka ftuar ende dhe kjo e ka pezmatuar.

Ismajli është 21 vjeç dhe ka nisur sezonin e tretë si pjesë e Hajdukut të Splitit, ku ka luajtur 27 ndeshje kampionati dhe ka shënuar një gol deri tani. Qendërmbrojtësi i talentuar po kërkon nga FFK që me mirëkuptim të pranojë ftesën e Shqipërisë, ndërsa zyrtarë të FFK-së nuk kanë dashur të komentojnë rastin në fjalë.