ismael bennacer

Operacion 16 milionë euro, Milani zyrtarizon Benaser

Sport Ekspres — Sun, 04 Aug 2019 07:49:51 +0000

Milani ka zyrtarizuar transferimin e mesfushorit algjerian Ismael Benaser. Futbollisti 21-vjeçar i bashkohet “djallit” nga skuadra e Empolit falë një operacioni me kosto totale prej 16 milionë eurosh.

Ready to fight Ismaël? ??
Bienvenu Bennacer! ??#ForzaMilan pic.twitter.com/nKb3r8dmaD

— AC Milan (@acmilan) August 4, 2019

Benaser luante prej dy vitesh me ekipin toskan, ku impresionoi gjatë sezonit të kaluar pavarësisht se klubi toskan nuk arriti të siguronte mbijetesën në Serie A. Kontrata e algjerianit me Milanin është e vlefshme për 5 sezone dhe lojtari do të përfitojë një pagë vjetore prej 1.5 milionë eurosh (neto).

E kryer | Milani akord me talentin afrikan, shifrat e transferimit

Sport Ekspres — Mon, 15 Jul 2019 17:57:56 +0000

Ismael Benaser do të jetë futbollisti më i ri i Milanit. 21-vjeçari ndiqej me shumë ngulm gjatë gjithë merkatos verore nga Maldini dhe Boban, të cilët më në fund kanë arritur të finalizojnë marrëveshjen me Empolin dhe talentin.

Benaser

“Calciomercato” raporton se Milani do të paguajë 16 milionë euro në mënyrë direkte. Kësaj shumë mund t’i shtohen edhe 2 milionë të tjerë në formë bonusesh, sipas paraqitjeve të mesfushorit. Zbulohet edhe rroga e algjerianit, që do marrë rreth 1.5 milionë euro në sezon.

Benaser është një nga zbulimet e Serie A. Djaloshi ka spikatur me Empolin, duke qenë një nga talentet më cilësorë të kampionatit. Djaloshi është pjesë e rëndësishme e Algjerisë, me të cilën ka arritur finalen e Kupës së Afrikës dhe do ndeshet me Senegalin. Pas ardhjes së tij, ikën mundësia që Xhampaolo të bashkohet me Denis Praet.

Befasohet Milani: Akordi në rrezik, mesfushori rrit pretendimet

Sport Ekspres — Thu, 11 Jul 2019 11:22:10 +0000

Goditja e tretë e Milanit në merkato rrezikon të mos realizohet. Mediat italiane kanë konfirmuar prej ditësh akordin midis kuqezinjve dhe Empolit për shërbimet e Ismael Benaser.

Gjithsesi, diçka ka ngecur dhe marrëveshja mund të hidhet në kosh. Problemi qëndron te rroga e 21-vjeçarit algjerian. Benaser kërkon 2 milionë euro rrogë në sezon, ndërsa Milani ofron 1.3 të tilla për momentin.

Benaser

Në ndjekje të mesfushorit janë edhe Borusia e Dortmundit dhe Arsenali, të cilët janë gati për të përfituar dhe për t’i plotësuar kushtet mesfushorit të kombëtares afrikane.

Po shkëlqen në Kupën e Afrikës, Milani e kthen në “djall”

Sport Ekspres — Tue, 09 Jul 2019 19:09:40 +0000

Akordi është arritur dhe Milani do të prezantojë shumë shpejt goditjen e radhës në merkato. Pas Kruniç dhe Teo Hernandez është radha e Ismael Benaser. Algjeriani 21-vjeçar i Empolit është një mesfushor modern, i cili bën pjesën ofensive dhe atë defensive.

Lojtari do të firmosë një kontratë 5-vjeçare me një rrogë prej 1.5 milionë eurosh në sezon, ndërsa kuqezinjtë do të derdhin 16 milionë euro në arkat e Empolit. Kjo është marrëveshja e dytë e “djallit” me klubin toskan pas blerjes së boshnjakut Kruniç.

Benaser luajti 37 ndeshje sezonin e kaluar dhe numëron 13 të tilla me kombëtaren algjeriane. Ai është kthyer në titullar te kombëtarja afrikane, ndërsa po shkëlqen në Kupën e Afrikës. Algjeria është kualifikuar në çerekfinale dhe të enjten në orën 18:00 do të përballet me Bregun e Fildishtë për një vend në katër më të mirat.

FOTO | Fati i bashkon sërish, tani te klubi i Milanit

Sport Ekspres — Mon, 08 Jul 2019 13:12:01 +0000

Teo Hernandez dhe Ismael Benaser do të luajnë me Milanin sezon e ardhshëm. Mbrojtësi erdhi nga Real Madrid, ndërsa mesfushori nga Empoli. Të dy kanë lindur në vitin 1997, por Teo është vetëm 56 ditë më i madh.

Të dy kanë lindur në Francë, pavarësisht se janë me origjinë spanjolle dhe algjeriane. Së fundmi qarkullon në internet një foto ku shihen Hernandez dhe Benaser. Ishte koha kur luanin me kombëtaret U18 dhe U19 të Francës.

Benaser (m) dhe Teo Hernandez (d)

Atëherë ishin shokë skuadre dhe fati deshi që të luanin përsëri bashkë, por tani te Milani i madh. Më saktë, me dëshirën dhe qëllimin për të ndihmuar në rikthimin e Milanit të madh.

Përforcimi numër tre i Milanit, tjetër mesfushor për Xhampaolon

Sport Ekspres — Fri, 05 Jul 2019 09:19:12 +0000

Zyrtarizimi është çështje ore, por Milani ka mbyllur goditjen e tretë në merkato. Pas Kruniç dhe Teo Hernandez është radha e Ismael Benaser. Algjeriani 21-vjeçar i Empolit është një mesfushor modern, i cili bën pjesën ofensive dhe atë defensive.

Kuqezinjtë kanë paguar 16 milionë euro për kartonin e tij, ndërsa lojtari ka firmosur një kontratë 5-vjeçare me 1.6 milionë euro rrogë sezonale. Benaser luajti 37 ndeshje sezonin e kaluar dhe numëron 13 të tilla me kombëtaren algjeriane.

Një tjetër përforcim në mesfushë, repart që ka pësuar ndryshime nga sezoni i kaluar. Përveç blerjeve, Milani po tenton të bëjë disa lëvizje edhe në dalje, në mënyrë që të reduktohet numri i lojtarëve dhe të mbushen arkat për përforcime të tjera.