Juventusi është gati të hidhet në aksion për të sjellë yllin madrilen në Torino. Isko do të ishte mesfushori i tretë pas ardhjes së Rabiot dhe Ramsej me kosto zero. Ndryshe nga dy të parët, fantazisti i galaktiktëve kushton mjaft. Real nuk e ka me nxitim ta shesë atë, ndërsa nuk ka ardhur njëri mes Eriksen e Pogba.

Florentino Perez kërkon të paktën 80 milionë euro për 26-vjeçarin. Sezonin e fundit ka vuajtur shumë në “Santiago Bernabeu”, duke ngrohur stolin në shumicën e rasteve. Ky operacion ka nevojë për negociata të shumta dhe nëse do finalizohej, kjo do ndodhte në fund të verës.

Tashmë në “Bernabeu”, duket se ka ardhur koha e spastrimeve dhe lojtarët që janë me valixhe në duar janë të shumtë. Plot 17 emra janë publikuar në mediat spanjolle. Duke nisur që nga Isko e Marselo, e për të përfunduar me emra si Gareth Bejl, Lukas Vaskez apo Mariano Diaz.Lista përmban edhe yje të tjerë si Hames Rodrigez e Mateo Kovaçiç, të cilët sipas gjasave pritet të zgjedhin Serie A për të vijuar karrierën e tyre. Kolumbiani pritet të kalojë te Napoli, ndërsa kroati do të rikthehet te ish-ekipi i tij, Interi.

Lista e 17 lojtarëve që pritet të largohen nga Reali këtë merkato

Isko Alarkon, Gareth Bejl, Marselo, Lukas Vaskez, Mariano Diaz, Hames Rodrigez, Mateo Kovaçiç, Kejlor Navas, Dani Sebajos, Marko Jorente, Naço Fernandez, Hesus Vajeho, Teo Hernandez, Borha Majoral, Raul de Tomas, Luka Zidan, Lukas Silva

Përgatitjet për sezonin e ri kanë nisur për “Los Blancos”, ku vëmendja kryesore është padyshim te merkatoja. Një ndër emrat që ka zhgënjyer më shumti dhe ka qenë tërësisht në hije këtë sezon, ka qenë Isko Alarkon.
Mesfushori është aktivizuar shumë pak dhe si pasojë protagonizmi i tij ka qenë inekzistent. Për këtë arsye, 27-vjeçari shihet larg Madridit, sidomos pas raportimeve të fundit nga Anglia, ku ka një derbi mes Mançester Junajtid dhe Mançester Sitit.

Reali nuk ka ndërmend të privohet lehtë nga shërbimet e Iskos dhe kërkon 120 milionë euro, shifër që nuk do të përbënte problem për asnjë nga klubet e sipërpërmendura. Spanjolli tundohet shumë nga një largim, sidomos te Junajtid, ku do të ishte protagonist kryesor në “Old Traford”.
Gjithsesi, edhe në krahun tjetër të Mançesterit e presin krahëhapur, sidomos trajneri Pep Guardiola, i cili e ka shprehur shpesh simpatinë që ka për një lojtar si Isko. Sidoqoftë, merkatoja është e gjatë dhe pritet që të ketë edhe zhvillime të mëtejshme.

Fantazisti spanjoll, Isko, nuk ishte pjesë e skuadrës në transfertën e fituar me rezultatin 4 – 1 ndaj Real Vajadolit. Media spanjolle “MARCA” ka zbuluar se kjo gjë ka ardhur si pasojë e një dënimi nga kryesia  e klubit, pasi Isko nuk pranoi të udhëtonte me autobusin e skuadrës në prag të sfidës me Ajaksin të mërkurën e kaluar.

Në një mbledhje të bërë ditën e enjte, Isko shpjegoi se mori këtë vendim për shkak të raporteve të tensionuara që ekzistojnë midis tij dhe trajnerit Solari. Kapiteni i “Los Blancos”, i cili kryesoi mbledhjen theksoi se klubi vjen gjithmonë i pari.

Sipas “MARCA”, Solari nuk ishte pro dënimit për Iskon, por pezullimi ka ardhur me udhër nga lart. Ndërkohë, mësohet se lojtari ka kërkuar falje për sjelljen e tij dhe pritet që palët të pajtohen në ditët në vijim.

Turku mund të rikthehet në Madrid, aty ku ka luajtur gjatë sezoneve 2010-2013, por mbetet problem paga e tij prej 300 mijë sterlinash në javë. Nga ana tjetër, Isko është pranë largimit nga Reali dhe Arsenali do e priste me krahë hapur spanjollin.

Isko është një nga të preferuarit e Unai Emeri dhe ai do të ishte një përforcim fantastik për repartin ofensiv të “topçinjve”, ndërsa Ozil do ta mirëpriste një rikthim në kryeqytetin spanjoll.

Thashethemet për largimin e Iskos – “Të gjithë e dimë kualitetin e Iskos. Ai është me ne deri në vdekje. Çdokush po i jep rëndësi diçkaje që për mua nuk ka sens. Për mua, Isko është një ndër lojtarët më të mirë të skuadrës sonë. Ndodh që disa herë dikush të luajë më shumë e herë të tjera më pak, gjithçka ndodh në varësi të momenteve. Boshti i kësaj skuadra do të vazhdojë të luajë së bashku për shumë kohë”.

Shkarkimi i Murinjos?  – “Murinjo është një trajneri i madh më vjen keq që u shkarkua.  Nuk më takon mua të them nëse ai duhet të vijë në Madrid, por do t’i jem gjithmonë mirënjohës për ato që ai ka bërë për mua”, tha Marselo në daljen për shtyp për takimin e nesërm ndaj Kashima Antlers, në kuadër të Botërorit të klubeve.

Nuk përjashtohet një largim i tij, ndërsa patrioti Guardiola e pret me padurim në Mançester. Por, Reali i Madridit nuk kërkon të heqë dorë lehtë nga shërbimet e një prej lojtarëve më të rëndësishëm.

Perez kërkon më shumë se 100 milionë euro për kartonin e mesfushorit ofensiv, pra më shumë sesa u shit Kristiano Ronaldo te Juventus. Tashmë pritet përgjigja e Mançester Sitit, që nuk dëshiron ta humbasë mundësinë e blerjes së një lojtari si Isko.

Për situatën e krijuar ka folur dhe Rivaldo, ish-lojtari i Barcelonës. Braziliani, i cili ka fituar “Topin e Artë” në vitin 1999 (duke lënë pas Bekamin e Junajtd dhe Shevçenkon e Milanit) dhe Kupën e Botës me Brazilin në vitin 2002, ka treguar se e çmon shumë spanjollin.

Rivaldo shkon dhe më tej, duke treguar dëshirën e tij për ta parë Iskon të luajë me… Barcelonën. Diçka e tillë do të sjellë irritimin e tifozëve të Realit dhe vështirë që të ndodhë, por braziliani tregon se kjo është vetëm një dëshirë e tij.

“Do të më pëlqente ta shihja Iskon të luante me Barcelonën. Ai është një futbollist i jashtëzakonshëm dhe mendoj se kjo lëvizje do të ishte në të mirën e dy palëve. Mbetet një mundësi shumë e komplikuar, e vështirë për t’u imagjinuar që dy rivalë të mëdhenj të negociojnë për transferimin e ndonjë lojtari. Isko duhet të shohë përpara, të mendojë për ndeshjen e radhës dhe ta harrojë këtë situatë. Reali? Ka ardhur momenti të përforcohet, ekipi ka nevojë për një sulmues, një lojtar të aftë për të shënuar rregullisht”, përfundon Rivaldo.

Rasti i fundit ka të bëje me mesfushorin Isko, i cili është “piketuar” nga tifozët. Gjatë ndeshjes me CSKA-n, e gjithë pjesa e tifozëve të klubit nga Madridi brohoriste kundër një lojtari: Iskos.

Spanjolli, në një moment, humbet  “toruan” dhe iu drejtohet tifozëve: Çfarë dëshironi? Shenjë e qartë kjo që djaloshi mund të largohet nga “Santiago Bernabeu”. Situata po ndiqet me interes nga Juventusi, që kërkon shërbimet e lojtarit dhe transferimi mund të kryhet.

Nëse 26-vjeçari “braktis” Madridin, do ishte një humbje e madhe për kampionët e europës. Drejtuesit e Realit duhet të mendohen mirë, pasi cilësia e lojtarit është e jashtëzakonshme.

Bëhet fjalë për mesfushorin spanjoll, Isko, i cili në ndeshjen ndaj Romës nuk ishte as në stolin e rezervave. Arsyen për lënien jashtë të yllit të skuadrës e kanë zbuluar mediet spanjolle “Cadena COPE” dhe “MARCA”.

Sipas medieve spanjolle, Isko nuk pranoi t’i jepet e dorën trajnerit të tij pas humbjes 3 – 0 ndaj Eibarit, takim ku  u fut si zëvendësues gjatë pjesës së dytë. Kjo zënkë midis Solarit dhe mesfushorit ishte e pritshme, pasi që prej emërimit të tij si trajneri i Real Madrid, Isko nuk ka filluar asnjë ndeshje si titullar.

Spanjolli po përjeton një periudhë të vështirë me Realin dhe shkaku kryesor është Santiago Solari. Trajneri argjentinas nuk e konsideron të rëndësishëm lojtarin për skemat e tij dhe Isko ka luajtur me pikatore.

Disa minuta në kampionat kundër Vajadolidit dhe Eibarit, 17 minuta kundër Plzen në Champions dhe në ndeshjen kundër Romës, 26-vjeçari përfundoi në tribunat e stadiumit “Olimpico”.

Ai nuk e duron më një situatë të tillë dhe ka vendosur të largohet. Juventus është gati ta ofrojë në ekip për t’i plotësuar një dëshirë të hershme Alegrit. Isko është një “fiksim” i trajnerit që nga koha kur drejtonte Milanin, por duhet fituar konkurrenca pasi dhe Mançester Junajtid interesohet për të.

Një tjetër emër që preferohet nga Juventus është Federiko Kieza. Ylli i Fiorentinës do të monitorohet nga afër në ndeshjen e radhës, Fiorentina-Juventus dhe drejtuesit e “Zonjës së Vjetër” do të përfitojnë për të marrë më shumë informacion mbi situatën e tij dhe dëshirën e 21-vjeçarit.

Por, ky lajm nuk duhet të vijë si diçka  e papritur, pasi që prej emërimit të Solarit në krye të kampionëve në fuqi të Champions-it, Isko e ka nisur çdo ndeshje nga stoli i rezervave, diçka kjo që e ka mërzitur jo pak spanjollin.

Mbetet për t’u parë se cili do të jetë shpjegimi i Solarit lënien jashtë të yllit të skuadrës.

? ¡Nuestro once inicial contra el @ASRomaEspanol! #RMUCL | #HalaMadrid pic.twitter.com/1Rsml33n5p

— Real Madrid C.F. (@realmadrid) November 27, 2018

“Është një ndeshje e Ligës së Kampionëve, me të cilën do të përballemi me ambicie dhe entuziasëm. Ndiej se kemi një ndeshje nesër, për të cilën jemi shumë të angazhuar. Do ta përballojmë atë me dashurinë dhe energjinë më të madhe. Nuk mendoj asgjë më shumë se ndeshja e së nesërmes”.

“Viktoria Plzen? Real Madridi është si gjithmonë i karikuar maksimalisht para një ndeshjeje të Ligës së Kampionëve. Duam të bëjmë një ndeshje të shkëlqyeshme. Rivali i nesërm është mjaft fizik, me lojtarë cilësorë, një ekipi i organizuar mirë në aspektin taktik. Jam i sigurt se do të bëjmë një ndeshje të madhe”.

Sigurisht nuk mund të mos i kujtohej humbja e fundit me Levanten në kampionat, si dhe raportin me drejtuesit e klubit. Lopetegui e sheh krejtësisht normal, madje ka diçka për t’iu thënë gazetarëve:

“E përballoj çdo ditë me normalitetin që të lejon një klub i tillë si Reali. Nëse pretendoni të shihni një trajner të zhytur, nuk duhet ta shikoni e ta kërkoni këtu. Në këtë klub kam mësuar të luftoj dhe të mos dorëzohem. Do të luftojmë, sepse jemi në kohë për ta kthyer këtë situatë. E dimë se nuk është më e mira”.

I ngacmuar nëse do të jetë në stol ndaj Barcelonës, Lopetegui u shpreh: Flas për ndeshjen e nesërme. Prandaj edhe kam dalë këtu. Unë do të jem trajneri i Real Madridit nesër. Nëse ju doni të pyesni se çfarë do të ndodhë pas një jave apo një viti…”.

GJENDJA PSIKOLOGJIKE – “Të gjithë janë kampionë, janë lojtarë të fortë dhe të mësuar për t’i kaluar të tilla situata të këqija me forcë dhe cilësi. Ekipi është gjallë, i ngacmuar në sedër dhe i bindur për ta ndryshuar gjendjen”.

ISKO – Në konferencë doli edhe mesfushori spanjoll, i cili tregoi se duhet ta kalojnë këtë moment jo të mirë.  “Duhet të gjejmë qetësinë dhe përgjegjësinë për të ndryshuar situatën.  Jemi të parët ne ata që dëshpërohemi kur nuk fitojmë. Përgjegjësia nuk është vetëm teknike. Gjithçka varet nga ne dhe trajneri për ta ndryshuar situatën. Futbolli është lojë kolektive dhe jemi të vetëdijshëm për atë që duhet të bëjmë”, u shpreh Isko.

Më tej ai theksoi se mediat nuk mund ta largojnë trajnerin: “Nuk mendoj se shtypi ka pushtet të rrëzojë një trajner. Polemikat që do të krijojë nuk na e lëkundin besimin në atë që mund të bëjmë. Ne kemi besim te trajneri. Mund të thuhen një milion gjëra, por unë besoj te ky ekip. Do të ishte marrëzi largimi i trajnerit, sepse nuk mund të na largojnë ne lojtarëve të gjithë. Në këtë situatë nuk ka përgjegjësi vetëm trajneri. Jam i bindur se së bashku mund të kemi një sezon të madh. Unë borxhli ndaj trajneri? Është e vërtetë që Lopetegui më ka dhënë besim në ekipin kombëtar, por e kam kthyer atë tek ai.”.

Mungesa e golit në këto javë ka qenë një problem më vete te Reali, ndaj edhe pyetja nëse ndihet mungesa e Kristiano Ronaldos është e vetvetishme. Isko nga ana tjetër është i drejtpërdrejta, teksa thotë: “Ne nuk mund të qajmë për dikë, i cili nuk ka dashur të jetë këtu”.