Kërkesat e numrit një të pankinës së “Citizens” duket se janë të qarta, me spanjollin që kërkon me çdo kusht në ekip një mesfushor. Ideja më e fundit duket se është Isko Alarkon.
Sipas asaj që raporton “Marca”, Guardiola i ka kërkuar drejtuesve të Sitit që të tentojnë mesfushorin, me këtë të fundit që duket me valixhe në duar prej kohësh.

Negociatat mes dy klubeve pritet të nisin mjaft shpejt, me anglezët që mund ta shohin Iskon si një objektiv më të lehtë se Rodri i Atletikos, për të cilin po hasin rezistencë nga madrilenët, por edhe konkurencë të ashpër nga Bajerni i Mynihut.

Tashmë në “Bernabeu”, duket se ka ardhur koha e spastrimeve dhe lojtarët që janë me valixhe në duar janë të shumtë. Plot 17 emra janë publikuar në mediat spanjolle. Duke nisur që nga Isko e Marselo, e për të përfunduar me emra si Gareth Bejl, Lukas Vaskez apo Mariano Diaz.Lista përmban edhe yje të tjerë si Hames Rodrigez e Mateo Kovaçiç, të cilët sipas gjasave pritet të zgjedhin Serie A për të vijuar karrierën e tyre. Kolumbiani pritet të kalojë te Napoli, ndërsa kroati do të rikthehet te ish-ekipi i tij, Interi.

Lista e 17 lojtarëve që pritet të largohen nga Reali këtë merkato

Isko Alarkon, Gareth Bejl, Marselo, Lukas Vaskez, Mariano Diaz, Hames Rodrigez, Mateo Kovaçiç, Kejlor Navas, Dani Sebajos, Marko Jorente, Naço Fernandez, Hesus Vajeho, Teo Hernandez, Borha Majoral, Raul de Tomas, Luka Zidan, Lukas Silva

Isko mbetet një fiksim i bardhezinjve. Tratativa ngeci kohë më parë, por tani situata ka ndryshuar. Blerja e Eden Hazard do të pakësojë hapësirat e fantazistit iberik, i cili do ishte gati të provonte emocionet e Serie A dhe të bashkohej përsëri me Kristiano Ronaldo.

Një lojtar më cilësitë e tij i mungon Juventusit, por problem mbetet klauzola 700 milionë euroshe e 27-vjeçarit. Sipas mediave afër klubit torinez, Perez ka vendosur të mos bazohet te klauzola. Bardhezinjve ju duhet të paguajnë vetëm 60 milionë euro për kartonin e Iskos.

Sipas asaj që raporton “Le Parisien”, PSG-ja po bën gati bombën e merkatos. Nga kryeqyteti francez bëhet me dije se kampionët e Francës kanë bërë gati 210 milionë euro për të tentuar blerjen e tre lojtarëve të Realit.
Bejl, Kros dhe Isko janë nën shënjestër nga drejtuesit e PSG dhe oferta do të vendoset shumë shpejt në tavolinën e “Los Blancos”. Plot 210 milionë euro, një shifër e çmendur…

Në fraksionin e dytë, madrilenët i treguan shënjat, teksa fillimisht iu anullua një gol për pozicion të parregullt pas ksoultimit me sistemin VAR. Gjithsesi, në minutën e 62-të, ishte Isko, i cili përveçse u rikthye të luante, u rikthye dhe te goli, duke zhbllokuar takimin.

Për të hipotekuar gjithçka, mendoi Gareth Bejl, i cili pasi u asistua nga Marselo, u tregua i saktë përballë portierit, duke çuar shifrat në 2-0. Një fitore që e çon në vetëm dy pikë diferencën me vendin e dytë të Atletikos tashmë.

Fantazisti spanjoll, Isko, nuk ishte pjesë e skuadrës në transfertën e fituar me rezultatin 4 – 1 ndaj Real Vajadolit. Media spanjolle “MARCA” ka zbuluar se kjo gjë ka ardhur si pasojë e një dënimi nga kryesia  e klubit, pasi Isko nuk pranoi të udhëtonte me autobusin e skuadrës në prag të sfidës me Ajaksin të mërkurën e kaluar.

Në një mbledhje të bërë ditën e enjte, Isko shpjegoi se mori këtë vendim për shkak të raporteve të tensionuara që ekzistojnë midis tij dhe trajnerit Solari. Kapiteni i “Los Blancos”, i cili kryesoi mbledhjen theksoi se klubi vjen gjithmonë i pari.

Sipas “MARCA”, Solari nuk ishte pro dënimit për Iskon, por pezullimi ka ardhur me udhër nga lart. Ndërkohë, mësohet se lojtari ka kërkuar falje për sjelljen e tij dhe pritet që palët të pajtohen në ditët në vijim.

Ekipi i Diego Simeones është kundërshtari i radhës në Champions për bardhezinjtë e Alegrit dhe klubi italian nuk i lë asgjë rastësisë. Përfaqësues të klubit ishin sot në stadium për të studiuar ekipin “colchoneros”, por jo vetëm kaq.

Në kampin tjetër luajnë dy nga objektivat kryesorë të Juventusit. Isko dhe Marselo, pa harruar dhe Hames Rodrigezin e Bajernit, kartonin e së cilit e zotëron Reali i Madridit.

Isko është një nga objektivat kryesorë të klubit torinez, që dëshiron të përfitojë nga situata e vështirë e lojtarit.  26-vjeçari nuk luan në formacion që nga 28 tetori i kaluar në disfatën e thellë 5-0 me Barcelonën, ndërsa vijon prej tre ndeshjesh të mos grumbullohet nga Santiago Solari.

Florentino Perez, duket gati të bëjë një çmenduri për të arritur te Dibala, teksa përveç kartonit të Iskos, thuhet të ofrojë në pjatë për drejtuesit e Juventusit edhe 60 milionë euro. Sipas asaj që raportohet nga “Don Ballon”, numri një i klubit madrilen, duket i vendosur për ta marrë “La Yoyan” në Madrid.

Ndërkohë, Isko është prej kohësh në radarët e ekipit torinez dhe kjo duket një mundësi mjaft e mirë për të siguruar shërbimet e 26-vjeçarit. Vlera e mesfushorit ka rënë shumë së fundi, ku kartoni i tij vlerësohet rreth 40 milionë euro. Në rast se një transferim i tillë ndodh, do të ishte padyshim një ndër lëvizjet më të bujshme në merkato.

Havier Saviola ishte lojtari i fundit, për të cilin dy klubet e mëdha spanjolle bashkëpunuan. Sulmuesi argjentinas u transferua në vitin 2007 nga Barça te Reali, ndërsa në verë mund të vijë një kalim në krahun e kundërt.

Sipas raportimeve të “Daily Star”, Barcelona po mendon të sigurojë shërbimet e Iskos në fund të sezonit. Fantazisti po kalon një moment të keq dhe ardhja e Solarit në stol i ka dhënë fund hapësirave të tij. Ai po mendon të largohet në fund të sezonit dhe Barcelona është gati të përfitojë dhe po përgatit planin për të siguruar shërbimet e 26-vjeçarit.

Trajneri argjentinas preferoi dhe të riun Kristo përpara Iskos, me këtë të fundit që ka përfunduar si zgjedhje e fundit. 26-vjeçari ka zgjedhur të heshtë, ndërsa të kundërtën ka bërë një mik i tij. Siç raporton “Marca”, Aitor Kosta, një mik i Iskos, ka “shpërthyer” në rrjetet sociale kundrejt trajnerit të Realit.

“Solari merr vesh nga futbolli, aq sa marr unë vesh nga inxhinieria. Vrasësi i vogël i topit, askush nuk e njeh emrin tënd”, shkruan Kosta në “Instagram”. Fantazisti po përjeton një periudhë të keqe dhe largimi nga “Los Blancos” është alternativa e vetme. Për shërbimet e tij ka një garë të fortë midis Juventusit dhe Mançester Sitit.

“Nëse Juventus do të arrijë të marrë Iskon, do të jetë një goditje e shkëlqyer. Ai ka kualitet, vazhdueshmëri dhe fizik. Gjithashtu s’duhet të harrojmë se është relativisht i ri dhe ka shumë vite përpara vetes”

“Duke luajtur prej disa vitesh në një ekip të nivelit të lartë si Real Madrid ka fituar një pjekuri dhe eksperiencë të shumtë”, tha De Biazi.

Mundësitë e largimit të 26-vjeçarit nga “Los Blancos” janë rritur shumë së fundmi dhe bastet sportive e kuotojnë me koeficientin 2.5 largimin e tij në janar.

Ekipi që ndodhet pranë sigurimit të shërbimeve të spanjollit është Çelsi me një koeficient 2.63, ndërsa pas “Bluve të Londrës” renditet Mançester Siti me koeficientin 17.

Mançester Siti i Guardiolës është një nga klubet më të interesuara për Iskon dhe trajneri spanjoll do e priste më krahë hapur patriotin e tij në ekipin e “qytetarëve”. Por, është vetë lojtari, i cili ka folur për të ardhmen e tij në një prononcim për “Deportes Cuatro”.

“Nuk mendoj të largohem nga Reali në merkaton e janarit, sepse jam i lumtur këtu. Objektivi im është që të vazhdoj të fitoj akoma shumë tituj me ekipin merengues”, thekson Isko.

Gjithsesi, me merkaton e janarit në prag, Reali po punon që të bëjë një ofertë tunduese për blutë e Londrës, për t’i bindur për të lëshuar lojtarin e tyre më të mirë. Sipas mediave spanjolle, drejtuesit e “Los Blancos” kanë menduar të ofrojnë në pjatë, Mateo Kovaçiç dhe Iskon, për të arritur tek Eden Hazard.
Kovaçiç është në huazim në Londër dhe forma e treguar e tij është mjaft e mirë, ku trajneri Sarri e sheh si një nga më të rëndësishmit kroatin në mesin e fushës. Ndërkohë, Isko duket se e ka humbur shkëlqimin e tij në “Santiago Bernabeu” dhe besimi tek ai ka humbur. Gjithsesi, pritet me interes se çfarë do të ndodhë me “telenovelën” Hazard.

Thashethemet për largimin e Iskos – “Të gjithë e dimë kualitetin e Iskos. Ai është me ne deri në vdekje. Çdokush po i jep rëndësi diçkaje që për mua nuk ka sens. Për mua, Isko është një ndër lojtarët më të mirë të skuadrës sonë. Ndodh që disa herë dikush të luajë më shumë e herë të tjera më pak, gjithçka ndodh në varësi të momenteve. Boshti i kësaj skuadra do të vazhdojë të luajë së bashku për shumë kohë”.

Shkarkimi i Murinjos?  – “Murinjo është një trajneri i madh më vjen keq që u shkarkua.  Nuk më takon mua të them nëse ai duhet të vijë në Madrid, por do t’i jem gjithmonë mirënjohës për ato që ai ka bërë për mua”, tha Marselo në daljen për shtyp për takimin e nesërm ndaj Kashima Antlers, në kuadër të Botërorit të klubeve.

Një lojtar si Isko do ta donin shumë skuadra, por së fundmi në garë për shërbimet e tij është futur dhe Juventusi. Sipas asaj që shkruan “calciomercato.com” mesfushori është një prej lojtarëve që Masimiljano Alegri do të “rrëmbejë” në Torino.

Nuk do të jetë edhe aq e lehtë, megjithatë dëshira e lojtarit mund të vendosë shumë. Bardhezinjtë duket se janë të fiksuar për të bërë merkato në Madrid, pasi në verë morën Kristiano Ronaldon, ndërsa më vonë është përfolur se edhe Marcelo mund të shkonte në Itali. Tani në skenë është emri i Iskos dhe nuk duket aspak e pamundur që të kryhet dhe kjo lëvizje, duke parë raportet që ka lojtari me klubin.

U duk si një seancë stërvitore, me ekipin e Realit që shënoi 3 herë në pjesën e parë. Deri në minutën e 33-të ,miqtë rezistuan, por më pas ishte Asensio që shënoi 2 herë në më pak se 120 sekonda. Katër minuta më vonë ishte Havjer Sançez që shënoi golin e tretë. Sançez luan si mbrojtës dhe ka dalë nga akademia dhe për të ishte goli i parë me skuadrën e parë të Realit.

Isko e nisi me gol fraksionin e dytë, për t’i lënë më pas radhën edhe Vinisius Zhunjor për të gjetur rrugën e rrjetës. Melijas ngushtoi diferencën me anë të Kasmit me 11-metërsh, por Isko vulosi shifrat 6-1, duke realizuar dhe golin e dytë personal. Një ndeshje sa për statistikë për Realin, i cili përballë kishte një ekip gjysmë profesionist.

Bëhet fjalë për mesfushorin spanjoll, Isko, i cili në ndeshjen ndaj Romës nuk ishte as në stolin e rezervave. Arsyen për lënien jashtë të yllit të skuadrës e kanë zbuluar mediet spanjolle “Cadena COPE” dhe “MARCA”.

Sipas medieve spanjolle, Isko nuk pranoi t’i jepet e dorën trajnerit të tij pas humbjes 3 – 0 ndaj Eibarit, takim ku  u fut si zëvendësues gjatë pjesës së dytë. Kjo zënkë midis Solarit dhe mesfushorit ishte e pritshme, pasi që prej emërimit të tij si trajneri i Real Madrid, Isko nuk ka filluar asnjë ndeshje si titullar.

Në kampionat ka marrë disa minuta kundër Vajadolid dhe Eibar, ndërkohë në takimin kundër Romës në Champions përfundoi në tribunë. Kjo ka bërë që në Spanjë ta konsiderojnë të mbyllur aventurën e Iskos në Spanjë.

Por interesimi për të është mjaft i lartë. “AS” raporton se dy janë klubet favorite për të përfituar shërbimet e Iskos. Guardiola e do atë të Mançester Siti, ndërkohë që edhe Juventusi nuk heq dorë prej tij.

Isko është një objektiv i vjetër i bardhezinjve dhe lojtari tanimë po sheh për ekip të ri. Mbetet për t;u parë nëse do të largohet që në janar, apo do të presë fundin e sezonit. Për mesfushorin 26-vjeçar sigurisht që duhet paguar, pasi shtatorin e vitit të shkuar ai firmosi një kontratë që vlen deri në 30 qershor të vitit 2022.

Por, ky lajm nuk duhet të vijë si diçka  e papritur, pasi që prej emërimit të Solarit në krye të kampionëve në fuqi të Champions-it, Isko e ka nisur çdo ndeshje nga stoli i rezervave, diçka kjo që e ka mërzitur jo pak spanjollin.

Mbetet për t’u parë se cili do të jetë shpjegimi i Solarit lënien jashtë të yllit të skuadrës.

? ¡Nuestro once inicial contra el @ASRomaEspanol! #RMUCL | #HalaMadrid pic.twitter.com/1Rsml33n5p

— Real Madrid C.F. (@realmadrid) November 27, 2018

Isko është një nga lojtarët më të spikatur tek “galaktikët” dhe mungesa e tij e shqetëson jo pak trajnerin Lopetegui, i cili duhet t’i bëjë llogaritë pas një element shumë cilësor.

Mesfushori ka pasur dhimbje të forta në pjesën e poshtme të barkut dhe ekzaminimet kanë treguar se ka pasur apendicitit akut dhe duhet një ndërhyrje e menjëhershme. Në orët në vijim lojtari do t’i nënshtrohet dhe operacionit. Isko pritet që të jetë gati për ndeshjen me Barcelonën në fundin e muajit tetor.

“Mund të them se ka qenë një ndeshje e përsosur nga ne, pasi kemi luajtur shumë mirë futboll. Patëm kontrollin e lojës. Kundërshtari vitin e shkuar gati sa nuk shkoi në finale, ndaj duhet ta vlerësojmë lojën. Bëmë një ndeshje perfekte. Të krijosh 30 raste është meritë e gjithë ekipit, sidomos ndaj një ekipi si Roma, që është shumë e mirë taktikisht”.

Braziliani flet edhe për raportin me lojtarët e tjerë në mesfushë, si dhe për Marianon. “Kam luajtur me Luka Modriç dhe Toni Kros për një kohë të gjatë dhe me kualitetin që ata kanë është shumë e lehtë të luash futboll. Unë i njoh ata. Mariano? Ishte e qartë se ishte i etur për të bërë debutimin e tij dhe për të treguar se pse ka  ardhur këtu. Ai është pjesë e jona dhe ka shënuar një gol të madh”, shtoi mesfushori.

I pyetur se kush e meriton “Topin e Artë”, Kasemiro tha: “Mendoj se viti i fundit i Luka Modriç ka qenë fondamental. Do ja jepja Kristianos për atë që ka bërë vitin e shkuar”.

ISKO – Mesfushori spanjoll hapi takimin, teksa shënoi nga një goditje dënimi. “Jam i kënaqur me lojën dhe me rezultatin. Mund të kishim shënuar edhe më shumë. Duhet të vazhdojmë të përmirësohemi. Bëmë një lojë të mirë. Mund të jemi edhe më mirë. Jemi në rrugën e duhur. Goditjet e dënimit?Jam mirë në goditjet e dënimit dhe Ramos m’i ka lënë mua. Jam i lumtur për golin dhe për tre pikët.

Ndryshe nga Kasemiro, Isko mendon se “Topin e Artë” e meriton Modriç: “Ne të gjithë e njohim atë. Është një lojtar i madh dhe në çdo ndeshje na jep shumë ne. Shpresojmë që të gjithë të jemi në nivelin e tij. Mendoj se e meriton Topin e Artë, pasi ka qenë një lojtar unik për ne dhe Kroacinë”.

Nëse deri para pak vitesh klauzolat 150 milionë e lart i bënin njerëzit të qeshnin, tashmë 222 milionë eurot e paguara për Nejmar ndryshojnë përgjithmonë futbollin dhe Reali do t’i ofrojë një rinovim deri në vitin 2021 Iskos, me klauzolë për prishje kontrate 700 milionë euro. Në marrëveshje do të ketë edhe opsion për një vit shtesë në kontratë, ndërsa Isko do të fitojë 6 milionë euro neto në sezon.

Strategjia e Realit është e qartë: askush nuk ikën nëse nuk dëshiron Reali. Ekipi i parë ka klauzola të frikshme, mbi 500 milionë çdo lojtar, por tashmë edhe te ekipi B ka lojtarë me klauzola deri në 300 milionë euro për prishje kontrate.