Irlanda

VIDEO: Kualifikuese Europiani dhe avionë, spektakli nga Gjibraltari

Sport Ekspres — Sat, 23 Mar 2019 18:05:45 +0000

Gjibraltari dhe Irlanda po përplasen mes tyre, në ndeshjen e vlefshme për Grupin D të eleminatoreve për Euro 2020. Sfida zhvillohet në stadiumin “Victoria Stadium” dhe ajo që ka marrë vëmendjen më të madhe në këtë ndeshje është videoja e mëposhtme.

pic.twitter.com/sJzrenDLvx

— Benjamin (@eoghan9000) March 23, 2019

Pranë stadiumit ndodhet një aeroport dhe si pasojë gjatë ndeshjes janë parë avionë të shumtë. Një spektakël i vërtetë. Për sa i përket ndeshjes, Irlanda po udhëheq me shifrat 0-1, teksa kanë kaluar 50 minuta nga nisja e takimit.

Robi Kin i jep fund pas dy dekadash, por mbetet i pandashëm nga Irlanda

Sport Ekspres — Wed, 28 Nov 2018 15:51:26 +0000

Ish-sulmuesi i Totenhemit Roi Kin i ka dhënë fund njëherë e përgjithmonë futbollit të luajtur në moshën 38-vjeçare. Por, futbolli do të vazhdojë të mbetet pjesë e përditshme e jetës së tij, kësaj radhe në postin e trajnerit.

Kin ka pranuar ofertën për të qenë ndihmës trajner i Mik Mekarthit në stolin e e kombëtares së Irlandës. Ish-sulmuesi ka ndërtuar një status legjende me “ushtrinë e gjelbërt”, ku në 18 vite ka shënuar 68 gola. (ndjekësi më i afërt Najëll Kuin ka shënuar 21)

Përgjatë 20 viteve karrierë Kin luajti për 11 ekipe të ndryshme, disa prej tyre emra të mëdhenj të futbollit europian Inter, Totenhem dhe Liverpul. Së fundmi irlandezi aktivizohet në kampionatin indian me skuadrën e ATK-së.

Dorëhiqet trajneri i Irlandës, reagon presidenti: Nuk harrohen fitoret me Italinë dhe Gjermaninë

Sport Ekspres — Wed, 21 Nov 2018 12:12:08 +0000

Irlanda e mbylli në vendin e fundit, me vetëm dy pikë grupin 4 të Ligës së Kombeve. Ishullorët nuk arritën asnjë fitore përballë Danimarkës dhe Uellsit, duke rënë në Serinë C të Ligës së Kombeve.

Një gjë e tillë ka shtyrë trajnerin e kombëtares, Martin O’Nill, të japë dorëheqjen. 66-vjeçari drejtoi Irlandën për 5 vite, ndërsa bashkë me të janë larguar dhe menaxheri i ekipit, Roi Kin (zëvendësmenaxheri), Simus Mek’Donag (trajneri i portierëve) dhe Stiv Gupi (zëvendëstrajneri).

Donal Konuei, presidenti i Federatës irlandeze, ka komentuar këtë vendim në faqen zyrtare të Federatës. “Dua të falënderoj Martinin, Roin dhe menaxherin e ekipit për punën e bërë me kombëtaren e Republikës së Irlandës në pesë vitet e fundit. Falë Martin O’Nill kemi përjetuar mbrëmje të paharrueshme. Mbi të gjitha, pjesëmarrja në Euro 2016, ku arritëm të mposhtim Italinë dhe të kalonim në çerekfinale. Nuk harrohet as fitorja kundër Gjermanisë, kampionëve të botës, në grupin e eliminatoreve të Euro 2016. Mbetet e paharrueshme. I uroj atij dhe gjithë stafit të tij suksese në të ardhmen”, përfundon kreu i futbollit irlandez.

O’Nill drejtoi Irlandën për 55 ndeshje, ku bërë të debutojnë 28 futbollistë. Federata është vënë në kërkim të një trajneri tjetër dhe shumë shpejt do të mësojmë dhe emrin e ri të stolit irlandez.

Hije trukimi, kompanitë mbyllin bastet në kampionatin irlandez

Sport Ekspres — Fri, 26 Oct 2018 18:05:18 +0000

Ndeshjet e trukuara vazhdojnë të jenë një problem shqetësues në të gjithë Europën. Së fundmi në një ndeshje në kampionatin irlandez është bllokuar nga shumica e kompanive të basteve ne Irlandë e Mbretërinë e Bashkuar.

Bëhet fjalë për takimin midis Uaterford dhe Limerik, ndeshje kjo që është dhe takimi i javës së fundit në kampionatin irlandez. Skuadra vendase e ka të garantuar vendin e katërt, që i çon në kualifikueset e Europa League, ndërsa Limerik do të luajë në një datë më të vonshme një ndeshje (vajtje-ardhje) “Play-Off”, që do të vendosë qëndrimin ose rënien e tyre.

Sipas asaj që raporton “The Independent” për këtë ndeshje janë luajtur 70,000 Euro në kompanitë e basteve, një shumë kjo është disa herë më e lartë se mesatarja e një ndeshje të zakonshme në kampionatin irlandez. Sipas sajtit “oddschecker” 93% e basteve janë vënë për fitoren e skuadrës së Limerikut. Federata irlandeze ende nuk ka dalë me një komunikatë për këtë çështje.

VIDEO / Irlandezi ia çon nervat në kulm danezëve, “Fair-Play” nuk është në fjalorin e tij

Sport Ekspres — Mon, 15 Oct 2018 15:35:34 +0000

Irlanda nuk mundi të hakmerrej ndaj Danimarkës për skualifikimin që këta të fundit i bënë atyre në ndeshjen e “Play-Off” e “Rusi 2018”, ku danezët i shpërfytyruan në mes të Dublinit me një fitore të thellë me shifrat 5-1.

Ditën e shtunë dy kombëtaret u përballën sërish, kësaj herë në kuadër të turneut “Nations League”, ndeshja përfundoi në barazim pa gola me danezët, që kontrollin e topit, por nuk arritën të krijonin shumë raste, ndikim në këtë gjë mund të ketë pasur dhe mungesa për shkak të dëmtimi e yllit të ekipit Kristian Eriksen.

SECOND HALF: Rep Ireland 0-0 Denmark

We're back underway in Dublin and the two sides are level, but will Jeff Hendrick live to rue this missed chance?

Watch the UEFA Nations League live on Sky Sports: https://t.co/M74feONrkM pic.twitter.com/UlPCrAH5gJ

— Sky Sports Football (@SkyFootball) October 13, 2018

Por, një episod mjaft interesant i këtij takimi ishte ai i minutës së pestë, ku lojtarët e Danimarkës ngadalësuar lojën pas thirrjeve të lojtarëve të Irlandës për të çuar topi jashtë pas dëmtimit të mesfushorit Herri Arter. Nga kjo situatë përfiton Xhef Hendrik, i cili i rrëmben topit Dilenejt dhe vrapon i vetëm drejt portës së Shmajkëll, fatmirësisht Hendrik gaboi në mënyrë të pabesueshme duke e çuar topin jashtë. Por, nervat e danezëve në atë moment kishin kapur kulmin dhe të gjithë lojtarët iu vërsulën lojtarit “anti fair-play”, i cili u justifikua me faktin që nuk e kishte parë kolegun e tij të dëmtuar, por pamjet filmike e vërtetojnë qartë që gjithçka ka qenë një dredhi e turpshme.