Afrimi i fundit vjen nga Tirana dhe është Bedri Greca. 28-vjeçari largohet nga bardheblutë pas dy sezonesh, aty ku shënoi 18 gola, 14 në Kategorinë e Parë dhe katër në Superiore.

“Skifterat” kanë prezantuar sulmuesin e krahut, i cili është blerja e gjashtë e merkatos. Merkato e klubit dardan nuk ka përfunduar ende dhe drejtuesit premtojnë të tjera surpriza për tifozët.

Portali “korneri.net”  raporton se Feronikeli është pranë akordit me lojtarin e përfaqësueses së Kosovës, Anel Rashkaj. 29-vjeçari aktivizohet prej më një viti e gjysmë me suedezët e Eskilstunës. Nëse palët gjejnë akordin, Rashkaj do të jetë përforcimi i dytë në mesfushë për Feronikelin që pak ditë më parë zyrtarizoi firmën me Argjend Malajn.

Më datë 25 qershor Feronikeli do të përballet me Linkoln Red Imps. Në rast të fitores ndaj kampionëve të Gjibraltarit, skuadra nga Drenasi do të ndeshet tri ditë më vonë në finalen e kësaj faze ndaj fituesit të çiftit Tre Pene – Santa Koloma. Të gjitha takimet e kësaj faze do të zhvillohen në stadiumin “Fadil Vokrri”, Prishtinë.

Djemtë e Josës nuk arritën të përmbysnin dizavantazhin e pjesës së parë. Drita gjeti golin shumë shpejt me anë të Fidan Gërbeshit. 33-vjeçari u tregua i saktë nga pika e penalltisë dhe zhbllokoi shifrat.

Miqtë reaguan në pjesën e dytë. Kongolezi Makenda barazoi rezultatin në minutën e 56-të dhe ky ishte goli i fundit për këtë ndeshje. Ky barazim e mban Prishtinën në vendin e dytë me 69 pikë, dy më pak se Feronikeli kryesues.

Gara për titullin kampion do të jetë e ashpër deri në sekondat e fundit, ndërkohë që kanë mbetur edhe tre ndeshje deri në fund. Gjithçka mund të zgjidhet në javën e fundit. Feronikeli pret ekipin nga kryeqyteti me datë 25 maj dhe kjo mund të jetë finalja e madhe e kampionëve të rinj të futbollit dardan.

Drenica-Feronikeli 0-1
(Fazliu 66’)

Drita-Prishtina 1-1
(Gërbeshi 7’ / Malenda 56’)

Dy golat e Januzit dhe Alidemës në pjesën e parë i dhuruan tre pikët Llapit përballë Ferizajt. Kjo fitore e dërgon ekipin nga Podujeva në vendin e dytë, dy pikë poshtë Feronikelit kryesues, që pret nesër Ballkanin.

Drita nuk pati probleme për të mposhtur KEK-un e vendit të fundit. 4-0 fituan vendasit, duke siguruar trepikëshin e gjashtë rresht në kampionat. Kampionët në fuqi ndodhen në një formë shumë të mirë, janë ngjitur në kuotën e 44 pikëve, duke konsoliduar pozitat në vendin e katërt në renditje.

Trepçës ’89 i ka mjaftuar një gol për të fituar përballë Flamurtarit. Rrjeta e Hasan Hysenit në fillimin e pjesës së dytë vulosi përballjen e zhvilluar në Mitrovicë. Ky trepikësh e largon Trepçën nga zona e rrezikut për momentin, ndërsa kuqezinjtë rrezikojnë.

Drenica dhe Gjilani nuk shënuan asnjë gol dhe u mjaftuan me nga një pikë. Të dy ekipet numërojnë nga 34 të tilla dhe ndodhen në mesin e qetë të tabelës. Java e 25-të kompletohet nesër me dy sfidat: Feronikeli-Ballkani (ora 14:00) dhe Prishtina-Liria (ora 18:00).

IPKO SUPERLIGA E KOSOVËS – Java 25

E mërkurë, më 3 prill 2019, ora 14:00

Drenica-Gjilani 0-0

Drita-Kek-u 4-0
Shënues: Nwabueze 42′, 76′, (aut) 71′, Osmani 78′

Llapi-Ferizaj 2-0
Shënues: Januzi 3’, Alidema 42’

Trepça ‘89-Flamurtari 1-0
Shënues: Hyseni 48’

Te skuadra që garon në Ipko Superliga e Kosovës ai pritet të bashkohet me Ansi Nikën, shkodranin të cilin e kishte nën urdhra në Superiore te Laçi. Mezani, në vendin tonë ka rënë në sy për mënyrën se si skuadrat e tij luajnë dhe në Kosovë janë të bindur se është një zgjedhje e mirë për ta.

Mbetet vetëm të vijë zyrtarizmi te Gjilani, skuadër që këtë sezon nuk ka ndonjë objektiv të rëndësishëm. Që tani po mendohet për kampionatin e ardhshëm dhe puna nis me emërimin e trajnerit.

Të dy golat e miqve u shënuan në pjesën e parë nga Rexha, i cili është ngjitur në kuotën e 8 golave në kampionat. Liria nuk pati forcë për ta përballuar Feronikelin dhe vazhdon të renditet në vendin e dhjetë me 19 pikë.

Derbi i kryeqytetit ka dhuruar surpriza. Flamurtari ka mposhtur 2-0 Prishtinën, duke siguruar një trepikësh të rëndësishëm dhe duke rrëzuar ekipin e Josës nga vendi i parë. Ganezi Kuansah la kuqezinjtë me një lojtar më pak në minutën e 22-të dhe u menduar se derbi do të vishej bardhekaltër, por Flamurtari i befasoi të gjithë.

Alban Shillova kaloi Flamurtarin në avantazh në minutën e 31-të (goli i nëntë në kampionat për bomberin), ndërsa Krasniqi dyfishoi shifrat në minutat shtesë të pjesës së parë. Pavarësisht inferioritetit numerik, Flamurtarit arriti të ruante fitoren, duke u ngjitur kështu në vendin e gjashtë me 25 pikë, ndërsa Prishtina zbret e dyta me 40 pikë, dy më pak se kryesuesit e Feronikelit.

Flamurtari-Prishtina 2-0
(Shillova 31’, Krasniqi 45+2’)

Liria-Feronikeli 0-2
(Rexha 7’, 43’)