Pas triumfit në Kupën e Italisë Inzagi kërkoi kohë, për t’u menduar dhe për të parë projektet e klubit.

Dy takime me Lotito e Tare, pastaj edhe një takim final dhe Sky Sport njofton se është gjetur marrëveshja për rinovim.

Trajneri lacial rinovon edhe për një vit, me kontratën që tashmë shkon deri në 2021.

“Sot mora përgjigjen që doja. Djemtë luajtën një ndeshje të madhe dhe duhet ta mbyllnim historinë e takimit që në pjesën e parë. Megjithatë, dua t’i komplimentoj futbollistët për lojën që bënë. Kemi bërë një sezon të mirë deri më tani, jemi drejt Europës dhe në finalen e Kupës.

Kaisedo, Imobile dhe Korrea? Vetëm dy nga ata do të luajnë përballë Atalantës në finale. Kush do të jetë më mirë fizikisht, do të zbresë në fushë. Po shikojmë dhe gjendjen e Milinkoviç-Saviç, i cili po na shqetëson, së bashke me Leivan dhe Badelj”, u shpreh Inzagi.

NDESHJA – “Mbajtëm kontrollin e topit, por më kot. Nëse i hedhim një së të shkuarës, Interi fitoi këtu me një strategji të ngjashme, ndërsa Roma u mund. Bëmë gjithçka mirë, përveç topit të fundit dhe finalizimit. Ishte një paraqitje mediokër. Vetëm sa e gudulisëm mbrojtjen e Bolonës, kur duhet ta kishim shqyer. Ndaj një skuadre që rrin me 10 veta në mbrojtje duhet të tregohemi më të saktë”.

Zemërimi i Kutrones pas zëvendësimit me Kastijehon  ? – “Futa Kastijehon për t’i dhënë lojës një ritëm tjetër, pasi ai është një lojtar i aftë në driblim një kundër një.  Gjëja më e rëndësishme është të jemi të sinqertë me njëri-tjetrin. Në ditë në vazhdim, sigurisht që do kem një bisedë me Patrikun (Kutronen). Kemi luajtur më së shumti me formacionin 4-3-3. Nëse kam më shumë sulmues në zonë, nuk do të thotë se do jemi më efikas. Mendoj se kur luajmë 4-4-2 bëhemi të parashikueshëm për disa kundërshtarë.

Përshëndetja me grusht ndaj Inzagit ?

“Sa më shumë qëlloj më dikë me grusht, aq më shumë e dua atë. Nëse nuk të godas aq fort, atëherë do të thotë se nuk ju vlerësoj shumë. Më pëlqen puna ime, pasi më bën të ndihem gjallë, por ky profesion mund të të plakë shumë shpejt”, përfundoi Gatuzo me batutat e tij të përhershme.

“Simone këtu vendos unë jo ti. Dua të di me ekzaktësi se kush është i dëmtuar dhe kush nuk është, Ti gjithmonë qahesh për çdo gjë. Nuk e kupton se ke një skuadër që vlen sa 10-fishi i të tjerëve”, dëgjohet të thotë Lotito në klipin e publikuar pas humbjes 2-1 ndaj Napolit.

Inzagi i kthehet edhe historisë së ofertës nga Shqipëria, duke pranuar se ishte shumë pranë stolit kuqezi: “Është e vërtetë, u ndjeva i nderuar që isha në qendër të vëmendjes së një federate që në këto vite, falë punës së De Biazit, ka djegur etapat, duke arritur kualifikimin historik për në Euro 2016. Por unë sapo kam mbushur 44 vjeç dhe jam tepër i ri për t’u bërë trajner i një kombëtareje. Kam nevojë të punoj çdo ditë në fushë, me lojtarët dhe bashkëpunëtorët e mi, duke vazhduar të studioj, të përmirësohem dhe të grumbulloj eksperiencë. I uroj Panuçit të arrijë gjithë sukseset që synon dhe që meriton”.

I paevitueshëm diskutimi për Milanin: “Jam dhe d të mbetem përgjithmonë tifoz kuqezi. Nuk e harroj atë që kam marrë nga populli milanist. Milani i ri më entuziazmon: është e bukur të shohësh San Siron plot me pasion dhe entuziazëm, siç ka ndodhur në ndeshjet e Europa League. Drejtuesit e rinj kanë bërë një merkato të shkëlqyer, njerëzit po thithin ajër fitoresh dhe vetëm një që ka luajtur dhe ka fituar me këtë klub e di se ç’do të thotë. Ky kampionat do të jetë më i ekuilibruar se i shkuari”.

Inzagi i gëzohet edhe faktit që po shkëlqen një zbulim i tij, Patrik Kutrone: “Jam i lumtur që kam pasur intuitën e duhur. Kur drejtoja skuadrën e të rinjve, Kutrone luante me ne, edhe pse ishte dy vite më i vogël se të tjerët. Patrik e ka golin në gjak, askush nuk ka shënuar sa ai me ekipet e moshave, 110 gola. Me sa shoh, nuk ka ndërmend të ndalet, nuk i mungon asgjë dhe mund të shkojë shumë larg, deri në kombëtare, thjesht duhet të vazhdojë kështu, të punojë e të tregohet altruist, si dhe të përballojë si duhet famën e menjëhershme”.

Natyrisht, SuperPipo ka komplimente edhe për vëllain e vet Simone, fitues i Superkupës me Lacion: “Në kampionatin e parë të plotë në Serinë A doli i pesti, shkoi në finale të kupës dhe fitoi Superkupën. Aty Simone kreu një kryevepër në lojë dhe taktikë. Nuk e them vetëm se e kam vëlla, por Simone ka treguar se është një ndër trajnerët më të mirë në Serinë A dhe e ka merituar konfirmimin te Lacio, tani uroj që klubi t’ia përforcojë skuadrën, sepse konkurrenca këtë vit do të ketë shumë e madhe”.

Domethënia e fitores – “Na jep shumë besim, isha shumë optimist edhe dje në konferencën për shtyp. Prej 4 korrikut skuadra po punon me seriozitet maksimal, për të ngritur këtë kupë. E dinim që duhej të bënim diçka të jashtëzakonshme, e bëmë, tani e meritojmë të festojmë”.

Grup i shkëlqyer – “Mendoj se është fitorja e një grupi fenomenal. U thashë: duhet të sakrifikohemi, ndoshta e fitojmë ndeshjen me ndonjë lojtar të futur nga stoli. Ishte profeci e mirë, por pa këtë grup asgjë nuk do të ndodhte. Nderim për këta lojtarë, luajtëm një ndeshje të jashtëzakonshme”.

Përkushtimi – “Ua kushtoj tifozëve, ata më kanë dashur dhe respektuar pa kushte, gjithnjë. Jam i lumtur që ngritëm një trofe në Romë”.

Trofe si trajner – “Nuk e kam për herë të parë, sepse kam fituar trofe me të rinjtë e Lacios. Ky është trofeu im i parë me ekipin e parë dhe në një stadium të mbushur, diçka madhështore”.

Parolo e Lukaku janë kthyer – “Janë dy lojtarë të rëndësishëm, na kishin munguar shumë. Gjithsesi, nuk dua të flas për lojtarë të veçantë, sepse grupi bëri gjithçka. Ishte një ndeshje perfekte, e merituam fitoren, e kërkuam deri në fund këtë kupë. Të 28 lojtarët kanë hyrë në histori, nuk ndodh gjithmonë që të fitosh një kupë ndaj Juves, në stadiumin tonë”.

Trajneri i dytë më i ri që ka fituar trofe me Lacion – “Në fillim të karrierës ushqeja ndonjë shpresë për të fituar trofe me këtë skuadër, por besimi m’u shtua duke e parë skuadrën si stërvitet dhe sillet, pre vitit të shkuar”.

Federata Shqiptare e Futbollit nuk ka publikuar asnjëherë ndonjë listë zyrtare emrash me të cilët po bisedohet, sepse presidenti Armando Duka ka biseduar personalisht me trajnerë e agjentë, duke mos qenë asnjëherë konkret për emra të veçantë.

Tani mund të hiqet pa frikë nga lista SuperPipo, nëse në listë ka qenë ndonjëherë. Logjikisht, në Itali trajnerët e kanë si synim kombëtaren vetëm në fund të karrierës, për të braktisur punën e lodhshme në klub dhe për të drejtuar një kombëtare, edhe si çmim karriere.

Për këtë arsye, Inzagi asnjëherë nuk e ka marrë seriozisht idenë e drejtimit të Shqipërisë, duke e ditur se është ende shumë herët dhe gjithashtu Shqipëria mund ta djegë si trajner, pasi është e qartë që nuk ka ndonjë brumë që të shkojë rregullisht në Europianë e Botërorë.

Sot Venecia ka nisur grumbullimin për sezonin e ri dhe nesër skuadra do të nisë punën në Sapada, në Beluneze, ku do të qëndrojë deri më 18 korrik, ditë kur do të niset për në Shtetet e Bashkuara të Amerikës, ku do të përballet me Detroiti.

Inzagi është entuziast: “Jam i kënaqur që po rifillojmë, kemi four me drejtuesit dhe kemi ndërtuar strategjitë. Pas dy ngjitjesh rresht një kategori më sipër, tashmë titulli ynë është mbijetesa në Serinë B, ndaj edhe në kontratë kam një premio në rast qëndrimi. Do të bëjmë disa afrime cilësore dhe shpresoj që Venecia të jetë surpriza e turneut”.

Pronti per questa nuova stagione! #Staff #VFC #ritiro2017 Venezia FC Lega B

A post shared by Pippo Inzaghi (@pippoinzaghi) on Jul 8, 2017 at 6:55am PDT

Ndërkaq, presidenti Xho Takopina ka bërë humor për zërat që çonin Inzagin pranë Shqipërisë: “Kam qeshur kur dëgjova që Shqipëria kërkonte Inzagin. Atje nuk kanë bresaola (lloj sallami i famshëm në Venecia) dhe Pipo e ka shumë të nevojshme, ndaj nuk mund të shkonte. Është entuziast për suksesin që po arrin te Venecia, ndaj nuk jam shqetësuar kurrë nga interesimi i të tjerëve”.

Siamo tornati! ? #VFC pic.twitter.com/D7t6dEeHO0

— Venezia FC (@VeneziaFC_IT) May 8, 2017

Nëse gjithçka shkon mirë, atëherë kushtet e bashkëpunimit do jenë relativisht si karta të hapura. Trajneri do fillojë punë për 4 ndeshjet e mbetura të këtij sezoni, do provojë gjithçka, pse jo dhe mrekullinë në Nation Cup dhe më pas do ketë detyrim kualifikimin e Shqipërisë në Euro 2020, ku ashtu si në Francë 2016 do marrin pjesë 24 përfaqësuese europiane. Në Nation Cup për momentin Shqipëria gjendet në brezin e tretë të Europës, së bashku me një grup prej 11-12 skuadrash të tjera dhe nëse del e para në fund të këtij minikampionati do shkojë direkt në evropian, duke luajtur vetëm miqësore në eliminatore.

Si lojtar, Inzagi është një emblemë e vërtetë. Ka shënuar 70 gola në kupat e Europës dhe më shumë se 280 gola në total. Si trajner, ka drejtuar Milanin dhe Venecian. Dy kanë qenë trajnerët italianë që kanë drejtuar deri tani Shqipërinë: Dosena që u largua pas 2 ndeshjeve zyrtare në 2002 dhe De Biazi që qëndroi më shumë se 5 vite dhe e kualifikoi Shqipërinë për herë të parë në një aktivitet të rëndësishëm futbollistik.

Sakaq, siç thamë, në korrik do të vijë edhe përgjigja e Inzagit për Shqipërinë, ndërsa Duka është duke punuar edhe për pista të tjera, i ftohur nga fakti se Inzagi nuk është entuziast dhe ky afat tjetër është thjesht sa për të mos refuzuar menjëherë. Agjenti i Inzagit, Tulio Tinti, ditët e shkuara, ka pasur një kontakt me vetë Dukën, por thjesht formaliteti, duke marrë në konsideratë dhe falënderuar federatën shqiptare që ka menduar për Pipon.

Megjithatë, në Itali kanë më shumë informacion se ne, pasi prokuratorët e trajnerëve të ndryshëm furnizojnë mediat me lajme që natyrisht u shërbejnë shumë si gazetarëve, ashtu edhe trajnerëve.

Sipas Corriere dello Sport, Inzagi është objektivi numër 1 i Armand Dukës, i cili po mundohet ta bindë dhe prej ditësh po bisedon me agjentin e ish-sulmuesit të famshëm, Tulio Tintin.

Aktualisht Inzagi është me pushime në Formentera dhe po mendohet, ndërsa do të vendosë e shumta deri nesër për të ardhmen e tij.

Nëse vjen te Shqipëria, Inzagi do të marrë gjithë stafin që ka te Venecia, 8 persona, ndaj kostot e këtij operacioni duken monstruoze për Shqipërinë. Përveç kësaj, nuk duhet harruar se Inzagi është në fillimet e karrierës si trajner dhe i druhet një eksperience me kombëtaren tonë, për shumë arsye.

Presidenti Armand Duka nuk dëshiron të bëjë çmenduri për trajnerin e ri, pasi nuk është se një emër i madh dhe i superpaguar zgjidh hallet tona, fundja skuadra ajo e De Biazit mbetet dhe nuk po prodhojmë fenomenë për të ardhmen.

Për këtë arsye, buxheti është modest dhe nuk mjafton për të bindur as emra shumë të mëdhenj të trajningut.

Po Inzagi? Vërtet si trajner nuk ka ndonjë CV të madhe, por emri i tij mjafton për ta futur te trajnerët më të kushtueshëm. Ka drejtuar Milanin, ka ngjitur Venecian në Serinë B me një galop të jashtëzakonshëm dhe tashmë kërkon të tentojë ngjitjen në A.

Vetë trajneri, nën zë, nuk e trajton si problem ekonomik, më shumë sesa një dëshirë për të vazhduar punën në nivel klubi, pasi zakonisht kombëtaret drejtohen kur afron fundi i karrierës dhe fizikisht është e pamundur të përballosh 10-11 muaj intensivë në vit, si ndodh te klubet.

Ende shumë i ri, në hapat e parë si trajner, Inzagi nuk dëshiron të ndjekë gjurmët e Çezare Prandelit, sa për të përmendur një emër, pasi ish-trajneri i Italisë nuk ka mundur të kthehet në nivele të larta si trajner, që pas aventurës me axurrët deri në vitin 2014, duke dështuar më pas te Gallatasaraj dhe Valencia.

Sipas gazetarit të njohur italian Xhanluka Di Marcio, Venecia e liron Inzagin për një aventurë me kombëtaret, por SuperPipo zor se joshet, sidomos me shifrat që i ofrojmë ne.

#Albania, proseguono i contatti tra la federazione e #Inzaghi per il ruolo di CT della Nazionale: gli aggiornamentihttps://t.co/zn7GMl4cAb

— Gianluca Di Marzio (@DiMarzio) June 22, 2017