International U-16 Tournament

Kuqezinjtë e Beqirit nuk ia dalin, na ndëshkon Turqia

Sport Ekspres — Thu, 18 Apr 2019 09:08:02 +0000

Shqipëria U16 nuk ia ka dalë të evitojë humbjen përballë Turqisë. Djemtë e drejtuar nga Elvin Beqiri janë mposhtur 1-0 përballë vendit organizator në turneun “International U-16 Tournament”.

Kuqezinjtë e vegjël e nisën ndeshjen me këtë formacion: Simoni; Abazaj; Pano; Kurbasha; Neziri; Kote; Kreka; Stafa; Halili; Bajraktari; Çereni. Pjesa e parë ishte e kujdesshme, por turqit zhbllokuan sfidën me golin e shënuar nga Burak Ince në minutën e 40-të.

Ekipi ynë përfaqësues reagoi në të dytën dhe iu afrua disa herë barazimit, por pa arritur të shënojë. Kjo ishte humbja e parë pas fitores 1-0 kundër Bjellorusisë. Turneu për ekipin e Beqirit mbyllet nesër, në orën 15:00, aty ku kuqezinjtë do të përballen me bashkëmoshatarët e Lituanisë.

Kuqezinjtë e Beqirit e nisin me fitore, Bajraktari ndëshkon Bjellorusinë

Sport Ekspres — Mon, 15 Apr 2019 13:25:41 +0000

Shqipëria U16 e ka nisur me sukses rrugëtimin në “International U-16 Tournament” që zhvillohet në Turqi. Djemtë e Elvin Beqirit mposhtën 1-0 bashkëmoshatarët bjellorusë.

Trajneri shkodran e nisi ndeshjen me këtë formacion: Ujkaj; Abazaj; Pano; Kurbasha; Neziri; Kote; Kreka; Stafa; Halili; Bajraktari; Çereni.

Goli u shënua nga Danilo Bajraktari në fundin e pjesës së parë. Mesfushori i Internacionalit konkretizoi me sukses një aksion shumë të bukur të ekipit tonë në minutën e 39-të.

Pjesa e dytë ishte njësoj e luftuar, por kombëtarja shqiptare arriti të ruante avantazhin dhe të siguronte fitoren. Në këtë turne do të përballemi dhe me Turqinë e Lituaninë. Ndeshja e radhës është kundër ekipi vendas, ndeshje që zhvillohet të mërkurën në orën 16:00.

Lista e kombëtares U-16, kuqezinjtë e vegjël gati për turneun miqësor

Sport Ekspres — Thu, 11 Apr 2019 11:55:48 +0000

Në datat 14-20 prill 2019, në Turqi do të zhvillohet turneu miqësor, “International U-16 Tournament”, ku merr pjesë edhe kombëtarja jonë U-16.

Kuqezinjtë, të cilët drejtohen nga Elvin Beqirinë këtë turne do të përballen me Turqinë, Bjellorusinë dhe Lituaninë. Kombëtarja U-16 do të fillojë grumbullimin ditën e sotme në kompleksin “Tropikal” Durrës dhe do të ketë këtë kalendar të ndeshjeve:

15 prill 2019: Shqipëri-Bjellorusi/ ora 14:00
17 prill 2019: Turqi-Shqipëri/ ora 16:00
19 prill 2019: Lituani-Shqipëri/ ora 16:00

Ndeshjet do të zhvillohen në qendrën e ekipeve kombëtare të Federatës Turke të Futbollit.