Insinje

De Laurentis: E gjithë merita e Ronaldos, çfarë ka bërë Alegri këtë sezon?

Sport Ekspres — Tue, 14 May 2019 17:53:21 +0000

Presidenti i Napolit, Aurelio De Laurentis, ka dhënë një intervistë për “Corriere Dello Sport”, ku ka folur në lidhje me situatën e me Lorenco Insinjen dhe idenë e futjes së formatit “Play-Off” në Serie A.

SITUATA ME INSINJEN – “Di vetëm që ai është një lojtari i Napolit dhe një napolitan. Insinje e ka treguar gjithmonë se ka një lidhje të fortë me këtë fanellë, por unë nuk mund ta detyroj të qëndrojë. Ka kërkuar të largohet katër ose gjashtë vite më parë, pasi më tha se nuk ndihej i respektuar nga tifozët”.

KRISTIANO RONALDO – “Ronaldo është një lojtari i veçantë, pasi ka zëvendësuar trajnerin te Juventusi. Më thoni çka bërë Alegri këtë sezon. Ai është njeriu që motivon skuadrën. E kam parë njëherë të luajë me Portugalinë dhe po qëndronte në stol atë ndeshje. Bërtiste më shumë se trajneri në mënyrë që të motivonte lojtarët. Nuk mund ta merrja në Napoli. Prindërit më kanë mësuar që të mos shpenzoj më shumë se ç’i kam mundësitë”.

Më tej De Luarentis foli mbi idenë e futjes së një formati play-off në Serie A: “Për mendimin tim është një propozim i gabuar. Duhet një qasje tjetër dhe serioze për këtë çështje”.

Krisje mes Napolit dhe Insinjes, sulmuesin nuk e do as… Liverpuli

Sport Ekspres — Thu, 25 Apr 2019 19:22:13 +0000

Pas largimit të Marek Hamshik, Lorenco Insinje u bë kapiteni i ri i Napolit. Pavarësisht se ka luajtur për shumë sezone si napolitan, sulmuesi shtatshkurtër nuk ka pasur marrëdhënie të mira me tifozerinë e kaltër.

Kjo gjë u vu re edhe në takimin kundër Arsenalit. Kur Insinje i zëvendësua nga Ançeloti, nuk munguan vërshëllimat ndaj tij. Pas këtyre problemeve, Insinje ka filluar të mendojë seriozisht largimin nga Napoli.

Flitet për një kalim të sulmuesit italian te Liverpuli dhe për këtë gjë, ka folur dhe Jurgen Klop, i cili tha: “Interesim për Insinjen? Nuk do të bëjmë asnjë ofertë. Ai ka një kontratë të gjatë te Napoli dhe është shumë lojtar i shtrenjtë”, u shpreh tekniku gjerman.

VIDEO | Napoli i përgjumur ndaj Sasuolos, Insinje shmang humbjen

Sport Ekspres — Sun, 10 Mar 2019 18:59:26 +0000

Napoli mori me vështirësi 1 pikë në transfertën ndaj Sasuolos. Te skuadra e Ançelotit u dukën qartë shenjat e lodhjes, por sulmuesi shtatshkurtër Insinje shmangu humjen duke çuar rezultatin në 1 me 1 në minutat e fundit të takimit.

Për Sasuolon zhbllokoi rezultatin Berardi në minutën e 53-të. Rezultat qëndroi i tillë deri në minutën e 86-të, kur sulmuesi napolitan Insinje mposhti portierin Pegolo me një goditje me të djathtën.

Në këtë takim ishte i grumbulluar dhe mbrojtësi shqiptar Elseid Hysaj, që u mbajt në stol përgjatë 90 minutave, me Ançelotin që preferoi të aktivizonte francezin Malkyit.

Insinje shpëton Napolin, tani mendjen në… Serbi

Sport Ekspres — Sat, 15 Sep 2018 17:54:45 +0000

Napoli ka mundur që të marrë pikë të plota në ndeshjen e javës së katërt ndaj Fiorentinës. Skuadra e Karlo Ançeltoti ka vuajtur jo pak, por në fund i është falur një goli të Lorenco Insinjes, i cili vetëm 12 minuta para fundit të kohës së rregullt realizoi golin e vetëm në këtë sfidë.

Milik shërbeu mirë për 27-vjeccarin, i cili edhe pse kishte shqetësimin e një prej mbrojtësve miq gjeti rrugën e rrjetës. Një sukses që e ccon skuadrën napolitane në kuotën e 9 pikëve, po aq sa dhe Juventusi kryesues, por me bardhezinjtë që kanë një ndeshje më pak.

90 minuta të plota për mbrojtësin Elseid Hysaj. Shkodrani bëri një ndeshje të mirë në krahun e majtë. Tani vëmendja e Napolit është e gjitha në Champions, ku kanë një ndeshje jo të lehtë. Të martën Hysaj me shokë do të zbresin në serbi ku do të sfidojnë Cervena Zvezdën për ndeshjen e parë të grupit në Champions League.