Iniesta

Ëndërrohet një mesfushë magjike, Visel Kobe në sulm për fantazistin e Sitit!

Sport Ekspres — Fri, 03 May 2019 11:38:48 +0000

Visel Kobe ka në përbërje emra si Andres Iniesta, David Vija dhe Lukas Podolski, por klubi japonez dëshiron të përforcojë akoma edhe më shumë ekipin me lojtarë të mëdhenj.

Sipas raportimeve nga Anglia, Visel Kobe, që renditet në vendin e 12-të me 10 pikë, dëshiron të formojë një mesfushë ëndrrash. Objektivi i madh quhet David Silva, i cili është pjesë e Mançester Sitit. 33-vjeçarit i përfundon kontrata me “Qytetarët” në fund të sezonit të ardhshëm.

Iniesta, David Silva dhe David Vija

Japonezët po përgatisin një ofertë tepër tunduese për Silvën, i cili do të formonte një repart fantastik me Iniestën. Lojtari është në dyshime, pasi më parë është shprehur se dëshiron të rikthehet te Las Palmasi, ekipi i tij i zemrës.

VIDEO | Iniesta, Podolski dhe Vija “top”, dhurojnë spektakël në Japoni

Sport Ekspres — Sat, 30 Mar 2019 11:39:02 +0000

Japonia po investon në futboll dhe ky sport ka filluar të ndiqet shumë në vendin e largët aziatik. Stadiumet po mbushen plot, ndërsa disa lojtarë të njohur europiane po zgjedhin vendin e Samurajit për të mbyllur karrierën.

Emra si Andres Iniesta, David Vija, Lukas Podolski dhe Fernando Torres kanë bërë këtë zgjedhje. Tre të parët luanë në një ekip, pasi janë pjesë e Visel Kobes. Ekipi i tyre ka arritur një fitore të madhe gjatë ditës së sotme. Visel mposhti në transfertë Gamba Osakën me rezultatin 3-4. Kjo fitore e ngjit ekipin e Iniestës me shokë në vendin e katërt me 10 pikë, pas pesë javëve të para.

???1???????????????@Podolski10 scores the first of the day!#J??? ??? #DAZN?
?????https://t.co/rDz2veuND0 #vissel #visselkobe #G??vs?? pic.twitter.com/cxrceEWzvt

— ??????? (@vissel_kobe) March 30, 2019

Vendasit shënuan dy herë, ndërsa Podolski shkurtoi rezultatin në minutën e fundit të pjesës së parë. Gol shumë i bukur i gjermanit, i cili dhuroi asistin e barazimit për David Vijën në minutën e 54-t.

?????????
From the @Podolski10 assist to the @Guaje7Villa goal! ?#J??? ??? #DAZN?
?????https://t.co/rDz2veuND0 #vissel #visselkobe #G??vs?? pic.twitter.com/IvIjjAqGV7

— ??????? (@vissel_kobe) March 30, 2019

Gamba u rikthye në avantazh, ndërsa miqtë rikthyen rezultatin në dhjetë minutat e fundit. Junia Tanaka, i ardhur nga stoli, shënoi dy herë dhe dërgoi në festë tifozët e ekipit të tij, duke fituar një ndeshje tepër emocionuese.

??????????@JUNYA18TANAKA ties it up again! ?#J??? ??? #DAZN?
?????https://t.co/rDz2veuND0 #vissel #visselkobe #G??vs?? pic.twitter.com/rYkFxUED2i

— ??????? (@vissel_kobe) March 30, 2019

?????????????????@JUNYA18TANAKA scores the winning goal! ?#J??? ??? #DAZN?
?????https://t.co/rDz2veuND0 #vissel #visselkobe #G??vs?? pic.twitter.com/pBI9TamhWE

— ??????? (@vissel_kobe) March 30, 2019

VIDEO | David Vija abonohet me golin, përsëri vendimtar në Japoni

Sport Ekspres — Sun, 10 Mar 2019 10:07:41 +0000

David Vija zgjodhi Japoninë për të vijuar karrierën e tij, konkretisht ekipin e Visel Kobes, ku aktivizohet dhe Andres Iniesta e Lukas Podolski. Aventura e spanjollit nuk nisi mirë, pasi në javën e parë ekipi i tij pësoi një disfatë 1-0, ndërsa tashmë, duket se ajo humbje është lënë pas.

Pasi fituan një javë më parë në shtëpi ndaj Segan Tosus së Fernando Torresit, me golin e David Vijës, tashmë, Kobe merr një tjetër fitore, këtë herë në transfertë ndaj Vegalta Sendait, me shifrat 1-3. Një ndeshje, e cila u përmbys nga miqtë, ku golin e dytë e shënoi David Vija.

?????????????????????
Just seconds into the second half, @Guaje7Villa puts #Vissel in the lead!#visselkobe #??vs??@DAZN_JPN @J_League pic.twitter.com/FgNiZlVi8M

— ??????? (@vissel_kobe) March 10, 2019

“El Guaje” shënoi pa u mbushur ende një minutë lojë nga pjesa e dytë, duke udhëhequr ekipin e tij te fitorja e dytë. 37-vjeçari finalizoi bukur një aksion të nisur nga e majta. Ky ishte goli i dytë për Vijën pas tre javësh kampionat.

E ardhmja e Iniestës: Unë trajner? Po, por nuk mendoj për Barçën

Sport Ekspres — Sat, 22 Dec 2018 14:40:08 +0000

Andres Iniesta po shijon aventurën japoneze me ekipin e Visel Kobe. Mesfushori i famshëm spanjoll ka folur për “El Mundo Deportivo”, duke zbuluar mundësinë për t’u bërë trajner në të ardhmen.

34-vjeçari plot klas nuk e ka ndarë akoma mendjen se me çfarë do të merret pasi të tërhiqet nga futbolli, por ideja e trajnerit e intrigon, aq më shumë ajo e drejtimit të… Barcelonës.

“Nuk e di se çfarë do të ndodhë në të ardhmen. Nuk mund të them që nuk do të më pëlqente të bëhesha trajneri i Barcelonës, por nuk mund të them që e mendoj një gjë të tillë. Po, është e vërtetë që me kalimin e kohës, mundësia për t’u bërë trajner rritet. E shoh veten si trajner, por të shohim rrugën që do të ndjek, pasi të largohem përfundimisht nga futbolli”, përfundon Andres Iniesta.

Bashkim legjendash, edhe David Vija firmos në Japoni

Sport Ekspres — Sat, 01 Dec 2018 09:01:46 +0000

Kampionati japonez J League po kthehet pak nga pak në një arenë yjesh në fundin e karrierës, sepse vitet e fundit aty kanë firmosur Podolski, Torres, Iniesta e të tjerë emra të famshëm.

Tashmë e ka radhën një tjetër legjendë e futbollit spanjoll të firmosë në Japoni, David Vija, i cili ka arritur marrëveshjen me Visel Koben.

36-vjeçari Vija mbylli këtë muaj aventurën në Amerikë, te Nju Jork FC, ndërsa sot zyrtarizoi transferimin në Japoni, me një postim në rrjetet sociale dhe një video në YouTube.

Visel Kobe ka në radhët e veta edhe Andres Iniestën, i cili ka mahnitur në pak muaj në Japoni dhe tashmë bashkohet me një tjetër yll të Barcelonës, me të cilin ka fituar gjithçka në periudhën kur kanë luajtur së bashku në Spanjë, në vitet 2010-2013.

“Në vitet e mia si futbollist profesionist më është dashur të marr vendime të rëndësishme. Për një sportist, vendimet e marra jashtë fushe janë më të vështirat dhe unë jam para një vendimi të tillë në këtë moment. Gjatë karrierës sime kam dëgjuar gjithnjë trupin tim, njerëzit rreth meje dhe mbi të gjitha instinktin tim. Në ato momente dyshimi, shpresoj që një shenjë, një detaj apo diçka të më qartësojë. Një sfidë e re më pret, Azia”, shkruan Vija në Twitter.

De Jong “tërbon” milanistët: Më pëlqen Interi, kuqezinjtë një kaos!

Sport Ekspres — Thu, 15 Nov 2018 10:40:57 +0000

Frenki De Jong është një nga talentët më të mëdhenj të futbollit holandez. 21-vjeçari i Ajaksit është një nga emrat më të kërkuar në merkato dhe klubet e mëdha do të kenë një rivalitet të fortë mes tyre për të marrë shërbimet e mesfushorit.

Ky i fundit ka folur për “Voetbal International”, ku ndalet te dyshja e mrekullueshme: Ksavi-Iniesta dhe Leo Mesi. Të parët tenton t’i “kopjojë” në youtube, ndërsa argjentinasi e befason dhe e lë me gojë hapur me veprimet që bën.

De Jong nuk nguron të bëjë dhe një krahasim mes dy ekipeve milaneze. Respekt për Interin, aspak për Milanin. Zikaltrit i duken një ekip i mirë, ndërsa kuqezinjtë nuk janë një opsion për të ardhmen e lojtarit të talentuar të Ajaksit.

“Shikoj video në youtube për të mësuar diçka nga Ksavi dhe Iniesta. Zbavitem kur shoh Mesin të luajë. Ajo çfarë bën ai është e çmendur dhe, ndonjëherë, më duke e pamundur. Inter? Më duken një skuadër e mirë, por nuk do të doja të shkoja te Milani, sepse nuk po luajnë mirë dhe klubi po kalon një periudhë kaosi”, përfundon Frenki De Jong.

Iniesta: Nuk do habitesha të shihja Nejmarin te Reali, mund të bëhem trajner i Barçës

Sport Ekspres — Tue, 13 Nov 2018 18:35:46 +0000

Nejmar është një prej atyre lojtarëve që ka shumë për të dhënë për futbollin. Edhe pse kohët e fundit nuk është diskutuar për ndonjë largim të brazilianit nga PSG, duket e vështirë që ta shohim dhe për shumë vite në Francë. Normalisht që sulmuesi vështirë se do ta pranojë nivelin jo dhe aq të lartë dhe mungesën e kundërshtarëve të denjët, ndaj nuk është çudi që ta shihnim në një prej ligave si Anglia, Italia apo dhe Spanja.

Rikthimi në Spanjë duket i vështirë, por jo i pamundur. Është ish-shoku i skuadrës Andres Iniesta, i cili ka folur për Nejmarin, duke theksuar se nuk do e habiste aspak nëse sulmuesi do të kalonte te Real Madrid, por po aq të vështirë e sheh rikthimin e brazilianit te Barça. Mesfushori spanjoll komentoi dhe largimin e Lopeteguit nga Reali, por dhe një rikthim të mundshëm te Barça.

NEJMAR – “Nuk do më bënte çudi nëse Nejmar do të shkonte te Real Madrid. Mendoj se është paksa e vështirë që ai të rikthehet te Barcelona. Katalanasit kanë një skuadër mjaft të mirë dhe ata çdo edicion janë pretendentë për të fituar çdo trofe të mundshëm. Nuk mund të them se Nejmar e ka derën e mbyllur te Barça, por mendoj se është paksa e vështirë që ta shohim diçka të tillë”.

LARGIMI I LOPETEGUIT – “Lopetegui e dinte se ku po shkonte kur firmoi me Realin. Klubi donte rezultate më të larta, kur në vitet e fundit ishin bërë shumë gjëra të mira. Nuk ishte e lehtë për të trajnuar aty, por kur nuk vijnë rezultatet në fund presidenti detyrohet që të marrë masa”.

BARCELONA – “Për shkak të ndryshimeve të orarit unë mund të ndjek vetëm ndeshjet që luhen në orën 16:15, por mundohem që të shoh se si shkojnë gjërat te Barça, përmes shokëve të mi. Kur ndodhi lëndimi i Mesit fola me Piken, Buskets dhe Rakitiç. Një rikthim në të ardhmen? Ndoshta në një pozicion drejtuesi. Ndoshta në të ardhmen mund të jem dhe trajneri i ekipit të parë”.

Ndodh tek ekipi i Iniestës, “spiuni” merr një muaj pezullim

Sport Ekspres — Sat, 13 Oct 2018 16:32:40 +0000

Në Japoni, klubet e futbollit janë shumë strikte përsa i përket thyerjes së rregullave nga pjesëtarët e skuadrës. Futbollisti më i fundit, i cili e ka pësuar është Shunki Takahashi, një mbrojtës në skuadrën e Visel Kobes, ekip ku aktivizohet ish-mesfushori i Barcelonës, Andres Iniesta.

Takahashi është dënuar, pasi i dërgoi një mesazh një miku të tij, ku e lajmëroi se Iniesta nuk do të luante në ndeshjen e radhës në kampionatin japonez. Gjithçka mund të kishte kaluar pa shumë zhurmë, por miku i futbollistit japonez vendosi që të shpërndante menjëherë lajmin në rrjetin social “Twitter”.

Lajmi bëri bujë dhe drejtuesit e klubit arritën të zbulonin se kush e kishte nxjerrë informacioni. Lojtari është pezulluar për një periudhë kohore 1-mujore, ndërsa klubi u garantoi fansave se të tilla incidente nuk do të përsëriten më.

Fernando Torres nis të zbavitet, Iniesta mposhtet nga “Mesi japonez”

Sport Ekspres — Sun, 26 Aug 2018 15:46:41 +0000

Fernando Torres po bën atë që di të bëjë më mirë: të shënojë gola me peshë për skuadrën e tij, pak rëndësi ka nëse bëhet fjalë për kampionatin japonez dhe një kulturë krejt të re për të.

Sulmuesi i Sagan Tosu në J-League shënoi para pak ditësh në kupë golin e parë japonez dhe sot bëri të njëjtën gjë, duke gjetur golin në fitoren e çmuar 3-0 ndaj Gamba Osakas. Fitore e madhe, ndaj një rivali direkt, që e ngjit Sagan Tosun në zonën play-out, shumë pranë zonës së qëndrimit në elitën e futbollit japonez.

¡Segundo partido marcando! En vídeo, el GOLAZO de Fernando @Torres para poner el 3-0 ante el Gamba Osaka. El Niño cerró la goleada para el @saganofficial17 y celebró su primer tanto en Liga ante su afición ?? pic.twitter.com/a91TANfhEK

— FERNANDO TORRES FANS (@F_Fans_Torres) August 26, 2018

Ndërkaq, Visel Kobe e Iniestas dhe Podolskit u mund 2-0 në shtëpi nga Jokohama. Kjo e fundit lufton për mbijetesë dhe mori tre pikë të arta, ku meritë të madhe ka debutuesi Takefusa Kubo. Vetëm 17 vjeç, sulmuesi ishte te Barcelona deri në vitin 2017 dhe konsiderohej “Mesi japonez”, por u detyrua të kthehej në atdhe sepse ishte minoren dhe Barcelona u dënua nga FIFA për transferime të paligjshme.

Sot Kubo luajti ndeshjen e parë te Jokohama, pas një viti te FC Tokio dhe prezantimi ishte prej fenomeni.

17-year-old Takefusa Kubo, once called the 'Japanese Messi' at Barcelona's academy, scored his first J-League goal against Andres Iniesta's Vissel Kobe ? pic.twitter.com/BvHdFRipmH

— B/R Football (@brfootball) August 26, 2018

VIDEO: Sërish magji, Iniesta lë gojëhapur japonezët

Sport Ekspres — Wed, 15 Aug 2018 10:55:23 +0000

Andres Iniesta është 34 vjeç dhe kur iku nga Barcelona tha se e bënte për faktin se nuk ndihej më në lartësinë e duhur fizikisht, për të luajtur në një klub aq të madh e më kërkesa të jashtëzakonshme.

Mesfushori legjendar shkoi në Japoni, te Visel Kobe, ku luan edhe Lukas Podolski, një tjetër emër i madh i futbollit botëror, edhe ky kampion bote.

Pak ndeshje dhe tashmë dy kampionët po tregojnë çfarë dinë të bëjnë. Javën e shkuar Podolski dha pasimin final dhe Iniesta shënoi një gol të mrekullueshëm, ndërsa sot ndodhi e njëjta gjë.

Iniesta acaba de marcar otro golazo en Japón ? pic.twitter.com/zdfF8lBkGw

— Ganadores (@LosGanadores) August 15, 2018

Iniesta barazoi në minutën e 17-të ndaj Hiroshimës kryesuese dhe Iniesta shënoi një supergol, me një predhë nga distanca, pas pasimit të Podolskit. Me këto paraqitje, është një mëkat që Don Andres u largua nga Europa.

VIDEO/ Iniesta e bën “sefte”, klasi nuk i mungon as në Japoni

Sport Ekspres — Sat, 11 Aug 2018 11:29:34 +0000

Andres Iniesta ka nisur një aventurë të re në Japoni. Pa s një jete te Barcelona, spanjolli nisi një aventurë të re tek ekipi i Visel Kobe. Sot ka ardhur dhe goli i parë në Japoni ndaj skuadrës së Iuata-s, me mesfushorin që tregoi dhe një herë se klasi nuk i mungon edhe pse vitet për të kalojnë.

Në minutën e 15-të, Iniesta mori një pasim nga Luka Podolski dhe shënoi golin e parë të ndeshjes, duke i hapur udhë ditores së skuadrës së tij, e cila shënoi dhe golin e dytë në pjesën e dytë.

Kjo ishte ndeshja e tretë e 34-vjeçarit në tokën Japoneze, por ndeshja e dytë si titullar. Iniesta duket se ka ende për të treguar nga klasi i tij.

#vissel #iniesta pic.twitter.com/iwXR4lvTJg

— ?? J.League France ?? (@JLeagueFr) August 11, 2018

Torres ende “thatë”, Iniesta feston suksesin e parë japonez

Sport Ekspres — Sat, 28 Jul 2018 14:48:19 +0000

Sagan Tosu dhe Jubilo Iuata barazuan pa gola mesditën e sotme, në një ndeshje që u ndoq me interes të madh mbi të gjitha për faktin se tek vendasit debutoi nga minuta e parë Fernando Torres.

Sulmuesi i famshëm debutoi javën e shkuar duke luajtur pak minuta në humbjen 1-0 të Sagan Tosut kundër Vegalta Sendait, ndërsa sot ishte titullar si sulmues i majtë.

Përballë 14,333 tifozëve Best Amenity Stadium, Torres luajti një ndeshje të mirë dhe krijoi jo pak rreziqe, por goli nuk erdhi dhe Sagan Tosu mbetet në vendin e parafundit, një pikë poshtë Gamba Osakas, që shkon në play-out nëse renditja mbetet kjo, por kampionati japonez sapo ka nisur fazën e dytë.

#???? ????????????
???????????????@Torres ( @saganofficial17 )????????????

?????????????????????????#?????#????

???????????????https://t.co/fW6X0g8Ya8 pic.twitter.com/tGTgQFM0eL

— ???? (@J_League) July 23, 2018

Ndërkaq, spanjolli tjetër legjendar, Andres Iniesta, siguroi fitoren e parë japoneze në debutimin e tij në formacionin titullar për Visel Koben, që mposhti 1-0 Kashiua Rejsolin në shtëpi.

Kobe shënoi në minutën e 66-të dhe Iniesta doli mes ovacioneve në minutën e 82-të. Në renditje Kobe është në vendin e katërt, 5 pikë larg vendit të tretë, që kualifikohet për në Champions League të Azisë.

????????????????????????????
????????????????
Los jugadores quisieron tomar las fotos con los aficionados después del partido! muchas gracias por vuestro apoyo!#vissel #??vs? #???? #WeAreKobe pic.twitter.com/an3bxS4MUu

— ??????? (@vissel_kobe) July 28, 2018

Edhe Iniesta “braktis” Barcelonën, mendon largimin

Sport Ekspres — Mon, 21 Aug 2017 06:50:37 +0000

Vera e vështirë për Barcelonën do të vijojë edhe pas gushtit. Largimi i Nejmarit, disfatat me Realin, përplasjet mes lojtarëve dhe drejtuesve të klubit, pikëpyetjet mbi të ardhmen e Lionel Mesit nuk “mjaftojnë”. Tashmë dhe një tjetër simbol i këtij ekipi, Andres Iniesta nuk e sheh dhe aq të sigurt të ardhmen në “Camp Nou”.

Vetë mesfushori i gjigantëve spanjollë ka lënë të kuptohet se me kalimin e viteve dëshira e tij për të vijuar me Barcelonën ka ardhur duke u venitur. Një deklaratë e tillë e tij lë shumë vend për diskutim, aq më shumë që ai dhe klubi nuk janë ulur ende në bisedime mes tyre për rinovimin e kontratës.

Në një intervistë të dhënë për gazetën më të madhe spanjolle “El Pais”, Iniesta nuk e ka përjashtuar mundësinë që ai të largohet nga “Camp Nou”. “Fakt është se unë nuk kam rinovuar me Barcelonën. Jam disi i turbullt në mendjen time, teksa më kanë ardhur mendime që jo më larg se 3 vjet më parë as që i kisha përfytyruar. Ky është një skenar që nuk e kam çuar ndonjëherë në mendje. Tani kam nisur të mendoj ndryshe për veten dhe për të ardhmen time”- ka thënë Andres Iniesta. Edhe në takimin e luajtur dje në mbrëmje në “Camp Nou” përballë Betisit, Iniesta nuk ka qenë fare i grumbulluar nga trajneri Ernesto Valverde.