ingolstadt

Mavraj drejt ndarjes nga Ingolshtadi, ja destinacioni i ri

Sport Ekspres — Fri, 14 Jun 2019 14:22:15 +0000

Mërgim Mavraj u afrua tek Ingolshtad gjatë merkatos së janarit si një ndër përforcimet e shumta që klubi bavarez kreu për të siguruar qëndrimin në Bundesligën e dytë. Fatkeqësisht objektivi nuk u arrit pasi Ingolshtad u eliminua në ndeshjen “Play-Out”.

Kontrata e Mavrajt me Ingolshtadin zgjat deri në fund në qershor të 2020-ës, por rënia ne divizionin e tretë e bën thuajse të pamundur që bashkëpunimi midis palëve të vazhdojë.

Futbollisti është i interesuar të vazhdojë të luajë në Bundelisga.2, ndërsa klubi ka si qëllim të reduktojë shpenzimet për t’u bërë gati për sezonin e ri. Sipas medies gjermane “liga-zwei.de”, interes për Mavraj ka shfaqur Grojter Fyrt.

Kapiteni i kombëtares sonë e njeh mirë këtë klub, pasi ka qenë pjesë e Grojter Fyrt për tri sezone. Fyrt ka pësuar largime të shumta në repartit e mbrojtes dhe Mavraj shihet si një lojtar që mund ta ndihmojë skuadrën në arritjen e mbijetesës në Bundesliga.2

VIDEO | Mavraj dhe Ingolshtadi në festë, fitore e artë për mbijetesën

Sport Ekspres — Fri, 24 May 2019 18:42:34 +0000

Ingolshtadi është shumë pranë arritjes së objektivit mbijetesë falë fitores së sotme në takimin e parë të fazës “play-out”. Skuadra ku luan mbrojtësi shqiptar mundi 2 – 1 në transfertë Vehen Viesbaden, skuadër kjo që u rendit në vendin e tretë në Bundesligën e tretë.

Kapiteni i kombëtares shqiptare u aktivizua 90 minuta në këtë takim. Të martën, Ingolshtad luan ndeshjen e kthimit në stadiumin e tyre, ku edhe një humbje 1 – 0 do të mjaftonte për të siguruar qëndrimin në Bundesliga 2.

Disa muaj më parë Ingolshtad ndodhej në vendin e fundit të tabelës së Bundesligës së dytë, diçka paradoksale po të marrim parasysh faktin se klubi bavarez është një ndër më të pasurit në këtë divizion.

Gol fitoreje për Xhejmsin, vetëm barazim për Manajn e Mavrajn

Sport Ekspres — Sun, 14 Apr 2019 14:24:09 +0000

Gabala siguroi një fitore në transfertë kundër vendit të fundit. Ekipi i Sabien Lilajt (nuk ishte në formacion) dhe Xhejms Adeni mposhtën Keshlen me rezultatin 1-2. Ishte nigeriani, ai që zhbllokoi ndeshjen dhe hapi serinë e golave në minutën e parë të pjesës së dytë.

Goli i nëntë në kampionatin azerbajxhanas për 26-vjeçarin, i cili ndodhet në vendin e tretë në renditjen e golashënuesve më të mirë. Kjo fitore e ngjit Gabalën në vendin e katërt me 33 pikë, dy më pak se Sabaili i vendit të tretë.

Albasete e Rei Manajt nuk shkoi më shumë se një barazim në shtëpi kundër Elkes. Vendasit po udhëhiqnin deri shtatë minuta nga fundit, por Kastro barazoi rezultatin dhe ndeshja përfundoi 1-1. Sulmuesi lushnjar u hodh në fushë nga trajneri Ramis në minutën e 85’.

Mërgim Mavraj vazhdon të jetë i dëmtuar, ndërsa Ingolshtadi u ndal në barazim në shtëpi. 1-1 përfundoi përballja kundër Holstein Kiel, që garon për një vend në elitë. Vendasit renditen në vendin e parafundit me 23 pikë, shtatë pikë larg zonës së qetë dhe katër larg zonës “play-out”.

Mavraj titullar, por Ingolshtadi i tij zhytet akoma më shumë

Sport Ekspres — Fri, 08 Mar 2019 20:50:07 +0000

Mërgim Mavraj dhe Ingolshtadi i tij, duket se nuk po kalojnë një moment të mirë në kampionat, teksa pasditen e sotme kanë marrë një humbje ndaj Unionit të Berlinit në transfertë me shifrat 2-0. Humbje, që është mund të ndodhë pasi Unioni renditet në treshen e parë në klasifikim, por ajo që shqetëson është forma e ekipit.

Për Ingolshtadin kjo e sotmja ishte humbja e tretë radhazi dhe nga java në javë, mbijetesa po bëhet akoma dhe më e vështirë, pasi ekipi i Mavrajt renditet në vendin e parafundit me 19 pikë.

Mbrojtësi ynë i kombëtares luajti për 90 minuta në ndeshjen e sotme, ku vlen për t’u përmendur që ekipi mik e mbylli me 9 lojtarë takimin pas daljes me karton të kuq të mesfushorëve Kohen dhe Krause.