“Dua të theksoj se është thelbësore që të bëhet progres në këtë aspekt. Këto hapa duhet t’i bëjmë bashkërisht”, thuhet në letrën që kreu i FIFA-s i ka dërguar presidentit të federatës iraniane të futbollit, Mehdi Taj.

Deri më tani autoritet iraniane kanë lejuar praninë e femrave në stadium vetëm për ndeshje të veçanta. Irani ka kohë deri në shtator për t’i dhënë fund kësaj politike diskriminuese, në të kundërt FIFA do të zbatojë rregulloren që për të tilla raste parashikon dënime në gjoba dhe më pas në përjashtim nga garat e zhvilluar nga FIFA, siç është Botërori.

Gazeta e njohur angleze “The Times”, raporton se më datë 5 qershor, Infantino do të njoftojë se formula e turneut më prestigjioz të futbollit ndërkombëtar do të qëndrojë e pandryshuar për Botërorin e radhës, ndërsa formati me 48 ekipe do të futet në përdorim për Botërorin “Kanada-SHBA-Meksikë 2026”.

Shkak për këtë vendim janë bërë vështirësitë e mëdha logjistike. Numri i stadiumeve në Katar nuk është i mjaftueshëm për një turne me 48 skuadra. Në plane e FIFA-s ishte zhvillimi ndeshjeve në disa shtete të tjera të Lindjes së Mesme, por mesa duket dhe kjo ide është hedhur në kosh.

Projekti pilot i Botërorit të ri të klubeve do të luhet në qershor të 2021. Numri i ekipeve pjesëmarrëse do të jetë 24 skuadrat do të ndahen më 8 grupe me nga tre skuadra, ku vetëm fituesit do të sigurojnë një vend për në fazën çerekfinale.

Megjithatë, ky plan i Infantinos ka sjellë kundërshtinë e shumë skuadrave Europiane. Në votimin e bërë sot pati 7 votë kundër, kryesisht nga anëtarë të UEFA-s. Mbetet për t’u parë se si do të zgjidhet ky konflikt i institucionit me drejtuesit e klubeve “BIG”.

Mirëpo, kjo ka sjellë kundërshtinë e klubeve europiane, krerët e të cilave kanë firmosur një dokument, ku kanë bërë të ditur se në rast se Infantino do të vënë në jetë këtë projekt, ata nuk do të kenë rrugë tjetër përveç se bojkotit.

Me planin e ri, Botërori i klubeve do të organizohet në muajin qershor dhe numri i ekipeve do të rritet në 24, turneu pritet të fillojë në vitin 2021.

Me anë të një letre të dërguar drejt UEFA-s dhe FIFA-s nga kreu i Shoqatës e Europiane të Klubeve (ECA), Andrea Anjeli, i cili është dhe presidenti i klubit të Juventusit, është shprehur qartazi qëndrimi kundër i pjesës më të madhe të klubeve elitare në Europë.

Ky kompeticion, një Ligë evropiane me klubet më të mëdhenj e më të pasur, synon të krijojë një kampionat vetëm për klubet gjigante, duke maksimizuar fitimet dhe duke kënaqur ata tifozë që janë të lodhur nga përballje të tipit Real Madrid-Leganes apo Juventus-Chievo.

Megjithatë, këto plane bien ndesh me FIFA-n dhe UEFA-n, që kanë kompeticionet e tyre dhe janë qeveritë e futbollit në botë e Europë, ndaj presidenti i FIFA-s Xhani Infantino ka lëshuar një paralajmërim të fortë, që me siguri do të ndalë çdo plan lige të re.

“Gjithë ata lojtarë që do luajnë në kompeticione që nuk njihen nga FIFA, do të përjashtohen nga Kupa e Botës. O je brenda, o je jashtë.

“Nëse ka lojtarë që nuk luajnë në kompeticione të organizuar nga ne, atëherë nuk do të luajnë në asnjë kompeticion tonin – kampionatet, kompeticionet e konfederatave, Europian dhe Kupë Bote”, tha Infantino.

“Nuk ka rrugë të mesme, një këmbë andej e një këtej. Kemi Kupën e Botës për Klube, ndoshta aty klubet fitojnë më pak, por nëse pastaj i japim 1 milion dollarë Haitit që nuk ka asgjë, apo Mongolisë që ka tre zona kohore dhe vetëm 2 fusha futboll, atëherë mendoj se kështu duhet të veprojmë”, tha drejtori ligjor i FIFA-s, Alasdeir Bell.

Numri 1 i FIFA-s është akuzuar se ka favorizuar Sitin dhe PSG-në duke mos i dënuar, por dhe për investimet e tepruara, apo dhe një kontaktuar me Tramp, ku ika kërkuar që të organizojë Kupën e Botës. Vetë Infantino ka reaguar duke i hedhur poshtë të gjitha akuzat duke justifikuar gjthccka me ndryshimet e mëdha që kanë ndodhur në organin më të lartë sportiv në botë.

KUPA E BOTËS 2026 – “Votimi bëhet në formë demokratike dhe bëhet publik në të gjithë botën. Rregullat janë përcaktuar që në fillim. “Unë nuk kam biseduar ndonjëherë me Trampin, në mënyrë që t’i kërkoja atij ta organizonte Kupën e Botës të vitit 2026 në Amerikë dhe jo në Marok. Në asnjë paragraf që është thënë nuk ka diçka të paligjshme, apo ndonjë shkelje të rregullores. FIFA ka ndryshuar totalisht në krahasim me të shkuarën”.

PSG DHE SITI – “Unë jam presidenti i FIFA-s aktualisht, kam qenë sekretari i përgjithshëm ekzekutiv i UEFA-s më parë. Qëllimi im ka qenë të ndihmoja klubet, të mos i shkatërroja ata. Vendimi përfundimtar ka qenë gjithnjë i paneleve të gjykimit dhe jo i imi.  Nuk besoj se kam ndonjë mënyrë për të ndryshuar kartat në tavolinë të gjithsecilit. Siti dhe PSG janë gjobitur me nga 20 milionë euro. Milani që u përjashtua e rimorri vendin e tij në Europë falë CAS-it. Është përjashtuar dhe një skuadër tjetër ruse. Nëse flasin për favorizime është diçka e gabuar. Pse përjashtohen skuadrat e vogla? Nuk kanë paguar borxhet e tyre, që është diçka shumë serioze”.

BOTËRORI I KLUBEVE – “Kjo gjë bëhet për të evituar ato turne që organizohen në verë, në Amerikë apo dhe kudo tjetër. Do të merret mendim i shumicës, si në çdo vendim tjetër që merret nga ne, që është demokratike”.

BOTËRORI ME 48 SKUADRA – “Kampionati me 48 skuadra do të jetë vetëm nga viti 2026, por nëse do të jetë e mundur do ta bëjmë edhe në Katar”.

INVESTIMET E FIFA-s – “Ne kemi katërfishuar të ardhurat për federatat. Të gjitha pagat janë në auditim. Ju duhet të pyesni se ku kanë qenë më parë këto të ardhura. Pse nuk hetohet për këtë”.

VAR – “Duhet të pyesim veten se si ishim aq budallenj këto 10 vite që nuk e përdorëm dhe filluam kaq vonë ta aplikonim”.

NDESHJET E KAMPIONATIT JASHTË VENDIT – “FIFA e ka hedhur poshtë propozimin e spanjollëve që disa ndeshje të luhen jashtë Spanje. Nuk besojmë se do ishin të gatshëm të prisnin ndeshje të Premier League-s po themi. Është tjetër gjë Superkupa, pasi është një trofe pa shumë rëndësi, ndërsa është punë tjetër nëse flasim për kampionat”.

Tashmë zbulohet skandali i radhës: kampionët anglezë të Mançester Sitit dhe ata të Ligës 1 Paris San-Zhermen, kanë mashtruar për të shmangur sanksionet e Fair-Play financiar.

Presidenti i FIFA-s Xhani Infantino, ish-presidenti i UEFA-s Mishel Platini dhe ish-presidenti francez Nikolas Sarkozi janë përmendur në raportet e publikuara.

Football Leaks/Mediapart: PSG’s Qatari owners pumped €1.8bn into the club with the help of both Michel Platini & Gianni Infantino. Their cover prevented PSG from being excluded from all European competition on FFP grounds.

— Jonathan Johnson (@Jon_LeGossip) November 2, 2018

Pronarët nga Katari të PSG-së kanë investuar 1.8 miliardë euro në klub, me ndihmën e Platinisë dhe Infantinos, të cilët kanë mbuluar gjithçka, duke shmangur përjashtimin e PSG-së nga kompeticionet evropiane. Edhe Man Siti ka përfituar nga ndërhyrja e Sarkozisë.

E përditshmja gjermane Der Spiegel ka mbuluar gjerësisht këto raporte, duke publikuar një artikull mjaft të rëndë për Infantinon.

Breaking | Football Leaks headline: Manchester City avoided harsh FFP sanctions thanks in part to Nicolas Sarkozy. More follows.

— Get French Football News (@GFFN) November 2, 2018

48-vjeçari mori drejtimin e FIFA-s në vitin 2016 me detyrën e qartë për ta pastruar, por në të vërtetë ai ka bërë të kundërtën, bazuar në “mijëra memo të brendshme”. Raporti tregon se si Infantino ka arritur marrëveshje sekrete me Sitin dhe PSG-në në vitin 2014, kur ishte ende sekretar i përgjithshëm i UEFA-s.

Disa nga taktikat e Infantinos për të kaluar pengesat e Fair-Play financiar ishin kontratat e sponsorizimit me shifra tejet të fryra. Pronarët e Mançester Sitit kanë injektuar 2.7 miliardë euro në klub në 7 vitet e fundit nëpërmjet aksionerëve të vet dhe kontratave të sponsorizimit me shifra aspak reale.

Sarkozi ka luajtur rol në blerjen e PSG-së, sepse ai e ka udhëzuar Platininë që t’i jepte Katarit organizimin e Botërorit 2022. “Nikolas Sarkozi i tha Emirit të Katarit Tamim Al-Thani në një takim në 2010 që nëse ai blinte PSG dhe hapte një kanal sportiv në Francë (BeIN Sports), atëherë Katari mund të shpërblehej me Kupën e Botës 2022”, thuhet në raport.

Football Leaks headline: Nicolas Sarkozy told Emir of Qatar Tamim Al-Thani in a meeting in 2010 that if he bought PSG & launched a sports channel in France (BeIN Sports), that he would instruct Michel Platini to award Qatar the 2022 World Cup.

— Get French Football News (@GFFN) November 2, 2018

Der Spiegel ka raportuar edhe në lidhje me Superligën Europiane, kompeticion për klubet më të mëdhenj e të pasur, që kanë kohë që bisedojnë në mënyrë të fshehtë, duke përfshirë Bajernin e Mynihut.

Der Spiegel ka paralajmëruar se së shpejti do të dalin raporte të tjerë dhe në një pej tyre do të flitet për një kampion Europe të shmëfishtë që ka rezultuar pozitiv për doping.

Neue Football-Leaks-Enthüllungen: Das Spiel ist aus https://t.co/yU1ijPQd3e pic.twitter.com/Eqv0pM9eYI

— DER SPIEGEL (@DerSPIEGEL) November 2, 2018

Ka qenë vetë presidenti i FIFA-s, Xhani Infantino që ka paralajmëruar që askush të mos çuditet që në Kupën e Botës së ardhshme të shohim jo 32, por 48 skuadra. Vetë Infantino ka theksuar se pritet një përgjigje nga Katari nëse mund ta presë një Kupë Bote me më shumë ndeshje, duke theksuar më tej se gjithçka do të qartësohet para se të nisë faza kualifikuese.

“Po është e mundur përse jo, po diskutojmë me miqtë tanë në Katar dhe shpresojmë që kjo mund të ndodhë. Por nëse përgjigja do të jetë jo do të na mbetet ndjesia që e provuam. Duhet të kërkojmë gjithmonë t’i bëjmë gjërat në mënyrën më të mirë të mundshme. Megjithatë gjithçka do të vendoset përpara startit të kualifikueseve, pra në fillim të vitit të ardhshëm”

Uefa dhe Shoqata e Klubeve Europiane ishin shumë kritikë ndaj propozimeve të FIFA në fillim të këtij viti për të rikonfiguruar Botërorin e klubeve. Duke folur në atë kohë, Infantino tha se kishte investitorë, të cilët kurrë nuk ishin identifikuar, të gatshëm të paguajnë 12 miliardë dollarë për katër turne çdo katër vjet, duke nisur nga viti 2021. Pavarësisht se nuk është asgjë zyrtare, thuhet se një pjesë e madhe e parave vjen nga Arabia Saudite.

Klubet të mëdha në Evropë, duke përfshirë Real Madridin dhe Barcelonën, si dhe klube të mëdhenj të Premier Ligës, kanë dalë në mbështetje të idesë për një Botëror të ri klubesh çdo katër viti, që i premton një mesatare prej më shumë se 100 milionë sterlinash për secilin klub pjesëmarrës.

Këtë javë, 36 anëtarët e këshillit nga gjashtë konfederatat rajonale të FIFA-s do t’u prezantohet riformatimi i projektuar i Kupës së Botës për klube. Propozimet kuptohen të përfshijnë një mundësi për një turne të ri klubesh me një numër në rritje të ekipeve (opsionet e fundit ishin 16 ose 24) që do të zhvillohen çdo katër vjet, në vend të Kupës aktuale të Konfederatave, në qershor, një vit përpara Kupës së Botës.

Infantino po kërkon rizgjedhjen si president i FIFA vitin e ardhshëm dhe ka premtuar shoqatat kombëtare të futbollit të FIFA-s se organi qeverisës botëror do të shpenzojë më shumë se 4 miliardë dollarë për zhvillimin e futbollit globalisht deri në vitin 2026.

Ndërkohë, presidenti i UEFA-s, Aleksander Ceferin, u tall me planin e FIFA-s në maj, në një fjalim për ministrat e sporteve të BE, duke thënë: “Nuk mund ta pranoj që disa njerëz të verbuar nga ndjekja e fitimit po konsiderojnë të shesin shpirtin e turneve të futbollit për fonde private. Paraja nuk sundon dhe modeli evropian i sportit duhet të respektohet. Futbolli nuk është për shitje”.

Gjithashtu lidhur me këtë temë ka ndërhyrë dhe presidenti i ECA dhe presidenti i Juventus, Andrea Anjeli, po ashtu ishte i shqetësuar rreth propozimit, duke përshkruar përfitimet e mundshme financiare si “të dyshimta”. Anjeli theksoi se kalendari i turneut të futbollit është pajtuar globalisht deri në vitin 2024 dhe përparësia e tij pas kësaj është të kërkojë zgjerimin e formatit të “UEFA Champions League” për të përfshirë më shumë ndeshje dhe kjo do të sjellë më shumë të ardhura për ekipet pjesëmarrëse.

Debati në lidhje me idenë absurde që ka ardhur nga Spanja ka përfshirë të gjithë dhe tashmë flet edhe presidenti i FIFA-s, Xhani Infantino, i cili në një intervistë për ESPN ka komentuar në lidhje me një ide që nuk e tërheq aspak.

Natyrisht, kur flet Infantino të gjithë duhet të dëgjojnë, sepse FIFA është institucioni që do të vendosë në fund fare ku do të luhet sfida.

“Do doja të shihja një ndeshje të madhe të kampionatit amerikan në Amerikë, jo një ndeshje të kampionatit spanjoll. Në futboll, rregulli kryesor e jetë që ndeshjet shtëpiake i luan në shtëpi, jo në vende të huaja”.

Ndërkaq, Infantino ka siguruar se ende nuk ka marrë ndonjë kërkesë nga La Liga për të organizuar ndeshje në Amerikë.

“Ka procedura për këto gjëra, ndaj presim të marrim njoftim zyrtar. Kjo ide duhet aprovuar nga federatat përkatëse, por me pas FIFA do të japë opinionin e vet, sepse është diçka që ndikon mbi gjithë futbollin botëror”.

Menjëherë ka ardhur reagimi i presidentit të La Ligas, Havier Tebas, i cili në Twitter ka shkruar: “I kujtoj presidentit të FIFA-s se në kampionatin amerikan marrin pjesë disa klube kanadeze dhe Kanadaja ka kampionat profesionist”.

Le recordaré al presidente de @FIFAcom, que en la @MLS, participan 3 equipos de CANADA, y el @torontofc es el actual campeón,
y además en CANADA hay otra liga profesional.

"Preferiría un gran partido de la MLS en USA que uno de LaLiga" https://t.co/YjXmoxv4ie vía @diarioas

— Javier Tebas Medrano (@Tebasjavier) September 17, 2018

Lopetegui kishte nënshkruar me Realin e Madridit dhe zyrtarizimi i tij u bë me datë 13 qershor. Kjo gjë solli irritimin e federatës spanjolle, pasi Lopetegui sapo kishte rinovuar kontratën e tij me Spanjën.

Ditën e sotme u zhvillua asambleja e përgjithshme e federatës spanjolle dhe në të morën pjesë dhe krerët e futbollit botëror. Xhani Infantino, kreu i FIFA-s dhe Aleksandër Ceferin, kreu i UEFA-s. Një gjest politik i mbështetjes së qeverisë botërore të futbollit ndaj kreut të federatës spanjolle, pasi drejtuesit e FIFA-s dhe UEFA-s rrallë herë marrin pjesë në asambletë e përgjithshme të vendeve përkatëse.

“Luis dhe bordi i tij morën një vendim tepër korrekt. Vlerat dhe principet e Rubiales janë po të njëjtat që nga koha kur e njoh. Janë këto cilësi që e bënë atë president të federatës: sinqeriteti, ndershmëria, puna e madhe dhe kurajo e tij. Ai është një person trim dhe kjo është e rëndësishme për të ardhmen, për të marrë vendime dhe për të ecur përpara. Sigurisht që kur vendimet janë marrë ka dhe kritika.”

“Disa nga gjërat që kam lexuar pas eliminimit të Spanjës nga Kupa e Botës janë, me gjithë respektin, të pabesueshme. Spanja u eliminua me pak fat të keq nëpërmjet penalltive. Nëse do kishin kaluar Rusinë, të gjithë do flisnin për punën e mirë të Rubiales. Gjëja më e rëndësishme është të marrësh vendime dhe vendimet e kreut të federatës spanjolle kanë qenë absolutisht korrekte. Me këtë mentalitet jam i bindur që RFEF (Federata Spanjolle e Futbollit) do të shkojë larg, tepër larg…”

“Të marrësh drejtimin e një institucioni në kohë krize është gjithmonë e vështirë. RFEF ka përjetuar një periudhë të vështirë muajt e fundit. Presidentit i është dashur të marrë vendime të vështira dhe radikale që prodhuan kritika, por ishin tepër të nevojshme. Nuk kam dyshim që Luis Rubiales, me njohuritë që zotëron dhe vizionin e tij për futbollin, do të jetë një lider i madh për federatën dhe futbollin spanjoll”, mbyll prononcimin e tij Xhani Infantino.