Guardiola e sheh si një lojtar tepër të vlefshëm 28-vjeçarin, por ai dëshiron sfida të reja, mundësisht përtej ishullit. Cilësitë e Gyndoan dihen dhe klubet më të mëdha të Evropës pritet të sfidojnë njëri-tjetrin për shërbimet e tij. Kjo lëvizje mund ta bëjë Sitin të mendojë që tani për zëvendësimin e tij, çka do të sillte një efekt domino në merkato.

Rreth kësaj çështje ka folur vetë lojtari. Gjatë festimeve të titullit ditën e djeshme, 28-vjeçari ka folur në lidhje me interesimin e zikaltërve. Gyndogan mohon bisedimet me klubin italian dhe tregon prioritetin e tij, që është fitimi i FA Cup kundër Uotfordit, finale që do të zhvillohet me datë 18 maj.

“Nuk di gjë për interesimin e Interit, sinqerisht ju them që nuk kam biseduar me askënd në Itali. Jam i përqendruar vetëm te përfundimi i sezonit dhe mendoj vetëm që të fitoj edhe një trofe me ekipin tim”,  thekson mesfushori gjerman.

Drejtuesit kanë piketuar dy lojtarë, të cilët janë pjesë e Mançester Sitit. Ilkai Gyndogan dhe braziliani Danilo janë të preferuarit e Interit, siç raportojnë mediat angleze. Interi ka kontaktuar dy agjentët e lojtarëve, ndërsa klubi nga Mançesteri akoma nuk është shprehur mbi mundësinë e shitjes së dyshes.

Gjermanit i përfundon kontrata me “qytetarët” në fund të sezonit të ardhshëm, ndërsa palët po punojnë për rinovimin e saj.

Problem mbetet fakti që Siti po kërkon Rodrigon e Atletiko Madrid dhe Fernandez të Sportingut të Lisbonës. Afrime të tilla do të reduktonin hapësirat e Gyndogan. Ky i fundit pëlqehet shumë nga Guardiola, por lojtari do të ishte gati të provonte një aventurë të re, nëse posti i titullarit vihej në dyshim.

Më e lehtë është rruga drejt Danilos. Mbrojtësi i krahut nuk po aktivizohet shumë dhe e sheh me sy të mirë largimin drejt një kampionati tjetër. Siti kërkon rreth 50 milionë sterlina për të dy lojtarët, ndërsa Interi vazhdon punën për të gjetur marrëveshjen me ta.

Rreth kësaj çështje ka folur Pep Guardiola. Trajneri spanjoll ka gabuar me krahasimin e bërë në përgjigje e tij, duke zbuluar një detaj për një tjetër lojtar.

“Negociatat me klubin për rinovimin e kontratës nuk ndikojnë tek aktivizimi i tij. Po të ishte ashtu, i bie që Gyndogan të mos luajë fare, sepse ka edhe një vit kontratë dhe nuk pranon të rinovojë”, sqaron trajneri, duke zbuluar kështu situatën e gjermanit tjetër.”

Kontrata e Gyndogan me Sitin përfundon në fundin e sezonit të ardhshëm. Ka ende kohë për të gjetur akordin me 28-vjeçarin, por nëse palët nuk arrijnë marrëveshje, kampionët në fuqi të Anglisë do të detyrohen ta shesin atë, për të mos e humbur me parametra zero.

Ilkai Gyndon ka mbetur i zhgënjyer me rezultatin, por sidomos me paraqitjen e “Qytetarëve”. Sergio Aguero dështoi të shënonte nga pika e penalltisë në pjesën e parë. Goditja e argjentinasit u prit nga Hugo Loris, përndryshe ndeshja do të kishte marrë një tjetër rrjedhë.

Megjithatë, mesfushori gjerman insiston në faktin që ekipi bën shumë gabime dhe shfaqet më nervoz seç duhet në ndeshjet e mëdha. Në një prononcim për “Sky Deutschland”, Gyndogan analizon ndeshjen dhe tregon pikat e dobëta të Sitit.

“Nuk u treguam të guximshëm dhe bëmë shumë gabime elementare. Kam ndjesinë që ndeshjet e Champions Ligës na bëjnë nervozë. Ne përpiqemi që të bëjmë gjëra speciale në këto lloj përballjesh, sepse luajmë për një vend në gjysmëfinale. Gjithmonë marrim vendime të gabuara. Penalltia e Agueros? Do të ishte një tjetër ndeshje nëse Sergio shënonte, por gabuam duke hequr dorë nga loja jonë. Kjo nuk duhet t’i ndodhë një ekipi të madh”, përfundon 28-vjeçari.

This is glorious ?

Hugo Lloris denies Sergio Aguero from the penalty spot…

The first iconic Champions League moment at Spurs’ new stadium ?#NoFilterUCL pic.twitter.com/y3lYVd4E2m

— Football on BT Sport (@btsportfootball) April 9, 2019