“Këto ditë të para të muajit korrik, të zgjedhurit e rinj në bashkinë e Fushë-Krujës kanë treguar interes edhe për skuadrën e Ilirisë. Administratori Ilir Loci na ka sjellë mbështetjen e kryetarit të ri të bashkisë dhe javën e ardhshme do të mblidhemi për të parë situatën në skuadër. Do jetë takim me objektiva të qarta nga të gjitha palët”, theksoi tekniku Sala.

Tekniku fushë-krujas deklaron për SportEkspres.com edhe planin e merkatos: “Gjatë kësaj periudhe janë larguar disa futbollistë. Në dijeninë time, disa të tjerëve që u kanë përfunduar kontratat me Ilirinë thuajse janë larguar. Do mbështetemi te lojtarët nga ekipi i të rinjve dhe pastaj do shikojmë mundësi për merkato. Pas datës 20 korrik është menduar që të nisim përgatitjet për sezonin e ri”.

AGRON KAJA

“Kontrata ime me Ilirinë ka përfunduar dhe unë mendoj se është momenti që të bëj një zgjedhje tjetër, pse jo në ekipe që të kenë pretendime në Kategorinë e Parë, apo edhe në Kategorinë Superiore. Nuk ka zgjidhje tjetër”, thotë sulmuesi, i cili tregon se ka pasur oferta.

“Kam marrë oferta nga Kategoria e Parë që pa u mbyllur sezoni, por mendova se duhej mbyllur kampionati ku ne diskutuam mbijetesën. Tani që jemi në periudhë merkatoje është për t’u menduar dhe për të vendosur. Besoj se duhet shfrytëzuar me seriozitet ky moment dhe unë besoj se shumë shpejt do të jem në një skuadër tjetër në Kategorinë e Parë”, përfundon Xhebrahimi, i cili me fanellën e Ilirisë këtë sezon realizoi 4 gola.

AGRON KAJA

Këtë situatë e konfirmoi për SportEkspres.com edhe sekretari i klubit të futbollit të Ilirisë, Astrit Tali, i cili ditë më parë deklaroi se zgjedhjet lokale po i shpërqëndrojnë. “Fondi për skuadrën është miratuar deri në fundin e këtij viti, por Iliria mbetet në dorën e zgjedhjeve lokale. Nëse ato do të shtyhen, na prishin punë për riorganizimin e skuadrës për sezonin e ri. Ne jemi me financim vetëm nga bashkia e qytetit dhe kjo situatë sikur i ka ftohur futbollistët”.

Nisur nga kjo situatë, nga skuadra e sezonit që u mbyll nuk i dihet sa lojtarë do të qëndrojnë dhe sa do largohen. “Në fundin e muajit qershor kemi menduar ta mbledhim skuadrën, por ende nuk e dimë sa lojtarë do largohen dhe sa do qëndrojnë. Kjo sepse mbetemi peng i zgjedhjeve. Ne si klub do bëjmë punën, por kemi dëgjuar këto ditë për emra lojtarësh të cilëve u ka përfunduar kontrata dhe nuk duan të vazhdojnë me Ilirinë”.

AGRON KAJA

“Matematikisht nuk e kemi siguruar ende mbijetesën në Kategorinë e Parë, pasi janë edhe tre ndeshje për t’u luajtur. Ndjehemi larg mbijetesës. Gjithsesi kujdesi ynë do të jetë maksimal deri në mbyllje të këtij kampionati, që për ne nuk ishte shumë ‘bujar’ në dy fazat e para. Tashmë skuadra jonë është duke i parë ndeshjet javë pas jave me synim maksimal”, u shpreh 34-vjeçari për SportEkspres.com.

Për ndeshjen e radhës në Shënkoll, mesfushori Gjokeja shtoi: “Ndeshjen e radhës me Shënkollin e kemi vlerësuar maksimalisht, si pjesë e garës në luftën për mbijetesë. Do të japim maksimumin për rezultat pozitiv, edhe pse do të luajmë me një kundërshtar të fortë që në fushën e tij është shumë i vështirë”.

AGRON KAJA

Për SportEkspres.com, trajneri i Ilirisë deklaron: “Nëse do ta mendoja shpëtimin e mbijetesës pas fitores me Shënkollin, unë do bëja vetëvrasjen e skuadrës sime. Fitorja me Shënkollin ishte një hap në luftën tonë për mbijetesë, por asgjë nuk u mbyll këtu”.

“Janë edhe 15 pikë në lojë. Gara jonë është e hapur deri në ndeshjen e fundit dhe ne do të jemi të kujdesshëm për të siguruar synimin tonë”, u shpreh Sala pas fitores së marrë me Shënkollin, skuadër që renditet e parafundit dhe ka shtatë pikë më pak se Iliria.

AGRON KAJA

Nga një duel i tillë, ka mbetur i dëmtuar lojtari i Ilirisë, Flogers Sala, i cili është dërguar me urgjencë në spitalin e Traumës në Tiranë. Mësohet se lojtari ka thyer nofullën dhe dëmtimi i tij është i rëndë.

Aktualisht, Sala po trajtohet në spital dhe nuk ka ende asnjë rezultat për të. Futbollisti u largua me urgjencë me ambulancë nga fusha e lojës gjatë takimit kundër Shënkollit.

Grupi A / Play-out

Iliria-Shënkolli 1-0
Shënues: Boçi 63?

Iliria ka marrë tre pikë të arta për mbijetesën, teksa ka kaluar me sukses Shënkollin. Fushë-krujasit iu falën golit të shënuar nga Boçi dhe morën pikët e plota. Skuadra e Fatmir Salës pati mundësinë të shënonte edhe golin e dytë, por portieri Hasanaj ndali Gjokejën nga pika e bardhë e 11-metërshit. Më parë anësori kishte realizuar, por arbitri vendosi që penalltia të përsëritej. Gjithsesi Iliria mori tre pikët e shumëdëshiruara.

Humbja e Shënkollit fut në lojë Vorën, që mposhti skuadrën e Burrelit me rezultatin e ngushtë 1-0. Kapiteni Allmeta shënoi në minutat shtesë të pjesës së parë golin trepikësh nga penalltia dhe tashmë vendi i parafundit është vetëm dy pikë larg.

KATEGORIA E PARË – JAVA 21 

Grupi A / Play-off
Vllaznia-Besëlidhja 4-0
Shënues: Zhunior 54′, Ignat 63′, Kruja 80′, Hajdari 88′

Grupi A / Play-out
Vora-Burreli 1-0
Shënues: Allmeta 45+5′ (pen.)
Iliria-Shënkolli 1-0
Shënues: Boçi 63′

80′ GOLI i ARSID KRUJËS

63′ GOLI I DAN IGNAT

54′ – Supergoli i Zhunior

Gjithsesi tek Iliria besojnë te mbijetesa dhe trajneri Fatmir Sala deklaron për SportEkspres.com se skuadra do ngjitet në renditje. “Nuk e prisnim të ishim në këtë situatë pas ndeshjeve të fazës së dytë, por kjo tashmë është një realitet që nuk na pengon për arritjen e synimit tonë. Ne jemi në zonën Play-out, por gjatë fazës së tretë do të luftojmë që të ngjitemi më shumë në renditje”,  theksoi fillimisht  tekniku i Ilirisë, Fatmir Sala.

Ai beson se skuara e tij do ia dalë të triumfojë me Veleçikun të shtunën: “Jemi në zonën e rrezikut për rënie nga kategoria, por ne kemi besim se skuadra do ta kalojë këtë situatë të vështirë. Kështu që ndaj Veleçikut nuk na lejohen gabimet. Do jetë ndeshje e fortë, por ne synojmë vetëm tri pikët”. Një fitore të shtunën e ngjit në krye skuadrën e drejtuar nga Fatmir Sala, ndaj kjo duket një sfidë e rëndësishme për të dyja skuadrat.

AGRON KAJA

Mjaftuan vetëm dy minuta lojë për t’u zhbllokuar sfida. Kabiru kaloi vendasit në avantazh, ndërsa nuk mungoi reagimi i ekipit matjan. Sulmuesi Ajazi barazoi shifrat në minutën e 18-të për ekipin e Plorit dhe pjesa e parë u mbyll me këtë rezultat.

Pjesa e dytë nisi e fortë dhe plot rivalitet, por ekipin nga Fushë Kruja gjeti golin e avantazhit në minutën e 77-të. Xhaferri shënoi golin e fitores për Ilirinë dhe ky trepikësh i ngjit djemtë e Salës në vendin e shtatë në grupin A të Kategorisë së Parë me 18 pikë.

Burreli vazhdon të qëndrojë në vendin e parafundit me 15 pikë dhe i duhet të luftojë fort për të siguruar qëndrimi në kategori.

KATEGORIA E PARË – JAVA 15
E mërkurë, më 6 shkurt, ora 14:00

Iliria-Burreli 2-1
Shënues: Kabiru 2’, Xhaferri 77’ / Ajazi 18’

“Nga zhvillimi i ndeshjeve të tjera të javës së 15-të ne patëm këtë shtyrje me katër ditë, sepse fusha është shumë e dëmtuar pasi aty luan ndeshjet e kampionatit edhe Kastrioti në Kategorinë Superiore. Kjo nuk do të ndikojë në psikologjinë e skuadrës, e cila nesër luan një ndeshje për “jetë a vdekje”. Fitorja na mban në ethet e qëndrimit në Kategorinë e Parë, ndryshe duhet menduar seriozisht mbijetesa”, kështu deklaroi trajneri Sala para ndeshjes me Burrelin.

Për Ilirinë do të jetë formacion i plotë, dhe në fushë trajneri ka menduar të ketë edhe dy përforcimet e muajit janar, Skënder Lilaj dhe Dunmoye Kabiru, ndërsa Kristian Liçaj do të jetë alternativë. Iliria renditet në vendin e 8-të në grupin A me 15 pikë, i barabartë pikërisht me Burrelin që do të ndeshet nesër në orën 14:00.

AGRON KAJA

“Në fillimin e këtij muaji ne patëm vështirësi në rifillimin e përgatitjeve për gjysmën e dytë të sezonit, pasi lojtarët kërkonin shlyerjen e pagesave të muajve të kaluar. Ky ngërç u zgjidh dhe presim këto dy-tre ditë që të zhbllokohet nga Thesari fondi i Bashkisë, ku skuadrës i janë akorduar më shumë se 100 milion lekë deri në muajin qershor 2019”, kështu theksoi në deklaratën e tij trajneri i Ilirisë, Fatmir Sala.

Por edhe pse me këtë lajm të mirë, skuadra e Fushë Krujës nuk ka qenë shumë aktive në merkato e ndeshje miqësore, fakt që edhe tekniku Sala e pranon. “Situata nuk ka qenë shumë e favorshme për përgatitjet tona, e duke shtuar edhe kushtet e rënduara atmosferike, jemi përgatitur me vështirësi. Kemi luajtur vetëm një miqësore me Tërbunin dhe në këtë periudhë është afruar futbollisti Skënder Lilaj nga Kastrioti, ndërkohë që në fundjavë kemi planifikuar një ndeshje miqësore me Erzenin”.

Iliria e Fushë Krujës bën pjesën në Grupin A të Kategorisë së Parë dhe pas 14 javëve të luajtura renditet në vendin e 8-të me 15 pikë, në zonën e mbijetesës në këtë kategori.

AGRON KAJA

Ekipi i Bledar Sinellës u paraqit mjaft mirë dhe mund të kishte shënuar në disa raste, por sulmuesit u treguan të pasaktë para “gardianit” të Kastriotit. Goli i shënuar nga Shehi mbeti në fuqi deri në fund të takimit.

MIQËSORJA TJETËR – Tërbuni, pas fitores së arritur me Erzenin, tashmë ka marrë një tjetër rezultat pozitiv me Ilirinë e Kategorisë së Parë. Pukjanët barazuan me rezultatin 1-1 ndaj fushë-krujasve të drejtuar nga Fatmir Sala.

I pari kaloi në avantazh Tërbuni i Kërnajës, teksa ishte Saliaj ai që u tregua i saktë nga pika e bardhë e 11-metërshit. Nga fundi i pjesës së parë Xhabrahimi ndëshkoi ish-skuadrën e tij dhe barazoi shifrat në 1-1. Me këtë rezultat u mbyll e gjithë ndeshja.

Trajnerët respektivë patën mundësinë të shihnin gjendjen e ekipeve të tyre para nisjes së kampionatit, por edhe lojtarë të veçantë që synojnë të bindin dhe të japin kontributin e tyre në pjesën e dytë të sezonit.

Miqësore – E premte, më 18 janar

Kastrioti-Egnatia 1-0
Shënues: Shehi 17’

Tërbuni- Iliria 1-1
Shënues: Saliaj 20’ (pen.) / Xhabrahimi 40’

Ka mjaftuar një gol i Tomas në minutën e 13-të skuadrës nga Kopliku për të marrë 3 pikë me shumë vlerë. Skuadra vendase ka tentuar në disa raste që të ndryshojë rezultat por nuk ia ka mundur që të gjej rrugën e rrjetës.

Iliria nuk arrin të gjejë vazhdimësinë, duke shënuar humbjen e tretë në 4 takimet e fundit dhe me 15 pikë mbetet në vendin e tetë.  Skuadra nga Fushë-Kruja duhet të reagojë nëse nuk do që të rrezikojë seriozisht rënien, edhe pse është ende herët. Duhet të veçohet se u luaj në një terren skandaloz dhe mjaft të rënduar.

Por kujt i intereson dhe çfarë mund t’u kërkosh futbollistëve, që gjysmën e pagës që marrin e lënë rrugëve. Për t’u ushqyer si profesionistë as që bëhet fjalë. Hartën e klubeve në të Parën me probleme financiare e zgjeron Iliria e Fushë-Krujës. Së fundmi edhe te skuadra e drejtuar nga Fatmir Sala ka pasur probleme.

Te Lushnja, edhe nëse nuk do të ketë probleme financiare, ekziston një problem tjetër që ka të bëjë me kushtet ku ekipi stërvitet. Tani që po hyjmë në dimër, ditë më të vështira do të ketë për ekipin e drejtuar nga Ilir Gjyla.

Aneksi pranë stadiumet është amortizuar prej vitesh dhe ekipi stërvitet aty mes baltës. Shpesh është punuar edhe në stadium, çka e dëmton tapetin. Ende asnjë zgjidhje nga Bashkia e Lushnjës, që në fakt tregohet shpesh bujare me fondet që akordon dhe që shkojnë në 300-400 milionë lekë.

Pas fitores ndaj Kamzës, Nica ka marrë një tjetër sinjal pozitiv, teksa të besuarit e tij kanë mundur minimalisht skuadrën e Ilirisë. Ndonëse pjesa e parë përfundoi në barazim pa gola, në fraksionin e  dytë ishte Jurgen Vatnikaj që gjeti rrugën e rrjetës, duke vendosur fatin e këtij takimi.

Kastrioti ndodhet në vendin e fundit në klasifikim pas 13 javësh, por suksesi i arritur ndaj Kamzës i ka rifutur në garën për mbijetesë, pasi në lojë janë ende shumë javë. Nica ka pak kohë që e ka marrë skuadrën dhe ndeshja e sotme i ka shërbyer shumë skuadrës për t’u përshtatur me idetë e trajnerit.

Kastrioti 1-0 Iliria
Shënues: Vatnikaj

KASTRIOTI: Puja, Husein, Shehi, Çela, Stijepoviç, Domgjoni, Okebugu, Ymeraj, Shehu, H.Marku, Enoh. Trajner: Stavri Nica

ILIRIA: Demi, Boçi, Hoxha, Sala, Gjokeja, Balloku, Zuna, Kurti, Turkaj, Xhaferri, Xhymerti. Trajner: Fatmir Sala.

Kukësi në anën tjetër ka arritur që të fitojë minimalisht në miqësoren me Lirinë e Prizrenit. Skuadra e Cungut u rikthye pas shumë kohësh në “Zeqir Ymeri”, duke gëzuar në një farë mënyre me suksesin e arritur, ndonëse në një miqësore.

Valon Ethemi shënoi që në pjesën e parë, me rezultatin që nuk ndryshoi deri në fund të takimit. Është bërë një traditë e përvitshme takimi i Kukësit me Lirinë, pasi edhe në vitin e shkuar këto dy ekipe janë takuar disa herë me njëra-tjetrën.

Kukësi 1-0 Liria
Shënues: Ethemi

Bardhezinjtë që garojnë në IPKO Superliga luftojnë për mbijetesë në Kosovë dhe futbollistët e atij ekipi do tentojnë të tregojnë vlerat e tyre. Ka edhe disa lojtarë që në të shkuarën kanë luajtur në Superiore, si Aldo Mitraj. Ky i fundit do ketë përballë Armando Cungun, ish-trajnerin e tij te Laçi.

Kastrioti ndërkohë ka zgjedhur të mos bëjë kilometra. Në stadiumin e vet në Krujë do të përballet me Ilirinë. Një derbi që nis prej orës 14:30 dhe trajneri Nica do kërkojë të shohë gjendjen e skuadrës së tij para takimit me Laçin.

Një ditë më pas, të shtunën, Flamurtari do të luajë kundër Apolonisë në Vlorë. Ndeshja do të zhvillohet në stadium prej orës 14:00. Ky takim është mjaft i vlefshëm për trajnerin Ilir Daja dhe për futbollistët, që kanë në program një ndeshje të rëndësishme me Partizanin fundjavën tjetër.

Me shumë mundësi në fundjavë do të ketë edhe miqësore të tjera. E konfirmuar është edhe përballja Kukësi-Liria e Prizrenit, që luhet nesër në stadiumin “Zeqir Ymeri”. Laçi është në kërkim të një rivali, kurse Tirana e Partizani mund të luajnë me ekipet e dyta. Gjithsesi ende nuk ka asgjë zyrtare.

23-vjeçari shënoi golin e vetëm të takimit në minutën e 58, duke i dhuruar tre pikë të arta ekipit të tij. Pavarësisht humbjes, Vllaznia vazhdon të kryesojë grupin A të kategorisë së parë me 22 pikë, ndjekur nga Erzeni me 18 pikë dhe Dinamo 17. Nga ana tjetër, kjo fitore e ngjit Ilirinë në vendin e tetë me 9 pikë të grumbulluara.

Një ndeshje tjetër është zhvilluar gjatë ditës së sotme në grupin B. Elbasani dhe Tomori u përballen mes tyre, por miqtë fituan me rezultatin 0-2. Të dy golat e beratasve u shënuan në pjesën e dytë me Geraldo Sharavollin, i cili zhbllokoi shifrat në minutën e 59, ndërsa boshnjaku Mujkiç shënoi golin e dytë në minutën e fundit, duke vulosur fitoren e Tomorit.

Elbasani vazhdon të qëndrojë në vendin e fundit me vetëm 1 pikë, ndërsa Tomori i Beratit ngjitet në vendin e gjashtë me 13 pikë.

Iliria – Vllaznia 1-0
(Zuna 58’)

Elbasani – Tomori 0-2
(Sharavolli 59’, Mujkiç 90’)

Në të tilla kushte, sot FSHF ka menduar që ndeshjen e Kategorisë së Parë ta zhvillojë 24 orë pas ndeshjes së Kastriotit. Edhe pse nuk është se ndryshon ndonjë gjë të madhe, kjo është në favor të krutanëve, që të kenë një terren sa më të mirë, ndërsa Iliria.

POSTIMI I KLUBIT TË VLLAZNISË

“Në kalendar ka qenë e planifikuar për t’u luajtur të shtunën por ndeshja e javës së fundit të fazës së parë të kampionatit, ajo në mes Ilirisë dhe Vllaznisë, është shtyrë për të hënën. Ky është njoftimi që Sektori i Garave pranë Federatës Shqiptare të Futbollit ka shpërndarë për klubet. Takimi do të startojë në orën 14.00 të ditës së parë të javës që vjen në stadiumin “Redi Maloku” të Fushë-Krujës. Po kështu mësohet se kjo ndeshje do të zhvillohet pa praninë e spektatorëve si rrjedhojë e dënimit të fushës për Ilirinë. Po ashtu, bëhet e ditur se kjo ndeshje do të transmetohet drejtpërdrejtë nga RTSH për të gjithë sportdashësit. Objektivi i Vllaznisë pavarësisht këtyre fakteve do të jetë vetëm fitorja e kësaj ndeshje, për ta mbyllur siç duhet fazën e parë të kampionatit”.

Katër ndeshje për të këtë të fundsit dhe katër ndeshje pa tifozë për lezhjanët, pasi tifozët kanë hedhur sende të forta në fushë. Po kaq ndeshje pa tifozë është dënuar edhe Iliria. Ndërprerja e ndeshjes prej tifozëve me Korabin ka penalizuar fushë-krujasit. Ka edhe klube të gjobitura dhe vendimtar te tjera.

VENDIMET E DISIPLINËS
-KF “Erzeni”, për sjellje të gabuar të tifozeris së tij duke hedhur sende brenda rrethimit të fushës, në bazë të nenit 66/1 të KDS, dënohet me gjobe në masën 50.000 (pesëdhjetëmijë). Në aplikim të nenit 136/1.a të KDS, gjoba paguhet në masën 50%.

-Lojtari i KF Shënkolli, Ilir Ccaushaj,për sjellje të gabuar ndaj zyrtarit të ndeshjes, në bazë të nenit 49/1/b te KDS, dënohet 12 (dymbëdhjetë) muaj pezullim nga aktivitetet futbollistike.

-Lojtari i KF Shënkolli, Ruben Danaj, për sjellje të gabuar ndaj zyrtarëve të ndeshjes, në bazë të nenit 49/1.b të KDS,dënohet 12 (dymbëdhjetë) muaj pezullim nga aktivitetet futbollistike.

-Lojtari i KF Shënkolli Emirjon Mirdita, për sjellje të gabuar ndaj zyrtarëve të ndeshjes, në bazë të nenit 49/1/a të KDS, dënohet me 4 (katër) ndeshje pezullim nga aktivitetet futbollistike.

-KF Shënkolli, për sjelle të gabuar të spektatorëve duke hedhur sende brenda rrethimit të fushës e duke shkaktuar akte dhune ndaj zyrtarëve të ndeshjes, në bazë të nenit 66/3/a) të KDS, dënohen me 4 (katër) ndeshje pa spektator në stadiumin përkatës.

-KF Iliria, për sjellje të gabuar të spektatorëve, duke hedhur sende brenda rrethimit të fushës si dhe duke shkaktuar ndërprerjen e përkohshme të ndeshjes, në bazë të nenit 66/3/b të KDS, dënohet me zhvillimin e 4 (katër) ndeshje pa spektatore në stadiumin përkatës.

-Zyrtari i KF Iliria, Fatmir Sala, për protestë ndaj vendimeve të zyrtarit të ndeshjes, në bazë të nenit 56/1/a) të KDS,dënohet me 2 (dy) ndeshje pezullim nga aktivitetet futbollistike.

-KF Tomori, për sjellje të gabuar të tifozëve duke hedhur sende brenda rrethimit të fushës,në bazë të nenit 66/2 të KDS, dënohet me gjobë në masën 50.000 (pesëdhjetëmijë). Në aplikim të nenit 136/1.a të KDS, gjoba paguhet në masën 50%.

-KF Lushnja për sjellje të gabuar të tifozëve duke hedhur sende brenda rrethimit të fushës,në bazë të nenit 66/2 të KDS,dënohet me gjobë në masën 50.000 (pesëdhjetëmijë). Në aplikim të nenit 136/1.a të KDS, gjoba paguhet në masën 50%.

-Lojtari i KF Shkumbini, Shamet Luta, për sjellje të gabuar ndaj zyrtarit të ndeshjes, në bazë të nenit 49/1.a të KDS,dënohet me 4 (katër) ndeshje pezullim nga aktiviteti.

-Lojtari i KF Kukësi, Jeremis Bilalaj, për lojë të rëndë ndaj kundërshtarit, në bazë të nenit 48/1.b të KDS, dënohet me 1 (një) ndeshje pezullim nga aktivitetet futbollistike.

KF Butrinti U-19,për dështim në përmbushjen e përgjegjësive duke mos garantuar sigurinë e zyrtarëve në ndeshjen kundër KF Lushnja U-19,në bazë të nenit 64/1.c dhe 65/2 të KDS, dënohet me humbjen e ndeshjes në tavolinë me rezultatin 3-0.

-KF Butrinti U-19, për sjellje të gabuar të spektatorëve për hedhjen e sendeve brenda rrethimit të fushës së lojës duke shkaktuar akte dhunë ndaj zyrtarëve të ndeshjes dhe ndërprerje përfundimtare të lojës,në bazë të nenit 66/3.c të KDS, dënohet me zhvillimin e 6 (gjashtë) ndeshjeve pa tifozë në stadiumin përkatës.

-Lojtari i KF Vlora U-19, Brigeld Islamaj, për sjellje të gabuar ndaj zyrtarit të ndeshjes,në bazë të nenit 49/1.a të KDS, dënohet me 4 (katër) ndeshje pezullim nga aktiviteti.

-Lojtari i KF Vlora U-19, Hitmen Troqe, për sjellje të gabuar ndaj zyrtarit të ndeshjes,në bazë të nenit 49/1.a të KDS, dënohet me 4 (katër) ndeshje pezullim nga aktiviteti.

-Pranimin e kërkesës së zyrtarit të KF Pogradeci U-19, Ardian Abazaj dhe pezullimin e pjesës së mbetur të dënimit. Në bazë të Nenit 33/4 të KDS, zyrtari Ardian Abazaj vendoset në provë për një periudhë 6 mujore.

-Pranimin e kërkesës së lojtarit të KF “Vora”, Florian Peqini dhe pezullimin e pjesës së mbetur të dënimit. Në bazë të Nenit 33/4 të KDS, lojtari Florian Peqini vendoset në provë për një periudhë 6 mujore.

Por nga ana e klubit dibran thuhet se lojtarët, stafi dhe drejtuesit e fushë-krujasve kanë bërë presion ndaj arbitrave dhe zyrtarëve të tjerë të ndeshjes. Madje, drejtori sportiv Fehmi Mëziu është shprehur se janë kërcënuar edhe me jetë.

“Falënderoj djemtë e ekipit për karakterin e treguar dhe lojën që zhvilluan sot në Fushe-Krujë. Një ndeshje e cila nisi mirë dhe gjithçka shkoi normalisht deri në fundin e pjesës së pare. Stafi i Ilirisë dhe lojtarët nisën presionet mbi kryesorin e takimit, anësorët, delegatë dhe vëzhgues. Pjesa e dytë ishte komplet ndryshe dhe nuk ishte më lojë futbolli, por një turp për futbollin Shqiptar. Sipas meje, minimalisht 2 lojtarë të Ilirisë duheshin larguar me karton të kuq për ofendime ndaj zyrtarëve të takimit dhe ndaj lojtarëve dhe stafit tonë.

Largimi nga pankina i Salës ishte vendimi i duhur, pasi gjatë gjithë kohës ka lëshuar ofendime ndaj të gjithëve. Ne kemi një ekip të ri në moshë, të cilët kërkojnë të luajnë futboll dhe kurrë nuk bëhen rast për disiplinë brenda në fushë, pasi kjo është dhe politika e klubit. Ne jemi kundër dhunës dhe problemeve, por kjo nuk do të thotë që nuk do t’i kërkojmë të drejtat tona. Presione të tilla ndikuan në rezultatin e sotëm, pasi ekipi ishte nën presion të tifozerisë dhe lojtarëve të ekipit të Ilirisë, duke ofenduar dhe treguar dhunë ku arriti deri në ndërprerjen e takimit, pasi anësori u sulmua nga tifozëria vendase duke i gjuajtur mbi 10 shishe uji në trupin e tij. Takimi nuk duhet të kishte filluar pa u boshatisur stadiumi, por filloi dhe aty doli situata nga kontrolli.

Ofendimet në kor drejt arbitrave, presionet e lojtarëve në fushë dhe ndërhyrje të ashpra ndaj lojtarëve tonë e kthyen në një arenë stadiumin “Redi Maloku”. Në përfundim të takimit u detyruam ta mbyllim me 10 lojtarë pas shënimit të golit të dytë, pasi Murrja u dëmtua në gju nga ndërhyrja e portierit, edhe pse e mori përsipër dhe e shënoi golin. Në minutën e 92-të kryesori jep shenje 10’ shtesë pa kuptuar, ndërprerja e lojës nga incidenti ndaj anësorit ishte 3’. Takimi nuk mbyllej pa barazuar Iliria dhe goli i Murrjes i prishi të gjitha planet. Gjithsesi nuk ju vë faj arbitrave, pasi janë kërcënuar gjatë gjithë takimit me jetë dhe janë ofenduar me familje nga lojtarët, stafi, pankina dhe policia edhe zyrtarët e ndeshjes. Ky nuk është futboll dhe këto persona duhet të rrinë larg fushës!

Ne barazuam në shtëpi me Vorën, fajin e gjejmë te vetja. I presim dhe përcjellim si miq kundërshtarët dhe nuk do të tolerojmë që të bëhen të tilla veprime ndaj sportistëve tonë, kërkojmë publikisht që të merren masa ndaj këtyre personave dhe të parandalohen të tilla veprime, në të kundërt nuk do të pranojmë të zbresim në fushë nëse nuk na garantohet siguria”, thuhet në deklaratën e Mëziut, që klubi dibran e ka publikuar në faqen zyrtare në “Facebook”.

Kledjan Demiraj dhe Jurgen Kulli mund të konsiderohen pjesë e skuadrës nga Fushë-Kruja. Kulli është një emër i njohur në Kategorinë e Parë, pasi është aktivizuar në shumë skuadre, duke nisur që nga Besëlidhja, Dinamo, Tërbuni, Lushnja dhe së fundmi tek Shënkolli. 26-vjeçari pritet që ta rrisë cilësinë në repartin e avancuar.

Demiraj në anën tjetër është një futbollist i cili aktivohet si mesfushor qendre. 18-vjeçari ka qenë pjesë e moshave të Partizanit dhe tani duket se kërkon një aventurë të re.

Vecc beratasit, te Vora është afruar edhe Florian Peqini, Alvi Gjonaj e Kevi Myslymi. Në provë momentalisht janë Arnold Hysenaj dhe Klodian Nuri. Sot ata kanë zhvilluar një miqësore me Ilirinë e Fushë-Krujës dhe e kanë fituar me rezultatin 5-2.

Nën urdhrat e trajnerit Fatmir Sala është vënë edhe Denis Xhaferri, i cili ka qenë vjet pjesë e Kastriotit. Në miqësoren e sotme madje ka arritur të shënojë edhe gol. Gjithashtu mësohet se ka arritur marrëveshjen edhe me sulmuesin Kabiru Dumoje. Nigeriani vjet ishte pjesë e krutanëve të ngjitur në Superiore.

Në një sfidë ku të dyja palët e nisën me formacionet më të mira, fitoi Erzeni 2-1, me përmbysje në pjesën e dytë.

Sulmuesi Xhabrahimaj shënoi në pjesën e parë, ndërsa pas pushimit gjithçka ndryshoi, edhe për shkak të zëvendësimeve të shumta. Në stolin shijakas kishte më shumë cilësi dhe futja e sulmuesit Mustafa Enok Xhixhiua ishte vendimtare. Ish-sulmuesi i Partizanit, i cili doli i panevojshëm në janar, ka shkuar në Shijak për një provë, por duket se e ka kaluar që sot atë, sepse shënoi dy gola në hapësirën e pak minutave në mesin e pjesës së dytë.

Nga sa mësohet, te skuadra e Ilirisë ka pasur vazhdimisht probleme me rrogat, madje bëhet e ditur se lojtarët kanë marrë vetëm 2 rroga, ndërsa muajt e tjerë nuk janë paguar. Kjo i ka detyruar që ata të mendojnë një zgjedhje tjetër për karrierën e tyre. Nga sa bëhet e ditur, skuadra e Ilirisë, ende nuk ka asnjë lëvizje sa i përket merkatos, pasi më parë do të zgjidhet problemi financiar që vazhdon të ndjekë ekipin e Ilirisë ashtu si edhe një vit më parë.

Në qoftë se situata nuk do të ndryshojë, skuadra e Ilirisë do të rrezikojë seriozisht mbijetesën në Kategorinë e Parë. Iliria këtë sezon bën pjesë në grupin e jugut të Kategorisë së Parë dhe ka konkurrencë të madhe, jo vetëm në pesëshen e parë, por edhe në zonën që do të diskutohet mbijetesa.

Iliria mbetet e pathyeshme në shtëpi, pasi edhe dje “kurban” në “Redi Maloku” u bë skuadra e Tomorit. Vendasit e drejtuar nga Fatmir Sala, arritën një fitore minimale me një gol të realizuar nga sulmuesi Anton Lleshi, i cili rikthehej pas një periudhe dëmtimi që e mbajti për rreth dy muaj larg fushës së blertë. Nga ana tjetër, miqtë vinin në këtë takim me mungesën e trajnerit Dule, i cili u dorëhoq të premten pasdite. Në drejtimin e skuadrës beratase ishte përgatitësi atletik Klement Agalliu. Në fundin e takimit Iliria iu gëzua tri pikëve, ndërsa miqtë nga Berati protestuan ashpër ndaj arbitrit kryesor Zhuli.

Ndeshja – Takimi nis mirë për vendasit të cilët hidhen në kërkim të golit që në minutat e para dhe përpjekjet e tyre shpërblehen pasi goli nuk do të vonojë. Pas një topi në zonën mike, Papleka jep një top në afërsi të zonës për sulmuesin Anton Lleshi, i cili me portën e boshatisur arrin që ta çojë lehtësisht në rrjetë dhe të zhbllokojë rezultatin, 1-0. Miqtë, protestojnë për pozicion jashtë loje, por vendimi i kryesorit nuk ka kthim. Pas pësimit të golit, beratasit hidhen në sulm në kërkim të golit të barazimit. Dhe një rast ideal për të barazuar shënohet në të 15-ën, kur mesfushori Aristotel Koleci, nis një “predhë” në drejtim të portës së mbrojtur nga Baku, i cili është pozicional dhe neutralizon si duhet, duke mos lejuar prekjen e portës së mbrojtur prej tij. Me një rast të ngjashëm kundërpërgjigjen edhe vendasit, është kapiteni Doçi ai që gjuan fort në drejtim të portës së mbrojtur nga Kaloshi, por ky i fundit grushton mjaft mirë. Të besuarit e Salës, kërkojnë golin e sigurisë me anë të Lleshit, Doçit dhe Bardhit, të cilët tentojnë herë pas here portën mike, por në finalizim nuk arrijnë që ta çojnë “sferën” në rrjetë. Në të 41-ën, miqtë kishin rastin më ideal të ndeshjes për të barazuar shifrat. Sharavolli me portën e boshatisur godet, por nuk merret vesh me lojtarin e tij, pasi ky i fundit në vend që ta çonte drejt portës e devijon atë. Fraksioni i parë mbyllet me rezultatin 1-0, ndërsa me nisjen e pjesës së dytë miqtë shfaqen më të rrezikshëm dhe herë pas here tentojnë portën vendase, por përpara saj janë të pa fat. Onuh është rreziku kryesor për Bakun, por ky i fundit i bëhet shpëtimtar dhe e mban portën e tij të paprekur deri në fund. Edhe vendasit kanë disa raste për të realizuar golin e sigurisë, por përpara porte tregohen të pa saktë. Ashtu si tek goli, edhe gjatë lojës konkretisht pas minutës së 60-të, beratasit protestojnë ndaj çdo vërshëllime të kryesorit Zhuli, madje aq shumë protestojnë e ofendojnë sa që ky i fundit detyrohet dhe nxjerr shefin e klubit nga pankina për në tribunë. Loja rifillon, dhe të dy skuadrat rrezikojnë, por deri në fundin e takimit nuk ka më gol. Pas vërshëllimës së fundit, e gjithë tribuna, aty ku ishin vendosur beratasit, nuk i kursejnë ofendimet ndaj gjyqtarëve të cilët mbahen të paprekur nga forcat e rendit.

Iliria – Tomori    1-0

Shënues: Lleshi 9′

Iliria: Baku, Sala, Boçi, Papleka, Gjokeja, Doçi (Zuna 74′), Bardhi, Mëllugja, Kurti, Berberi (Turkaj 73′) Lleshi (Xhabrahimi 58′). Trajner: Fatmir Sala.

Tomori: Kaloshi, Çaço, Bitri, Daci, Paja, Sharavolli, Hyseni, (Buba 71′), Koleci (Mersini 47′), Myzyri, Mirani (Dobra 62′), Onu. Trajner: Klement Agalliu.

Gjyqtarë: E. Zhuli, B. Mesi, M. Shazivari, E. Bastari (Tiranë)

Kartonë të verdhë: Mëllugja 29′, Bardhi 72′, Baku 89′ / Çaço 12′, Koleci 13′, Onuh 88′, Sharavolli 93′

Agalliu: Arbitri, amator

Klement Agalliu, trajneri i Tomorit foli për ndeshjen e djeshme, por ai ka rezerva për gjykimin: “Ndeshja e tregoi se ne luajtëm si të barabartë me ekipin e Ilirisë. Largimi i trajnerit befasishëm na dëmtoi pak. Megjithatë, çunat e vlerësuan ndeshjen si duhet, atmosfera ishte mikpritëse, të dy ekipet dhanë një futboll të mirë, por arbitri la për të dëshiruar. Për mua një arbitrim i tillë nuk e lejon sportin që të bëjë përpara. Arbitri u tregua amator”, mbylli ai.

Sala: Kënaqësi pikët, jo loja e pjesës së dytë

Fatmir Sala, trajneri i Ilirisë është i bindur se skuadra e tij është e pathyeshme në shtëpi: “E kishim vlerësuar maksimalisht ekipin e Beratit, pasi është një ndër skuadrat më të mira të grupit tonë. Gjatë gjithë javës punuam me seriozitet të madh për të arritur një fitore të cilën e arritëm sot. Më gëzojnë këto tri pikë, por jo loja e skuadrës në pjesën e dytë. Megjithatë gjatë javës në vazhdim do të punojmë të ndreqin ndonjë gjë, pasi në fundjavë na pret një tjetër përballje e vështirë ndaj Tiranës”, mbylli Sala.

ILIRIA 3-1 APOLONIA

Shënues: Lleshi 9′, Mëllugja 75′, Zuna 90′ /  Krasniqi 15′ (11-m)

ILIRIA: Baku, Boçi, Paplekaj (Xhabrahimi 64′), Dulo, Turkaj, Doçi, Mëllugja, Bardhi, Kurti (Zuna 46′), Berberi (Sala 87′), Lleshi. Trajner: F. Sala. (Në dispozicion: Ujka, Gjokeja, Lama)

APOLONIA: Çako, Braka, Sota, Kuçi, Broshka, Troka (Mihana 76′), Hysenshahaj, Llambi (Andoni 67′), Prifti (Mehmeti 83′), Dimo, Krasniqi. Trajner: N. Kashami.

(Në dispozicion: Hasfatia, Velo, Duda, Kondakci)

GJYQTARË E.Bastari, B.Bregasi, A.Bixhi, E.Dyrmishi

DELEGAT: E.Shera

VËZHGUES: Xh.Zaimi

KARTONA TË VERDHË: Turkaj 15′ / Sota 85′, Kuci 89′

 Bujar Balliu

Iliria gjen fitoren në fushën e vet. Skuadra e trajnerit Fatmir Sala, dje ka mundur në fushën e vete skuadrën e Apolonisë së Fierit, në një ndeshje mjaft të bukur dhe të dyluftuar. Në fakt, u duk se ndeshja do të ishte e hapur dhe miqtë mund të përmbysnin, kur Krasniqi barazoi me penallti pas golit të parë të shënuar nga ana e Lleshit, pas një krosimi të saktë të Doçit në zonë. Por, nuk ndodhi kështu. Iliria e nisi në avantazh dhe e mbylli po kështu ndeshjen e djeshme, ku skuadra e Salës tregoi vrazhdën e lojës së mirë, madje dhe rritje të parametrave duke e krahasuar me takimin e një jave më parë me Tiranën.

NDESHJA – Sulmuesi kryesor i skuadrës së Ilirisë, i rikthyer këtë verë Anton Lleshi gjen golin në të 9-tën minutë. Tifozët vendas shpërthejnë në festë, ndrsa duket se skuadra e Apolonisë nuk e priste një goditje kaq të shpejtë. Apolonia rrezikon dhe fiton një penallti, pas një ndërhyrje të T8urkajt në mënyrë të gabuar në të 15’, të cilën Krasniqi e kthen në gol. Ndeshja bëhet e bukur, me sulme dhe kundërsulme nga të dyja skuadrat. Berberi në të 40’ del përballë Çakos, por gjuan jashtë. Apolonia ka sërish rast me Krasniqin, i cili mund të kishte dyfishuar shifrat, por pjesa e parë mbyllet me rezultatin 1-1.

PJESA E DYTË – Nis ashtu si e para, me një duel mjaft të fortë. Ka raste nga të dyja ekipet, por Mëllugja i jep avantazhin skuadrës së trajnerit Fatmir Sala, i cili shënon në të 75’ nga një goditje e bukur nga 20-m. Apolonia nuk pajtohet me disavantazhin. Hidhet në sulm dhe kërkon të barazojë,. Ndërsa trajnerët respektivë janë në këmbë. Por, janë sërish vendasit ata të cilët në limitin e kohës së rregullt shënojnë golin e tretë, duke siguruar fitoren. Këtë herë është Zuna që “vulos” 3 pikët për skuadrën vendase.

Pas ndeshjes…

Sala, trajneri i Ilirisë: “Vinim nga një ndeshje e mirë me Tiranën dhe si detyrë kishim fitoren. Skuadra e kishte vlerësuar kundërshtarin. Në pjesën e dytë dolëm pak nga detyrat, por pikët janë të rëndësishme, sepse në vazhdim do të punojmë edhe për të përmirësuar më shumë lojën”.

Formacioni i mundshëm: Baku, Boçi, Paplekaj, Dulo, Turkaj, Doçi, Bardhi, Mëllugja, Kurti, Berberi, Lleshi. Trajner: F.Sala.

Bujar Balliu

Lista e federimeve të Ilirisë

Portierë: Redjon Baku, Eduin Ujka, Florian Ziri

Mbrojtës: Flogers Sala, Gjevahir Paplekaj, Xhorxhian Boçi, Hamit Voga, Rudolf Turkaj, Adriatik Hasa, Endri Gjergji.

Mesfushorë: Donald Mëllugja, Ledio Doçi, Mikelanxhelo Bardhi, Denis Kurti, Kevi Berberi, Imer Zuna, Taulant Lama, Ernest Simo, Emanuel Dulo, Oltion Balluku, Xhuljan Ikonomi, Sajmir Gjokeja.

Sulmues: Beram Cani, Kiri Zira, Anton Lleshi, Albi Xhabrahimi.

Sport Ekspres mëson se klubi nga Fushë-Kruja ka mbyllur sot marrëveshjen edhe me ish-kapitenin e Burrelit, Donald Mëllugja, mesfushor me aftësi mjaft të mira sulmuese.

Vetëm 22 vjeç, Mëllugja aktivizohet prej vitit 2013 me ekipin e parë në qytetin e vendlindjes, duke qenë titullar fiks në 4 ndeshjet e fundit dhe duke marrë edhe shiritin e kapitenit.

Tani Mëllugja braktis për herë të parë Burrelin, duke firmosur tek Iliria.

Pjesa e parë pati ritëm të mirë, por asnjë gol, ndërsa në pjesën e dytë Laçi e nisi fuqishëm, sepse fillimisht Ansi Nika shënoi nga pika e bardhë, ndërsa më pas Myrto Uzuni dyfishoi. Pikërisht Uzuni ishte lajmi i ditës te Laçi, sepse sulmuesi i talentuar Apolonisë është transferuar te Laçi dhe ka debutuar menjëherë me gol. Gjithashtu, debutoi edhe sulmuesi Majkël Peçi, i cili do të shihet nga stafi i Laçit, para se të vendoset për të ardhmen e tij.

Ndërkaq, Iliria shkurtoi në të 64-tën me Lamën dhe në të 80-tën barazoi Simo, i cili çoi në rrjetë një penallti të grushtuar nga portieri laçian Selmani, gjuajtur nga Selaci.

MIQËSORE

ILIRIA 2-2 LAÇI

Golat: Lama 64′ , Simo 80′ / Nika 49′ (P), Uzuni 57′

Bujar Balliu

Iliria-Shënkolli           4-3
Shënues: Bardhi 7’(11-m), Xhabrahimi 25’, 50’, Paplekaj 75’/ Danaj 23’, 62’, Ramaj 27’

Iliria: Ujka, Sala, Paplekaj, Balluku, Doçi, Turkaj, Kurti, Bardhi, Hasaj, Xhabrahimi, Selaci. (U aktivizuan: Baku, Gjoni, Voga, Lamaj, Dedgjonaj). Trajner: F. Sala
Shënkolli: Hasanaj, Gjoni, Mirdita, Mashi, Ramaj, Përgjini, Pjetrushi, Çeku, Doda, Kullaj, Danaj. (U aktivizuan: Suma, Nokaj, Mërdhoçi). Trajner: R. Kulli
Gjyqtarë: I. Ujka, E. Hushi, S. Shehu

Sezonin e ardhshëm grupi B do të ketë një derbi të veriut, pasi Iliria dhe Shënkolli janë zhvendosur në këtë grup dhe do të kenë si mision qëndrimin në këtë kategori ku garojnë. Një sfidë me shumë gola ajo e djeshmja në stadiumin “Redi Maloku”, teksa në fund kanë qenë vendasit që kanë triumfuar me rezultatin 4-3. Ndeshja nisi me mjaft ritëm dhe raste nga të dyja krahët, me Xhabrahimin që iu afrua golit në dy raste, ndërsa miqtë rrezikuan me Danajn. Goli do të vinte në minutën e shtatë, kur Turkaj fitoi një penallti dhe Bardhi u tregua i saktë përballë portierit kundërshtar.

Interesante sfida, pasi miqtë këmbëngulin dhe realizojnë me Danajn në minutën e 23-të. Për katër minuta u shënuan edhe dy gola të tjerë, me Xhabrahimin që riktheu avantazhin për Ilirinë, ndërsa Ramaj i dërgoi shifrat në 2-2, rezultat më të cilin do të mbyllej pjesa e parë e takimit. Iliria nuk u pajtua me rezultatin dhe do ta rikthente avantazhin pesë minuta pas nisjes së pjesës së dytë të takimit, ku protagonist ishte kapiteni Doçi me krosimin e tij për Xhabrahimin, që me kokë realizon golin e dytë personal dhe të tretin për fushë-krujasit.

Ruben Danaj duket se e ka marrë “personale”, teksa tregon edhe njëherë aftësitë e tij, duke barazuar sërish shifrat. Nuk mbaron këtu seria e golave, pasi Paplekaj do shfrytëzonte një krosim të Doçit nga një goditje dënimi dhe do “vuloste” takimin në 4-3 për Ilirinë.

– Z. Sala, çfarë po ndodh me Ilirinë për momentin?

– Ne vijojmë të jemi me pushime dhe vetëm më  24 korrik do mblidhemi, për të nisur përgatitjet për sezonin e ri.

– Cilat janë pritshmëritë tuaja për sezonin e ri, duke qenë se tashmë jeni pjesë e grupit B?

– Objektivi ynë dihet që është qëndrimi në kategori, nuk është se presim të shpallemi kampion. Megjithatë, presim të zhvillojmë një sezon më të mirë se dy edicionet e fundit.

– Skuadra juaj përfundoi në grupin B. Më mirë apo më keq për ju?

– Të them të drejtën, kalimi në grupin B na rrit shpenzimet, dhe për një ekip me buxhet bashkie dihet sa e vështirë është. Megjithatë, të paktën në jug luhet futboll, në qoftë se je i zoti merr pikë edhe jashtë.

– A i keni piketuar lojtarët që do të mbani në skuadër nga pjesa që mbyllën sezonin me Ilirinë?

– Të gjithë lojtarët që kanë qenë pjesë e formacionit do t’u ofrohet kontratë rinovimi.

– Po afrime, keni kryer ndonjë, apo synoni të kryeni?

– U kemi kërkuar ish lojtarëve që kanë spikatur në të shkuarën te Iliria që të bëhen pjesë e jona, megjithatë ende nuk kemi marrë përgjigje, jemi në pritje!

Nga: Fatmir Efica

Çdo skuadër futbolli ka të drejtë të “mburret” me historinë e saj. Sado modeste qoftë ajo, brezat e ndryshëm në një ditë solemne si kjo e sotmja, 10 qershori 2017, kur Iliria Fushë-Krujës feston 25 vjetorin e themelimit, evidenton një histori.

E tillë madje që ia vlen të kthesh edhe tani kokën prapa, aq më tepër që skuadra ka arritur të përfaqësohet deri në elitën e futbollit shqiptar në sezonin 1994-95, duke luajtur për herë të parë e të fundit gjer më sot në Kategorinë Superiore. Sa për nostalgji, futbolli për Ilirinë duhet kujtuar se ka marrë jetë dhe zhvillimin e duhur vetëm në vitet e demokracisë. Në fakt, loja magjike kishte nisur më herët te skuadrat e grupmoshave që shfaqeshin pas vitit 1970. Atëherë kishte një brez njerëzish pasionantë, të cilët u rritën dhe e përjetuan fuqishëm ëndrrën e krijimit, organizimit dhe përfaqësimit të Ilirisë në kampionatet kombëtare. Një prej tyre është edhe 59-vjeçari Kujtim Kaziu, të cilin për motive politike, segmentet e dikurshme e detyruan ta lërë shpejt e në mënyrë të pavullnetshme pozicionin e drejtuesit të parë të Ilirisë. Ai sjell një rrëfim unikal si trajneri i parë i këtij ekipi.

– Zoti Kujtim, 25 vite më parë Iliria, por dhe ju si trajner, bëtë të parin debutim në futbollin shqiptar. Si ndodhi?

– Fati e deshi që në këtë periudhë FSHF-ja organizoi një kurs një mujor për trajnerë futbolli tek ish-kompleksi Dinamo. U regjistrova me një frymë, ngaqë merrnin pjesë edhe specialistë zviceranë. Gjithashtu kishte edhe shumë emra të njohur të futbollit shqiptar, si Mexhit Haxhiu, Millan Baçi, Shkëlqim Muça, Fatmir Hima, Luan Deliu, Apostol Fështi, Edmond Gëzdari, Ilir Luarasi, Ferit Rragami. U pajisëm me dëshmitë përkatëse dhe përvoja e ndërsjellët e fituar më ndihmoi të isha në krye të Ilirisë.   

– Në memorien tuaj si trajner i parë, çfarë kujtoni për ecurinë e ekipit?

– Ishte ngjarje me përmasa të paharruara përfaqësimi i Ilirisë në kampionatet kombëtare nga viti 1992 e deri më sot. Të jashtëzakonshme e çmoj dhe sot iniciativën e 25 viteve më parë mbi ngritjen e ndërtimin e ekipit. Një nismë që u mbështet fort nga populli sportdashës, që dua ta falënderoj me shpirt. Madje edhe biznesi ndihmoi. Bedri Ziri ishte iniciatori që afroi të tjerë dashamirës. Njerëz që nuk iu “dridh” asnjëherë dora të mbanin në këmbë ekipin janë Kujtim Miri, Sulo Grapaj, Pëllumb Koka, Ismet Murriqi dhe i paharruari Abaz Ulliri, që financuan gjithçka në vitet e para. Këta njerëz më shpirtmadhësinë e tyre dhuruan gjithçka për futbollin në Fushë-Krujë. Ndihmesë të rëndësishme në vitet e para kemi pasur edhe nga Partizani, drejtuesit e atëhershëm Bujar Labinoti e i paharrueshmi Gjergji Thaka.      

– A mund të na i sillni në vëmendje ish-futbollistët e brezit të parë të Ilirisë?

– Është kënaqësi, madje shpresoj të mos harroj ndonjërin. Janë konkretisht: Gëzim Kuqi, Agim Prushi, Qemal Prushi, Arben Çypi, Nazmi Doku, Marim Haxhia, Lulëzim Disha, Ilir Backa, Luan Çela, Festim Lusha, Bashkim Selmani, Shyqyri Sadiku, Indrit Gjokeja, Agron Çela, Guxim Sorra, Pëllumb Ymerllari, Pëllumb Babasi, Skënder Maloku, Ilir Çypi, Nazmi Selmani, Ramadan Shima, Lulzim Thaçi, Sulejman Dema, Ivan Bardhi, Shkëlqim Saliu, Blerim Çela, Hamit Vathi. Në stafin teknik drejtues ishin Kujtim Kaziu, Afrim Kurti e Jonuz Lala, një brez që në harmoni të plotë la kujtime të pashlyeshme.  

– Ndonjë ndeshje, mund të veçoni në vitet e para?

– E paharruar do të mbesë fitorja në Krujë në majin e vitit 1994. Fituam një takim që kishte vlerën e një finaleje. Krutanët luanin për dy rezultate, ndërsa Iliria ngjitej vetëm nëse fitonte. Ndodhi pikërisht ajo që askush se kishte menduar. Fitorja e Ilirisë pati vlera përcaktuese, duke triumfuar brenda në stadiumin fqinj të Kastriotit. Ngjitja në kampionatin elitar solli një tjetër fitore në start me Vllazninë 1-0, me një gol të mrekullueshëm nga Shkëlzen Rustami. Atmosfera e mobilizimit bëri të mos ndikonte fakti që ky takim u luajt dhe u fitua në Laç. Skuadra, ndonëse për shkak të përvojës së pakët, nuk arriti të rezistojë, pasi zbriti sërish në Kategorinë e Dytë, krijoi megjithatë një bazament të mirë falë pasionit të Fatmir Salës, njeriut më të apasionuar që ka mbajtur gjallë tërë këto vite futbollin në Fushë-Krujë, duke bërë sakrifica të papara.   

– Si përfaqësues i brezit të parë, cilët futbollistë mund të veçoni ndër më të spikaturit në këto 25 vite tek Iliria?

– Shpresoj të mos më paragjykojë kush, por unë do të rendis këta si formacionin më të mirë: Florenc Shahini, Saimir Gjokeja, Pëllumb Ziri, Saimir Maloku, Pëllumb Demiri, Dashamir Cangu, Afrim Deliu, Shkëlzen Rustami, Besnik Hasa, Durim Psatha, Besnik Zeka, etj. Pa diskutim, trajneri më i suksesshëm është Fatmir Sala.

Si u ndërtua skuadra e Ilirisë

Stadiumi aktual “Redi Maloku”, 25 vite më parë ngjante me një livadh. U fillua me rrethim brenda e jashtë, me ndërtimin e ambienteve për skuadrat, gjyqtarët dhe prapavijën, që kanë mbetur edhe sot thuajse po të njëjta. Data 10 qershor 1992 mbetet një ngjarje madhore për futbollin në qytezën e Fushë-Krujës: Formimi i së parës skuadër, e quajtur Iliria dhe që grumbulloi rreth saj djem pasionantë, të cilët do t’i jepnin aq shumë gëzim qytetit të vogël. Kujtim Kaziu, së bashku me Afrim Kurtin e Jonuz Lalën, që drejtonte skuadrën e të rinjve U-19, paralelisht me punët intensive për fushën e stadiumit, bënë në mënyrë “rrufe” dhe ndërtimin e skuadrës, e cila në 3 sezonet e para u përfaqësua në Kategorinë e Dytë.

Nostalgji/ Mrekullia e ngjitjes në Superiore dhe festa e “dubluar” me Teutën

Për të ardhur te kjo ngjarje, ndër më të bukurat e futbollit në Fushë Krujë, u kalua një ndeshje historike: fitorja që Iliria kreu me Kastriotin. Në stadiumin Krujës në fushë u fitua burrërisht 2-1. Pas ndeshjes dhe në tërë aksin që zbret Kruja festa ka shpërthyer. Qyteti i ka pritur futbollistët si heronj. Atë natë askush nuk fjeti, pasi sheshi dhe lokalet e qytetit të vogël u mbërthyen nga festimet. Ishte më shumë se një mrekulli ngjitja në Kategorinë Superiore dhe luajtja për herë të parë e të fundit për Ilirinë në sezonin 1994-95 në elitën e futbollit shqiptar. Festa e Ilirisë u “dublua” këtë mbrëmje në Fushë-Krujë dhe me ndalesën që bënte Teuta e Durrësit, që kthehej nga fitorja në Lezhë me Besëlidhjen dhe që shpallte Teutën për herë të parë kampionë të Shqipërisë. “Të dyja skuadrat, ne dhe Teuta – tregon Kujtim Kaziu – kaluam çaste të paharruara në qendër të Fushë-Krujës, të rrethuar nga entuziazmi i jashtëzakonshëm i të dyja tifozerive, që patën bashkë dy gëzime në një ditë”. Ky kujtim ka mbetur edhe sot mjaft i bukur dhe shumë emocionues e mbresëlënës. Në elitë Iliria e mundi Teutën 3-2 në Krujë. Golin e fitores e realizoi Ivan Bardhi në minutën e 90-të.   

NDRYSHIMET/ Pas rënies nga Superiorja, riorganizimi i dytë për Ilirinë

Pas eksperiencës së vetme në Superiore, ndodhi ashtu pa pritur vdekja e biznesmenit Abaz Ulliri, një financues ky që pati dhënë shumë për futbollin. Skuadra “rrëshqet” dhe bie në kategorinë e dytë, e madje për disa vite iu desh të luante edhe më poshtë, në Kategorinë e Tretë. Thuajse për një dekadë (1999-2009) pati “krizë” në shumë aspekte dhe u desh afrimi e mbështetja që dhanë një grup tjetër sponsorësh, si Ndriçim Babasi, Kiço Gjonçi, Met Hida dhe ish-Bashkia e Fushë-Krujë e tani ajo Krujës, nga e cila varet Iliria. Skuadra në tre sezonet e fundit luan dhe përfaqësohet denjësisht në Kategorinë e Parë. Ky përvjetor i 25-të tregon se Iliria po rritet vit pas viti.  

REZULTATET/ Sezoni 1994-95, historia në elitë e Ilirisë

Me Tiranën 0-5 ; 1-2

Me Tomorin 0-1 ; 0-0

Me Teutën 3-2 ; 0-2

Me Apoloninë 3-5 ; 0-2

Më Partizanin 1-3 ; 1-2

Me Vllazninë 1-0 ; 0-1

Me Flamurtarin 0-5 ; 1-0

Me Elbasanin 0-2 ; 0-1

Me Luftëtarin     1-0 ; 1-4

Me Besëlidhjen    1-1 ; 0-2

Me Albpetrolin 0-1 ; 4-3                                

Me Laçin           2-1 ; 0-2

Me Shkumbinin 0-3 ; 0-4                               

Me Besën 0-1 ; 0-1

Me Dinamon      0-1 ; 1-8

BILANCI: Vendi 16-të, 30 ndeshje, 7 fitore, 2 barazime, 21 humbje, gol. 22:64