Rreth 50 media nga i gjithë globi, mes të cilave edhe disa nga më prestigjiozet, kanë publikuar videon e presidentit shqiptar që këndon me tifozët e veçantë skocezë në mes të Sarajevës dhe janë habitur nga sportiviteti i Metës.

“The Sun”, Yahoo.com”, “Msn.com”, “Daily Telegraph”, media europiane, apo deri edhe Australi dhe në Indi kanë publikuar videon e takimin e veçantë të Metës me fansat e Celtic FC, duke e trajtuar si një episod mjaft pozitiv që meriton të evidentohet sa më shumë, veçanërisht për sportivitetin e Metës dhe mënyrës tepër origjinale të tij për të promovuar Shqipërinë kudo në botë.

Në fakt, video u publikua nga Presidenti i Shqipërisë në profilet e tij në rrjetet sociale, por u shpërnda menjëherë kudo dhe është komentuar gjerësisht nga tifozët skocezë, por edhe nga media ndërkombëtare. “Festë presidenciale”, shkruan në titullin e artikullit përkatës edicioni skocez i tabloidit të famshëm britanik “The Sun”, që raporton se Presidenti Meta është takuar rastësisht me tifozët bardhejeshil në rrugët e Sarajevës dhe ka kaluar disa momente gazmore së bashku me to.

“President Meta këndoi me fansat dhe më pas postoi videon në profilin e tij në rrjetet sociale, ndërkohë që nuk munguan edhe batutat për legjendën e Celtic, shqiptarin Rudi Vata”, shkruan “The Sun”.

Kreu i shtetit shqiptar pati një takim rastësor, por mjaft të ngrohtë dhe të përzemërt me tifozët skocezë në rrugët e Sarajevës në orët para sfidës. I entuziazmuar nga kjo atmosferë Ilir Meta nuk nguroi të postonte një video në profilin e tij në “Twitter”, teksa këndonte me skocezët duke e shoqëruar me statusin: “Kur festa të rrëmben! Momente të jashtëzakonshme sot (dje) në Sarajevë me tifozët e Celtic FC, para ndeshjes së turit të parë kualifikues të Champions League. Nuk mungoi një shëndet për RudiVata, yllin e Kombëtares sonë dhe të Celtic FC”.

Skuadra e famshme skoceze mori një fitore të vyer mbrëmë në transfertën e Sarajevës me rezultatin 3-1 dhe pas triumfit të shumtë kanë qenë tifozë skocezë të cilët kanë nxituar të falënderojnë Presidentin Meta në “Twitter” për urimin, teksa e kanë cilësuar fatsjellës takimin me të.

Në postimin në fjalë vihet re një numër i madh pëlqimesh (1111 deri tani) dhe shpërndarje të videos (200 deri tani), që aktualisht ka rreth 30 mijë shikime. Madje, ka pasur edhe një rritje të ndjekësve të Metës në “Twitter”. Kuptohet që pjesa dërrmuese e këtyre reagimeve vini nga Skocia.

Gjithashtu edhe media zyrtare e klubit skocez të Celtic-ut i ka bërë jehonë ngjarjes së ditës së djeshme ku Presidenti i Shqipërisë Ilir Meta ka ndarë disa momente argëtuese me tifozët e Celtic të cilët kishin udhëtuar në Bosnjë për të ndjekur ekipin e tyre të zemrës.

Uebsajti zyrtar “Celtsarehere.com” i tifozëve të Celtic e ka cilësuar si ditë surprizuese dhe të shkëlqyr atë të djeshmen, ku Presidenti po u fliste atyre për ish-futbollistin e Celtic FC dhe shokun e tij shqiptar Rudi Vata.

When you get carried away by the #PartyAtmosphere!? #Extraordinary moments today in #Sarajevo with @CelticFC?fans, before the first qualifying round of @ChampionsLeague. There was also a toast for #RudiVata, our #NationalTeam??? and @CelticFC?star. pic.twitter.com/KObYIpn33H

— Ilir Meta (@ilirmetazyrtar) July 9, 2019

PJESË NGA INTERVISTA

Gazetari: Zoti President, a e keni parë përfaqësuesen e Kosovës në futboll keni përcjell rezultatet e saja të fundit. Kombëtare e quaj. Por, them përfaqësuesja.

Presidenti Meta: Përfaqësuesja, kombëtarja, përfaqësuesja nuk ka rëndësi.

Gazetari: Është kombëtare apo përfaqësuese? Prodhojmë sport nxjerrim sport.

Presidenti Meta: Kombëtarja e Kosovës.

Gazetari: Saktë!

Presidenti Meta: Jam korrekt apo jo?

Gazetari: Unë nuk e di si e gjykojnë teleshikuesit por, prej meje je korrekt. Kam dilema por s’po e zgjas më.

Presidenti Meta: Atëherë, për sa i takon futbollit dua t’ju përgëzoj për atë talent të jashtëzakonshëm që ka demonstruar Kosova në këto ndeshjet e fundit me Danimarkën dhe me Bullgarinë që, i kam ndjekur disa momente apo sekuenca edhe duket që perspektiva është e jashtëzakonshme por, dua të siguroj që nuk ka asnjë lloj xhelozie nga ana ime për këtë gjë përkundrazi.

Gazetari: Pyetja e dytë ishe më mirë një kombëtare apo dy kështu që kjo ndoshta.

Presidenti Meta: Besoj se i qartë kam qenë, por sidoqoftë kur ne kemi mundësi t’ju përforcojmë juve mund t’i kalojmë disa futbollistë këndej në rast se ju jeni më pranë suksesit.

Gazetari: Deri tani ka ndodhur e kundërta.

Presidenti Meta: Dhe anasjelltas. Ne jemi mirënjohës për atë çështje, ne jemi mirënjohës. Pa futbollistët me origjinë nga Kosova, Shqipëria kurrë nuk do kishte shkuar në Europian, kurrë nuk do të ishte kaq e famshme. Ne jemi shumë mirënjohës për këtë gjë.

Gazetari: Ministra të Kosovës keni.

Presidenti Meta: Edhe pa tifozët e Kosovës, që ka qenë një mbështetje të jashtëzakonshme.

Ky i fundit është larguar nga ai takim me mbresa dhe i ka ndarë ato me të gjithë përmes një postimi në rrjetet sociale. “I lumtur të isha dje pjesë e një feste të veçantë me familjen dinamovite, me rastin e 55-vjetorit të Sulejman Demollarit  të madhërishëm. Kaq shumë yje dhe kapitenë të Dinamos dhe Kombëtares në një ambient aq të ngushtë dhe modest nuk kam parë, nga Iliaz Ceco te Mujo Targaj”, shkruan Meta fillimisht.

Më tej ai vijon: “Kënaqësi të takoja për herë të parë Ilir Pernaskën, i cili kishte ardhur nga jashtë për të ndarë gëzimin dhe kujtimet e kohëve të lavdishme me shokët e ekipit. S’mund të mungonin dhe Ballgjini me Markon e Faruk Sejdinin. Të gjithë e ndjenin mungesën e pazëvendësueshme të Zërit e Luarasit, dhe nderimi për kujtimin e tyre ishte emocionues. E pamundur të mungonte Halit Gega, i cili mori shumë urime për suksesin e fundit të vëllait, Skënder Gega.

Ky ishte momenti kur ndihej më mirë gjiganti Perlat Musta. Kishte dhe ‘kundërshtarë’ të tjerë tepër të rrezikshëm si Shkëlqim Muça, Sokol Kushta, Hysen Zmijani, Millan Baci etj. Aty kuptoje fuqinë e sportit dhe forcën e ekipit. I nderuar të merrja nga Demollari fanellën e tij me dy njësha, pasi ai ka qenë njësh edhe në fushë edhe jashtë saj, por dhe frymëzim për shumë fëmijë e të rinj për t’u bërë si ai”.

PRESIDENTI I SHQIPËRISË, ILIR META – Kreu i shtetit, i pranishëm në ceremoninë mortore, tha për mediat: “Ndarja nga jeta e Ali Memës është një mungesë e pazëvendësueshme për Tiranën dhe gjithë futbollin shqiptar. Ishte një lojtar i madh, i cili sfidoi edhe kampionë të Botës. Një model në ekip dhe në shoqëri. Kontributi i tij do mbetet vepër e përjetshme në futbollin tonë”.

KOSTANDIN SHKURTI, ZËVENDËSMINISTËR I MAS – “Me dhimbje, por me respekt të madh, e përcjellim sot Ali Memën e madh. Një ikonë e vërtetë në fushë e jashtë saj.  Liu ishte lideri i 17 Nëntorit të madh, i cili nuk u dorëzua kurrë. Edhe sot ai nuk është dorëzuar”, tha Shkurti.

LUTFI NURI, ZËVENDËSPRESIDENT I FSHF-SË – “Ky njeri nuk i vjen më futbollit shqiptar. Për atë madhështi që ai tregoi në futboll e jashtë tij, pak do të ishte një bust në stadium. Të gjithë brezat në futbollin tonë do ta kenë frymëzim këtë futbollist të gjithanshëm dhe me karakter”, deklaroi Nuri, një dashamirës i Tiranës dhe donator në të shkuarën në klubin me më shumë trofe në vend.

AGRON KAJA

Agolli po përgatitej për ndeshjen e lamtumirës dhe mori shumë emocione nga tifozët dhe shokët e skuadrës. Me kujtimet më të mira ai është larguar nga Azerbajxhani, ndërkohë që dy fjalë edhe nga ana e presidentit Meta. Vlerësim maksimal për Agollin, të cilin e konsideron ambasadorin më të mirë të Shqipërisë.

“Pak ditë më parë pata kënaqësinë të ritakohesha në Baku me futbollistin tonë të shquar, Ansi Agollin. Ndryshe nga herët e tjera, ai ishte shumë i emocionuar pasi ishin ditët e fundit të tij, pas 10 vitesh kontribut, si titullar i ekipit më të mirë të Azerbajxhanit, Karabakut. Jo vetëm unë, por cilido që në Baku është prezantuar si shqiptar, jam i bindur se ka dëgjuar fjalët më të mira për Ansi Agollin, i cili ka qenë edhe ambasadori ynë më i mirë atje. Duke i uruar Ansit suksese të mëtejshme në karrierën e tij të shkëlqyer sportive, kam kënaqësinë të ndaj me ju disa momente të lamtumirës së tij me ekipin kampion dhe fansat e tij”.

Bëhet fjalë për dy futbollistët e kombëtares sonë, Ansi Agolli dhe Sabien Lilaj, që aktivizohen në kampionatin azer.

Në një postim në llogarinë zyrtare të Metës në “twitter”, ai ka postuar një foto të takimit me dy futbollistët ku shkruan:  Kënaqësi e veçantë që vizitën në Baku të Azerbajxhanit ?? ta nisja me një takim të ngrohtë me dy nga ambasadorët tanë më të mirë këtu, futbollistët e shquar Ansi Agolli dhe Sabien Lilaj.

Kënaqësi e veçantë që vizitën në #Baku të #Azerbajxhanit ?? ta nisja me një takim të ngrohtë me dy nga #ambasadorët tanë më të mirë këtu, futbollistët e shquar #AnsiAgolli dhe #SabienLilaj.?? pic.twitter.com/GAbgjqQfsg

— Ilir Meta (@ilirmetazyrtar) March 13, 2019

“Një ditë e mrekullueshme sot në Shkodër locen, djepin e qytetërimit tonë modern, kulturës, vlerave patriotike dhe ndjenjave të forta liridashëse, ku pata nderin e veçantë të vlerësoj me titullin e lartë “Nderi i Kombit” Shoqërinë Sportive “Vllaznia” me rastin e 100-vjetorit të themelimit të saj.

Shumë i lumtur që në këtë ceremoni solemne të përuronim së bashku me kryebashkiaken, Voltana Ademi vendosjen e memorialit përkujtimor për të lënë të gdhendur nderimin për “Vllazninë”, sportistët e saj dhe bijtë e shquar të Shkodrës, të cilët aq shumë i kanë dhënë këtij qyteti dhe çështjes shqiptare”, shkruan Meta në faqen e tij zyrtare në “Facebook”.

Ndërkohë klubi shkodran bën me dije dhe figurat e nderuara gjatë ceremonisë: “Presidenti i Republikës z. Ilir Meta në ceremoninë e zhvilluar në teatrin ‘Migjeni’ për 100 Vjetorin e Vllaznisë ka nderuar edhe disa figura të mirënjohura të futbollit shkodran si Sabah Bizi, Xhevdet Shaqiri (pas vdekjes), Astrit Hafizi, Hysen Zmijani, Bardh Jera, Edi Martini dhe Vioresin Sinani”.

Presidenti i Shqipërisë, Ilir Meta
“Për një njeri të madh si Mikel Janku, fjalët sot janë të vështira për t’u thënë. Por ai ishte një figurë e madhe e futbollit shqiptar dhe më pas e gazetarisë sportive. Mikeli ishte njeri me integritet në shoqëri, një njeri që sot nuk mund të përshkruhet me pak fjalë. Figura e tij le të jetë një mesazh për gjeneratat e reja të shoqërisë shqiptare, të cilat duhet të mësojnë më shumë nga historia që Mikel Janku la pas”.

Presidenti i FSHF-së, Armand Duka
“Mikeli ishte dhe do të mbetet një nga figurat e shquara të futbollit shqiptar. Ai ka qenë model i një sportisti shembullor, i një njeriu me kulturë e qytetari, një drejtues pasionant në sport, por edhe një gazetar që sportit i mbeti besnik deri në fund të jetës së tij. Sot ai po ndahet vetëm fizikisht nga jeta, por historia e tij do të mbahet mend nga brezat. Federata Shqiptare e Futbollit gjendet pranë familjes së tij në këtë dhimbje”.

Fatmir Mneri, ish-kryeredaktor i Sport Ekspres
“Kam kaluar momente të vështira, por edhe shumë të bukura me Mikel Jankun. Ai ishte bashkëthemelues i gazetës Sport Ekspres dhe më pas u bë një kontribuues i vlerave më të mira të gazetarisë sportive. Qielli e tërhiqte shumë Mikelin në ëndrrën që ai kishte për t’u bërë aviator. Dëshira për të fluturuar e bëri të tillë edhe si portier të madh te Partizani dhe te Kombëtarja. Sot ai qiell e mori përgjithmonë”.

Meta ka takuar dhe nderuar disa nga personalitetet më të mëdha të sportit korçar ndër vite. Teodor Vaso, Dhimitraq Xhambazi, Koço Dinella, Pavlina Evro, Tamara Nikolla e Zamira Koleci u nderuan nga zoti Meta, i cili zgjodhi disa nga legjendat e Korçës në sport, për të dhënë mesazhin se sportistët legjendarë nuk lihen në kujtesë, të paktën nga ai.

“Në “Parisin e vogël”, Korçën e serenatave, dashurisë, qytetarisë, arsimit dhe atdhedashurisë, pata nderin të vlerësoja sot disa nga legjendat e sportit korçar por edhe atij kombëtar, të cilët kanë shkruar historinë më të ndritur të klubit “Skënderbeu” në të gjitha disiplinat: futbollistin e shkëlqyer e të papërsëritshëm Teodor Vaso; golashënuesin e shquar Dhimitraq Xhambazi; portierin e “ajrit” Koço Dinella; trajnerin e papërtuar të atleteve shqiptare, Piro Kasati; kampionen e dimensioneve europiane dhe “mbretëreshën” e atletikës Pavlina Evro; simbolin e volejbollit shqiptar Tamara Nikolla dhe basketbollisten e jashtëzakonshme Zamira Koleci. Shembulli i tyre është frymëzues për fëmijët e të rinjtë për të arritur rezultate të larta dhe për të qenë të suksesshëm, jo vetëm në sport, por edhe në jetë“, shkruhet në faqen e presidentit të republikës në Facebook, ku janë postuar edhe foto nga ceremonia e bukur në Korçë.

Mes tyre Meta ka takuar edhe Mexhit Haxhiun, i cili i ka bërë edhe një dhuratë kreut të shtetit. bëhet fjalë për librin e tij, “Kartoni i kuq”. Presidenti ka përcjellë edhe një mesazh pas dhuratës së marrë, teksa në faqen e tij zyrtare shkruan:

“Kënaqësi të takoja legjendën e futbollit vlonjat dhe shqiptar, Mexhit Haxhiu, i cili më dhuroi librin e tij “Kartoni i Kuq”, që mezi po pres ta lexoj. Është e vërtetë që regjimi i kaluar i nxori kartonin e kuq për shkak të “biografisë”, që të mos përfaqësonte vendin në arenën ndërkombëtare, por talenti i tij i jashtëzakonshëm frymëzoi dhe edukoi gjithë ata fëmijë vlonjatë që më pas do të bënin emër me Flamurtarin e madh në Kupat e Europës dhe do të bëheshin edhe baza e ekipit tonë Kombëtar të viteve ’80. Mirënjohje Mexhit Haxhiut për ato emocione që iu ka dhuruar të gjithë shqiptarëve, pavarësisht nga padrejtësitë që e shoqëruan gjatë gjithë karrierës së tij”.

“Ekipi i “Flamurtarit” i viteve 1986-’87 dhe heronjtë e tij në fushën e blertë që tronditën Barcelonën dhe që gjunjëzuan Partizanin e Beogradit, pa asnjë mëdyshje, kanë bërë epokë në historinë e futbollit shqiptar. Nuk mund të kishte moment më të mirë, se sa të vlerësoja sot në Vlorë ekipin e qytetit, në prag të Festës së Flamurit, me Titullin e lartë “Kalorës i Urdhrit të Flamurit”.

Gjithashtu pata nderin të vlerësoj me Titullin e lartë ‘Mjeshtër i Madh’, lojtarët e spikatur të këtij ekipi, që me lojën dhe shpirtin e tyre të garës respektohen dhe sot nga mbarë sportdashësit shqiptarë, si: Kapitenin e skuadrës Kreshnik Çipi; Qendërmbrojtësin e pakalueshëm Rapo Taho; Sulmuesin e mjeshtrin e golave Sokol Kushta; Dirigjentin e mesfushës Latif Gjondeda dhe Petro Rucin që nuk ndodhet më mes nesh”, është deklarata e presidentit Meta në faqen e tij zyrtare.

Dekorimi për ish-futbollistin ka ardhur dhe si dhuratë e veçantë për ditëlindjen për Muratin, i cili ditën e sotme mbushi 42-vjeç. Në postim në “facebook” të presidentit Meta shkruhej se Murati ka kontribuar në promovimin e Shqipërisë në Francë.

“Një parullë e tillë antisportive dhe raciste është edhe një fyerje për korifenjtë e futbollit shqiptar që nderuan fanellën e ekipit tonë kombëtar duke pasur kombësinë greke. Sidoqoftë këto ngjarje të izoluara duhet të na shërbejnë si një këmbanë alarmi për të parandaluar dhe frenuar që në gjenezë pasojat e gjuhës së urrejtjes mes popujve tanë”, tha kreu i shtetit.

Ndërkohë mbetet për t’u parë nëse Federata Shqiptare e Futbollit do të marrë ndonjë masë penalizuese për parullën në fjalë.

Çeço dhe Kazanxhi ishin shënuesit e golave për 17 nëntorin, që tanimë sikurse dihet emërtohet Klub Futboll Tirana. Të pranishëm në ceremoninë e sotme ishin edhe lojtarët aktualë të ekipit bardheblu, sikurse edhe emra të spikatur të këtij klubi.

17 nëntori në vitin 1970: Mihallaq Konomi, Perikli Dhales, Gëzim Kasmi, Gani Xhafa, Fatmir Frashëri, Niko Xhaçka, Iljas Çeço, Ali Mema, Medin Zhega, Skënder Hyka, Arben Çela, Josif Kazanxhi, Shpëtim Habibi. Trajner: Myslym Alla

“Tifozat Kuq e Zi janë frymëzimi i Kombëtares tonë dhe padyshim lojtari i 12-të i saj. Me dashurinë e jashtëzakonshme për kombin, energjinë e pashtershme dhe qytetarinë e tyre, Tifozat Kuq e Zi e kanë lartësuar më së miri flamurin shqiptar në arenat sportive.

Motivim i jashtëzakonshëm për yjet e Kombëtares sonë dhe adrenalinë e paparë për zemrën e çdo shqiptari që rreh për ngjyrat kuq e zi.

Me rastin e 15-vjetorit të themelimit të këtij tifo-grupi, pata sot kënaqësinë të zhvilloja një takim të përzemërt me një përfaqësi të tyre, të cilët i falënderova për kontributin dhe i inkurajova të jenë përherë pranë Kombëtares në sfidat e radhës”, shkruan Meta në faqen e tij në “Facebook”.