“Situata nuk është e mirë me këto largime. Nga skuadra kanë ikur Branica, Ruço, Vogli, Broshka, Rexhepi, Gjuzi, Karepi, Gumeni, Pasha e Bakalli. Të tjerë lojtarë kanë dilema për qëndrimin tek Egnatia. Ky është një eksod që po përjeton kjo skuadër dhe kërkohet ndërhyrje e shpejtë nga Bashkia, që e administron skuadrën. Ndryshe kjo situatë nuk flet për mirë”, theksoi trajneri Duro.

Tekniku kavajas do ta nisë javën e ardhshme me një kërkesë te Bashkia: “Kërkesa ime e parë është se duhet të nisim me organizimin e skuadrës, me ata futbollistë që kanë mbetur. E dyta dhe shumë e rëndësishme, është që të ndalet ky eksod që po e çon drejt shkrirjes skuadrën. Pasi të realizohen këto, duhet të fillojmë përgatitjet për sezonin e ri”.

AGRON KAJA

“Natyrisht që edhe ne do fillojmë përgatitjet pasi të mbyllen zgjedhjet e 30 qershorit, sepse skuadra është nën administrimin e Bashkisë së Rrogozhinës. Ndaj kemi menduar që përgatitjet për sezonin e ri ti nisim në javën e dytë të muajit korrik. Koha është e mjaftueshme që të gjithë lojtarët të gjejnë formën e tyre më të mirë”, theksoi tekniku kavajas.

Ilir Duro mendon se skuadrës i duhen edhe përforcime dhe ai ka një planet e tij: “Rreth 70% e skuadrës që mbylli sezonin e kaluar do të mbahet edhe për sezonin e ri. Kemi menduar edhe për merkaton. Normalisht na duhen 3-4 përforcime, lojtarë cilësorë. Nuk do të marrim nga ata futbollistë që matin hapat në fushë, por ata që vrapojnë në shërbim të skuadrës. Deri tani, zyrtarisht nuk kemi ndonjë largim, fjalë ka”.

AGRON KAJA

Kërkesa kryesore është që Egnatia ta vlerësojë në maksimumin Orikun, teksa Duro deklaron: “E kemi përgatitur seriozisht sfidën me Orikun. Në skuadër ka një klimë shumë pozitive, jo vetëm se lojtarët e vlerësojnë seriozisht garën, por edhe për faktin se atyre u është zgjidhur ngërçi financiar nga Bashkia. Kjo i ka çliruar shumë për të dhënë më të mirën”.

Në lidhje me përballjen kundër Orikut, ai shton: “Kjo ndeshje luhet në stadiumin e Beratit dhe në pamje të parë quhet ndeshje në transfertë për të dyja skuadrat. Por për ne ky fakt nuk do të ketë ndikim për të arritur objektivin tonë. Fitorja me Orikun na bën që të jemi të tretët në renditjen e grupit tonë”.

AGRON KAJA

Pas marrjes së detyrës, Duro deklaroi për SportEkspres.com: “Pranova me respekt pankinën e Egnatias. Besoj se deri në fund të sezonit do të kemi një skuadër Fair-play dhe larg aleancave. Nga drejtuesit e klubit kam marrë garanci për dhënien e pagave të prapambetura për futbollistët. Besoj se vazhdimësia do të jetë pozitive”.

Ndërkohë Duro deklaron se do të shikohet edhe aktivizimi i elementëve të rinj, me idenë se në sezonin tjetër Egnatias i duhet një ndërthurje brezash në skuadër. “Kjo hapësirë deri në fund të sezonit më jep mundësinë që të shoh edhe ndonjë element të ri, sepse që tani Egnatia do përgatitet për sezonin tjetër. Një ndërthurje brezash e bën edhe më të organizuar këtë skuadër për vazhdimësinë, por vendi i 3-të në grup mbetet synimi final”, përfundoi Duro.

AGRON KAJA

Pasditen e së enjtes, gjithë kontigjenti i futbollistëve të Besës që mbylli sezonin e fundit dhe disa lojtarë të thirrur nga skuadra U-19, janë njohur me trajnerin e ri. Ai është Ilir Duro, një emër me potencial si ish-futbollist, me një karrierë të gjatë e mjaft të lakuar për mbi 17 vite. Ai ka punuar gjithnjë si trajner në skuadrat e grupmoshave dhe ka një eksperiencë të gjatë në punën me talentet e reja. Ndihmësi i tij do të jetë Shkëlzen Ypi, 43-vjeçari që ka punuar me ekipet U17 dhe U19 të Besës vitet e fundit. Ai do të zërë vendin e Ndriçim Kashamit.

PREZANTIMI – Koncepti dhe filozofia që ka shpalosur që në takimin e parë prezantues trajneri i ri ka qenë tepër e thjeshtë. “Do të punojmë bashkë për ta ngritur shpejt emrin e Besës në vendin që i takon. Jemi të gjithë të ndërgjegjshëm se do të na duhet shumë punë. Por, me urtësi, thjeshtësi, respekt të ndërsjellët, disiplinë, dhe stërvitje rigoroze, arrihet gjithçka. Prioritet do të kenë lojtarët kavajas. Shumica prej tyre e kam të qartë se vërtetë vlejnë dhe janë të aftë të shërbejnë shumë për fanellën aq të rëndë të Besës. Na presin sfida të vështira, po ajo që kam merak është fryma e bashkëpunimit në grup”, është shprehur Duro para lojtarë, ndërkohë që sa i përket objektivave, ai thekson se është shumë shpejt për të folur për to. “Nuk dua e nuk më takon mua të futem në të tilla analiza. Për mua e rëndësishme është që të nisë një etapë e re pune e përpjekjesh të përbashkëta për futbollin e Besës. Sigurisht është shpejt për të shpalosur objektivat. Ajo që mund t’ju siguroj paraprakisht është se në bisedat që kam pasur me drejtuesit më të lartë të Bashkisë së qytetit, kam marrë si garanci të parë ndihmën e mbështetjen e pakursyer të tyre, për t’i dhënë një impuls të ri punës te Besa”, përfundon Duro fjalën e tij.