Në kushte të tilla dhe me një situatë ende pa zgjidhje, Daja ka shtrënguar duart me administratorin Sinan Idrizi. E pret Skënderbeu, ndërkohë që në Vlorë do të duhet të gjejnë një tjetër trajner. Menjëherë ka dalë edhe kandidati kryesor.

Julian Ahmataj, sipas asaj që raporton Supersport, është alternativa kryesore për të marrë drejtimin e Flamurtarit. Tekniku nga Elbasani është aktivizuar në të shkuarën me kuqezinjtë dhe tanimë mund të ketë mundësinë ta drejtojë nga stoli.

Sezonin e fundit ai e ka mbyllur në krye të Luftëtarit, që e shpëtoi prej rënies nga Superiorja. Gjithsesi në fund pati probleme dhe u pezullua për dy javë, ndërkohë që mbetet për t’u parë se si do të zgjidhet kontrata që Ahmataj ka me bluzinjtë.

Daja nga ana tjetër ka folur dhe ka lënë të hapur mundësinë e një bashkëpunimi me bardhekuqtë: “Nuk e përjashtoj aspak mundësinë për të qenë pjesë e ekipit të Skënderbeut. Jam më se i lumtur për atë që kemi arritur së bashku me futbollistët dhe presidencën. Nuk e mohoj që vazhdoj të jem në kontakte me drejtuesit e Skënderbeut dhe në momentin e duhur mund të ketë edhe një finalizim”.

Trajneri kryeqytetas, ka vijuar me deklaratën e tij në RTSH Sport: “Unë jam i gatshëm për Skënderbeun, edhe pse ka shumë kërkesa nga ekipe të ndryshme. Për momentin më duhet të pushoj dhe më pas do të vendos. Gjithsesi të mos keqkuptohemi, nuk po pres aspak se cila do të jetë përgjigja e KAS. Uroj që Skënderbeun ta shoh në Europë që këtë sezon, pasi është vlerë e futbollit shqiptar.

Jam gati të punoj në çdo rrethanë me Skënderbeun, por e përsëris: një trajneri i duhet një motiv maksimal për të qenë vetvetja dhe kërkues në nivelin maksimal. Këto mua nuk më mungojnë dhe besoj se me Skënderbeun gjithçka është e realizueshme”.

SportEkspres mëson nga burime të sigurta që Skënderbeu i ka ofruar pankinën Dajës sërish. Në Korçë duken të sigurt që do të fitojnë ndaj UEFA-s në CAS dhe do të marrin pjesë në kupat e Europës. Në këto kushte ata po mendojnë ta ndërtojnë ekipin e ri duke nisur nga trajneri Daja.

Padyshim nëse diçka e tillë ndodh do të ishte një nga skenarët më të bujshëm të merkatos së Superiores. Me Dajën në stol në Korçë mund të ketë edhe lëvizje të tjera dhe një ekip që do të pretendojë për tituj sërish. Sytë janë nga CAS, Skënderbeu i ri e ka pikënisjen aty.

Gjithçka ka nisur në fund të sezonit 2015-2016, atëherë kur Mirel Josa ngriti trofeun me Skënderbeun. Ishte një cikël me shumë suksese dhe tekniku kryeqytetas u rikthye të drejtonte Tiranën. Një vit më pas e pësoi Ernest Gjoka.

Kampion me Kukësin, por presidenti Safet Gjici mendon se e fitoi ai titullin kampion. Nëse kujtohet ndeshja me Skënderbeun, ndoshta ka edhe të drejtë. Gjithsesi, verilindorët në ndeshjet direkte me rivalët treguan forcën e tyre. Gjoka vijoi në kupat e Europës dhe eliminimi nga Champions-i bëri që presidenti Gjici ta shkarkonte.

Sezoni 2017-2018, Skënderbeu kampion dhe fitues i Kupës së Shqipërisë. Trajneri Ilir Daja e mbylli në fund të sezonit. Dënimi i UEFA-s ndikoi, ndërkohë që nga ana tjetër ai kërkonte edhe një sfidë të re. Largimet e shumta nga korçarët treguan se Skënderbeu nuk do të ishte favorit për titullin.  I fundit që largohet pas titullit kampion është Skënder Gega, për arsye personale.

Sezoni 2018-2019 | Partizani kampion, largohet Skënder Gega
Sezoni 2017-2018 | Skënderbeu kampion, largohet Ilir Daja
Sezoni 2016-2017 | Kukësi kampion, largohet Ernest Gjoka
Sezoni 2015-2016 | Skënderbeu kampion, largohet Mirel Josa

Ofertat për një pjesë të futbollistëve nuk mungojnë dhe do të ndryshojnë ambient, ndërkohë që nuk dihet se çfarë do të bëjë trajneri Ilir Daja. Tekniku kryeqytetas fillimisht do të takojë administratorin Sinan Idrizi dhe të kuptojë më mirë planet e tij në klubin vlonjat.

Nëse situata ndryshon, atëherë edhe Daja do të vijojë të mbetet në krye të Flamurtarit. Ai e ka shprehur më parë se është ndjerë mirë në qytetin bregdetar. Tifozët e duan dhe e vler3ësojnë maksimalisht punën e bërë me Flamurtarin këtë sezon.

Në lidhje me të ardhmen, i kontaktuar nga SportEkspres.com, Daja shkurtimisht ka deklaruar:  “Jam ende nën kontratë me Flamurtarin. Nuk kam ndonjë gjë për të thënë nëse do vazhdoj apo do qëndroj në Vlorë. Javën tjetër do takohem me presidentin Idrizi dhe do të vendoset gjithçka”.

Daja është padyshim një nga trajnerët më të mirë në vend dhe për të ofertat nuk mungojnë, ndaj në Vlorë duhet të mendohen mirë para se ta lënë të lirë të shkojë. Gjithçka është në duart e drejtuesve, që duhet ta kthejnë klubin Flamurtari në normalitet dhe të mos flitet vetëm për paga të që nuk janë dhënë.

AGRON KAJA

“Të rinjtë? Ata janë një element pozitiv. Krahas peshës kryesore që mbajtën ata me eksperiencë, ata që janë futur nuk e kanë prishur lojën. Kanë ta ardhme, por duhet të punojmë shumë dhe të jenë me këmbë në tokë. Flamurtari ka fanellë të rëndë, Vlora do rezultate dhe lojë të bukur”.

“E ardhmja? Kemi bërë një punë të gjithë bashkë, me lojtarët dhe nga gjithë klubi. Kemi përballuar problemet që të gjithë i dimë. Zgjedhja e parë është Flamurtari, nëse do kemi ndryshim të situatës. Do pres. Kam kaluar mirë. Nëse gjërat ndryshojnë parësore do jetë të vazhdoj me Flamurtarin”.

“Është një punë e bërë nga të gjithë, nuk i mbaj të gjitha meritat. Lojtarët me përkushtimin e tyre të motivonin. Ka qenë një sezon i suksesshëm me gjitha ato situata që kemi pasur”.

“Gjërat duhen marrë në vazhdimësi, pasi kishin dy muaj e ca pa pësuar asnjë humbje. Grupi i lojtarëve që kishim sot në dispozicion ishte i limituar. E keni parë edhe vetë, gjatë gjithë ndërrimeve të bëra ishin lojtarë të rinj. Ata kanë një perspektivë, por mungesa e eksperiencës për të përballuar ndeshje të tilla ku duhen patjetër tre pikët, ishte ajo që na solli edhe humbjen”, u shpreh Daja për mediat pas ndeshjes me Kastriotin.

Sa i takon Europës, ai beson ende se Flamurtari mund t’ia dalë edhe pse ka zbritur në vendin e pestë në klasifikim. Për këtë duhet fituar ndeshja e radhës me Laçin dhe Daja ka besim se mund t’ia dalin, pasi pritet të ketë edhe rikthime.

“Përderisa mund të rikuperojmë pikë, duke nisur nga ndeshja e radhës me Laçin, besoj se do të luftojmë deri në fund. Do kemi edhe rikthime”, u shpreh Daja në mbyllje. Kotobelli është rikthim i sigurt për Flamurtarin, pasi e shleu pezullimin prej kartonëve. Nën vëzhgim do të jetë Kale dhe Koliçi, që kanë pasur probleme dëmtimesh.

“Barazimet e kundërshtarëve na qetësojnë pak, në thonjëza. Gjithsesi duhet shohim mundësitë tona për fitore. Çdo javë po vështirësohet, por ne luftojmë fort deri në fund e të bëjmë atë që kemi bërë deri më sot”.

“Hapësirat për kundërshtarin? Strategjia në fillim na shkoi mirë. Natyrshëm, me problemet tona në aspektin teknik, pak mundësi ke të gjesh brenda lojës ndonjë modul. Lojtarët që hyjnë janë pa eksperiencë, edhe pse kanë të ardhme. Mund të bëhej më mirë. Në situatat një kundër një më shqetësoi fakti që merrnin topa pas shpine. Vonoheshim dhe kundërshtari merrte topin në kontroll”, përfundoi Daja.

Në intervistën për emisionin “Gol pas Goli”, numri një i pankinës së Flamurtarit analizoi humbjen e skuadrës së tij.

MUNGESAT – “Problemi ynë kryesor ishte temperatura që kaloi Veliu. E kishim përgatitur Mustën në krahun e djathtë të sulmit, Ribaj në të majtë të sulmit. Musta kaloi mbrojtës i majtë, Kotobelli në qendër. Si dhe shumë djem të rinj, këto ishin problematikat tona. Ky ishte kontingjenti dhe besoj se kur filluam të reagonim, pësuam dhe golin e dytë. Skënderbeu e meritoi fitoren, por problematika jonë ishte mungesat e shumta”.

SKËNDERBEU – “E kishim përgatitur ndeshjen edhe nëse kundërshtari luan me dy sulmues. Në pjesën e qendrës së mesfushës, kishim superioritet, pasi Batha dhe dy të brendshmit e mesfushës e krijuan këtë gjë. Nuk është se na shqetësoi shumë Krasniqi, përveçse te goli që shënoi një gol shumë të bukur. Ne kishim ekuilibër të mirë loje”.

GJUAJTJET – “Unë do të thosha që statistikat janë që kemi bërë vetëm një goditje, por kemi bërë shumë goditje që nuk kanë qenë në kuadrat. Natyrshëm që me gjithë këto mungesa, nuk mund të bënim më shumë, pastaj mos të harrojmë që po luajmë kundër kampionëve në fuqi”.

FINANCAT – “Deri më sot, nuk është se kemi parë shenja dorëzimi te lojtarët e mi. U ndodhëm sot përballë Skënderbeut në një moment shumë të mirë, por skuadra ime nuk u dorëzua. Nuk besoj se do të dorëzohen nga mungesa e financave deri në fund të sezonit”, tha Daja.

Në emision nuk mungoi një batutë për ish-kolegun e tij te Dinamo, Ilir Daja, të cilin e lavdëroi për aftësitë si trajner, por i kujtoi me humor se si futbollist nuk ka pasur të njëjtin status.

ILIR DAJA – “Trajneri  i Flamurtarit nuk ka luajtur asnjëherë futboll mirë, por si trajner është shumë më i mirë se sa ka qenë futbollist. E kam me të vërtetë, ka luajtur me mua. Ka qenë futbollist punëtor, por asnjëherë nuk ka qenë talent. Megjithatë, si trajner është talent. Metodika e këtij trajneri është shumë më e lartë se të gjithë trajnerët e tjerë që ka Shqipëria sot”.

TIRANA – “Tirana vuan arrogancën e fillimit të kampionatit. Kur i rikthyen në Superiore kujtuan ishin gati për titullin kampion. Arroganca e trajnerit të parë (Ze Maria) bëri që Tirana të ketë luhatje, më pas erdhi Mema. Në tre-katër javët e para u desh që trajneri të njihte lojtarët e t’i sillte aty ky donte ai. Më pas kishim një rritje të nivelit të Tiranës deri në barazimin pa gola me Partizanin dhe fitoren me Kukësin. Më pas në një momenti filloi nervozizmi dhe mungesa e përqendrimit. Kjo ndodhi nga humbja ndaj Kastriotit dhe barazimi në Laç. Gjithë ky nervozizëm solli që te Tirana të krijohej një amulli e vërtetë. Edhe vetë trajneri s’ishte më i qetë që të kishte skuadrën e qetë. Të gjitha këto pasojnë njëra-tjetrën”.

“Europa, si titull? Kur arrin objektiva je brenda asaj kënaqësisë. Unë i kam provuar të gjitha. Nëse e arrijmë, do të jetë një sukses. I kemi mundësitë. Flamurtari ka disa vite që nuk shkon. Është një kënaqësi e jashtëzakonshme, pasi kemi bërë mirë gjatë gjithë kampionatit”.

“Kur ke stol, bën ndërhyrje edhe më përpara. Kur kemi edhe spostime në role, Mustafa luajti sulmues i dytë. Ymeraj është mesfushor me tipare mbrojtëse dhe mendon për të ruajtur rezultatin, jo për të shënuar golin e dytë. Prandaj i shtyjmë ndërrimet”.

“Pse e mendoni Europën? Për të qenë i sinqertë, nuk kam informacion mbi licencimin e klubit. Janë të tjerë që merren. Nuk është e thënë të shkosh në Europë, por ne do luftojmë për të qenë aty ku shkohet në Europë. Klubi do bëjë përpjekjet të jetë union me skuadrën”.

Për SportEkspres.com, Daja deklaron se ende nuk ka ndonjë përcaktim final për shkallën e dëmtimit të pogradecarit. “Koliçi është një forcë e madhe te Flamurtari dhe mungesa e tij në sfidën me Kukësin do ishte serioze për skuadrën. Gjithsesi, sot pasdite do të shikohet shkalla e dëmtimit të tij. Besoj shumë se ai do të rikuperohet deri në ditën e ndeshjes. Alternativat janë, por ai është një titullar i rëndësishëm dhe deri të dielën në Elbasan shpresojmë të jetë i gatshëm”, shprehet kreu i pankinës vlonjate.

Nëse Koliçi nuk ia del, në portë do të jetë portieri Pano Qirko. Ndërkohë edhe  Pollozhani, Veliu e Kale kanë patur dëmtime të lehta pas ndeshjes me Teutën. Gjithsesi trajneri Daja deklaron se ata do jenë të gatshëm për ndeshjen me Kukësin.

AGRON KAJA

TEUTA – “E menduam që ta nisnim vrullshëm lojën. Në futboll jo gjithmonë të del ajo që ke menduar, por neve sot na doli. Golat tanë erdhën në momentin e duhur, pasi kundërshtari po na vinte me vështirësi. Mposhtëm një ekip të fortë si Teuta, ku gjëja më e rëndësishme ishte rezultati”.

LICENCIMI PËR EUROPËN – “Ne kemi për detyrë që të fitojmë ndeshjet në fushën e lojës, pjesën tjetër e kanë drejtuesit e klubit. Ne duhet të përqendrohemi te fakti që po i shërbejmë qytetit me këto rezultate pozitive. Dihet që pjesa tjetër e ekipeve, si kundërshtari i sotëm,  kanë bërë merkato në janar, ndërsa ne kemi pasur shumë largime. Ne na mbetet të bëjmë tonën në fushën e lojës”.

EKIPI – “Ky grup ka një frymë skuadre mjaft pozitive, gjë që ja bën shumë të lehtë stafit. Kam mbështetjen e lojtarëve me eksperiencë çka mi bën gjërat më të lehta për ta motivuar këtë ekip e për të bërë këto gjëra që po arrijmë tani. Përderisa jemi në vend të tretë jemi të denjë për këtë, ne flasim me pikët. Kemi vetëm 10 lojtarë që përballojnë këtë intensitet ndeshjes. Lojtarët e stolit nuk kanë eksperiencën e duhur”.

“Objektivi? Duhet të përmirësohemi në vazhdimin e lojës, të kemi minuta të mira më shumë. Të kemi besim për të shkuar përpara. Edhe pragmatizmi nuk është keq. Kjo fazë është e vështirë për të gjitha ekipet. Pikët kanë më shumë vlerë se spektakli. Jemi një grup që ka harmoni, shpirt skuadre. Motivimi vjen prej kësaj”.

“Flamurtari pa rroga lufton për Europën? Do e veçoja këtë problem, shpresoj që gjerat do përmirësohen. Kemi marrë besimin e presidentit. Nëse do kishte qenë një situatë më pozitive, me gjithë grupin gati, do ishim më sipër në tabelë dhe në lojëra. Megjithatë jam i kënaqur me këtë ecuri që ka ekipi. për të qenë i sinqertë, janë ata përpara dhe pastaj vijmë ne si staf. Nëse do kisha grupin që nisi kampionatin, do isha në rregull”.

“Bëmë pjesë të parë të mirë. Pjesën e dytë e kishte iniciativën Tirana. Kemi ndryshuar shumë pozicione, Batha, Rrapaj dhe Musta. Sukaj nuk e ka gjendjen fizike ende”.

Presidenti Safet Gjici është nga ata që kërkon gjithmonë më të mirët dhe për këtë i ka bërë një ofertë trajnerit Ilir Daja. Sipas asaj që është raportuar në emisionin “Sport Plus” në Klan Plus, tekniku kryeqytetas e ka refuzuar ofertën.

Aktualisht Daja drejton Flamurtarin, klub që nuk po kalon një moment të mirë në aspektin financiar, edhe pse kjo vjen për shkak të burokracive. Gjithsesi kjo pak rëndësi ka, realiteti është i tillë që lojtarët prej muajsh nuk paguhen.

Daja ka refuzuar të marrë përsipër një bast të madh me Kukësin, që kërkon titullin kampion. Nëse pranonte, sfida e parë e tij ishte e programuar kundër Partizanit, që është një finale në luftën për titull. Ai e ka parë të arsyeshme të qëndrojë ën Vlorë dhe të mbyllë sezonin, ndërsa në verë pritet të ndryshojë skuadër.

Daja e quan si pikë kthese mbetjen e ekipit të tij me një lojtar më pak dhe tregon shkakun se ku e gjet forcën për të vazhduar punën e tij, pavarësisht vështirësive të shumta që po kalon Flamurtari i tij.

NDESHJA – “Atëherë, sigurisht që me lojtarët që kishim në dispozicion, menduam të formatojmë një 11-ësh që t’i bëjmë ballë Partizanit, që me meritë kryeson kampionatin. Një gjë që nuk kthehet mbrapsht ,është që kartonin e ka dhënë arbitri anësor, që ishte pranë pankinës sime. Nuk e di si e sheh ai aq larg, pasi situata ishte minimalisht 70 metra larg. U ndëshkuam në momentin më të mirë tonin, por u munduam ta përballonim dhe 10 lojtarë. Morëm një gol të evitueshëm, gjë që ndikoi negativisht te morali i ekipit. Luajtëm përballë një ekipi që luftoi fort, bashkë me një anësor 70 metra larg.”

SITUATA – “Lojtarët e rinj kanë një suport, por dhe ata me eksperiencë janë shumë të rëndësishëm për ne, pasi shpeshherë bëhen krah. Me këto lojtarë që kemi, dalim në fushë dhe bëjmë një lojë të hapur kundër të gjithave skuadrave. Kundër Partizanit me 10 lojtarë, është shumë e vështirë. Megjithatë, them që Flamurtari në këto momente, ashtu siç ka ardhur situata, mund të hedhë në fushë dhe lojtarë të akademisë. Do të veçoja Rrapajn, që është vetëm 17-vjeç dhe vazhdojmë që brenda lojës të shfaqim sa më pak gabime, duke llogaritur që ky është kontingjenti.”

AKUZAT – “Jam akuzuar nga largimi nga Korça. Të them të drejtën kam mbaruar kontratën me Skënderbeun dhe jam i nderuar që kam drejtuar ekipin dhe kemi fituar shumë trofe. Kur u largova, u quajta “tradhtar”. Të gjithë së bashku po tregojmë që në fushë të paktën prodhojmë maksimumin, jemi të motivuar dhe kemi një grup që tregon se jemi aty ku duhet, duke marrë në konsideratë situatën që po kalojmë.”

VAZHDIMËSIA – “Motivi që më mban akoma është se brenda qytetit të Vlorës, ndihem i respektuar. Kjo është diçka që një trajner e do, pavarësisht problemeve të profesionit. Të gjithë së bashku po vazhdojmë me idenë se duhet investuar te talentet, jo për këtë sezon, por për atë pasardhësin.”

GOLAT E PËSUAR – “Nuk dua të kryqëzoj Koliçin, pasi aksioni fillon shumë kohë më përpara. Me eksperiencën që ka, mund të na ndihmonte për të mos e pësuar atë gol, por të gjithë gabojmë. Nuk ishte ajo pika e kthesës, por dalja me të kuq e Ribajt. Dihet se është një lojtar që nuk ka probleme dhe është “FairPlay”. Aty ishte pika e kthesës. Mënyra e festimit? Janë brenda kuadratit të fushës dhe festuan aty ku nuk kishte fare tifozë. Besoj se kanë festuar në mënyrën më të mirë të mundshme dhe nuk e di çfarë faji ka ekipi kur feston brenda kuadratit të fushës. Do të vazhdojmë të festojmë kështu, pasi nuk po provokojmë asnjë!”

TAKTIKA – “Duke qenë se kemi mungesa dhe lojtarë që nuk janë ambientuar ende, kemi kërkuar që të ndryshojmë manovër dhe të mos qarkullojmë shumë topin, pasi duhet kohë dhe cilësi e duhur. Kështu që ka qenë e punuar skema e golit dhe përderisa u realizua, mund të them se kemi qenë të suksesshëm.”

KËRKESA – “Kam një kërkesë për FSHF-në, pasi anësori është bërë shumë kompetent. I kanë dhënë shumë liri anësorëve për të bërë gabime që kryesori nuk i bën.”

Daja ka folur pas ndeshjes në emisionin “Gol pas Goli” në “SuperSport”, duke analizuar fitoren e sotme, ndërsa prek dhe çështjen financiare të ekipit. Trajneri zbulon dhe bisedën e bërë me sulmuesin Ribaj dhe ndihet mirë që sulmuesi gjeti golin në ndeshjen e sotme.

REZULTATI – “Sigurisht që jam i kënaqur dhe mendoj që në të tilla ndeshje, lojtarët motivohen vetë. Ajo që kemi kërkuar është të ruajmë qetësinë dhe të mos prishim ekuilibrat. Gjithë ai shpirt gare dhe motivim bëri që ne të arrinim të rezultati pozitiv.”

DELIAJ – “E njëjta situatë më ka ndodhur kur drejtoja Skënderbeut. Që do të thotë se nëse bën një ndërrim të tillë, një lojtar nuk mund të lihet më në stol brenda rregullores. Deliaj u dëmtua në nxehje dhe e dërguam në tribunë, pasi rregullorja e tillë është.”

RIBAJ – “Padiskutim që çdo lojtar ka fushën e lojës për të treguar vlerat e tij. Ribaj ka pasur një moment “jo” por ka qenë pjesë e kontingjentit dhe na sjellë gjëra pozitive. Me atë që paraqiti sot, ka fituar më shumë minuta seç ka pasur më përpara. Nuk ka qenë një strategji e jona zëvendësimi i Ribajt me Deliajn, por ka qenë dëmtim. Më konfirmoi stafi mjekësor dhe futëm Ribajn, që ka qenë dhe një shans për ne. Nuk është vetëm goli, por e gjithë mënyra sesi luajti, u bë edhe pikë pasimi. Kjo do të thotë që nuk ishte strategji e jona, por një zgjedhje e detyruar. Shpresojmë që në ditët në vazhdim gjërat të përmirësohen për ne në aspektin financiar.”

BISEDA – “Problemi është fakti që unë kam pasur një bisedë me kërkesën e Ribajt dhe kemi folur bardhë e zi me njëri-tjetrin dhe ja ku e ka fushën e lojës. Nëse bën të tilla performanca, do t’i shtojë minuta vetes. Më vjen mirë që Ribaj reagoi në këtë formë.”

ELIMINIMI – “Nuk jam i zhgënjyer. Rezultati është pjesë e futbollit. Vetëm në çerekun e parë patëm 10 situatë për gol. Provuam ta çonim 2-0, por kur çdo trajner mendon dhe u thotë lojtarëve të futen në ritëm, këtu në pjesën e dytë u pa që u luajt pak. Ju si gazetar mund të thoni sa lojë efektive u bënë. Gjashtë ndërrime dhe 35 ndërprerje të ndeshjes, kurse minutat shtesë ishin pak.”

“Nuk jam kundër Tiranës, jam më tironas se ju. Jam në të mirë të futbollit shqiptar dhe nëse do ketë këtë lloj menaxhimi të arbitrave, sigurisht që do të shkojmë mbrapa.”

“Pasqyrova çfarë thashë, nuk thashë që ka klane. Ku e dëgjuat? Të gjithë janë në mbështetje të Flamurtarit dhe do vazhdojmë të shkojmë përpara.”

EPISODI – “Pretendimi për penallti? Nuk pretendoj për asgjë, dua të luhet futboll. Nëse ka ndërprerje nuk ka futboll, sidomos në një fushë ku luan kushdo futboll dhe merr çfarë meriton.”

“Mungesat e shumta na kushtëzuan shumë, prandaj nuk filluam ndeshjen në atë ritmin e manovrën e duhur. Më pas provuam gjithçka dhe futbollistët në fushë morën kontrollin e lojës dhe shënuan golin e barazimit”, tha Daja.

Daja merret edhe me gjykimin: “Pësuam golin e dytë në një goditje standarde, ku kishim kundër edhe erën. Për mendimin tim faulli që u dha për rastin në  fjalë ishte më shumë për ne se sa për kundërshtarin. Gjithsesi nuk do të bie në nivelin e këtyre që gjykojnë futbollin shqiptar, sepse ata marrin kurajën që në një qytet sportdashës dhe të traditës si Vlora, të vendosin jo në bazë të rregullores së futbollit, por në bazë të rregullores, por vetëm në bazë të asaj që ata e shikojnë. Më mirë të mos i vëmë në qendër të vëmendjes e t’i injorojmë”.

Trajneri i Flamurtarit nuk dorëzohet dhe tregon pse: “Ajo që më jep një motivim më shumë, përveç lojtarëve me eksperiencë, ku Pollozhanit tani i mungojnë dy dhëmbë për shkak të dyluftimeve, është dhe prezenca e lojtarëve të rinj si Rrapaj e Ziaji që futen e bëjnë mirë, pasi në fund fare janë lojtarë që i takojnë  perspektivës të futbollit”.

BARAZIMI – “Nganjëherë situata e vështira bëhen pjesë e motivimit më të madh te ekipi. Gjatë kësaj periudhe kemi punuar me Bushiç në sulm. Sot u munduam që të gjenim një zgjidhje me një seancë që kishim në dispozicion. Lojtarët treguan grintë në fushë dhe kjo më kënaq. Pika nuk ishte ndonjë qëllim i madh, por kjo pikë i takon lojtarëve të mi”.

LOJTARËT – “Kanë sakrifikuar në maksimum që të gjithë, sidomos kur ishim me 10 lojtarë. Në pjesën e parë e mbajtëm kundërshtarin në gjysmën e fushën e tij. Mund ta evitonim golin e barazimit. Kale nuk është në gjendjen e tij më të mirë. Alla dhe Veliu kanë sakrifikuar. Alla kishte 10 ditë pushim pasi ka qenë me grip, po ashtu dhe Veliu nuk ka qenë në kondicionin e tij më të mirë. U bashkuam të gjithë. Duhet të përgëzohet motivimi i këtyre çunave”.

SULMI – “Mbeten dhe pak ditë nga mbyllja e merkatos. Nuk ka shumë mundësi në merkaton e janarit. Na dëmtuan dhe largimet e lojtarëve, që do të thotë se duhet të ulemi dhe të bisedojmë me drejtuesit e klubit se çfarë do të bëjmë në këto ditë për t’u dhënë suport. Kemi dy mungesa në ndeshjen e radhës me Kalen dhe Torasën. Na mungon i gjithë sulmi. Do bisedojmë me drejtuesit që të kemi ndonjë prurje”.

E ARDHMJA – “Në momentin që marr vendime i marr me qetësi dhe jo me dozë emocionale. Kemi sakrifikuar dhe uroj që të sakrifikojmë të gjithë bashkë”.

OBJEKTIVAT – “Nuk e kam të vështirë që t’i motivoj. Motivimi i brendshëm është shumë herët më i mirë se ai që vjen nga stafi. Mendoj se edhe në këto kushte ku jemi, nëse do të ndërhyhet në këto ditë mund të pretendojmë diçka më tepër. Nëse jo do ta kemi të vështirë”.

SHPIRTI I GARËS – “Nuk kam pse të marr meritat për vete. Edhe në çaste vështirësie treguam mentalitet fituesi. Sot ekipi kishte grindë dhe shpirt skuadre, që është elementi i parë në një ekip dhe i falënderoj për atë që dhanë”.

Trajneri flet për paraqitjen e ekipit të tij për “Supersport” , beson te ndeshja e kthimit dhe në fund thumbon Danilo Alvesh, i cili vazhdon të “pushojë” në Brazil dhe nuk është bashkuar akoma me ekipin.

“Sigurisht që është një rezultat që i jep Tiranës një hap drejt kualifikimit. Ka edhe 90 minuta, ne kishim shumë mungesa dhe improvizuam. Morëm dy gola në goditje standarde. Pjesë e lojës janë edhe gabimet, te goli i parë nuk ruajtëm topin e dytë. Do bëjmë gjithçka që në kthim të kalojmë tej në Kupë”.

“Ne mund të shkojmë drejt objektivit nga Kupa ose nga kampionati. Nuk kemi çfarë humbasim në kthim. Rikthimi i titullarëve të tjerë mendoj të zgjidhim diçka ndryshe nga sot”.

“Lojtarët jo të qetë? Si trajner nuk më takon të kthej përgjigje, por gjithçka drejtohet nga sistemi nervor. Brazilianiu? Danilo Alvesh do t’i japim kohën e duhur nga fundi i kampionatit”.

“Keni menduar dorëheqjen? Kur jap dorëheqjen e kam personale, nuk mund ta trajtoj tani kur nuk ka dalë gjë nga goja ime. Mund të pyesni kolegët tuaj që e kanë nxjerrë si lajm”.

NDESHJA – “Edhe pse me mungesat që jemi mësuar, kemi pasur shanset tona për të shënuar, ashtu si dhe kundërshtari. Besoj se ishim më shumë në zotërim të topit dhe kemi shtyre para, duke ndërtuar nga mbrojtja. Na mungonte një lojtar si Bushiç dhe ndryshuam manovrën. Ishte ndeshje e hapur dhe në fund i buzëqeshi Tiranës me një fitore në fund. Nuk kishim ardhur për një pikë, por sapo mbylla një bisedim me lojtarët e mi dhe i falënderova për atë që kanë dhënë, pasi ka qenë një punë intensive dhe e lodhshme. Do ishte e mira ta mbyllnim me fitore, por ky është futbolli dhe do të shohim që gjatë kësaj periudhe të shtojmë më shumë ato gjërat pozitive që kemi dhe të përpiqemi që të përmirësohemi aty ku nuk kemi qenë në nivelin e duhur”.

SITUATA NË KLUB – “Në Fushë-Krujë e kemi harruar atë ndeshje. Kemi bërë dy fitore në shtëpi. Nuk kemi pasur skuadrën e plotë, pasi edhe lojtarët kur janë në ditë si sot, kur Torasa, Alvesh dhe Kale, nuk ishin në gjendjen e tyre më të mirë fizike, pasi dy vijnë nga dëmtimi dhe Kale nga një periudhë e gjatë pa luajtur. Rasti i Kales është një çudi që ndodh vetëm në kampionatin tonë, në asnjë vend tjetër të botës”.

RASTI I PENALLTISË – “Nuk i mësojmë lojtarët tanë të fitojnë penallti, pasi nuk kemi marrë asnjë penallti gjatë kësaj periudhe. Në përgatitjen para ndeshjes është që nuk përcaktojmë se kush godet penalltinë, e jo më të kërkojmë. Nuk kemi marrë penallti kur rastet kanë qenë. Nuk është faji i lojtarit që shtrihet në zonë, por është lojtari që duhet të markojë pas tij, që lojtari i parë është i shtrirë, t’i vijë në ndihmë, për të mos e lënë kundërshtarin të godasë”.

FINANCAT – “Te Flamurtari janë zgjidhur gjithnjë problemet dhe ngërçi i momentit do të zgjidhet. Besojmë se do të ndodhë diçka e tillë, për të vijuar këtë projekt. Nuk mundet që nga një ekip, që vjet ishte në dy fazat e dyta në luftë për mbijetesë, të kërkojmë titullin. Duhet që të paktën me kontingjentin që kemi, duke shtuar dhe një përgatitje më të mirë fizike të lojtarëve që përmenda më lart, të bëjmë akoma dhe më mirë në dy fazat e mbetura, duke shpresuar të vijojë ky projekt. Lojtarët e Flamurtarit, por edhe ne kemi pak ditë pushimi, pasi kemi punuar fort”.

URIMI – “I uroj komunitetin e futbollit, tifozët dhe këdo për një ecuri sa më të mirë. Uroj që të gjithë së bashku të përcjellim një mesazh për një futboll më të mirë. I uroj mbarësi çdo shqiptari për këtë vit të ri që është në prag”.

“Është një ndeshje e vështirë për shumë arsye, pasi lojtarët janë jo 100% të motivuar. Kjo në raport me Tiranën nuk është njësoj, pasi ata janë në një pozicion që kërkojnë të ngrihen. Por edhe ne e duam diçka të tillë, pavarësisht se vijmë nga dy fitore radhazi. Kemi përballë një kundërshtar si Tirana, që pikët e marra nuk tregojnë nivelin e tyre. Ata kanë prodhuar lojë dhe nuk nisemi nga pozicioni që kanë në tabelë. Do e vlerësojmë maksimalisht, pasi janë klubi më i titulluar në vend. Me aq sa kam mundur ta ndjek, besoj se Tirana meriton më shumë nga sa ka në tabelën e klasifikimit. Ne vijmë pas dy fitoreve radhazi, por futbolli është i tillë që sapo mbaron një ndeshje duhet të ruash të njëjtin ritëm nëse do të shkosh drejt objektivave të vendosura”.

PËRBALLJA ME MEMËN – “Ekipet ndryshojnë nga java në javë, jo më nga një fazë. Siç e njoh unë Memën, më njeh edhe ai. Kjo nuk ka të bëjë me faktin që kemi punuar bashkë. Gjërat evoluojnë, çdo ekip ka problemet dhe armët e forta. Nuk ka rëndësi shumë njohja mes njëri-tjetrit, por leximi i lojës gjatë zhvillimit të saj”.

SITUATA NË EKIP – “Gjatë kësaj periudhe, problematika jonë ka qenë fakti që nuk e kemi pasur grupin të plotë. Shpesh lojtarët kanë sakrifikuar dhe kanë luajtur jo në gjendjen më të mirë. Jemi mësuar me këtë gjë, as nesër nuk do e kemi të plotë. Mungon Veliu, por edhe Bushiç me shumë mundësi nuk do të jetë. Ata që kemi kanë shumë eksperiencë, sidomos në sulm ku janë Alvesh, Torasa e Kale. Nëse do mbështeten mirë, atëherë do ta bëjnë më të lehtë mungesën e Bushiç”.

“Sulmi i plotë? Besoj se nuk do ta ketë Alvesh këtë pretendim, pasi në 18 javë kampionat nuk ka qenë prezent në shumë ndeshje. Por kësaj radhe nuk e plotësojmë dot, pasi Bushiç nuk mund të jetë. Sot do shihet konfirmimi. Do futemi edhe nesër ne fushë me kontingjentin jo të plotë. Kemi kohë për të qenë të gjithë bashkë. Problematika jonë kryesore ka qenë se nuk kemi qenë me ekipin e plotë. Shpresojmë të jemi në vazhdimësi, pasi jo vetëm rritet rivaliteti, por edhe shprehim potencialin tonë në fushë dhe të kënaqim tifozët me paraqitjen e bërë”.

OBJEKTIVI – “Nuk kënaqem me barazimin. Nesër, si në çdo ndeshje do të futemi për të marrë tre pikët, pavarësisht se e di që do të jetë një ndeshje shumë e vështirë”.

Ilir Daja ka folur për emisionin “Gol pas Goli” në “SuperSport”, duke analizuar fitoren e vështirë. Trajneri i Flamurtarit vlerëson ekipin për fitoren, sqaron zgjedhjet taktike dhe e mbyll me objektivat e klubit vlonjat.

FITORJA – “Ishte një rezultat shumë pozitiv, edhe Kamza luajti mirë. Në këto kushte, duke qenë ndeshja e parafundit, nuk prisnim spektakël. Nuk jemi mësuar të luajmë me topa të gjatë. Patëm probleme, Torasa e Alvesh sakrifikuan, sikurse i gjithë grupi. Na duheshin tre pikët për të qëndruar pranë skuadrave lart.”

LOJA – “Kur bëhet një ekip, projektohet me të gjithë lojtarët. Tani në fund i kemi të gjithë. Kale, Torasa e Alvesh kanë fituar formën fizike. Me pikët që kemi, për të mos harruar ndeshjen me Tiranën, në pjesën e dytë të sezonit mund të bëjmë diçka në drejtim të paraqitjeve.

GJENDJA FIZIKE – “Ka një rënie fizike dhe ju e dini se nëse sulmuesit nuk janë aktivë, e gjithë barra bie mbi ekipin që duhet të bëjë metra më shumë dhe të zmbrapset më shumë. Shumë lojtarë tanët nuk i përfundojnë dot 90 minutëshat. Kale sot për herë të parë luajti deri në fund. Nëse sulmuesit do ishin në gjendje të mirë fizike, nuk do na ndodhte kjo që të vuanim në fund sikurse me Laçin”.

ZGJEDHJET E BËRA – “I futa sulmuesit nga fillimi për ta zgjidhur sa më shpejt. Nxorëm 12 lojtarë në nxehe. Nisur nga terreni, duhet të shënonim shpejt. Sot na buzëqeshi fati, por ishte risk i madh që morëm duke futur tre lojtarë të programuar për t’u ndërruar”.

OBJEKTIVI – “Ekipi nuk është konsoliduar ende. Besoj se gjatë minifazës do të bëjmë më mirë, pasi do kemi gjithë grupin gati. Nuk i ndryshojmë objektivat menjëherë. të shohim si do shkojnë ndeshjet e para të vitit të ardhshëm. Mbetemi te objektivi Europë, por nuk do të thotë se nuk do të ndryshojmë rrugës”.

“E nisëm me një 17-vjeçar që e përgëzoj për lojën që bëri. Kemi Kalen edhe Alveshin jo në kondicionin e duhur. Alvesh vinte pas dëmtimit. Kale dihet që nuk e shtyn dot një ndeshje të plotë. Kishim shumë mungesa. Ndryshimet ishin të sforcuara, pasi nuk ishin në rolet natyrale. Do shfrytëzojmë ato energji që kemi këto dy javë. Me një fazë përgatitore duke ditur pikat e forta dhe jo të forta, them se do të kemi më shumë mundësi për të mos e përsëritur këtë 10-minutëshin e fundit. Kishim mundësi për të shënuar dhe golin e dytë”.

“Ne nuk kemi luajtur asnjëherë me një kontingjent të plotë. Në çdo ndeshje kemi ndryshuar formacionin, për arsyet që thash më sipër.”.

“Bëmë dy ndryshime të detyruara dhe më pas vuajtëm. Ne nuk bëmë ndryshime në rolet natyrale, pasi ishin lëvizje të detyruara”.

“Sulm super? – I referoheni lojtarëve me cilësi individuale si Kale, Alvesh dhe Torasa. Kanë pasur minutazh të reduktuar dhe jo në gjendjen e tyre më të mirë. kanë pasur shumë dëmtime nëse nuk do kishim pasur këto probleme do të thosha se kemi një sulm të frikshëm. Torasa sakrifikoi ndaj Kastriotit dhe bëri që të mos ishte sot”.

MERKATO E JANARIT – “Përderisa thonë ekipet sipër nesh që kanë nevojë për përforcime edhe ne kemi përforcime. Na duhet cilësi jo sa për numër. Në merkaton e janarit flitet shumë, por pak janë ato lojtarë që mund të quhen goditje”.

“Do doja që ta kisha kontingjentin e plotë, pasi do të rriste rivalitetin dhe do prodhonin një tjetër performancë në fushë. Nuk mund të them për pozicionet ku do ndërhymë pasi do të më mërzitën lojtarët këto dy javë dhe nuk mund të flas për pozicionet ku duhet të ndërhymë”.

FINANCAT ? – Nuk kam qenë i informuar , pasi trajneri duhet të rrijë larg anës financiare. Nëse pagesat do të jepen në kohën e duhur edhe lojtarët do motivoheshin më shumë. Asnjëherë Flamurtari nuk ka ngelur pa shlyer pagesa”.

“Kemi fituar me vendin e parë dhe kemi humbur me të fundit, por janë dy ndeshje që nuk kanë lidhje me njëra-tjetrën. Kushtet në të cilat kemi luajtur bëjnë që të mos i barazojmë si ndeshje. Vlenin tre pikë, që do i kërkojmë edhe nesër. Luajmë ndaj një ekip që vjet ka luajtur në Europë, ndryshe nga ne. Në fazën e parë na kanë mundur, janë  4 pikë më shumë se ne dhe kemi disa mungesa. Të gjitha këto nuk na pengojnë ne që të futemi në fushë për të fituar ndeshjen. Jemi koshientë të gjithë që Laçi është një ekip i vështirë, ka dyluftime të forta, ka grinte. Nesër, duke llogaritur mungesat, kompensimin duhet ta bëjmë me shpirt gare dhe me anën tekniko-taktike”.

“Dy ndeshje në shtëpi? Nuk do i vija të dy ndeshjet bashkë dhe të them atë fjalinë e zakonshme hap pas hapi. Ndeshjet ndryshojnë, pasi po shihet që nuk po kemi të njëjtin formacion. Të gjithë energjitë do i përqendrojmë te ndeshja me Laçin. Në ndeshjen e fundit morëm shumë kartonë, ne dhe Luftëtari jemi më të penalizuarit. Jemi dy ekipe që prodhojmë manovër dhe jo lojë të dhunshme. Duhet të kalojmë ndeshjen e nesërme. Po fituam, atëherë do ta përgatitim me qetë ndeshjen e radhës”.

“Tifozët? Nuk bëj hipokritin, tifozët vlonjate na kanë mbështetur edhe në vështirësi. Madje edhe kur nuk i kemi kënaqur. Edhe nesër duhet të na mbështesin. Po programojmë të ndryshojmë lojën dhe rezultatet. Patjetër na duhet mbështetja e tifozëve”.

“Rival i drejtpërdrejtë Laçi? Sigurisht, i rendita arsyet edhe më lart. Vjet kanë qenë në Europë, na kanë mundur fazën e parë dhe kanë 4 pikë më shumë. Është kundërshtar i denjë për ne. Nesër do harxhojmë gjithë potencialin për të shkuar te fitorja”.

“Gjykimi? të kesh rezerva për gjykimin në Shqipëri, ku ka rezerva për gjithçka, nuk do të jesh i drejtpërdrejtë. Ngul këmbë që duhet të përmirësojmë është loja efektive. Ndeshjen e kaluar kishte më pak se 50 minuta lojë efektive. Arbitri ka në dorë të ruajë ritmin dhe të lejojë të bëhet lojë”.

“Merkato dhe mungesa? Natyrshëm që nuk punojmë për ndeshjen nesër. Për t’u përgjigjur me detaje do ta flasim kur të përfundojë gjysma e kampionatit. Do bëjmë një analizë dhe më pas do të flasim. Batha e Useini nuk janë për shkak kartonësh. Torasa ka pasur probleme, nuk do e rrezikojmë nëse nuk do të jetë 100% për lojë”.

“Problemet e pagave? Gjatë gjithë karrierës sime si trajner nuk ka folur për anën financiare. Nuk flas as me futbollistë për këtë. Jam drejtuesi teknik dhe do bëja gabim nëse do jepja detaje pa qenë i painformuar. Nuk më takon mua të përgjigjem për këtë pjesë”.

“Kale? Kur mbaruam merkaton, e kemi llogaritur titullar në sulm. Veç cilësive ai ka edhe një eksperiencë në kampionatin tonë. Me ardhjen e tij kemi një forcë të shtuar në sulm. E ka shprehur edhe në dy ndeshjet që ka luajtur”.

MUNGESA E VAZHDIMËSISË – “E vërtetë është që pas një fitoreje me Partizanin e vendit të parë, mundemi me Kastriotin e vendit të fundit. Nuk u përshtatëm me terrenin. Ndryshuam manovër në pas dhe nuk na doli si duhet. Pjesën e dytë lojtarët treguan njëfarë karakterit për t’u përshtatur me lojën. Gjithsesi nuk dolëm aty deshëm”.

TËRRENI – “Ndikon shumë, nuk mund të ndryshosh për një javë dhe të luash me top të gjatë. Duhet të kujdeseshim për topin e dytë. Pjesa e dytë pati shumë ndërprerje dhe në fund humbim pikët. Këto fusha nuk kanë nevojë për teknikë dhe taktikë, por për dyluftime. Këtë e bëmë në pjesën e dytë”.

QIRKO – “Po e përmbledh me një fjalë: shkëlqyeshëm. Është portier me perspektivë dhe e ka treguar edhe sot që mund të bëhet një nga portierët më të mirë nga kampionati shqiptar”.

DYLUFTIMET – “Ato që nisën lojën kishin këtë gjë, që mund të luftojnë. Vetëm Torasa jo, por ai ka shpirt luftarak. Ai sakrifikoi, pasi tentoi të luante pas një dëmtimi. Terreni i butë nuk e lejoi të shfaqej dhe e zëvendësuam që në pjesën e parë. Kjo na kushtëzoi më vonë në freskimin e ekipit”.

ZERO GODITJE NË PORTË – “Mbetet për t’u punuar në vazhdimësi, që edhe këtë element jo të mira të përmirësojmë për ndeshjet e tjera”.

NDESHJA – “Ajo që më shqetëson është loja. Në pjesën e parë kundërshtari ishte më lart, ndërsa në pjesën e dytë u munduam, por nuk rrezikuam shumë. Them se ishte lodhja, si për ne dhe kundërshtari. Kemi shumë punë për të bërë, sidomos në ndeshjet në Vlorë, pasi luajmë ndryshe jashtë dhe ndryshe bëjmë këtu në shtëpi. Në momentet kur duhet të jemi të durueshëm bëjmë gabime në pasimin e thjeshtë, përgjegjësinë kryesore e mar vetë për këtë ndeshje të sotme”.

VAZHDIMËSIA – “Na shqetëson vazhdimësia në cilësinë e lojës. Sot kundërshtari do të them se ishte më sipër se ne, sidomos në pjesën e parë. Ne sot nuk meritonim më shumë se barazimi. Pas një ndeshje shumë të mirë kundër Kukësit, duhet të kemi vazhdimësinë në lojë që të kemi më pas vazhdimësinë edhe në pikë”.

PROBLEMI – “Ne duhet të ndryshojmë në fillimin e ndërtimit të aksionit. Duhet të jemi më të thjeshtë dhe më të shpejtë, që të krijojmë hapësirat e duhura, që të vijojmë më pas me sulmin. Nuk mund të luajmë me topin në thellësi, pasi nuk i përshtatet Bushiçit. Ne duhet ta s’postojmë lojën për të në linjat fundore, që të futet në lojë me topin në ajër. Kur është i lirë në shtyllën e dytë ne humbasim me pasim. Ekipi ka shkëputje, nuk ka një qëndrueshmëri, në vazhdimësi. Pritshmëritë janë të mëdha dhe ne gjendjen psikologjike nuk jemi në gjendje për t’u dhuruar atë që ata kërkojnë”.

RIKTHIMI NË KORÇË – “Është një ndeshje shumë e vështirë. Kjo lojë sot do na ulë pak psikologjikisht, por ndoshta do të gjejmë forcë për ta motivuar ekipin. Skënderbeu është ekipi i konsoliduar dhe kryeson prej vitesh në futbollin shqiptar, por edhe ata kanë pika të forta. Janë të avantazhuar nga forma dhe pikët. Në ato pika jo të forta që kanë do tentojmë që t’i shfrytëzojmë, për të rikuperuar dhe këto pikët që nuk i morëm sot”.

PNEDESË QË IKU IKE NGA KORÇA – “Nuk jam bërë pishman. Nuk kisha më çfarë të jepja të ai ekip, kur arrin ato sukses, si në kampionat, Kupë dhe Europë. Një Skënderbe që pret vendimin  CAS, uroj që të mos jetë negativ, pasi do të ishte në dëm të futbollit shqiptar. Nuk e kthej kokën pas, pasi mua më pëlqejnë sfidat e reja”.

RASTI I DISKUTUESHËM – “Nuk po e komentoj. Nuk merrem me arbitrat. Aty ku jam unë nuk duket qartë, por ta krijojnë të tjerë. Nuk dua të krijoj alibi ekipit për të tilla gjëra”.

“Vijmë me një gjende psiko-fizike të mirë, por do theksoja se këto ditë jemi munduar të mbajmë skuadrën me këmbë në tokë. Nëse këto javë kemi bërë mirë, arsyeja qëndron te motivimi maksimal dhe bashkëpunimi mes lojtarëve për të arritur te rezultatet pozitive. Do të kërkojmë fitoren edhe ndaj Luftëtarit, duke e vlerësuar si duhet, sepse luan futboll mirë dhe renditja nuk ka vlerë. Është një kampionat ku diferencat janë shumë të vogla”.

MUNGESAT – “Kemi në pikëpyetje vetëm Pollozhanin, sepse ka pësuar një dëmtim në gju ndaj Kukësit, edhe pse është një dëmtim jo serioz. Ka punuar në mënyrë të diferencuar deri të hënën, të shohim. Pjesa tjetër e skuadrës është në dispozicion”.

SFIDA ME MEZANIN – “Për mua Mezani nuk është thjesht trajner vlonjat, por është trajner i mirë i futbollit shqiptar dhe e ka treguar me vepra. Do ta kem në konsideratë si koleg, duke e vlerësuar në maksimum. Flamurtari hyn në çdo ndeshje për të marrë trepikëshin. Shpresoj te një mbështetje e madhe e tifozerisë sonë|.

SHTYRJA E LAÇI-SKËNDERBEU – “E mendoja një blof mediatik dhe nuk është shtyrë. Më mirë, sepse kjo i shërben garës dhe duhet të ndihemi të barabartë”.

ELTON KALE – “Mungesë e rëndësishme, e konsideronim një nga sulmuesit që do i jepte ekipit një manovër tjetër në fazën sulmuese. Tani nuk e kemi, po punojmë me drejtuesit për një zgjidhje sa më të mirë, sepse do të jetë një blerje e re kur të luajë. Nuk është asgjë në dorën tonë, edhe pse po këmbëngulim që Kale të aktivizohet me lejen e federatës, në pritje të zgjidhjes nga FIFA”.

GJYKIMI – “Nën drejtimin tim i kemi ndarë pjesën e arbitrimit dhe pjesën e gabimeve tona. Nuk duhet të gjejmë alibi tek arbitri, kur gabojmë edhe vetë dhe luajmë keq. Nuk kemi thënë ndonjëherë që arbitri na ka mohuar rezultatin, por jemi ankuar vetëm për të lejuar një ritëm më të mirë loje dhe një menaxhim më të mirë të kartonëve dhënë ndaj nesh. Në analizën e së hënës më binte në sy fakti që Luftëtari është ekipi me më shumë kartonë, kur dihet që Luftëtari në fushë dallohet për Fair-Play”.

FUSHA DHE TIFOZËT –  “Besoj se gjendja e fushës është optimale, është investuar për ta kthyer në gjendje shumë të mirë dhe do të luhet futboll i bukur. Tifozët? Na duhet mbështetja e tyre, por sidomos kur nuk jemi mirë. Kemi akoma më shumë nevojë për tifozët kur kemi momente jo të mira”.

DEKLARATA E KOTOBELLIT – Për ndeshjen me Luftëtarin ka folur edhe mbrojtësi i majtë Blerim Kotobelli: “Ndeshje shumë e vështirë, por do futemi në fushë vetëm për fitore. Luftëtari ka ekip të mirë, pikën e vet më të fortë ka kundërsulmin, por është një 90-minutësh që duhet ta fitojmë”.

“E kemi dominuar kundërshtarin në pjesën më të madhe të lojës. Kemi pasur dhe situata të tjera për të shënuar, përveç golave. Në 15 minutat e fundit ka qenë iniciativa e kundërshtarit, pasi ne donim që të mbronim rezultatin. Është vazhdimësi e pjesës së parë me Teutën. Meritë e padiskutueshme është e lojtarëve. Terreni ishte i rënduar dhe duhej të sakrifikonim. Shkojmë një hap para nga ajo pjesë e parë e bërë me Teutën”.

“Në këto tre javë kemi marrë 7 pikë dhe kemi rikuperuar jo pak. Duhet që këtë lojë që bëmë sot ta vazhdojmë edhe në të ardhmen. Nuk mund të kënaqemi vetëm nga loja e mirë, pasi na duhet vazhdimësia”.

BUSHIÇ – “Pavarësisht se është shënuesi më i mirë i ekipit, ne nuk ia ndërpresim iniciativën dhe duam që Bushiç të bëjë dhe zgjedhje individuale. Është lojtar altruist, por do na duhet që dhe ai të shënojë e të godasë kur nuk ka pika pasimi”.

SKEMA – “Duhet të jenë disa alternativa. Kundërshtarët janë të ndryshëm dhe kërkesa nuk është njësoj si në shtëpi dhe jashtë. Do ta ruajmë si një skemë, që ta aplikojmë kur të na duhet. Të japim një shfaqje pozitive kur të na duhet”.

DEKLARATA PAS NDESHJES ME TEUTËN – “Nuk kam pasur gjë me Teutën, pasi nuk vodhi gjë dhe nuk kemi se çfarë të diskutojmë me të. Shumë kartonë në atë ndeshje kanë qenë të pamerituar. Gjyqtarët janë dorëlëshuar me kartonët, pasi ka raste kur mund të kalohet me një faull në mesfushë, si për ne dhe për kundërshtarët. Nuk kam pasur gjë me Teutën. I kemi rastet e kartonëve dhe mund t’ua tregojmë, por nuk i kemi për t’u justifikuar”.

VELIU – “Ka filluar të luajë mirë. Kemi nevojë për lojtarët me eksperiencë. Duhet t’i kërkojmë akoma dhe më shumë. Nëse do të vijojë kështu, do të jetë një forcë e shtuar për ekipin tonë”.

NDESHJA – “Kukësi ka bërë më mirë se ne deri në këto momente, por ne kemi një bonus: në ndeshjen direkte të fazës së parë kemi marrë fitore. Luajmë në transfertë, në një fushë asnjanëse, që do të thotë se të tre rezultatet janë brenda. Duhet të bëjmë atë lojë që zhvilluam në pjesën e parë ndaj Teutës”.

“Prania e tifozëve? Ndeshja me tifozë është gjithmonë më e mirë, edhe nëse ata mbështesin vetëm ekipin kundërshtar. Do të mendoj anën pozitive, prania e tifozëve është motivuese, qofshin këta kundërshtarë”.

VENDIMI I DISIPLINËS – “Nuk e di çfarë mund të ndodhë deri në momentin e ndeshjes. Ne kemi punuar gjatë gjithë javës me Bathën në formacion, por tani nuk e kemi, meqë e dënoi Disiplina. Do ta ndiejmë shumë mungesën e tij. Më mirë të presim orarin e ndeshjes për të parë se kë kemi në dispozicion. Nuk mund të merret vendim me pamjet filmike, sepse aty kanë qenë të gjithë arbitrat. Sepse i bie që edhe neve të na heqin tre kartonë të verdhë që i kemi marrë pa të drejtë. Nëse përdorim pamjet, Veliut i hiqet kartoni sepse nuk e ka prekur fare kundërshtarin. Nuk mund të merren vendime mbi vendimet e gjyqtarit”.

OBJEKTIVI – “Edhe pse presidenti e thotë gjithmonë, që objektivi është të kënaqim publikun vlonjat, synimi ynë është të luajmë në Europa League. Pra të renditemi të paktën në vendin e tretë ose të katërt”.

GJYKIMI – “Bëmë një pjesë të parë të shkëlqyer, nga më të mirat që kemi bërë këtë edicion. Nuk jam nga ata që merrem me këto situatat e arbitrave, por kur shoh 30 faulle dhe 20 kartonë në një pjesë… Nuk dua të merrem me këtë pjesë. Do analizojmë lojën pa futur këto elementë brenda. Faulli erdhi nga një ndërhyrje e Veliut dhe unë mendoj se nuk ka pasur fare kontakt. Mirë që nuk e dha penallti, por kontakt nuk ka fare, pasi kam pasur një plan shumë të qartë”.

“Lojtarët kishin frikë të ndërhynin, pasi gjyqtari i jepte faull. Diçka të tillë ma thënë lojtarët në fund. Unë marr përgjegjësitë e mia, por kur shoh që gjyqtarët po bëhen ekspertë, pasi duket sikur nuk ka bërë gjë, por nuk mbante të njëjtin standard. Disa specialistë, japin mend për situatat e ndryshme, janë nga ata që kanë drejtuar vetëm 2 ditë në jetën e tyre. I referohem dikujt që ka drejtuar vetëm 4 ndeshje në futbollin e të rriturve”.

BUSHIÇ E ALVESH – “Danilo Alvesh ka rritur kondicionin. Danilo, Torasa dhe disa të tjerë e kanë rritur kondicionin. Kanë ende për t’u rritur. Ndonjëherë edhe në mënyrë individuale mund të bësh gjëra të mira. Sinkronizimi me skuadrën mund të na ndihmojë akoma dhe më shumë. Bushiç sakrifikon shumë për skuadrën, edhe pse nuk po e gjen golin. Ndonjëherë duhet të fokusohemi te loja dhe nuk duhet të biem pre e presionit. Jetojmë në Shqipëri dhe duhet të kemi dhe nerva të forta”.

TENSIONI – “Bëmë një pjesë të parë mjaft të mirë. Nëse harxhon energji në 35 minuta, ke situata për gol, e mban kundërshtarin lart dhe ekipi kundërshtar afrohet me faulle stepesh. Përveç situatave të lojës duhet të shohësh se ku duhet ta kapësh kundërshtarin. Teuta ka shtatlartësi dhe këto faulle i japin entuziazëm. Mos ta gënjejë mendja asnjë lloj arbitri se mund të vijë të bëjë çfarë të dojë në Vlorë, apo dhe jashtë fushe sot kundër nesh. Nuk mund të lejoj që të dalë e të japë 20 kartonë të verdhë. Osmani 1.90, kurse Torasa 1.50, merr Torasa karton pranë një anësoreje. Edhe unë jam emocional. Kur të marr përgjegjësitë e mia di të reagoj dhe unë në një formë tjetër. Goli i Flamurtarit i rregullt? Ok po i kërkojmë falje gjyqtarit se e ka qarë lojën”.

KALE – “Kemi pasur jo pak mungesa. Vendimi i një përgjigje për Kalenë, nëse FSHF komisionet e tyre që e kanë për ta trajtuar këtë çështje duhet t’i japin leje deri në marrjen e vendimit të FIFA-s, nuk janë në gjendje ta bëjnë. Duhet të japë një zgjidhje, o te ne o te Kukësi. Nuk po i llogaris lojtarët që na kanë munguar. Kemi përgatitur ndeshjen me lojtarët që kemi pasur në dispozicion, për t’u dhënë të edhe lojtarëve të rinj besim, pasi edhe ata janë pjesë e rëndësishme e klubit”.

GOLI I TORASËS – “Nuk mund të flas për golin e Torasës, pasi nuk e gjykoj dot. Nëse ka pasur ndonjë shqetësim gjyqtari mund ta ndërpriste para se të shkonte në gol. Nuk dua që ta komentoj këtë rast. Do i bëj një nder gjyqtarit, të korrigjojë dhe veten. Është një arbitër goxha i mirë, por do i bëj një analizë dhe do e hedhim në faqen tonë të klubit, për të parë nëse ka vepruar me dy standarde apo jo, ose në të kundërt unë do i kërkoj falje publik.

FJALËT PËR HAMITIN – “Mos ta dini se çfarë i thash se kishte ndonjë fjalë jashtë etike, por jo banale. E ke menderosur i thashë”.

Me përfundimin e ndeshjes pati ofendime të shumta nga tifozët e vendosur në tribunën qendrore, ndërkohë që trajneri Ilir Daja u mundua t’i qetësonte ata. Ndeshja kishte përfunduar dhe ishte e kotë çdo gjë.

“Qetësoni, se do na dënojnë fushën”, ishin fjalët e Dajës drejtuar tifozëve. Tensioni ka qenë i madh me përfundimin e ndeshjes. Flamurtari vjet dhe këtë sezon ka qenë objekt i dënimeve të shpeshta të marra nga Komisioni i Disiplinës dhe mbetët për t’u parë se çfarë do të vendoset në mesjavë.

“Do të thosha që Tirana-Flamurtari ka qenë gjithmonë do të jetë një ndeshje e vështirë për t’u interpretuar në fushë. Edhe ndeshja e nesërme do të ketë të njëjtin drejtim. Kjo sepse ekipet edhe pse kanë cilësi brenda, kanë paraqitur oscilacione deri në këto javë. Besoj se do të jetë një ndeshje e luftuar në mesfushë dhe që do të vendoset nga episodet. Ekipi që do të ketë më shumë qëndrueshme mentale do të jetë më pranë fitores. Na duhet të kthehemi te tre pikët, për ta mbyllur këtë fazë me rezultat pozitive dhe për të qenë më afër objektivave që i kemi vënë vetes”.

Djaa e ka të qartë se kush do të fitojë nesër: “Dua t’i uroj Memës suksese pas kësaj jave. Nuk lejohet rezultat tjetër veç fitores, edhe pse ndeshja brenda i ka të tria rezultatet. Duhet të menaxhojmë anën psikologjike, që ankthi të jetë deri në nivelet maksimale. Nesër do kemi edhe mbështetjen e tifozëve. Duhet të shkojmë te fitorja, por kjo nuk do të jetë në çdo moment në kokën tonë, pasi ndryshe do prishnim gjithë përgatitjet që kemi bërë gjatë këtyre dy javëve”.

“Mungesat? Nuk dua ta prek këtë pjesë, pasi kemi që nga fillimi që nuk kemi qenë të plotë. Nuk jemi ankuar, edhe pse kemi luajtur me të rinj. Jemi mësuar me këtë fakt dhe nuk dua ta kemi si justifikim. Me kontingjentin që kemi në dispozicion them se do ta përballojmë ndeshjen.

VELIU – “Është një ndeshje specifike, pasi përballë kemi Tiranën edhe pse vijnë nga një moment jo i mirë. Kanë kaluar një moment të vështirë edhe vitin e kaluar, por mbeten një ekip me traditë, i fortë dhe për t’u marrë seriozisht. Ende nuk është vendosur se kush luan. Është ndeshje që do të jetë në fokus, i bëj thirrje tifozëve të na mbështesin. Shpresojmë të mos i zhgënjejmë”.

Më pas ka ndërhyrë vetë Daja, i cili ka konfirmuar praninë e Veliut në formacion. “Lojtarët, në gjithë ekipet që kam drejtuar, e dinë se kush do jenë titullarët. Nuk e di pse Franci e ka në dyshim këtë. Shpresojmë të mos na dëmtohet sot pasdite, pasi kjo do ishte arsyeja e vetme që mos ta nisë si titullar”.

MUSTA – Ndaj Tiranës, i gatshëm për lojë është edhe Musta. “Unë kam tre kartonë dhe nuk e di se çfarë është shkruar nëpër media. Kam folur me klubin dhe rezulton se jam me tre kartonë dhe jo me katër. Do jem gati për këtë sfidë. Është ndeshje e fortë me Tiranën, janë një ekip me traditë. Por edhe ne jemi Flamurtari, një ekip i madh. Në fushën tonë hyjmë për fitore”, është shprehur lojtari i linjës së majtë.

NDESHJA – “Fusha ndikoi, sepse nuk e kam pare fushën e Laçit ne këtë ndeshje. Më bën përshtypje fakti që reagojmë pasi pësojmë. Duhet mbështetje më e fuqishme në zonën e golit. I pamë këto, por pas pësimit të golit. Ishte një lojë e luftuar në mesin e fushës dhe u ndëshkuam nga një gabim në goditje standarte.”

PRETENDIMI PËR PENALLTI – “Të them të drejtën nuk fola në ndeshjen me Partizanin për vendimet e arbitrit, por se nuk ka shumë lojë efektive. Nuk kam qejf t’i krijoj alibi lojtarëve të mi. Ishte një ambient i qetë në Laç dhe luajtëm në kushte normale. Ky është futbolli. Do të shohim përpara për të korrigjuar gabimet që kemi bërë deri më tani.”

NDËSHKOHENI LEHTË NË GODITJET STANDARTE. DËMTIME APO PËRQENDRIM JO I DUHUR? – “E dyta është më evidente. Nëse nuk je i përqendruar dhe të fitosh dyluftimet është. Punojmë çdo javë në stërvitje, por ky është futbolli. Dënohesh aty ku merr masa për një humbje përqendrimi.”

QENDRA E MBROJTJES DHE SULMI – “Deliaj dhe Pollozhani po “sakrifikojnë”, sepse nuk janë tipikë qendërmbrojtës, por na janë dëmtuar dy qendrat. Pollozhani e ka bërë detyrën, por do na shërbente më shumë në mesfushë. Bushiç do ndryshojë mënyrën e lojës. Do kërkojmë thellësi më shumë si nga Bushiç dhe nga Alvesh, i cili ka ardhur në formën e duhur fizike.”

ECURIA – “Nuk jemi aty ku duhet me këto dy humbje, por duhet të mendojmë pak më gjerë, pasi kemi pasur 3 transferta në 5 javët e para dhe kemi luajtur me skuadra që i kanë filluar përgatitjet shumë herët nga ne, kjo për faktin se kanë qenë pjesëmarrës në Kupat e Europës. Kemi bërë mirë në drejtim të disa gjërave dhe nuk kemi bërë mirë në drejtim të performancës. Çdo gjë e mirë dhe çdo gjë e bukur ka koston e vet. Ndoshta mund të ishim më mirë, por nuk po nisemi nga koha.”

EKIPI – “Kemi një ekip që është ndërtuar nga fillimi dhe kërkon të bëjë tjetër lojë. Nga afrimet e verës, veç Bathës që është përshtatur mjaft mirë me grupin, të tjerët, si Alla, Torasa, Alvesh, i cili është me grip,  por dhe mungesa e Kalesë kanë bërë që manovra jonë sulmuese të mos jetë ajo e duhura në këtë fillim kampionati.”

APELI PËR TIFOZËT – “Do i bëja apel tifozëve që të na mbështesin dhe të vuajnë bashkë me ne, pasi siç i kemi pasur në mbështetje.”

GARDA E VJETËR – “Lojtarët e viteve 80-të na kanë mbështetur si mua dhe ekipin. Ata e dinë mirë se një gjë e mirë dhe një kohë e bukur, do kohën e vet dhe ka koston e vet.”

MUNGESAT – “Jemi mësuar me mungesat. Disa lojtarë të rinj janë bërë pjesë e formacionit, duke nisur nga Hyseni, Deliaj, Beqja etj. Edhe lojtarët e tjerë të rinj që luajtën në Kupë bënë mjaft mirë. Do na mungojë Alla kundër Kastrioti. Alvesh është bashkuar me grupin, por nuk do ta nisë nga fillimi. Pjesa tjetër është e gatshme për këtë ndeshje.”

“Nuk duhet t’i dramatizojmë gjërat. Nuk jemi paraqitur mirë në pjesën e parë, por edhe si pasojë e fillimit të mirë të Partizanit. Të gjitha rastet e kundërshtarëve, ishin pas topave tanë të humbur. Kishim shumë tension dhe manovra ende nuk është e konsoliduar. Kemi patur edhe probleme me gjendjen jo të mirë të Torasës, Alvesh ka ardhur me vonesë, mungesa e Allës. Kemi patur tre lojtarë, njëri 17 vjeç dhe njëri 19, Deliaj, që nuk e kanë eksperiencën për përballje të këtij niveli”.

“Provuam të reagonim në pjesën e dytë. Kemi shfaqur dy fytyra sot, si pasojë e stresit psikologjik. Në pjesën e dytë e mbajtëm kundërshtarin në gjysmëfushën e tyre. Këtu kam një problem me arbitrat, që kanë dhënë shumë faulla dhe kemi shumë lojë jo-efektive. Kjo duhet të ndryshojë te arbitrimi”.

“Lëvizjet nuk janë bërë të pamendura. Donim ti jepnim më shumë thellësi veprimeve sulmuese. Beqaj ka luajtur si titullar në tre-katër ndeshje dhe mendoj se ka potencial fizik, pavarësisht se sot kishte një rival si Trashi me shumë eksperiencë. Janë lojtarë që me më tepër eksperiencë do ti shërbejnë shumë ekipit, si titullarë apo për të shtuar rivalitetin brenda grupit”.

“Gabimet në mbrojtje? Edhe pse ka shumë bagazh, Pollozhani nuk është në pozicionin e tij natyral si qendërmbrojtës. Kristi ka ardhur në fundin e merkatos dhe ka ende probleme me përshtatjen. Mungesa e Allës është një tjetër problem. Kemi çaluar në mbrojtje në këto dy ndeshje, por këtu e vendos theksin te ana psikologjike, sepse kanë qenë disa topa rresht të humbura nga mbrojtja jonë, duke i dhënë entuziazëm kundërshtarit. Kështu ndodhi në golin e parë të pësuar. Gjithsesi, nuk duhet ta shohim gotën gjysmë-bosh. Do të përmirësojmë gjërat që duhet të përmirësojmë dhe të kthejmë besimin, si individual të lojtarëve dhe për manovrën gjatë gjithë ndeshjes. Pavarësisht dy humbjeve në këto dy javë, nuk ka ndodhur asgjë, duhet të shohim përpara. Duhet të besojmë të gjithë bashkë dhe që tifozët të na mbështesin në mënyrë që të vazhdojmë të rritemi”.

Alvesh pozicioni i ri si Muzaka? Jo, Danilo nuk luan në zona të vogla, por donim që edhe Bushiç të kishte mbështetje nga më pranë, diçka që ka ndodhur në javët e kaluara: Në fazën e sulmit ishim 4-3-3. Duke qenë se kishim dy lojtarë në krah, si Beqaj e Torasa, menduam që me Bushiç dhe Alvesh afër të ushtronim forcë që ata të shkonin sa më shpejt në portën kundërshtare. Nuk e realizuam dot në pjesën e parë, por në pjesën e dytë”.

“Tensioni i Torasës? Nuk kam asnjë koment… Nuk e kam parë. Nuk e besoj e ka patur reagimin me ndërrimin, por me gjendjen shëndetësore dhe me kaviljen”.

“Kontestime te faulli i golit të dytë? Nuk më intereson se çfarë dha arbitri, faulle apo korne, sepse gjykimi mu duk i drejtë. Por, ajo që tentova të përcillja është se nuk ka lojë. Nuk kam patur tension për faullin, por sepse kërkonim të kishte minutazh loje. Jo të ketë çdo dy minuta shtrirje të lojtarëve. Në këtë sens arbitrat duhet të dinë të menaxhojnë, kur duhet të ndërhyjnë mjekët, apo kur duhet të vazhdohet të luhet futboll”.

GJENDJA POST-SKËNDERBEU “Tashmë e kemi lënë mbrapa me Skënderbeun, megjithëse nuk është se bëmë gjithçka gabim në atë ndeshje pasi deri në minutën e 75-të kundërshtari nuk erdhi asnjëherë në portën tonë, por edhe nuk treguam gjë në fazën sulmuese, gjithsesi ky mbetet një kapitull i mbyllur. Kampionati ka vetëm katër javë që ka filluar dhe jemi në një pozitë të mirë me shtatë pikë.

TONE TË LARTA NË ANALIZËN E NDESHJES ? “Nuk ka pasur tone të larta pas ndeshjes me Skënderbeut. Analiza e ndeshjes ka qenë e detajuar dhe me tonë të zbutura, pasi ishim shumë të qetë se sa në përfundim të takimit. Ishte një ndeshje që na kishte vënë në presion të madhe, pasi po na mbështeste një numër i madh tifozësh, u them që momentet e mira dhe të këqija duhet t’i kalojmë bashk. U bëj thirrje tifozëve të na mbështesin në çdo ndeshje, pasi duhet të jemi me 12 lojtarë në fushë dhe jo vetëm 11”

MUNGESA – “Në ndeshjen ndaj Skënderbeut na mungoi Alla dhe Kale, që e presim nga momenti në moment, ndërsa Torasa dhe Alvesh kishin vetëm pak ditë që i ishin stërvitur me grupin. Por, nuk duhet ta përdorim si justifikim këtë, pasi kampionati është i gjatë dhe këto janë gjëra të zakonshme. Ndaj Partizanit Alla dhe Hyseni nuk do të jenë të gatshëm, por nuk besoj se do të jetë problem, pasi kemi lojtarë të aftë për t’i zëvendësuar ata.

“NUK I MËSOJ DOT PASIN LOJTARËVE” – “Kjo frazë e imja është përdorur shumë në medie. Nuk e kam pasur fjalën thjesht për “pasin” si element teknik, pasi ata janë lojtarë të ekipit të parë dhe dinte të pasojnë. Gjithçka ka qenë në aspektin psikologjik, lojtarët duhet të kenë më shumë besim të aftësitë e tyre, pasi nuk u mungojnë cilësitë.

I KËNAQUR ME BARAZIM  ?– “Asnjëherë nuk kënaqem me barazim. Në mendësinë tim ashtu dhe të qytetit e ekipit në çdo ndeshje do të shkojmë për të marrë tri pikët pavarësisht kundërshtarit”.

ANALIZA E NDESHJES – “Për të bërë analizën ka shumë pak gjëra. Natyrshëm, që përveç 15 minutave të fundit kur kundërshtari mori lojën në dorë, ndeshja ishte e ekuilibruar. Ajo që nuk shkoi sot, pa dashur t’u a përcjell lojtarëve të mi. Trajneri merr përsipër gabimet. Nuk mundet që t’i mësoj lojtarëve të marrin dhe të pasojnë topin. Gjuha e futbollit është marrja dhe pasimi”.

“Duhet të përmirësojmë anën psikologjike. Edhe në Gjirokastër e mbaruam pjesën e parë 1-0 dhe u munduam të menaxhojmë ndryshe nga ajo që përgatisim në stërvitje”.

ZHGËNJIMI TE GOLI I PARË – “E kisha me një individ të veçantë, edhe pse nuk dua ta them emrin. Një lojtar, që është me eksperiencë që është këtu në Vlorë, të ndryshojë vendoje. Nuk duhet të ja lëmë rastësisë, pasi kemi punuar në stërvitje. Nuk mundet asnjëri, kushdo qoftë ky që të dalë mbi disiplinën taktike, çka solli dhe atë moment që u ndëshkuam”.

“Ne duhet të përmirësohemi dhe të kthejmë besimin tek lojtarët. Brenda këtij grupi ka cilësi. Ky është një refleksion edhe nga viti i kaluar, kur në përballjet me Skënderbeun, Flamurtari ka pasur një bilanc negativ. Ramë në presion, por jo në presion të asaj që na vuri në vështirësi kundërshtari. E pamë se disa lojtarë që kanë shumë eksperiencë në Superiore kishin mangësi në gjërat më të thjeshta. Duhet të përmirësohemi në anën psikologjike”.

MUNGESA E ALLËS – “Nuk kam qejf që të luhet me topa të gjatë dhe pa mbështetjen e pjesës tjetër të ekipit.  Mungesa e Allës është e rëndësishme, por duhet shtuar që Torasa nuk ka gjendjen e tij më të mirë fizike dhe Alvesh ende vepron si një individ i shkëputur, pasi akoma nuk është përshtatur. Çdo gjë varet nga ana psikologjike. Një lojtarë si Pollozhani vepron nën presion në një hapësirë të madhe dhe do të thotë që këtu ka diçka që nuk shkon”.

“Doja të sakrifikoja në momentet e fundit, por Pollozhani kërkoi ndryshim të detyruar, si me Hysenin. Më pas ndryshuam dhe në manovër, ajo që është punuar në stërvitje, ka qenë tjetër nga ajo që lojtarët nën drejtimin tim shfaqën në këtë ndeshje”.

Skënderbeu e Flamurtari kanë grumbulluar nga 7 pikë në tre ndeshjet e para, gjë që komentohet nga ana e Dajës kështu: “Kemi bërë dy transfertë, ndryshe nga Skënderbeu që ka luajtur në shtëpi. Vijnë si favoritë, për shkak se janë kampionët në fuqi, si dhe kanë një ekip të konsoliduar. Edhe të rinjtë kanë qenë pjesë e ekipit vjet, përveç Bregut. Ai është një sulmues anësor që mund të integrohet më shpejt, sesa një tjetër më cilësor”.

“Nuk e them këtë për nga cilësia që zotëron ekipi i Skënderbeut, por nga mendësia që ka si një ekip që vijon rrugëtimin prej kohësh. Nuk na justifikon asgjë, e vlerësojmë për të gjithë këto elementë. Do respektojmë veten më shumë, pasi kemi edhe një plus të madh që është mbështetja e tifozëve. Jemi një grup i ri, por dëshira për të fituar do jetë në nivele maksimale. Sigurisht pa humbur logjikën e lojës”, deklaroi Daja.

Është vetëm java e katërt e kampionatit dhe i pyetur nëse do kishte dashur që të përballej me Skënderbeun në një moment tjetër, trajneri i Flamurtarit deklaroi: “Nëse do ishte më vonë, ndoshta do kishim më shumë elementë në dispozicion. Nesër nuk kemi Allën që është i dëmtuar. Alvesh ka pak ditë me grupin dhe do kohë të përshtatet. Grupi ka lojtarë me eksperiencë, që kanë mentalitet fituesi. Nëse nesër veprojmë në grup, me dëshirë dhe mbështetjen e tifozëve, besojmë se do të bëjmë diçka të mirë”.

Në fund nuk mund të mos komentohet edhe fakti që Daja e njeh Skënderbeun: “Lojtarët njohin një pjesë timen si trajner, sikurse njoh edhe unë karakteristikat e tyre individuale. Sikurse dihet deri para pak muajsh kemi punuar së bashku. E di që është ndeshje e vështirë, pasi po t’i referohemi kampionatit të kaluar ata kanë një mendësi më pozitive për shkak të përballjeve direkte me ne. Por jemi të motivuar për t’i ndryshuar gjërat dhe kjo është shumë e rëndësishme. E thashë, kemi lojtarë me eksperiencë dhe dëshirojmë të vijojmë me të njëjtën ecuri, duke fituar nesër”.