Gjithashtu ai vlerëson edhe faktin që verilindorët e kanë kërkuar më parë, ndërkohë që flet edhe në lidhje me konkurrencën me portierin tjetër, Stivi Frashëri. Të duan të jenë numri “një” dhe në fund do të jetë stafi teknik ai që do të vendosë.

“Vendosa të bëj një hap më lart, të vij në një ekip më konkurrues dhe të shoh veten. Ata u interesuann që herët, edhe në verë. Tani erdhi firma në kontratë. Pata oferta të tjera, por doja ta provoja veten te Kukësi. Konkurrenca i bën mirë secilit, do jetë mirë për të dy dhe për ekipin”, ka deklaruar portieri Avdyli.

Musta ishte protagonist në humbjen që Kukësi mori nga vlonjatët, teksa shënoi një gol mjaft të bukur në “Elbasan Arena”. Tashmë “xholi” do të jetë pjesë e verilindorëve dhe trajneri Gjoka do të ketë një dispozicion një lojtar që mund të përshtatet në disa role.

NJOFTIMI – “F.K. Kukësi njofton arritjen e marrëveshjeve me futbollistët Ilir Avdyli dhe Emiljano Musta. Dy futbollistët kanë firmosur me klubin tonë kontratë 1 vjeçare. Portieri Avdyli vjen nga skuadra e Kamzës ndërsa mesfushori Musta nga ajo e Flamurtarit. Dy lojtarët janë afrimet e para të skuadrës sonë, ndërkohë që prezantimi i tyre do të bëhet shumë shpejt në ambientet e klubit tonë. Faleminderit!”, njofton klubi i Kukësit.

Verën e shkuar Kukësi i bëri një ofertë Mustës, i cili u paraqit në zyrat e klubit verilindor dhe në fund vendosi të mos nënshkruajë. Këtë herë vullneti është i përbashkët për të bashkëpunuar dhe futbollisti nga Elbasani pritet të firmosë dhe të prezantohet si afrimi i parë i Kukësit.

Drejtuesit e klubit verilindor prej kohësh janë hedhur në kërkon të një portieri, pasi Maurice Gomis me përfundimin e kampionatit do të kthehej te Spal. Kështu ka ndodhur dhe Supersport raporton se Ilir Avdyli ka arritur akordin me Kukësin dhe pritet të nënshkruajë. Ish-portieri i Kamzës njihet mirë edhe nga trajneri Gjoka, që e ka pasur nën urdhra te skuadra periferike e kryeqytetit.

UILLIAM KORDEIRO – Braziliani pritet që të mos firmosë një kontratë të re me Kukësin, por fillimisht do të duhet të zgjidhë çështjen e dokumentacionit dhe të marrë atë që i takon nga klubi verilindor. Palët e kanë ndarë mendjen për të vijuar në kahe të kundërta dhe Uilliam normalisht ka oferta.

Klubi i Partizanit është në tratativa për ta afruar brazilianin, i cili në vendin e tij është aktivizuar si mbrojtës i djathtë. Me Kukësin ai u pa të luante më shumë si sulmuesi i majtë. Të kuqtë e pëlqejnë anësorin, që në Superiore ka spikatur me paraqitjet e tij.

Kapiteni Sebino Plaku pranon problemet, teksa për “Supersport” shprehet: “Vetë situata është e ngarkuar. Është në vazhdën e ngjarjeve. Kemi pretenduar që kemi bashkëpunim me bashkinë dhe presidentin Qarri. Kemi dëgjuar që kryetari i Bashkisë nuk dëshiron të bashkëpunojë. Kjo situatë u reflektua edhe në ndeshjen me Partizanin”.

“Unë jam kapiten dhe në shumë raste më duhet të bëj edhe ndërmjetësin. Kemi marrë një premtim nga presidenti Qarri. Do të vazhdojmë dhe do të harrojmë gjithçka,  të japim maksimumin. Një gol në fushën kundërshtare mund të na ndihmojë që të kualifikohemi.

Për atë që po ndodh te Kamza ka folur edhe portieri Ilir Avdyli: “Situata jonë është e vështirë, jemi të rënduar psikologjikisht. Kemi marrë garanci nga presidenti që financat do të shlyhen në ditët në vazhdim. Do të jap maksimumin siç kam bërë deri tani. Shpresoj që ta kalojmë këtë tur, na mjafton një gol. Mund të rezultojë kthesa e sezonit”.

Ndërkohë kalimin e mbrojtësi Olsi Teqja te Kukësi ka menduar ta zyrtarizojë portieri Ilir Avdyli. Ai ka postuar një foto në rrjetet sociale, teksa shkruan: “Fat të mirë bishë”. Portieri ka qenë shok skuadre me Olsin te Tirana, Shkëndija dhe tani te Kamza.

Emra si Erlis Frashëri dhe Hektor Idrizaj janë lakuar në media si opsione për ekipe të tjera në Superiore, ndërkohë që drejtuesit e Kamzës bëjnë thirrje që kushdo do lojtarët e tyre duhet të paraqesë ofertën dhe të bisedojë me ta.

“Zyrtare. Ilir Avdyli rinovon kontratën me skuadrën tonë. Ndërkohë që i bëjmë thirrje mediave dhe klubeve të tjera se të gjithë lojtarët e tjerë që lakohen në media janë në kontratë me klubin tonë. Kamza nuk është një supermarket i hapur për të gjithë. Për çdo interesim do t’ju luteshim që sipas rregullave të ‘trokasin’ në dyert tona. KF Kamza”.

https://www.facebook.com/KamzaOfficalPage/photos/a.543695739131805/1168296916671681/?type=3&theater

“Rexhinaldo është një nga lojtarët më cilësorë, është i qetë para portës dhe duhet të kemi kujdes. Me mbështetjen e lojtarëve do mundohemi ta bllokojmë”, tha “gardiani” në intervistën e dhënë për “SuperSport”.

Ardhja e trajnerit Klodian Duro e ka ndryshuar mentalitetin e skuadrës, që luan për të marrë maksimumin, pavarësisht emrit të rivalit. Avdyli tha: “Kukësi ka shumë cilësi, për ne është ndeshje e radhës. Do japim maksimumin, në mënyrë që të mos kemi pengje në fund. Me ardhjen e Duros ne mendojmë vetëm për fitore”.

Në fund, portieri nga 28-vjeçar foli edhe për rivalitetin pozitiv, që ka nisur te Kamza. “Ndërrimi i trajnerit sjell pozitivitet, lojtarët kërkojnë të tregojnë vlerat e tyre. E gjitha kjo për të siguruar një vend në skuadër”.

“Te Kamza erdha në janar, bëra fazën dhe më pas u futa në ndeshje. Kisha kohë pa luajtur me Shkëndijën. Tani e kam marrë veten, sidomos në dy ndeshjet e fundit që kam mbajtur portën e paprekur. Kamza është trampolinë e mirë, por me rëndësi është që të qëndrojmë në Superiore. Kam kontratë deri në janar, me rëndësi klubi, që të realizojë objektivin. Për të ardhmen të shohim”.

“Kampionatin shqiptar e ndjek prej vitesh, kam qenë pjesë e Tiranës, i njoh lojtarët e Superiores dhe nuk e kisha problem të luaja ndaj Sukajt dhe Likës, ndaj të cilëve duhet të jesh i kujdesshëm, pasi kanë goditje të mirë”, tha Avdyli në emisionin “Gol pas Goli” në Supersport.