Sfida nisi keq për vendasit, teksa kur kishin kaluar tre minuta lojë, Muriel përfitoi nga gabimi i De Run dhe pasi shmangu Gjimshitin shënoi golin e parë të ndeshjes.

Gjithsesi, ekipi nga Bergamo arriti të reagonte në minutën e 28-të me anë të Josip Iliçiç duke vënë baraspeshën. Slloveni përfitoi nga përgjumja e Fiorentinës në mbrojtje duke nisur me shpejtësi një goditje dënimi dhe me një goditje me të djathtën mposhti Lafont.

Gjashtë minuta më vonë ishte përsëri Atalanta, e cila përmbysi gjithçka. Një aksion individual i Alehandro Gomez u finalizua në mënyrë perfekte nga po vetë argjentinasi, duke çuar shifrat në 2-1.

Në pjesën e dytë, Atalanta nuk e uli presionin dhe në minutën e 58-të shënoi dhe golin e qetësisë me autori Robin Gusens, i cili përfitoi nga një krosim i Kastanjes për të çuar topin në rrjetë me kokë. Deri në fund, Atalanta administroi mirë avantazhin, duke mbyllur gjithçka në 3-1.

Dy gola të shënuar brenda tre minutave, me autorë Alehandro Gomez dhe Mario Pashaliç. Goli i parë u shënua në minutën e 16-të dhe aksioni është i gjithi për t’u shijuar, me Atalantën që dhuron spektakël në Firence.

Vetëm dy minuta pas golit të parë, ishte Pashaliç, i cili i asistuar nga Josip Iliçiç shty topin në rrjetë për herë të dytë. Nisja duket në malore për Fioretinën, e cila do ta ketë mjaft të vështirë për të reaguar.